প্রধান মন্ত্রী নরেন্দ্র মোদীনা ঙসি লান-নংলবা য়ুক্রেন্দগী হল্লকখিবা মহৈরোয়শিংগা ৱারী শাখ্রে। মহৈরোয়শিং অদুনা পি.এম.দা ইভাক্যুএসন চত্থখিবা অদুদা মখোয়না থেংনখিবা অৱা-নুংঙাইশিংগী মতাংদা পাউদমখ্রে।
ৱারী-ৱাতাই শাবা অসি পি.এম. মোদীগী কন্সতিত্যুএন্সী বারানসীদা পাঙথোকখিবনি। মহৈরোয়শিংনা ভারত সরকার, ইন্দিয়ন এম্বেসীশিং অমসুং পি.এম. মোদীবু য়ুক্রেন্দগী ঐখোয়গী প্রজাশিং পুরক্নবা হৌজিক চত্থরিবা, ওপরেসন গঙ্গাগীদমক থাগৎপা ফোঙদোকখি। মহৈরোয়শিংনা ভারতকী মচু অহুমগী ফিরালগী শক্তিগী মতাংদা মখোয়না নুংঙাইবা পোকপা অদুসু ফোঙদোকখি।
পি.এম. মোদীনা সরকার অসিনা পন্দুনা লৈরিবা ভারত মচাশিং পুরক্নবা অঙম্বা থাক্তা হোৎনরি অমসুং অথুবদা লেমহৌরিবা মহৈরোয়শিং পুথোরক্নবা ভারত সরকারনা মপুং ফানা মতেং পীগনি হায়না মখোয়দা থাজবা পীখি।
