প্রধান মন্ত্রী, শ্রী নরেন্দ্র মোদীনা নেপালগী প্রধান মন্ত্রী, ইকায়খুম্ননীংঙাই ওইরবা আর.তি. শের বহাদুর দ্যুবাগী পাউজেলগী মখা পোন্না মে ১৬, ২০২২, বুধ পুর্নিমাগী থৌরমদা লুম্বিনীদা ওফিসিএল ওইবা খোঙচৎ চৎকনি। মসিনা ইং ২০১৪গী মতুংদা প্রধান মন্ত্রীগী মঙাশুবা খোঙচৎ ওইগনি।
প্রধান মন্ত্রীনা লুম্বিনীদা লৈবা শেংলবা মায়াদেবী লাইশঙদা চত্তুনা লাই খুরুমগনি। নেপাল সরকারগী মিৎয়েং মখাদা লুম্বিনী দিভেলপমেন্ত ত্রস্তনা শীন-লাঙগদৌরিবা বুধ জয়ন্তীগী থৌরমদসু প্রধান মন্ত্রীনা ৱা ঙাঙগনি। তোঙানবা থৌরম অমা ওইনা, প্রধান মন্ত্রীনা লুম্বিনী মোনাস্তিক জোনগী মনুংদা লৈবা অমসুং নই দিল্লীগী ইন্তর্নেস্নেল বুধিস্ত কনফেদেরেসন (আই.বি.সি.)না মপু ওইবা লমদা শাগদৌরিবা বুধিস্ত কলচর অমসুং হেরিতেজকী ‘শিলনয়াস’ থৌরমদসু শরুক য়াগনি। প্রধান মন্ত্রী অনিনা লৈবাক অনিগী মরীগী মতাংদা ৱারীসু শাগনি।
প্রধান মন্ত্রী মোদীগী খোঙচৎনা ঐখোয়গী নৈবরহুদ ফর্স্ত পোলিসীবু হেন্না খুমাং চাউশিলহনবা ওইনা ভারত অমসুং নেপালগী মরক্তা অৱাংবা থাক্তা চাং নাইনা ৱারী শাবগী চৎনবীবু মখা তাহল্লি। মসিনা লৈবাক অনিগী মীওইশিংগী মরক্তা মান্ননা লৈরিবা সিভিলাইজেসনগী হেরিতেজপু মরু ওইবা পীরি।
