पंतप्रधान नरेंद्र मोदी यांच्या हस्ते 6 जुलै रोजी संध्याकाळी साडे चार वाजता दूरदृश्य प्रणालीच्या माध्यमातून अग्रदूत वृत्तपत्र समूहाच्या सुवर्ण महोत्सवी सोहळ्याचे उद्घाटन होणार आहे. अग्रदूत सुवर्ण महोत्सव सोहळा समितीचे प्रमुख आणि आसामचे मुख्यमंत्री डॉ. हिमंत बिस्वा सरमा यांची या कार्यक्रमाला उपस्थिती असणार आहे.
अग्रदूत हे आसामी द्वि-साप्ताहिक म्हणून सुरू झाले. आसामचे ज्येष्ठ पत्रकार कनक सेन डेका यांनी याची स्थापना केली. 1995 मध्ये अग्रदूत हे दैनिक वृत्तपत्र सुरु झाले आणि अल्पावधीतच त्याने आसामचा विश्वासार्ह आणि प्रभावी आवाज म्हणून ख्याती मिळवली.
