पंतप्रधान नरेंद्र मोदी 13 मार्च 2024 रोजी वंचित घटकांना कर्ज सहाय्य देण्यासाठी आयोजित देशव्यापी संपर्क कार्यक्रमात सहभागी होणार
March 12th, 06:43 pm
पंतप्रधान नरेंद्र मोदी 13 मार्च 2024 रोजी दुपारी 4 वाजता वंचित घटकांना कर्ज सहाय्य देण्याच्या उद्देशाने आयोजित देशव्यापी संपर्क कार्यक्रमात दूरदृश्य प्रणाली द्वारे सहभागी होतील. पंतप्रधान पीएम-सूरज, अर्थात राष्ट्रीय सामाजिक उत्थान आणि रोजगार आधारित जनकल्याण (PM-SURAJ) पोर्टलचा शुभारंभ करतील आणि देशातील वंचित गटातील एक लाख उद्योजकांना कर्ज सहाय्य मंजूर करतील. याशिवाय, अनुसूचित जाती, मागासवर्गीय आणि स्वच्छता सेवकांसह वंचित गटांतील विविध सरकारी योजनांच्या लाभार्थ्यांशी पंतप्रधान संवाद साधतील. यावेळी ते उपस्थितांना संबोधित करतील.