ঙসি শ্রী লঙ্কাগী রাস্ত্রপতি মাইথরিপালা সিরিসেনানা প্রধান মন্ত্রী মোদীগা তেলিফোনদা ৱারি শানখ্রে।
শ্রী লঙ্কাগী রাস্ত্রপতিনা হায়খি, রাস্ত্রপতি অমসুং শ্রী লঙ্কাগী হান্নগী দিফেন্স সেক্রেতরী হাৎনবালৌতুনবদা ভারতকী খুৎ য়াউই হায়না মীদিয়া খরদা পাউ ফোংনরকখিবা অদু মহাক্না য়াখিদে।
মহাক্না হায়খি, পাউ অদু য়ুম্ফম য়াউদবা অরানবা অমনি অমসুং য়ুমথংনরিবা লৈবাক অনিগী মরি অসি শোকহন্নবা অমসুং লুচীংবা অনিগী মরক্তা ভাব তানদবা থোকহন্নবা থওইনা শীনবা মাল্লি।
মহাক মশানা মসিগী মতাংদা অথুবদা থবক পায়খৎপগীদমক রাস্ত্রপতিনা প্রধান মন্ত্রীবু থাগৎখি অমসুং হায়রিবা পাউশিং অসি শ্রী লঙ্কা সরকারনা য়াখিদে। মসিগী মতাংদা, মহাক্না ঙসি অয়ুক ভারতকী হায়কম্মিসন্নরগা উনখ্রে।
রাস্ত্রপতিনা হায়খি, মহাক্না প্রধান মন্ত্রী অসি শ্রী লঙ্কাগী অশেংবা মরূপ অমনি অমসুং লনাই ওইনা লুনাতিন্নবা মরূপ অমনি। মহাক্না হায়খি, অমনা অমদা কান্নবা পীনরিবা ভারত অমসুং শ্রী লঙ্কা অনিগীমরি অসি মহাক্না লুম্না লৌই অমসুং মরি অসি চেৎশিনহন্নবা প্রধান মন্ত্রীগা থবক তৌমিন্নগনি।
অরানবা পাউশিং অদু শেংদোক্নবা রাস্ত্রপতিনা অফবা খোঙথাং লৌখৎলকপদা প্রধান মন্ত্রীনা থাগৎপা ফোঙদোকখি। ভারতকী য়ুম্লোন্নবনা অহানবা হায়বা থৌশিল অদু মহাক্না অমুক হন্না নিংশিংখি অমসুং লৈবাক অনিগী মরক্তা হিরম খুদিংমক্তা মতেং পীননবা মহাক্কী অচেৎপা ফিরেপ লৈ হায়না পনখি।
