খুরুমজরি।
করিগুম্বা পোলিসীশিং অদুনা চুম্লবদি লৈবাক অদুনা কয়াম ৱাংনা পাইবা ঙমগনি? ঙসি অসি মদুগী খুদম ওইরিবা নুমিৎ অদুনি। চহি খরগী মমাং ফাওবদা লৈবাক অসিদা দ্রোন হায়বা মমিং অসি পনবা মতমদা মসি আর্মীগা মরী লৈনবা সিস্তেম অমনি হায়না খন্নখি মসি য়েক্নবশিংবু থেংনবদা শীজিন্নবা পোৎশকশিংনি হায়না অসুম্না খন্নরমখি। অদুবু ঙসিদি ঐখোয়না মানেসরদা কিসান দ্রোনগী খুদোংচাবা অসি ফংহল্লি। মসি ২১শুবা চহিচাগী মতমগা চুনরবা লৌউ-শিংউগী পথাপ অসিগী মাইকৈদা চংশিল্লিবা অনৌবা পন্দুপ অমা ওইরি। খোঙথাং অসিনা দ্রোন সেক্তরগী দিবেলপমেন্তদা মাইপাকপা অমনি হায়না উৎপা ঙম্বা খক্তা নত্তনা মসিনা পনখৈ লৈত্রবা ওইথোকপা য়াবা কয়া অমসু ফংহল্লগনি। গরুদা এরোস্পেসনা মথংগী চহি অনিদা ভারত্তা দ্রোন লাখ অমা শানবা পান্দম থম্মি হায়নসু ঐঙোন্দা খঙনখি। মসিনা নহারোল কয়াদা অনৌবা থবক অমসুং অনৌবা খুদোংচাবশিং পীরগনি। মসিগীদমক ঐহাক্না গরুদা এরোস্পেসকী তীম অমসুং নহা ওইরিবা মরুপশিংবুসু নুংঙাইবা ফোঙদোকচরি।
মরুপশিং,
লৈবাক অসিগী ওইনা মতম অসি আজাদী কা অমৃত মহোৎসব তারি। মসি অনৌবা ভারতকী মতমনি অমসুং মসি ভারতকী নহারোলশিংগী মতমনি। হৌখিবা চহি খরা অসিদা লৈবাক অসিদা পুরকখিবা রিফোর্মশিং অসিনা নহারোল অমদি প্রাইবেৎ সেক্তরদা অনৌবা থৌনা অমা হাপখি। ভারতনা দ্রোনশিংগী মতাংদসু ৱাখল শাগৎতুনা মতম মাংহনখিদে। ঐখোয়না নহারোলগী তেলেন্ততা থাজবা থমখি অমসুং অনৌবা ৱাখল্লোনগা লোয়ননা মাংদা চংশিনখি। বজেৎ অসিদা লাউথোকখিবশিংদগী হৌরগা পোলিসীগী ৱারেপশিংদা লৈবাক অসিনা তেক্নোলোজী অমসুং ইন্নোভেসন্দা মরু ওইবা মীৎয়েং থম্লি। মসিগী ফল অসি ঙসি ঐখোয়গী মাংদা লৈরিবা অসিনি। ঐখোয়না দ্রোন অসি হীরম কয়াদা শীজিন্নবা করম্না য়াবগে উবা খক্তা নত্তনা বীতিং দি রিত্রীৎ মনুংদা লৈবাক পুম্বনা দ্রোন ১০০না উৎখিবা শীংথানীংঙাই ওইবা দিস্প্লে অদু উবা ফংখি। ঙসি স্বামিত্ব স্কিমগী মখাদা খুঙ্গংশিংদা দ্রোনশিংগী খুত্থাংদা লম অমসুং য়ুমশিংগী রেকো্রদ শেম শারি। দ্রোনশিংগী খুত্থাংদা মেছিনশিং সপ্লাই তৌরি। মনুং হঞ্জিনবা মফমশিংদা ভেক্সিনশিং য়ৌহল্লি। মফম কয়ানা দ্রোনশিংনা লৌফমশিংদা হীদাক চাইরি। মাইকৈ অসিদা ন্যু এজ রিভোল্যুসন পুরক্নবা কিসান দ্রোন অসিনা অহৌবা ওইরি। খুদম ওইনা লাক্কদৌরিবা মতমশিংদা হায়-কেপাসিতী দ্রোনশিংগী মতেং লৌদুনা লৌমীশিংনা অতেকপা মনা-মশিং, উহৈ, লৈশিং অসি মখোয়গী লৌফমদগী কৈথেলদা য়োনবা য়ারক্লগনি। ঙাগী ফার্ম তৌবগা মরী লৈনবা মীওইশিংনা পুখ্রি, তুরেল অমদি সমুদ্রদগী হকথেংননা অতেকপা ঙাশিং অসি কৈথেলদা য়োনবা য়ারক্লগনি। অতেনবা মতমগী মনুংদা, অমাংবা থোকপা হন্থহন্দুনা ঙামী, লৌমীশিংগী পোত্থোকশিংনা কৈথেলদা য়ৌরক্লগনি, অসুম তৌদুনা ঐখোয়গী লৌমী অমদি ঙামী ইচিল-ইনাওশিংনা মখোয়গী শেন্থোক হেনগৎচবা ঙম্লগনি। ঐখোয়গী মাংদা অসিগুম্বা খুদোংচাবা কয়া অমা লৈরি। মাইকৈ অসিদা লৈবাক অসিগী কম্পনী কয়ামরুমনা চংশিল্লিবা অসি উবদা ঐহাক্না নুংঙাইবা পোকই। দ্রোন স্তার্ত-অপশিংগী অনৌবা ইকোসিস্তেম অমা ভারত্তা শেমগৎলি। হৌজিক্কী ওইনা লৈবাক অসিদা দ্রোন স্তার্তঅপ ২০০ হেন্না ওপরেৎ তৌরি। অথুবদা মশিং অসি লিশিং শোইদনা য়ৌরক্লগনি। মসিনা অনৌবা থবক্কী খুদোংচাবা লাখ কয়া ফংহল্লগনি। লাক্কদৌরিবা মতমশিংদা ভারতকী চাউখৎলক্লিবা তৌবা ঙম্বগী শক্তি আসিনা দ্রোনগী লমদা মালেম পুম্বগী অনৌবা লুচিংবা ওইরক্লগনি হায়না ঐহাক্না থাজৈ। থাজবা অসিগী লোয়ননা ঐহাক্না ময়ামদা থাগৎপা ফোঙদোকচরি, ময়ামদা য়াইফ-মঙ্গোল পীজরি। নহারোলশিংবু পুক্নিং থৌগৎনবা ঐহাক্না য়াইফ-মঙ্গোল পীজরি। ঙসি থোরক্লিবা স্তার্ত-অপকী ইনখৎলক্লিবা নহারোলশিং অসিনা শীংনবশিং মায়োক্নরি। মখোয়বু ঐহাক্না থাগৎচরি। অমসুং ভারত সরকারগী পোলিসীশিংগা খুৎশম্নদুনা মখা তানা চংশিনবনা অদোমগী মাংদা খুদোংথিবা অমত্তা থেংনরোই হায়না থাজবা পীজরি। পুম্নমকপু ঐহাক্না য়াইফ-মঙ্গোল পীজরি। হন্না-হন্না থাগৎচরি।
