पंतप्रधान नरेंद्र मोदी यांनी आज (9 सप्टेंबर 2023) जपानचे पंतप्रधान फुमिओ कीशिदा यांच्या सोबत द्विपक्षीय बैठक घेतली. नवी दिल्लीत सुरू असलेल्या जी-20 शिखर परिषदेच्या दरम्यान ही द्विपक्षीय बैठक झाली.
यावेळी दोन्ही नेत्यांनी, भारत आणि जपान या दोन्ही देशांमधील गेल्या वर्षभरातील अनुक्रमे जी-20 आणि जी-7 च्या अध्यक्षीय कारकीर्दीतील विधायक संवादाची, विशेषत: ग्लोबल साऊथ च्या चिंता आणि आकांक्षाना मुख्य प्रवाहात आणण्याच्या प्रयत्नांची दखल घेतली.
दोन्ही नेत्यांमधे भारत-जपान द्विपक्षीय भागीदारीचे विविध पैलू, ज्यात पायाभूत सुविधा विकास, तंत्रज्ञानविषयक सहकार्य, गुंतवणूक आणि ऊर्जा अशा विषयांवर चर्चा झाली.
भारत जपान यांच्यातील विशेष राजनैतिक आणि जागतिक भागीदारी अधिकाधिक दृढ करण्याच्या त्यांच्या कटिबद्धतेचा दोन्ही नेत्यांनी पुनरुच्चार केला.
Held productive talks with PM @kishida230. We took stock of India-Japan bilateral ties and the ground covered during India's G20 Presidency and Japan's G7 Presidency. We are eager to enhance cooperation in connectivity, commerce and other sectors. pic.twitter.com/kSiGi4CBrj
— Narendra Modi (@narendramodi) September 9, 2023
