पंतप्रधान नरेंद्र मोदी 19 मे 2022 रोजी सकाळी 10:30 वाजता करेलीबाग, वडोदरा येथे आयोजित करण्यात आलेल्या 'युवा शिबिर'ला व्हिडिओ कॉन्फरन्सिंगद्वारे संबोधित करतील. श्री स्वामीनारायण मंदिर, कुंडलधाम आणि श्री स्वामीनारायण मंदिर करेलीबाग, वडोदरा हे या शिबिराचे आयोजन करत आहेत.
अधिकाधिक तरुणांना समाजसेवेत आणि राष्ट्रउभारणीत सहभागी करून घेण्याच्या उद्देशाने या शिबिराचे आयोजन करण्यात आले आहे. एक भारत श्रेष्ठ भारत, आत्मनिर्भर भारत, स्वच्छ भारत इत्यादी उपक्रमांद्वारे नवीन भारताच्या उभारणीसाठी तरुणांना भागीदार बनवण्याचाही उद्देश या शिबिराच्या आयोजनामागे आहे.
