ঐখোয়গী পান্দমদি তোল্লবশিং য়াইফনবা থবক পায়খৎপনি: প্রধান মন্ত্রী
ঙসি ভিদিও কনফরেন্সকী খুৎথাংদা প্রধান মন্ত্রী শ্রী নরেন্দ্র মোদীনা বিকসিত ভারত সংকল্প যাত্রাগী বেনিফিসরিশিংগা ৱারি শানখ্রে। থৌরম অদুদা লৈবাক শীনবা থুংনা লৈরিবা বিকসিত ভারত সংকল্প যাত্রা বেনিফিসরিশিং শরুক য়াখি। থৌরম অদুদা য়ুনিয়ন মিনিস্তরশিং, এম.পিশিং, এম.এল.এশিং অমসুং লোকেল থাক্কী মীয়ামগী মীহুৎশিংশু শরুক য়াখি।
সাই কিন্নার বাচত সেল্ফ হেল্প গ্রুপকী থবক তৌরিবা মুম্বাইদগী ত্রান্সজেন্দর কল্পনা বাইগা প্রধান মন্ত্রীগা ৱারি শানখ্রে। মহাক্কী গ্রুপ অসি মহারাস্ত্রাগী ওইনা ত্রান্সজেন্দরশিংগী অহানবা গ্রুপনি। শিংনবা থল্লবা পুন্সি ৱারি অমা লীরদুনা, মহাক্না মীৎয়েং চঙবগীদমক কল্পনা জিনা প্রধান মন্ত্রী থাগৎপা ফোঙদোকখি। কল্পনা জিনা ত্রান্সজেন্দর অমা ওইবগী অৱাবা পুন্সি নিংশিংখি অমসুং নিবা অমসুং তম্বা ঙমদবা পুন্সি অমগী মতুংদা মহাক্না বচত গুত থবক হৌরকখি হায়না প্রধান মন্ত্রীদা ফোঙদোকখি।
সরকারগী গ্রান্ত অমগী মতেংগা লোয়ননা কল্পনা জিনা পোল্লাং শাবগী থবক হৌখি। মহাক অর্বান লাইফলিহুদ মিসন অমসুং শ্বানিধি স্কিম্না মতেং পাংখি। মহাক্না ইদলি দোসা অমসুং লৈগী ললোন-ইতিক অমশু পাংথোকখি। মুম্বাইদা মীওই খুদিংমক পোথাহল্লিবা পাউ-ভাজি অমসুং বরা পাউগী ললোন-ইতিক্কী মতাংদা প্রধান মন্ত্রীনা হংখি। মহাক্কী ওন্ত্রেপ্রেনিউয়রশিপনা মীয়ামদা ত্রান্সজেন্দরশিংগী অশেংবা মশক খঙহনবা অমসুং খুন্নাইদা কিন্নারশিংগী ফজদবা মমি চুমথোকপগীদমক খুন্নাইদা মহাক্না পাংথোক্লিবা থবকশিং প্রধান মন্ত্রীনা মহাক্কী মফমদা শন্দোক্না তাকখি। কল্পনা জি থাগৎলদুনা প্রধান মন্ত্রীনা হায়খি কিন্নারশিংনা করি পাংথোকপা ঙম্বগে হায়বা অদোম্না উৎলে।
মহাক্কী কাংবুদা ত্রান্সজেন্দর আই.দি কার্দশিং পীরে অমসুং ললোন-ইতিক থবক হৌনবা অমসুং নিবগী থবক তোক্নবা পি.এম শ্বানিধিগুম্বা স্কিমশিংগী কান্নবশিং লৌনবা কিন্নার কাংলুপকী পুক্নিং থৌগৎখি। মোদি কি গরেন্তি কি গারিগীদমক কিন্নার ফুরুপনা হরাওবা অদু মহাক্না ফোঙদোকখি অমসুং মহাক্না হায়খি গারি অসিনা মখোয়গী লৈকায়দা লাকপদা মহাক্কী মরুপশিং কান্নবা কয়া ফংলে। কল্পনা জিগী মাইথিবা পীবা ঙমদ্রবা থৌনা অদু প্রধান মন্ত্রী মোদীনা ইকায়খুম্নবা উৎখি অমসুং অৱাবা পুন্সি অমা লৈজরবসু থবক পীবা ঙম্বা অমা ওইরকপদা মহাক থাগৎপা ফোঙদোকখি। প্রধান মন্ত্রীনা হায়খি ঐখোয়গী পান্দমদি তোল্লবশিং য়াইফনবা থবক পায়খৎপনি।
