एक जिल्हा एक उत्पादन योजनेबद्दल उत्तर प्रदेशातील विश्वकर्मांनी पंतप्रधानांचे मानले आभार
January 08th, 03:20 pm
उत्तर प्रदेशातील गोरखपूर येथील निवासी लक्ष्मी प्रजापती यांचे कुटुंब टेराकोटा रेशमाचा व्यापार करते. प्रजापती यांनी पंतप्रधानांना 12 सदस्य आणि अंदाजे 75 सहयोगी असलेल्या आणि 1 कोटी रुपयांच्या आसपास सामूहिक वार्षिक उत्पन्न असलेल्या लक्ष्मी बचत गटाच्या स्थापनेबद्दल माहिती दिली. एक जिल्हा एक उत्पादन उपक्रमाचे लाभ घेण्याबद्दल पंतप्रधानांनी केलेल्या चौकशीला उत्तर देताना, प्रजापती यांनी राज्याच्या मुख्यमंत्र्यांचे आभार मानले. प्रत्येक कारागिराला टूलकिट, वीज पुरवठा आणि माती तयार करण्यासाठीची यंत्रे मोफत मिळाली आहेत अशी माहिती त्यांनी दिली. या कारागिरांना, राष्ट्रीय पातळीवर आयोजित होणाऱ्या विविध प्रदर्शनांमध्ये भाग घेण्याची संधी देखील दिली जाते असे त्यांनी सांगितले.