লৌমীশিং নুংঙাইবা হেনগৎনবা, লৈবাক-লৈহাও অমুক হন্না ফগৎহন্নবা অমসুং চীঞ্জাক ৱাত্তনবা অমসুং অকোয়বগী ফিবম কাইহন্দনবা স্কিম ময়াম অমা সি.সি.ই.এনা অয়াবা পীরে
য়ুরিয়া সবসিদি স্কিম মখা চৎথবা সি.সি.ই এনা অয়াবা পীরে; চহি অহুমগী (২০২২-২৩ দগী ২০২৪-২৫ ) য়ুরিয়া সবসিদিগী লুপা ৩,৬৮,৬৭৬.৭ কায়থোক্লেঅমোৎপদগী শেন ওন্থোক্নবা; গোবর্ধান প্লান্তশিংদগী পুথোকপা পারালি অমসুং ওর্গনিক হার লৈহাও হেনগৎনবা শীজিন্নবা অমসুং অকোয়বগী ফিবম লু-নান্না থম্বা থবক ওইনা উৎনবা মার্কেত দিবলপমেন্ত এসিস্তেন্স (এম দি এ) স্কিমগী লুপা করোর ১৪৫১ কাইথোকপা য়ারেলৈবাক-লৈহাওদা সলফর ৱাৎপা মেনখৎনবা অমসুং লৌমীশিংগী শেন কনবা ঙম্নবা সলফর তৈরবা য়ুরিয়া (য়ুরিয়া গোল্দ) শীজিন্নবা হৌরেঙসি প্রধান মন্ত্রী শ্রী নরেন্দ্র মোদীনা লুচিংবা কেবিনেত কম্মিতি ওন ইকোনোমিক এফেয়ার্স (সি সি ই এ)না অপুনবা লুপা করোর ৩,৭০,১২৮.৭গী লৌমীশিংগী অনৌবা স্কিমশিংগী অখন্নবা পেকেজ অমা অয়াবা পীরে। তুংকোইনা চৎনবা য়াগদবা লৌউ-শিংউগী থবকশিং পুক্নিং থৌগৎতুনা লৌমীশিংগী শেন-থুমগী ফিবম ফগৎনবা স্কিমশিং অসিনা পান্দম থম্লি। পায়খৎকদৌরিবা থবকশিং অসিনা লৌমীশিংগী শেন্থোক হেনগৎহনগনি, মহৌশাগী লৌউ মখল/ওর্গনিক লৌউ ফগৎহনগনি, লৈহাও লৈবা হেনগৎহনগনি অমসুং চীঞ্জাক ৱাৎহন্দবা ঙমগনি।
তেক্স অমসুং নিম তৈবগী চার্জশিং য়াওদনা লৌমীশিংদা য়ুরিয়া কেজি ৪৫গী বেগ অমদা লুপা ২৪২দা মখা তানা ফংহন্নবা য়ুরিয়া সবসিদি স্কিম মখা চৎথবা সি.সি.ই.এনা অয়াবা পীরে। মথক্কী পেকেজ অসিগী মনুংদা, চহি অহুমগী (২০২২-২৩ দগী ২০২৪-২৫ ) য়ুরিয়া সবসিদিগী লুপা ৩,৬৮,৬৭৬.৭ কায়থোক্লে। মসিগী মথক্তা ২০২৩-২৪গী কালেন লৌরোক্কী নিউত্রিয়েন্ত বেজ সবসিদিগী লুপা করোর ৩৮,০০০ অয়াবা পীরে। লৌমীশিংনা য়ুরিয়া লৈনবা অহেনবা চাদিং তৌবা দরকার ওইদ্রে, মসিনা মখোয়না লৌ উবদা চঙবদা শেনফম হন্থহনবদা মতেং পাংগনি। হৌজিক কেজি ৪৫গী য়ুরিয়া বেগ অমগী মমল ২৪২(তেক্স অমসুং নিম তৈবগী চার্জশিং য়াওদনা) নি, অদুগা তশেংনা বেগ অমগী মমল অসি লুপা ২২০০ নি। স্কিম অসিগী শেনফম ভারত সরকারনা পুথোকপনি। য়ুরিয়া সবসিদি স্কিম মখা চৎথবা অসিনা লৈবাক অসিগী মশাগী ওক্নবা য়ুরিয়া লৈবাক অসিদা য়াম্না পুথোকপা ঙমহনগনি।
মালেমগী রাজনিতিগী হোংলক্লিবা ফিবম অমসুং রো মেতরিয়েলগী মমল হেনগৎলকপদগী, চহি খর অসিদা মালেমগী ওইনা হারগী মমল হেনগৎলক্লে। হারগী সবসিদি হেনগৎতুনা ভারত সরকারনা লৈবাক অসিগী লৌমীশিং হার মমল হেনগৎলকপদগী ঙাকথোক্লে। ঐখোয়গী লৌমীশিং কন্নবা ভারত সরকারনা হারগী সবসিদি ২০১৪-১৫দা লুপা করোর ৭৩,০৬৭ ওইরম্বদগী ২০২২-২৩দা লুপা করোর ২,৫৪,৭৯৯দা হেনগৎলে।
নেনো য়ুরিয়া শীজিন্নবা হেনগৎহল্লে
২০২৫-২৬ ফাওবদা, হান্না শীজিন্নরিবা য়ুরিয়া ১৯৫ এল.এম.তিগা মান্নবা বোত্তল করোর ৪৪ পুথোকপা ঙম্বা নেনো য়ুরিয়া প্লান্ত ৮ থবক হৌরগনি। নেনো হারনা মচি ওইবা শরুকশিং তপ্ন-তপ্না থাদোক্তুনা কান্নবা হেনগৎহল্লি অমসুং লৌমীশিং লৌ উবদা শেন চঙবা হন্থহল্লি। নেনো য়ুরিয়া শীজিন্নবনা পোৎথোকপা হেনগৎহল্লে হায়বা উৎলে।
২০২৫-২৬ ফাওবদা য়ুরিয়াদা অত্মানির্ভর ওইনবা লম্বীদা লৈবাক অসি লৈরে
২০১৮দগী হৌনা চম্বাল ফর্তি লিমিতেদ-কোতা, রাজস্থান, মেতিক্স লিমিতেদ, পানাগর, নোংচুপ বেঙ্গল, রামাগুন্দাম-তেলাঙ্গানা, গোরাখপুর-য়ু.পি, সিন্দ্রি-ঝারখন্দ অমসুং বরাওনি-বিহারদা য়ুরিয়া প্রদক্সন য়ুনিত ৬ লিংখৎপা অমসুং অমুক থবক হৌহনবা অসিনা য়ুরিয়া পুথোকপা অমসুং ফংহনবদা লৈবাক অসি অত্মানির্ভর ওইহনবদা মতেং পাংলে। লৈবাক অসিদা য়ুরিয়া পুথোকপা হেনগৎতুনা ২০১৪-১৫দা ২২৫ এল.এম.তি পুথোকপদগী ২০২১-২২দা ২৫০ এল.এম.তি পুথোক্লে। ২০২২-২৩দা য়ুরিয়া ২৮৪ এল.এম.তি পুথোক্লে। মসিগা লোয়ন্না নেনো য়ুরিয়া প্লান্তশিংনা ঐখোয়না মপান্দগী পুশিল্লকপা য়ুরিয়াগি মখা পোল্লিবা অসি হন্থহল্লগনি অমসুং ২০২৫-২৬দা ঐখোয় ইশাগী ওক্নবা য়ুরিয়া পুথোকপা ঙম্লগনি।
পি.এম প্রোগ্রাম ফোর রেস্তোরেসন, এৱারনেস জেনেরেসন, নৌরিসমেন্ত এন্দ এমেলিওরেসন ওফ মাদর-আর্থ (পিএমপিআরএএনএএম)
মালেম ইমানা মতম পুম্নমক্তা মীওইবদা হিংনবা দরকার ওইবশিং মরাংকাইনা পীরি। মহৌশাগী লৌউ পথাপশিংদা অমুক হল্লক্নবা হোৎনবা অমসুং চাং চানা হার শীজিন্নবা পুক্নিং থৌগৎপা অসি হৌজিক্কী মতম অসিদা তঙাইফদবা অমা ওইরে। মহৌশাগী লৌউ পথাপ/ওর্গনিক লৌউ য়োকখৎপা, অতোপ্পা হার শীজিন্নবা, নেনো হার অমসুং বাইওফর্তিলাইজরশিংগুম্বা অনৌবা কয়া শীজিন্নবনা ঐখোয়গী মালেম ইমাগী লৈহাও হঞ্জিল্লকপদা মতেং পাংগনি। মরম অদুনা, অতোপ্পা হার শীজিন্নবা অমসুং কেমিকেল হারশিং চাং চাংনা শীজিন্নবা পুক্নিং থৌগৎনবা রাজ্যশিং অমসুং য়ু.তিশিংদা মতেং পাংনবা পি.এম প্রোগ্রাম ফোর রেস্তোরেসন, এৱারনেস জেনেরেসন, নৌরিসমেন্ত এন্দ এমেলিওরেসন ওফ মাদর-আর্থ (পিএমপিআরএএনএএম) হৌদোক্লে হায়না সরকারনা বজেত্তা লাউথোকখিবনি।
গোবর্ধান প্লান্তশিংদগী পুথোকপা ওর্গনিক হারশিং পুক্নিং থৌগৎনবা মার্কেত দিবলপমেন্ত এসিস্তেন্স (এম দি এ) স্কিমগী লুপা করোর ১৪৫১.৮৪ কাইথোকপা য়ারে
ঙসি অয়াবা পীখিবা পেকেজ অসিদা মালেম ইমাগী লৈবাক লৈহাও অমুক হন্না ফগৎহন্নবা থবকশিংদা মতেং পাংবগী ৱাফম য়াওরি। মার্কেত দিবলপমেন্ত এসিস্তেন্স (এম দি এ) স্কিমগী মখাদা, বাইও-গ্যাস প্লান্তশিং/কমপ্রেস বাইওগ্যাস(সিবিজি)প্লান্তশিংদগী অরেমখাক ওইনা পুথোরকপা ওর্গনিক হারশিং হায়বদি ফর্মেন্তেদ ওর্গনিক মেনিউয়র(এফওএম)/লিকুইদ এফ.ও.এম/ফোস্পেত রিচ ওর্গনিক মেনিউয়র(পিআরওএম) এম.তি অমদা লুপা ১৫০০ দা য়োনবদা মতেং পীরি। অসিগুম্বা ওর্গনিক হার অসি ভারত ব্রান্দ এফ.ও.এম, এল.এফ.ও.এম অমসুং পি.আর.ও.এমগী মমিংশিংদা ব্রান্দ মমিং থোনগনি। মসিনা মহৈ-মরোংগী অরেম্বশিং লোইশিনবা অমসুং চরু মৈ থাবগী খুদোংচাদবশিং থেংনবদা মতেং পাংগনি অমসুং লৌমীশিংগী অহেনবা শেন্থোক ফংহনবদা মতেং পাংগনি। লৌমীশিংনা অহোংবা মমলদা ওর্গনিক হারশিং ফংগনি।
সর্কুলার ইকোনোমি চাউখৎনবা গোবর্ধান স্কিমগী মখাদা অমোৎ-অকায়দগী শেন তান্নবা অনৌবা প্লান্ত ৫০০ লিংখৎনবা বজেত্তা লাউথোকখিবা অদু থবক ওইনা পাংথোকপদা মসিনা মতেং পাংগনি।
মহৌশাগী লৌউ পথাপ পায়খৎপা অসিনা লৈবাক লৈহাওগী ফিবম ফগৎলক্কনি অমসুং লৌমীশিংনা লৌ উবদা চঙবদা শেনফম হন্থরক্কনি। কে.ভি.কে ৪২৫ না মহৌশাগী লৌউ পথাপকী থবকশিং উৎলে অমসুং লৌমী লাখ ৬.৮০ শরুক য়াদুনা এৱারনেস প্রোগ্রাম ৬,৭৭৭ পাংথোকখ্রে। জুলাই-ওগস্ত ২০২৩ একাদেমি সেসন্দগী চৎনবা হৌনবা বি.এস.সি অমসুং এম.এস.সি প্রোগ্রামশিংগীদমক নেচরেল ফার্মিংগী কোর্স করিকুলা শেম্লে।
লৈহাওদা সলফর ৱাৎপা মেনখৎনবা অমসুং লৌমীশিংগী শেন কনবা ঙম্নবা সলফর তৈরবা য়ুরিয়া (য়ুরিয়া গোল্দ) শীজিন্নবা হৌরে
পেকেজ অসিগী অতোপ্পা থবক অমদা, লৈবাক অসিদা অহানবা ওইনা সলফর তৈরবা য়ুরিয়া (য়ুরিয়া গোল্দ) হৌদোক্লগনি। মসি হৌজিক শীজিন্নরিবা নীম তৈরবা য়ুরিয়াগা চাংদম্নবদা শেন য়াম্না চঙদবা অমসুং হেন্না কান্নবা অমনি। মসিনা লৈবাক অসিদা লৈহাওদা সলফর মরাংকাইনা য়াওদবগী খুদোংচাদবা কোকহনবা ঙমগনি। মসিনা লৌমীশিংগী লৌউ উবদা চঙবদা শেনফম হন্থহনবা ঙমগনি অমসুং পোৎথোক হেনগৎহন্দুনা লৌমীশিংগী শেন্থোক হেনগৎহনগনি।
প্রধান মন্ত্রী কিষান সামরুদ্ধি কেন্দ্র( পি এম কে এস কে) লাখ ১ য়ৌরে
লৈবাক অসিদা প্রধান মন্ত্রী কিষান সামরুদ্ধি কেন্দ্র( পি এম কে এস কে) লাখ ১ লৈরে। লৌমীশিংগী য়াইফনবা, লায়রবা লৌমীশিংগী দরকার ওইবশিং মফম অমদা লৌউ-শিংউদা চঙবা মচাকশিং ফংহল্লে।
কান্নবশিং:
অয়াবা পীরবা স্কিমশিং অসিনা কাংলোন চুম্না কেমিকেল হারশিং শীজিন্নবদা মতেং পাংগনি অমসুং লৌমীশিংনা লৌ উবদা চঙবা শেনফম হন্থহনবা ঙমগনি। মহৌশাগী লৌউ মখল/ওর্গনিক লৌউ য়োকখৎপা, অনৌবা অমসুং অতোপ্পা হার হায়বদি নেনো হারশিং অমসুং ওর্গনিক হারশিং শীজিন্নবনা ঐখোয়গী মালেম ইমাগী লৈহাও অমুক হঞ্জিল্লকপদা মতেং পাংগনি।
১. লৈবাক লৈহাও ফগৎলকপা অসিনা মচি ওইবা শীজিন্নবা হেনগৎহনগনি অমসুং লৈবাক-লৈহাও অমসুং ঈশিং মোৎপা হন্থহন্দুনা অকোয়বগী ফিবম ফগৎহনগনি। লু-নানবা অকোয়বগী ফিবমনা মীওইবগী হকচাং ফগৎহনবদা মতেং পাংই।
২. চরুগুম্বা মহৈ-মরোং লোকখ্রবা মতুংদা লেমহৌবশিং ফজনা শীজিন্নবা অসিনা নুংশিৎ মোৎহনবা থিংবদা মতেং পাংগনি অমসুং অকোয়বগী ফিবম লু-নান্না থম্বা ঙমগনি অমসুং অমোৎপশিংদগী শেন ওন্থোকপদা মতেং পাংগনি।
৩. লৌমীশিং খুদোংচাবা হেন্না ফংলগনি- হান্নগী মমলদা মখা তানা য়ুরিয়া ফংহনবদগী মখোয়না য়ুরিয়া লৈবদা অহেনবা শেন পীবা দরকার ওইদ্রে। ওর্গনিক হারশিং অহোংবা মমলদা মরাং কাইনা ফংহল্লগনি। মমল হোংবা নেনো য়ুরিয়া অমসুং কেমিকেল হারশিং শীজিন্নবা হন্থরকপদগী অমসুং ওর্গনিক হার শীজিন্নবা হেনগৎলকপদগী, লৌমীশিংনা লৌ উবদা চঙবদা শেনফম হন্থরগনি। লৌ উবদা চঙবা শেনফম হন্থরকপা অসিনা লৈবাক লৈহাও অমসুং ঈশিং ফবা হেনগৎলগনি অমসুং মহৈ-মরোংশিংগী পোৎথোক হেনগৎলগনি। লৌমীশিংনা মখোয়গী পোৎথোকশিংগী মমল মতিক চানা ফংলগনি।
