10 जून रोजी पंतप्रधान देणार गुजरातला भेट
June 08th, 07:23 pm
येत्या 10 जून रोजी पंतप्रधान नरेंद्र मोदी गुजरातला भेट देणार आहेत. सकाळी 10:15 च्या सुमारास नवसारी येथे 'गुजरात गौरव अभियानात' विविध विकासकामांचे पंतप्रधानांच्या हस्ते भूमिपूजन आणि उद्घाटन होणार आहे. त्यानंतर अंदाजे 12:15 वाजता ते नवसारीमध्येच ए.एम.नाईक आरोग्यसेवा संकुलाचे आणि निराली मल्टीस्पेशालिटी रुग्णालयाचे उद्घाटन करणार आहेत. नंतर अंदाजे दुपारी 3:45 वाजता अहमदाबादमध्ये बोपाल येथे आयएन-एसपीएसीइ म्हणजे इंडियन नॅशनल स्पेस प्रमोशन अँड ऑथोरायझेशन सेंटरच्या मुख्यालायचेही उद्घाटन पंतप्रधानांच्या हस्ते होणार आहे.