हांगझोऊ येथे सुरू असलेल्या दिव्यांगांच्या आशियाई क्रीडा स्पर्धेत आज भारतीय खेळाडूंनी 100 वे पदक जिंकल्याबद्दल पंतप्रधान नरेंद्र मोदी यांनी आनंद व्यक्त केला आहे.
या ऐतिहासिक कामगिरीसाठी त्यांनी खेळाडू, प्रशिक्षक आणि त्यांना मदत करणाऱ्या चमूचे कौतुक केले.
पंतप्रधानांनी X वर पोस्ट केले:
"दिव्यांगांच्या आशियाई क्रीडा स्पर्धेत 100 पदके! हा एक अतुलनीय आनंदाचा क्षण आहे. हे यश आपल्या खेळाडूंच्या अतुलनीय पराक्रम, कठोर परिश्रम आणि दृढनिश्चयाचे फळ आहे.
या ऐतिहासिक कामगिरीमुळे आमचे हृदय अभिमानाने भरून आले आहे. मी, आपले प्रतिभावान खेळाडू, प्रशिक्षक आणि त्यांच्यासोबत काम करणार्‍या संपूर्ण चमूचे मनापासून कौतुक करतो आणि त्यांच्या विषयी कृतज्ञता व्यक्त करतो.
ही ऐतिहासिक कामगिरी आपल्याला सदैव प्रेरणा देत राहील. या खेळाडूंची कामगिरी आपल्याला नेहमी स्मरण करून देत राहील की, आपल्या तरुणांसाठी कोणतीही गोष्ट अशक्यप्राय नाही."
100 MEDALS at the Asian Para Games! A moment of unparalleled joy. This success is a result of the sheer talent, hard work, and determination of our athletes.
— Narendra Modi (@narendramodi) October 28, 2023
This remarkable milestone fills our hearts with immense pride. I extend my deepest appreciation and gratitude to our… pic.twitter.com/UYQD0F9veM
