विक्रम-एस अर्थात विक्रम सबऑर्बिटल या स्कायरूट एरोस्पेस या कंपनीने विकसित केलेल्या भारताच्या पहिल्या खासगी रॉकेटच्या यशस्वी प्रक्षेपणाबद्दल पंतप्रधान नरेंद्र मोदी यांनी इस्रो अर्थात भारतीय अवकाश संशोधन संघटना तसेच इन-स्पेस अर्थात भारतीय राष्ट्रीय अवकाश कार्यक्रम प्रोत्साहन आणि अधिकृतता केंद्र या संस्थांचे अभिनंदन केले आहे.
ट्विट संदेशांच्या मालिकेत पंतप्रधान म्हणाले;
“स्कायरूट एरोस्पेसने विकसित केलेल्या विक्रम-एस या रॉकेटने आज श्रीहरीकोटा येथून उड्डाण केले, भारतासाठी हा अत्यंत ऐतिहासिक क्षण! भारताच्या खासगी अवकाश क्षेत्राच्या प्रवासातील हा अत्यंत महत्त्वाचा टप्पा आहे. या कामगिरीसाठी सक्षम केल्याबद्दल @isro आणि @INSPACeIND यांचे अभिनंदन.”
“ही सफलता म्हणजे जून 2020 मध्ये देशाच्या अवकाश क्षेत्रात झालेल्या महत्त्वाच्या सुधारणांचा पुरेपूर फायदा करून घेणाऱ्या आपल्या युवा वर्गाच्या अमर्याद प्रतिभेचा पुरावा आहे.”
A historic moment for India as the rocket Vikram-S, developed by Skyroot Aerospace, took off from Sriharikota today! It is an important milestone in the journey of India’s private space industry. Congrats to @isro & @INSPACeIND for enabling this feat. pic.twitter.com/IqQ8D5Ydh4
— Narendra Modi (@narendramodi) November 18, 2022
