প্রধান মন্ত্রীগী খ্বাইদগী নৌবা মন কী বাৎকী ৱা ঙাংবদা প্রধান মন্ত্রী শ্রী নরেন্দ্র মোদীনা চীফ ওফ আর্মী স্তাফ ‘কম্মেন্দেসন কার্দ’কী মনা পীখ্রবা ইন্দিয়ন আর্মীগী হুই, সোফী অমসুং বিদাগী মতাংদা ৱা ঙাংখি। বোম্ব পোখায়বা অমসুং লালহৌবগী খুজিন-থৌরাংশিং মাইথিবা পীবদা মরু ওইবা থৌদাং লৌবা আর্মদ ফোর্স অমসুং সেক্যুরিতী ফোর্সকী অসিগুম্লবা থৌনা ফরবা হুই কয়া লৈ হায়খি। খুৎলায় অমসুং আই.ই.দি. কয়া মনম নমদুনা ফাবদা তেংবাংখিবগী খুদম কয়া অমা পীখি অমসুং কেস ৩০০মুক্কী ৱারোইশিন পুরকপদা পুলিস্তা তেংবাংখিবা কেনাইন মরুপ রোক্কীদা ইকায় খুম্নবগা লোয়ননা বীদ পুলিসনা কায়ন থৌরম পাঙথোকখিবগী থৌওংগী মতাংদা ৱাফম খরা ফোঙদোকখি।
ভারতকী মশাগী হুইগী কাংলুপকী মতাংদা ৱা ঙাংলদুনা প্রধান মন্ত্রীনা হায়খিবদা মখোয় অসি চাউনবা য়োকপদা শেল য়াম্না চংদে অমসুং মখোয়না ভারতকী অকোয়বগা য়াম্না চানবা ওই অমসুং ঐখোয়গী ঙাক-শেনবগী এজেন্সীশিংনা মখোয়বু সেক্যুরিতীগী স্ক্বাদকী মনুং চলহন্দুনা শিজিন্নরি হায়খি। ভারতকী মশাগী হুইগী কাংলুপ্পু হেন্না ফগৎহন্নবা অমসুং কান্নবা হেন্নবা ইন্দিয়ন কাউন্সিল ওফ এগ্রিকলচরেল রিসর্চনা মখোয়গী মতাংদা থিজিন হুমজিনবগী থবক চত্থরি। থৌরম অসিবু তারিবা মীওইশিংদা মখোয়গী মরক্তা হুই লোইনীংবা মীওই য়াওরগদি ভারতকী ব্রীদ ওইনা লোইবীয়ু হায়খি।
