জম্মু-কশ্মীরগী পুলৱামাদগী জন ঔশধিগী কান্নবা ফংলবা গুলাম নবী দারনা স্কিম অসিগীদমক প্রধান মন্ত্রী মোদীবু থাগৎপা ফোংদোক্লদুনা হায়খি মদুদি মসিদগী মহাক অমসুং অতৈ মীয়ামনা অহোংবা মমলদা জেনরিক্কী হিদাকশিং ফংবদগী য়াম্না কান্নবা ফংলে। মহাক্না হায়খি মদুদি মহাক্না জন ঔশধি কেন্দ্রদগী হিদাকশিং লৈরুরবা মতুংদা লুপা 9,000 কনবা ঙমজরে।
প্রধান মন্ত্রী মোদীনা হায়খি মদুদি জম্মু অমসুং কশ্মীরগী মীয়াম্না স্কিম অসিগী কান্নবা ফংবা অসিদা নুংঙাইবা ফাওই। মহাক্না হায়খি মদুদি সরকারনা স্কিম অসি মীপুম খুদিংমক্না কান্নবা ফংননবা খুঙ্গং খুদিংমক্তা য়ৌহনগনি।
প্রধান মন্ত্রীনা হায়খি, “আর্তিকল 370 মুথৎত্রিঙৈ মমাংদা জম্মু-কশ্মীরদা চাউখৎ-থৌরাং পাইখৎপা লুনা থোক্লম্মি। অদুবু হৌজিক মীয়াম্না সরকারগী স্কিমশিংগা কান্নবা ফংবা হৌরে। এম্স শেমগৎ-শাগৎপগী থবক পাইখৎলি। পুম্নমক্না জম্মু-কশ্মীরদা সবকা সাথ সবকা বিকাস উবা ফংগনি।”
কান্নবা ফংলবা গুলাম নবী দারগা ৱারী শানরদুনা প্রধান মন্ত্রী মোদীনা কংগ্রেসকী লুচিংবা গুলাম নবী আজাদকী মতাংদা পনখি অমসুং হায়খি, “গুলাম নবী সাহেব অসি, দিল্লীদা ঐগী মরূপ অমা ওইরি মহাক্কী মিংসু অদোমগী মিংগা মান্নৈ। ঐ গুলাম নবীজীগা উনবদা, ঐনা মঙোন্দা তমগনি মদুদি ঐনা পুলৱামাদা, অশেংবা ৱাহন্থোক্তা গুলাম নবী অমগা উনবগী তাঞ্জা ফংজরকখি।”
