নেসনেল সেকুরিতি এদভাইজর সুল্লিবান্না প্রধান মন্ত্রীদা iCET গী মখাদা লৈবাক অনি মতেং পাংনবা খুমাং চাউশিনবগী মতাংদা পাউদমখি
অনৌবা তার্ম অসিদা ইন্দিয়া-য়ু.এস কমপ্রেহেন্সিপ গ্লোবেল স্ত্রাতেজিক পার্তনরশিপ হেন্না চাউখৎহন্নবা প্রধান মন্ত্রীনা মহাক্কী থাজবা অমুক হন্না পীখিঙসি য়ু.এস নেসনেল সেকুরিতি এদভাইজর জেক সুল্লিবান্না প্রধান মন্ত্রী শ্রী নরেন্দ্র মোদী উনখ্রে।
ইনিসিয়েতিপ ওন ক্রিতিকেল এন্দ ইমর্জিং তেক্নোলোজিস(iCET) থৌরাংগী মখাদা সেমিকন্দক্তরশিং, আর্তিফিসিএল ইন্তিলিজেন্স, তেলিকোম, দিফেন্স, ক্রিতিকেল মিনরেলস, স্পেসকী হিরম য়াওনা তোঙান-তোঙানবা হিরমশিংদা লৈবাক অনি মতেং পীনবা অসি খুমাং চাউশিনবগী মতাংদা প্রধান মন্ত্রীদা পাউদমখি।
হিরম কয়াদা লৈবাক অনি মতেং পাংনবা হেনগৎলকপদা প্রধান মন্ত্রীনা অপেনবা ফোঙদোকখি অমসুং লৈবাক অনিনা দরকার ওইবা মালেমগী অমসুং লৈবাক অনিগী ওইবা ৱাফমশিংদা মখোয়গী ওইবা ৱাফমশিং ফোঙদোক্নখি।
হন্দক জি-৭ মীফমদা মহাক্না রাস্ত্রপতি বাইদেনগা মহৈ য়ানবা ৱারি কয়া শান্নখিবা অদু প্রধান মন্ত্রী মোদিনা নিংশিংখি। মালেমগী য়াইফনবা মখা তানা কমপ্রেহেন্সিপ গ্লোবেল স্ত্রাতেজিক পার্তনরশিপ হেন্না চাউখৎহন্নবা অমসুং অনৌবা তার্মদা মসি হেন্না ৱাংবা থাকশিংদা পুখৎনবা প্রধান মন্ত্রীনা মহাক্কী থাজবা অমুক হন্না পীখি।
Met US National Security Advisor @JakeSullivan46. India is committed to further strengthen the India-US Comprehensive Global Strategic Partnership for global good. pic.twitter.com/A3nJHzPjKe
— Narendra Modi (@narendramodi) June 17, 2024
