Quoteসি.এম.শিংনা অৱাং-নোংপোক স্তেতশিংগীদমক্তা পি.এম.না অখন্ননা য়েংশিনবিবগদমক্তা তৌবিমল খঙবা উৎলদুনা কোবিদ লাইচৎপু মতম চানা লাকশিন্নবা থবক পায়খৎবগীদমক থাগৎখি
Quoteপি.এম.না ম্যুতেসন থোকপশিং চেকশিন্না শেন্ননবা অমদি ভেরিএন্ত খুদিংমক খোঙ্গুল লীনবা ৱাফম থমখ্রে
Quoteহিল স্তেসনশিংদা চেকশিন থৌরাং মতিক চানা লৌখত্তনা মী পুন্দনা অকনবা ৱাফম থমখি
Quoteঐখোয়গী পুক্নিংদা লৈগদবা মরুওইবা ৱাফমদি কমদৌনা অহুমসুবা ৱেব থিংগনি হায়বসিনা ওইগদবনি: পি.এম.
Quoteভেক্সিন কাপথোকপগী মতাঙদা লান্না থাজনবা কোকহন্নবা খুন্নাইগী, মহৈ মশিংগী ইন্সতিত্যুৎশিং, শক্নাইবা মীওইশিং অমসুং লাইনীংগী লূপশিংগী মতেং লৌগদবনি: পি.এম.
Quoteঅৱাং-নোংপোক অসি ‘ভেক্সিনেসন ফোর এল-ফ্রী ফোর ওল’ কেম্পেনগীদমক মরুওই: পি.এম
Quoteহন্দক্তা অয়াবা পীখিবা করোর ২৩০০০গী পেকেজনা মেদিকেলগী মচাক মথুমশিং ফগৎহনবদা মতেং ওইরগনি: পি.এম.
Quoteসি.এম.শিংদা পি.এম.-কেয়র্স ওক্সিজেন প্লান্তশিং লোইশিন্নবা ৱাফম থমখ্রে

ময়াম পুম্নমকপু খুরুমজরি!

খ্বাইদগী অহানবা ওইনা অদোমদসু কান্ননবা অনৌবা থৌদাং শিন্নরবা মীওই খরা ময়ামদা শক্তাকচগে‍। শ্রীমান মনসুখ ভাই মন্দাবিয়া, হন্দক্তা নৌনা ঐখোয়গী হকশেলগী মন্ত্রী ওইরবা, মহাক্কা লোয়ননা এম.ও.এস. ওইনা দোক্তর ভার্তি পৱারজী সু লেংশিল্লি‍। মহাক্না ঐখোয়গী হকশেলগী লোয়শঙদা এম.ও.এস. ওইনা থৌ পুরি‍। অদোমগা মরী তোয়না লৈনরগদবা মীওই অনিসু য়াওরি, মখোয়দুদি দোনর মন্ত্রালয়দা নৌনা মন্ত্রী ওইরবা শ্রীমান জি. কিসন রেদ্দী জী অমসুং মহাক্কা লোয়ননা এম.ও.এস. ওইনা লেঙশিনবিরিবা শ্রীমান বি.এল. বর্মা জী মখোয়বু শক্তাকপা অদোমগীদমক্তা মরু ওই‍।

মরূপশিং,

অৱাং-নোংপোক্তা অদোম পুম্নমক্না অনৌবা ৱাখল্লোনশিংগা লোয়ননা কোরোনাগা থেংননবা লৌখৎলিবা থৌরাংশিং, অদোম্না পায়খৎলিবা থৌশিল, তৌরিবা থবকশিংগী মরমদা অদোম্না মচা খায়না হায়খ্রে‍। অদোম্না অমদি লৈবাক পুম্বনা, মরুওইনা হকশেলগী থৌমীশিংনা মখোয় মখোয়গী থৌদাংশিং য়াদুনা চহি অমা মখায়সি লেপ্পা নাইদনা হোৎনদুনা লাক্লি‍। অৱাং-নোংপোক্কী লৈয়াৎকী ফীভম্না শিংনবা কয়া লৈরবসু ঙসি অদোম্না তেস্তিং অমসুং লায়েংবগী মচাক মথুমশিং শেমগৎপদগী হৌরগা ভেক্সিন পাকথোকপা ফাওবদা, হোয় স্তেত মরিদা ফীভম ফগৎহন্নিংঙাই লৈরবসু, অতৈশিং অসিনা ইহুল খঙনা মাঙহনবগী চাং হন্থহন্দুনা পায়খৎলিবা খোঙথাঙশিং উরে‍। মসিদসু নত্তনা ভাইএল খুদিং মপুং ফানা শীজিন্ননবগী থবকসু পায়খত্তুনা অদোম্না তৌরিবা থবকশিং ঐনা অদোমবু, মরুওইনা ঐখোয়গী মেদিকেলগী লমদা লৈরিবা মীওইশিংবু মখোয়গী হৈশিংবা মতৌগীদমক কাঙবু অসিবু ঐনা থাগৎবা ফোঙদোকচরি মরমদি ভেক্সিনেসনদা মরু ওইখ্রবা ভেক্সিনবু অদোম্না ইহুল খঙনা থবক পায়খৎপগীদমক হকশেলগী লমদা থবক তৌরিবা ময়ামবু থাগৎচরি‍‍। অদুগা স্তেত মরিদা অৱাৎ-অপা খরা লৈরিবা অসিদসু মওং চুম্না মতৌ অসুম্না থবক পায়খৎলক্কনি হায়না ঐনা মপুং ফানা থাজৈ‍।

মরূপশিং,

মমাঙথক্তা লৈরমবা ফীভম ঐখোয় মমুৎ তানা খঙলবনি‍। কোবিদকী অনিসুবা ইথক লাকপদা তোঙান তোঙানবা লৈঙাকশিংনা পুল্লগা অমত্তা ওইনা হোৎনমিন্নখিবা অদুগী মহৈসু উবা ফংলি‍। অদুবু অৱাং-নোংপোক্কী দিস্ত্রিক্ত খরদা কেস মশিং হেনগৎলকপা থেংনরি‍। অসিগুম্বা ফীভম অসি ঐখোয়না থিংগদবনি, ঐখোয় হেন্না চেকশিন্না লৈবা মথৌ তাই অমদি মীয়ামসু চেকশিন্না লৈবা মথৌ তাগনি‍। মহিক শন্দোরকপা থিংনবগীদমক ঐখোয়না মাইক্রো লেভেলদা কুমথদুনা অকনবা খোঙথাঙ লৌখৎপা মথৌ তাই‍। অদুগা‍ হৌজিক্তা হেমন্ত জীনা হায়বদা মহাক্না লোকদাউনগী লম্বী খন্দনা মাইক্রো কন্তেনমেন্তগী লমবী খন্দুনা মাইক্রো কন্তেনমেন্ত জোন লিশিং তরুক হেন্না লাউথোকখি‍। অসুম্না তৌবনা থৌদাং নীংথিনা লেপথোকপা ঙম্মী‍। ম,ইক্রো কন্তেনমেন্ত জোন্দুগী ইন-চার্জতুদা করিদা শোয়রিবনো, করিগী ফীভম ফগৎলক্ত্রিবনো, কমদৌনা ফগৎলক্লিবনো হায়বা কয়া হংবা য়াই‍। মরম অসিনা মাইক্রো কন্তেনমেন্ত জোন্দা ঐখোয়না অহেনবা মীৎয়েঙ থমদুনা লাংফম অসিদগী থুনা থোক্লক্নবা হোৎনগদবনি অমদি হৌখিবা চহি অমা মখায়সিদা থেংনরকখিবশিং অমসুং খ্বাইদগী ফবা থৌওংশিং নৈনরগা মদু চপ চানা শীজিন্নগদবনি‍। লৈবাক্কী তোঙান তোঙানবা স্তেতশিংনসু অনৌ-অনৌবা ৱাখল্লোন থৌওং চৎনখি‍। অদোমগী স্তেতশিংদা হায়রিবা ফীভমসিদা মায় পাক্না মায়োক্নখিবা দিস্ত্রিক্ত খরা, খুঙ্গঙ খরা, ওফিসর খরা শোয়দনা লৈরমগনি‍। অসিগুম্বা খ্বাইদগী ফবা থৌওংশিং খঙদোক্তুনা মদুবু পাক শন্না চৎনহনবনা ঐখোয়দা কান্নবা ওইগনি‍।

|

মরূপশিং,

ঐখোয়না কোরোনা ভাইরসকী ভেরিএন্তশিংদসু মীৎয়েঙ থম্বা মথৌ তাই মরমদি মসি শক্লোন য়াম্মি‍। হঞ্জিন-হঞ্জিন মহাক্কী মশক মওং হোংই অমদি মদুনা মরম ওইরগা ঐখোয়দা শিংনবা কয়া লাকহল্লি মরম অসিনা ঐখোয়না ভেরিএন্ত খুদিংমক চেকশিন্না শেন্নবা মথঔ তাগনি‍। ম্যুতেসন থোক্লবা মতুংদা মসিনা কয়া য়াম্না চৈথেং পীগদগে হায়বসিদা খঙ-হৈরবশিংনা লেপ্তনা থিজিল্লি‍। কাঙবু খুদিংমক্না হোংলকপা খুদিংমক্তা মীৎয়েং থম্লি‍। ফীভমসিদা হান্না ঙাকথোকহৌবা অমদি লায়েংবা হায়বসি য়াম্না মরু ওই‍। হায়রিবা হীরম অনিসিগা মরী লৈনবা পাম্বৈশিংদা ঐখোয়গী লৈজবা পাঙ্গল থাদবা তাই, হীরমশিং অসিদা মপুং ফানা মীৎয়েং থমবা তাই‍। ভাইরসনা লান্দারকপা অসি মিতর অনিগী অরাপ্পা, মাস্ক উপ্পা অমদি ভেক্সিন কাপথোকপনা মপাঙ্গল শোন্থহনগনি হায়বসি ঐখোয়না হৌখিবা চহি অমা মখায়সিদা থেংনরকখিবসিনা উৎলি‍। ঐখোয়না শীজিন্নদুনা লাক্লিবা তেস্তিং, ত্রেকিং অমসুং ত্রীতমেন্তকী লাল্লোং, ঐখোয়গী মচাক মথুম হায়রিবশিং অসিগী ফীভম হেন্না ফগৎহল্লবদি ঐখোয়না পুন্সি য়াম্না কনবা ঙমগনি‍। মসি মালেম পুম্বদা থেংনরকখিবসিনা খুদম চাংদম ওইরবা অচুম্বা ৱাফম্নি, মরম অসিনা ঐখোয়না মীপুম খুদিংদা কোরোনাদগী ঙাকথোক্নবা চৎন-কাঙলোনশিং অসি ঙাক্তুনা চৎননবা লেপ্পা লৈতনা পুক্নিং থৌগৎপা মথৌ তাগনি‍। মসিদা খুন্নাইগী লূপশিংগী, লাইনিংগী লূপশিংগী লুচিংবশিংদগী লাক্লিবা ৱাফমশিংসু লৌশিন্দুনা মখোয়গা চৎমিন্নবসু মথৌ তাগনি‍।

মরূপশিং,

কোরোনানা মরম ওইরগা তুরিজম, লল্লোন ইতিক্তা য়াম্না শোকহল্লি হায়বসি অচুম্বনি‍। অদুবু ঐনা ঙসি থম্নিংবা অকনবা ৱাফমদি হিল স্তেসনশিংদা, কৈথেলশিংদা মাস্ক উপ্তনা, চৎন-কাঙলোন ঙাক্তনা মী য়াম্না তিলহনবনা খুদোংথিনিংঙাইগী মচাক ওইরক্কনি, মসি অফবা ওইরোই‍। অহুমসুবা ইথক য়ৌরক্লগনি অদুনা মসি হৌরক্ত্রিঙৈদা খরা নুংঙাইথোকহৌবা চুমগনি হায়বা ৱাফম কয়াসু ঐখোয়না তারি‍। অদুবু মীয়াম্না খঙজিনগদবা ৱাফমদি অহুমসুবা ইথক অসি মশা মদোক লাকচগদবা নত্তে‍। করিগুম্বদসু কনাগুম্বনা অহুমসুবা ইথক্কী করি থৌরাং লৌখৎলবগে হায়না হংবা য়াওই‍। অহুমসুবা ইথক্কীদমক অদোম্না করি তৌগদগে? অদুবু ঐখোয়না হংগদবা ৱাহংদি অহুমসুবা ইথক লাক্তনবা ঐখোয়না করি তৌগদগে, ঐখোয়না চৎন-কাঙলোনবু কমদৌনা চেকশিন্না ঙাক্কদগে হায়বসিনা ওইগদবনি‍। অদুগা কোরোনা হায়রিবসি মশা মথন্তা লাকপা নত্তে, কনাগুম্বা অমনা চৎলগা লৌরুবনি, মরম অসিনা ঐখোয়না হায়রিবা ৱাফমসিদা পুক্নিং চঙলবদি ঐখোয়না অহুমসুবু ইথকপু থিংবা ঙমগনি‍। লাক্লবা মতুংদা করি তৌগদগে হায়বদুনা তোঙানবা ৱাফম অমনি অদুগা লাক্ত্রিঙৈদা থিংহৌবা হায়বসিনা মরুওইবা ৱাফম ওইগদবনি‍। মসিগীদমক্তা মীয়াম্না চেকশিন্না মতম পুম্নমক্তা চৎন-কাঙলোন ঙাকপা তাই, মসিদা খজিক্তং ওইরবসু নাথৈরুবা য়ারোই অমদি নাচঙদবা, চেকশিন্দবা, মী তিনবা হায়রিবা মরমশিং অসিদগী কোরোনা শন্দোরকপা খঙহেন হেল্লক্কনি হায়না হঞ্জিন হঞ্জিন খঙ-হৈরবশিংনা চেকশিনৱা থমখ্রবনি‍। মরম অসিনা তাঙ্কক খুদিংদা খোঙথাঙ খুদিং চেকশিন্না থাংবা তাই‍। মী য়াম্না তিনগদবা থৌরমশিং থিংগদবনি, মখোয়বু থিংনবা থবক লৌখৎকদবনি‍।

|

মরূপশিং,

কেন্দ্র লৈঙাক্না পায়খৎলিবা ‘পুম্নমক্তা ভেক্সিন-লেম্না ভেক্সিন’ হায়রিবা থৌরাং অসি অৱাং-নোংপোক্কী স্তেতশিংদসু য়াম্না মরু ওই‍। অহুমসুবা ইথক থেংননবগীদমক ঐখোয়না ভেক্সিনেসনগী খোঙজেল হেনগৎহনগদবনি‍। ঐখোয়না ভেক্সিনেসনগা মরী লৈননা লান্না থাজনবা লৈরিবশিং কোকহন্নবা খুন্নাইগী, নাৎকী, লাইনিংগী, মহৈ মশিংগী লমদা লৈরিবা মীপুম খুদিংমকপু, মীয়াম্না শকখঙনবা মীওইশিংবু পুন্না পুশিল্লক্তুনা মখোয়গী মতেং লৌবা তাই‍। মীপুম খুদিংক্কী চীন্দগী মসিগীদমক ৱাফমশিং শন্দোকহন্নবা অমদি মীয়াম থোরকহন্নবা থবক লৌখৎপা তাই‍। হৌজিক অৱাং-নোংপোক্কী স্তেত খরদা ভেক্সিনেসনগী মতাঙদা শিংথানিংঙাই ওইনা থবক চঙশিল্লি‍। ঐনা থবকসি হৌরকপদসু হায়খি কোরোনা শন্দোরকপা য়াবগী খুদোংথিনিংঙাই হেন্না লৈবা মফমশিংদা ভেক্সিনেসন্দা অহেনবা পাঙ্গল শীজিন্নগদবনি হায়না হায়খি‍।

মরূপশিং,

ঐখোয়না তেস্তিং অমসুং ত্রীতমেন্তকা মরী লৈনবা মচাক মথুমশিং শেমগত্তুনা মাঙদা চঙশিনবা তাই‍। মসিদীগদমক হন্দক্তা কেবিনেতনা লুপা করোর লিশিং ২৩গী অনৌবা পেকেজ অমা অয়াবা পীখ্রে‍। অৱাং-নোংপোক্কী স্তেত খুদিংমক্তা পেকেজ অসিদগী মখোয়গী হকশেলগী মচাক মথুম শেমগৎপদা মতেং ফংগনি‍। পেকেজ অসিগী মখাদা অৱাং-নোংপোক্তা তেস্তিং, দাইগ্নোস্তিক, জিনোম সিক্বেন্সিংনচিংবদা চাউনা ইনোৎ হাপকনি‍। কেস হেনগৎলক্লিবা মফমশিংদা থুনা আই.সি.য়ু. ফমুং হেনগৎহনবদা মসিনা মতেং ওইগনি‍। মরু ওইনা ঐখোয়না ওক্সিজেন অমসুং পেদিয়াত্রিক কেয়রগা মরী লৈনবা মচাক মথুমশিং শেমগৎপগী থবক খোঙলৈ থুনা পায়খৎপা মথৌ তাগনি‍। পি.এম. কেয়র্সকী মখাদা লৈবাক শিনবা থুংনা অনৌবা ওক্সিজেন প্লান্ত চা কয়া লিংখৎলি অমদি মুখ্য মন্ত্রী ময়াম্না থবক অসিবু খোঙজেল য়াঙনা পায়খৎলিবসিদা ঐঙোন্দা নুংঙাইবা ফাওহল্লি‍। অৱাং-নোংপোক্তা চাউরাক্না প্লান্ত ১৫০রোম অয়াবা পীখ্রে‍। ঐনা ময়ামদা হায়জনিংবদি অদোম্না থবকসি হেক য়ারিবমখৈ থুনা লোইশিন্দুনা, অপনবা লৈহন্দনা হোৎনবিয়ু হায়বসিনি‍। অদুগা তুংদা খুদোংচাদবা মায়োক্নদনবগীদমক মসিদা চঙগদবা মেনপৱার, স্কিল্দ মেনপৱার থৌরাং তৌদুনা থম্বিয়ু হায়বসিসু হায়জনিংই‍। অৱাং-নোংপোক্কী লৈয়াৎকী ফীভম য়েংলগা মতম খরগা ওইবা লায়েংশঙশিং লিঙ্খৎপসু মরু ওই‍। অদুগা হৌরকপদসু ঐনা হায়খিবা মরুওইবা ৱাফম অমা অমুক্কসু হায়রি মদুদি অনৌবা ওক্সিজেন প্লান্ত লিংখৎলিবা, আই.সি.য়ু. ৱার্দ শেমগৎলিবা, ব্লোক্কী থাক্কী লায়েংশঙশিংদা অনৌবা মেছিনশিং পানখৎলিবশিং অসি চলাইনবা নীংথিনা ত্রেন তৌরবা মেনপৱারসু মথৌ তাগনি‍। মসিগা মরী লৈননা অদোম্না পাম্লিবা মতেং খুদিংমক কেন্দ্র লৈঙাক্না ফংহনগনি‍।

মরূপশিং,

ঙসি ঐখোয়দা লৈবাক শিনবা থুংনা নোংমদা তেস্ত লাখ ২০দগী হেন্না তৌবা ঙম্বগী মতিং লৈরে‍। অৱাং-নোংপোক্কী দিস্ত্রিক্ত খুদিংদা, মরুওইনা কা হেন্না শোকহল্লবা দিস্ত্রিক্তশিংদা তেস্তিংগী মচাক মথুমশিং অ্রহেনবা মীৎয়েঙ চঙদুনা মশিং হেনগৎহনবা মথৌ তাই‍। মসিদসু নত্তনা রেন্দম তেস্তিংগী মথক্তা ক্লস্তর ব্লোকশিংদা এগ্রেসিব তেস্তিং তৌননবা ঐখোয়না লৌখৎফম থোকপা খোঙথাঙশিং লৌখৎকদবনি‍। মীয়ামগী মতেংগা লোয়ননা, লৈবাক্কী মীয়ামগী মতেংগা লোয়ননা ঐখোয়না কোরোনা শন্দোরকপা থিংবা ঙমগনি হায়না চপ চানা থাজৈ‍‍। ঙসি ঐখোয়না অৱাং-নোংপোক্কী মতাঙদা খন্নদুনা অকক্নবা হীরম খরদা নৈনবা ফংবসি নুংঙাই‍। হায়রিবা থৌরাংশিং অসি লৌখৎলবা মতুংদা অৱাং-নোংপোক্কী মফম খরদা শন্দোরকপগী চাং হেনগৎলক্লিবা অসি খুৎলৈ থুনা থিংনবা ঐখোয়গী কাঙবু খুদিংমক্না থবক পায়খৎলক্কনি অমদি মায় পাক্কনি হায়না ঐনা চপ চানা থাজৈ‍। অমুক্কা হন্না ময়াম পুম্নমকপু হন্না-হন্না থাগৎচরি‍! ঐগী অৱাং-নোংপোক্কী ইচিন ইনাউশিং থুনা কোরোনা লৈতবগী নুংঙাইবদু ফংবা ওইরসু হায়না ময়ামগী মফমদা য়াইফ পাউজেল পীজরি‍।

 

  • krishangopal sharma Bjp January 13, 2025

    नमो नमो 🙏 जय भाजपा 🙏🌷🌷🌷🌷🌷🌹🌷🌷🌷🌷🌹🌷🌷🌹🌷🌷🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷
  • krishangopal sharma Bjp January 13, 2025

    नमो नमो 🙏 जय भाजपा 🙏🌷🌷🌷🌷🌷🌹🌷🌷🌷🌷🌹🌷🌷🌹🌷🌷🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹
  • krishangopal sharma Bjp January 13, 2025

    नमो नमो 🙏 जय भाजपा 🙏🌷🌷🌷🌷🌷🌹🌷🌷🌷🌷🌹🌷🌷🌹🌷🌷🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷
  • krishangopal sharma Bjp January 13, 2025

    नमो नमो 🙏 जय भाजपा 🙏🌷🌷🌷🌷🌷🌹🌷🌷🌷🌷🌹🌷🌷🌹🌷🌷🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹
  • krishangopal sharma Bjp January 13, 2025

    नमो नमो 🙏 जय भाजपा 🙏🌷🌷🌷🌷🌷🌹🌷🌷🌷🌷🌹🌷🌷🌹🌷🌷🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷🌹🌷
  • Dr Swapna Verma March 14, 2024

    jay bharat
  • MLA Devyani Pharande February 17, 2024

    nice
  • MLA Devyani Pharande February 17, 2024

    जय श्रीराम
  • शिवकुमार गुप्ता January 23, 2022

    जय भारत
  • शिवकुमार गुप्ता January 23, 2022

    जय हिंद
Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
Blood boiling but national unity will steer Pahalgam response: PM Modi

Media Coverage

Blood boiling but national unity will steer Pahalgam response: PM Modi
NM on the go

Nm on the go

Always be the first to hear from the PM. Get the App Now!
...
Prime Minister condoles the loss of lives in an accident in Mandsaur, Madhya Pradesh
April 27, 2025
QuotePM announces ex-gratia from PMNRF

Prime Minister, Shri Narendra Modi, today condoled the loss of lives in an accident in Mandsaur, Madhya Pradesh. He announced an ex-gratia of Rs. 2 lakh from PMNRF for the next of kin of each deceased and Rs. 50,000 to the injured.

The Prime Minister's Office posted on X :

"Saddened by the loss of lives in an accident in Mandsaur, Madhya Pradesh. Condolences to those who have lost their loved ones. May the injured recover soon.

An ex-gratia of Rs. 2 lakh from PMNRF would be given to the next of kin of each deceased. The injured would be given Rs. 50,000: PM @narendramodi"