প্রধান মন্ত্রী, শ্রী নরেন্দ্র মোদীনা হৌখিবা মতম খরা অসিদা রেলৱেজগী ইনফ্রাস্ত্রকচর অসি শেমগৎপদা লাকপা অহোংবশিং অসিগী মরুওইবা হায়খ্রে। মসিগী অহোংবা অসিনা ইন্দিয়ন রেলৱেজতা মতমগা চুনবা মওংদা মমাংদা অমুক্তা তৌখিদ্রিবা খুমাং চাওশিনবা লোমদা চংশিল্লি। শ্রী মোদীনা লৈবাক অসিগী তোঙানবা মফম কয়া অমদগী ত্রেন নিপাল গুজরাতকী কেবদিয়া ফাওবা শম্ননবা লমথাখ্রবা মতুংদা ৱা ঙাংখি অমসুং ভিদিও কনফরেন্সকী খুত্থাংদা রেলৱেজগা মরী লৈনবা প্রোজেক্ত কয়া অমা স্তেত অসিদা হৌদোকখি।
প্রধান মন্ত্রীনা হায় মদুদি মমাংদা লৈরম্বা পান্দম অসি হান্ননা লৈরিবা ইনফ্রাস্ত্রকচর অসিনা য়াননবা চৎপা অসিনি অমসুং অনৌবা ৱাখল নত্ত্রগা অনৌবা তেক্নোলোজিগী ৱাখল লৈরমদে। চংশিনল্লিবা খোঙথাং অসি অরাইবা থবক অমদি নত্তে। হৌখিবা চহিশিংদা, থবক অসি রেলৱেজ সিস্তেম পুম্বা খুমাং চাওশিন্না ওন্থোক্নবা হোৎনখিবনি অমসুং মসি শেমজিনবদা বজেৎকী অকক্নবা লৈতে। মহাক্না হৌজিক পায়খৎলিবা প্রোজেক্ত কেবদিয়া অসিগী খুদম পীরদুনা থবক অসি মচিন লোংবা পান্দম ওইবনা হায়খিবা মতমদা লোইশিনবা ঙম্বনি হায়খি।
প্রধান মন্ত্রীনা হৌখিবা মতমশিংদগী চংশিলক্লিবা অওনবগী খুদম ওইনা পীদুনা দেদিকেতেৎ ফ্রাইত কোরিদুর অসি খুদোল তৌখি। প্রধান মন্ত্রীনা হন্দক্তা নোংপোক অমসুং নোংচুপ দেদিকেতেৎ ফ্রাইত কোরিদুর পীখি। প্রোজেক্ত অসি থবক চংশিল্লি অমসুং ২০০৬-২০১৪ মনুংদা থবক অসি চেদা ওইনা লৈখি কিলোমিতর অমা ফাওবা শেম্বা লৈখিদে। হৌজিক্তি পুন্না কিলোমিতর ১১০০ থা খরা অসিদা লোইশিনবা য়ানা লৈরে।
