ঙসি ভিদিও কনফরেন্সকী খুৎথাংদা প্রধান মন্ত্রী শ্রী নরেন্দ্র মোদীনা বিকসিত ভারত সংকল্প যাত্রাগী বেনিফিসরিশিংগা ৱারি শানখ্রে। য়ুনিয়ন মিনিস্তরশিং, এম.পিশিং, এম.এল.এশিং অমসুং লোকেল থাক্কী মীয়ামগী মীহুৎশিংগা লোয়ননা লৈবাক শীনবা থুংনা লৈরিবা বিকসিত ভারত সংকল্প যাত্রা বেনিফিসরিশিং থৌরম অদুদা শরুক য়াখি।
মখোয়গী ইমুং তেরাকোত্তা মুগাগী ললোন-ইতিক পাংথোকপা উত্তর প্রদেসকী গোরাখপুরদগী শ্রী লক্ষমী প্রজাপতিনা হায়খি মেম্বর ১২ লৈবা লক্ষমী সেল্ফ হেল্প গ্রুপ শেম্লে অমসুং চাউরাক্না গ্রুপ ৭৫ গা থবক তৌমিন্নদুনা চহি অমদা লুপা করোর ১ রোমগী ইনকম লাক্লে। ৱান দিস্ত্রিক ৱান প্রদক ইনিসিয়েতিপকী কান্নবশিং ফংবগী মতাংদা প্রধান মন্ত্রীনা হংবদা, স্কিম অসিগীদমক মহাক্না পায়খৎলিবা থবকশিংগীদমক শ্রী প্রাজপতিনা রাজ্য অদুগী চীফ মিনিস্তর থাগৎপা ফোঙদোকখি অমসুং মহাক্না হায়খি শেন অমতা তিংদনা লৈবাক-লৈহাও পুথোক্নবা ক্রাফসমেন খুদিংমক তুলকিত অমা, মৈ অমসুং মেছিনশিং ফংলে অমসুং জাতিগী থাক্তা পাংথোকপা তোঙান-তোঙানবা একজিবিসন শরুক য়ানবগী খুদোংচাবা অমশু ফংলে।
তোঙান-তোঙানবা স্কিমশিং পায়খৎপগী মতাংদা হান্নগী সরকারশিংগা চাংদম্নরদুনা, শ্রী প্রজাপতিনা হায়খি তোইলেতশিং, পি.এম কিষান সম্মানিধি, ও.দি.ও.পিগী কান্নবশিং ফংলে অমসুং অসিগুম্বা স্কিমশিং পাউ-চেশিংদা এদভরতাইজমেন্তশিং হাপতুনা অমসুং হকথেংননা থবক তৌরিবা ওফিসারশিংগী খুৎথাংদগী মীয়ামদা খঙহল্লে। মোদী কি গরেন্তি গারিনা খুঙ্গংদা থুংলবদা য়াম্লবা মীয়াম হুপচিল্লকপা উবা খক নত্তনা, থৌরমদা প্রধান মন্ত্রীনা ৱা ঙাংবা অসিশু মীয়াম পুন্নবা অচৌবা মরম অমা ওইরে।
মহাক্না হায়খি মহাক্কী তেরাকোত্তাগী মুগাগী পোৎথোকশিং বেঙ্গালুরু, হায়দ্রবাদ, লখনৌ, দিল্লি য়াওনা মেত্রো সিতি খুদিংমক অমসুং মহারাস্ত্রা, গুজরাত, তামিল নাদুনচিংবা রাজ্যশিংদা য়োল্লে।
পি.এম বিশ্বকর্মা য়োজনাগী মতাংদা শন্দোক্না তাক্লদুনা, প্রধান মন্ত্রীনা হায়খি মসি খুৎনা থবক শুরিবা খুৎহৈবশিংদা মতমগা চুনবা অনৌবা খুৎলায়শিং অমসুং তেক্নোলোজি পীরিবা পুন্সিদা অহোংবা পুরকপা স্কিম অমনি। লমদম অসিদা পি.এম বিশ্বকর্মা য়োজনাগী মতাংদা মীয়ামদা খঙহন্নবা মহাক্না শ্রী প্রজাপতিদা খঙহনখি। প্রধান মন্ত্রীনা হায়খি ভোকেল ফোর লোকেল অমসুং ৱান দিস্ত্রিক ৱান প্রদক ইনিসিয়েতিপশিংদা সরকারনা মীৎয়েং চঙলে অমসুং মীয়াম্না স্কিম অসি শরুক য়াবা অমসুং স্কিম অসি মাইপাক্নবা হোৎনবদা অপেনবা ফাওই।
