তাউনহোলদা পাংথোকখিবা পরিক্ষা পে চর্চাদা, মহৈরোইশিংনা প্রধান মন্ত্রী মোদীদা অয়ুক অঙনবদা লাইরিক পাবনা ফবরা নত্ত্রগা নুমিদাং অথেংবদা পাবনা ফবরা হায়না হংখি। লাইরিক পাবগী খ্বাইদগী ফবা মতম অদু মখোয়না খঙবা পামখি।
মহৈরোইশিংগী পাউখুম পীরদুনা প্রধান মন্ত্রী মোদীনা হায়খি মদুদি মহাক্না অয়ুক ঙন্না হৌগৎপা অসিগুম্না অঙাংশিংদা পাউতাক পীবগী হক অসি চাদা ৫০ খক্তমক লৈ অদুবু মহাক্কী সেদ্যুলনা মহাকপু অহিং অথেংবা ফাওবা থবক শুহল্লি।
প্রধান মন্ত্রী মোদীনা হায়, “ঐনা নখোয় পুম্নমক্তা অয়ুক ঙন্না হৌগৎনবা পাউতাক পীরি, ঐখোয়গী ৱাখল অসি তগৎ তগৎ তেকই অমসুং ঐখোয়না পাখিবা অদু ফজনা নীংশিংবা ঙম্মি। অদুবু পুম্নমক্কী মশা মশাগী হৈনবী অমমম লৈজৈ অমসুং মখোয়না হৈনজবী অদুদা চৎলি।”
তেন্তক্না ফোংদোক্লদুনা, প্রধান মন্ত্রীনা মসিসু পনখি মদুদি অঙাং খরদি মখোয়গী মমাশিংদা মখোয়না চানীংবা অখন্নবা অচাপোৎ হৌবীনবা নত্ত্রগা লাইরিক ঔরাইনবগীদমক ঙন্না হৌদোকপীনবা অসিগুম্বা করিগুম্বা অখন্নবা দিমান্দশিং তৌই।
