इजिप्तच्या पंतप्रधानांच्या अध्यक्षतेखालील इजिप्शियन मंत्रिमंडळाच्या "इंडिया युनिट" समवेत पंतप्रधानांची बैठक
June 25th, 05:13 am
इजिप्त मधील कैरो येथे 24 जून 2023 रोजी आगमन झाल्यानंतर लगेचच पंतप्रधान नरेंद्र मोदी यांची इजिप्तच्या मंत्रिमंडळातील इंडिया युनिट समवेत एक बैठक झाली. प्रजासत्ताक दिन 2023 साठी भारताचे प्रमुख पाहुणे म्हणून इजिप्तचे राष्ट्रपती अब्देल फताह अल-सिसी यांनी या वर्षाच्या सुरुवातीला भारताला भेट दिल्यानंतर या इंडिया युनिटची स्थापना करण्यात आली. इंडिया युनिटचे नेतृत्व इजिप्तचे पंतप्रधान मुस्तफा मदबौली करत आहेत आणि त्यात अनेक मंत्री आणि वरिष्ठ अधिकारी यांचा समावेश आहे.