'एक पेड माँ के नाम' या मोहिमेचा पंतप्रधानांनी केला प्रारंभ
June 05th, 02:21 pm
पंतप्रधान नरेंद्र मोदी यांनी जागतिक पर्यावरण दिनानिमित्त 'एक पेड माँ के नाम' या मोहिमेचा आज प्रारंभ केला. पंतप्रधान मोदी यांनी दिल्लीतील बुद्ध जयंती पार्कमध्ये पिंपळाचे झाड लावले. आपल्या पृथ्वीला अधिक उत्तम करण्यासाठी योगदान देण्याचे आवाहन त्यांनी सर्वांना यावेळी केले. गेल्या दशकात, भारताने अनेक असे सामूहिक प्रयत्न केले आहेत. त्यामुळे संपूर्ण देशभरातील वनक्षेत्र वाढले आहे, असे त्यांनी यावेळी सांगितले. हे आपल्या शाश्वत विकासाच्या दिशेने होत असलेल्या प्रयत्नांचे उत्तम उदाहरण आहे, असेही त्यांनी सांगितले.