पंतप्रधान नरेंद्र मोदी यांनी 10 सप्टेंबर 2023 रोजी दिल्लीत जी 20 शिखर परिषदेच्या निमित्ताने कोमोरोसचे राष्ट्रपती अझाली असौमानी यांची भेट घेतली.
आफ्रिकन संघाला जी 20 चा कायमस्वरूपी सदस्य बनवण्यासाठी घेतलेल्या पुढाकाराबद्दल आणि प्रयत्नांबद्दल राष्ट्रपती असौमानी यांनी पंतप्रधानांचे आभार मानले. भारताची भूमिका आणि आफ्रिकेशी असलेले संबंध लक्षात घेता भारताच्या जी 20 अध्यक्षपदाच्या काळात हे घडले याबद्दल त्यांनी विशेष आनंद व्यक्त केला. यामुळे भारत-कोमोरोस संबंधांनाही चालना मिळेल असे त्यांनी नमूद केले. भारताच्या जी 20 अध्यक्षतेच्या यशाबद्दल त्यांनी पंतप्रधानांचे अभिनंदन केले.
जी 20 मध्ये सामील झाल्याबद्दल आफ्रिकन संघ आणि कोमोरोसचे पंतप्रधानांनी अभिनंदन केले आणि ग्लोबल साऊथचा आवाज पोहचवण्यासाठी भारताकडून केले जात असलेले प्रयत्न अधोरेखित केले आणि जानेवारी 2023 मध्ये भारताने आयोजित केलेल्या व्हॉइस ऑफ ग्लोबल शिखर परिषदेची आठवण करून दिली.
दोन्ही नेत्यांना त्यांच्या द्विपक्षीय भागीदारीबाबत चर्चा करण्याचीही संधी मिळाली. त्यांनी सध्या सुरू असलेल्या अनेक उपक्रमांबाबत समाधान व्यक्त केले आणि सागरी सुरक्षा, क्षमता निर्मिती आणि विकास भागीदारी यासारख्या क्षेत्रातील सहकार्याच्या संधींवर चर्चा केली.
Had a very fruitful meeting with @PR_AZALI. Congratulated him once again on @_AfricanUnion joining the G20 family. Comoros is vital to India’s SAGAR Vision. Our deliberations included ways to enhance cooperation in areas like shipping, trade and more. pic.twitter.com/Zd4Nbm7YvZ
— Narendra Modi (@narendramodi) September 10, 2023
