"India’s approach to tourism is based on the ancient Sanskrit verse ‘Atithi Devo Bhavah’ which means ‘Guest is God’”
“India’s efforts in the tourism sector are centered on preserving its rich heritage while creating a world-class infrastructure for tourism”“In the last nine years, we have placed special emphasis on developing the entire ecosystem of tourism in the country”“India is also recognizing the relevance of the tourism sector for the speedy achievement of Sustainable Development Goals”“Collaboration among governments, entrepreneurs, investors and academia can accelerate technological implementation in the tourism sector”“Terrorism divides but Tourism unites”“The motto of India's G20 Presidency, ‘Vasudhaiva Kutumbakam’ - ‘One Earth, One Family, One Future’ can itself be a motto for global tourism”“You must visit the festival of democracy in the mother of democracy”শক্নাইরবশিং, ইবেম্মাশিং অমসুং ইবুংঙোশিং, খুরুমজরি!
ঐনা ময়াম পুম্নমক ইনক্রেদিবল ইন্দিয়াদা তরাম্না ওকচরি! তুরিজম মিনিস্তরশিং ওইনা, মালেমগী ওইনা দোল্লর ত্রিল্লিয়ন ২ হেনবা সেক্তর অমা থবক পায়খৎলি, মসি অদোম ইশামক লমকোয়বা মীওই অমা ওইবগী খুদোংচাবা অমা অদোম্না ফংবা অসি অতাংবা থৌদোক অমনি। ভারতকী অচৌবা লমকোয়ফম অমা ওইরিবা গৱাদা অদোম লৈরে। গৱাগী মহৌশাগী ফজনা য়েংনবা অদোমগী মীফমশিংদগী মতম খর কাইথোক্নবা ঐনা অদোমগী মফমদা তকশিল্লি।
শক্নাইরবশিং,
ঐখোয়গী অরিবা লাইরিকশিংদা হায়রি, অতিথি দেবো ভব। মসিগী ৱাহন্থোক্তি “ য়ুমদা থুংলবা মীওইদি ঈশ্বরনি’ হায়বনি। মসিগী তুরিজমদা য়েংলিবা ঐখোয়গী মীৎয়েং অদুনি। ঐখোয়গী তুরিজম অসি শুপ্নগী লম য়েংবা অদু খক নত্তে। মসি চুপ লুপশিনবা থবক অমনি। মসি ঈশৈ নত্ত্রগা চীঞ্জাক, কলা নত্ত্রগা কলচর ওইগেরা, ভারতকী খেন্নবশিং অসি তশেংনবা অঙকপা অমনি। অৱাংবা হিমালয়শিং, অশুকপা উমংশিং, মরুভুমিশিং অমসুং ফজরবা সমুদ্র মপানশিং লৈরি। এদভেঞ্জর স্পোর্তশিং, মেদিতেসন য়াওনা ভারত্তা মীওই খুদিংমক্কী করিগুম্বা খর লৈরি। ঐখোয়না জি-২০গী প্রসিদেন্ত ওইরিবা অসিগী মনুংদা, ভারতকী তোঙান-তোঙানবা মফম ১০০ হেনবদা ঐখোয়না মীফম ২০০ হেন্না শীল্লে। হায়রিবা মীফমশিং অদু শরুক য়ানবা হান্না ভারত্ত চৎলুরবা অদোমগী মরুপশিংদা করিগুম্বা অদোম্না হংলবদি, এক্সপেরিয়েন্স অনি অদু মান্নরোই হায়না ঐনা থাজবা পীরি।
শক্নাইরবশিং,
সেক্তর অসিদা ঐখোয়গী থবক্তি ঐখোয়গী ইনাকখুল্লবা হেরিতেচ ঙাক-শেনবনি অমসুং মসিগা ইরোইননা, তুরিজমগীদমক মালেম থাক্কী ইনফ্রাস্ত্রকচর শেম্বনি। ঐখোয়গী মরুওইনা লৌরিবা হিরমশিংগী মনুংদা অমদি স্পিরিচুএল তুরিজম চাউখৎহনবা অসিনি। মালেমগী মরুওইবা লাইনিং খুদিংমক্কী লাই খুরুম্বা লাকপা মীওইশিং ভারতনা পুক্নিং চঙশিল্লি। ইনফ্রাস্ত্রকচর শেমগৎলবা মতুংদা, হান্নদগী শরুক ১০ হেনগৎতুনা বরানাসীদা হৌজিক লাই খুরুম্বা মীওই মিল্লিয়ন ৭০ লাক্লে। স্তেচু ওফ য়ুনিতি হায়না ঐখোয়না অনৌবা লমকোয়ফমশিং শেমগৎলি। মালেমদা খ্বাইদগী ৱাংবা মীতম ওইনা, মসি শারবা চহি অমগী মনুংদা মফম অসিদা মীওই মিল্লিয়ন ২.৭ লাকখি। হৌখিবা চহি ৯ অসিদা লৈবাক অসিগী তুরিজমগী ফিবম চাউখৎহন্নবা ঐখোয়না অখন্নবা থবকশিং পায়খৎলে। ত্রান্সপোর্ত ইনফ্রাস্ত্রকচর, হোস্পিতেলিতি সেক্তর, স্কিল দিবলপমেন্ত অমসুং ভিসাগী থবকশিং য়াওনা ঐখোয়গী অওনবশিং পুরক্নবা হোৎনবগা লোয়ন্না ঐখোয়না তুরিজম সেক্তরসু অওনবা পুরক্লে। হোস্পিতেলিতি সেক্তর অসি থবক পীনবা, খুন্নাই চাউখৎনবা অমসুং শেন-থুম চাউখৎনবা খুদোংচাবা কয়া লৈরি। অতোপ্পা সেক্তরশিংগা চাংদম্নবদা মসিনা নুপীশিং অমসুং নহারোলশিং মশিং হেন্না থবক পীরি। স্তেনেবল দিবলপমেন্ত গোলশিং য়াংনা ফংনবা তুরিজম সেক্তর মশক খঙবা অসিদা ঐ হরাওই।
শক্নাইরবশিং,
অমগা অমগা মরী লৈনবা হিরম মঙাদা – গ্রিন তুরিজম, দিজিতেলাইজেসন, স্কিল দিবলপমেন্ত, তুরিজম এম.এস.এম.ই অমসুং দিস্তিনেসন মেনেজমেন্তগী লমদা ঐখোয় থবক তৌরি। হায়রিবা মরুওইবা হিরমশিং অসি গ্লোবেল সাউথকী মরুওইবসুনি। অনৌবা থবকশিং পাংথোক্নবা ঐখোয়না অনৌবা তেক্নোলোজিশিং হায়বদি আর্তিফিসিএল ইন্তিলিজেন্স অমসুং ওগমেন্তেদ রিএলিতি মপুংফানা শীজিন্নগনি। খুদম ওইনা, ভারত্তা ঙাংনরিবা লোলশিং মতম চপ চানা হন্দোক্নবা ঐখৌয়না আর্তিফিসিএল ইন্তিলিজেন্স শীজিন্নরি। সরকারশিং, ওন্ত্রেপ্রেনিউয়রশিং, ইনভেস্তরশিং, অখঙ-অহৈশিংগী মরক্তা মতেং পাংনবা অসিনা তুরিজমদা তেক্নোলোজি শীজিন্নবা য়াংখৎহনগনি। ঐখোয়গী তুরিজম কম্পেনিশিং শেন্থং ফংবা হেনগৎনবা, ললোন-ইতিক্কী নিয়মশিং লাইথোকহন্নবা অমসুং স্কিল দিবলপমেন্তদা শেন থাদনবা ঐখোয় পুন্না থবক তৌমিন্নগদবনি।
শক্নাইরবশিং,
তেরোরিজম্না তোখাই তাহল্লি, তুরিজম্না অমতা ওইহল্লি হায়নরি। তুরিজম অসি তশেংনা শীনফম খুদিংমক্কী মীওইশিং অমতা ওইহনবা ঙম্মী, খুন্নাই নুংঙাইহনবা ঙম্মী। য়ু.এন.দব্লিউ.তি.ওগা লোয়ন্না জি-২০ তুরিজম দাসবোর্দ অমা শেম্বদা ঐ হরাওই। মসিনা খ্বাইদগী ফবা থবকশিং, কেস স্তদিশিং অমসুং মাইপাকপগী ৱারিশিং অমতা ওইনা পুনশিনবা ঙমগনি। তুরিজম সেক্তরদা অওনবা পুরকপদা “গৱা রোদমেপ” অসিনা ঐখোয়গী থবকশিংদা মতেং পাংগনি। ভারতনা জি-২০গী প্রসিদেন্ত ওইবগী পান্দম “ভসুধাইব কুতুম্বকম”-মালেম অমা, ইমুং অমা, তুংলমচৎ অমা” অসি মালেমগী তুরিজমগী পান্দম অমা ওইবা য়াগনি।
শক্নাইরবশিং,
ভারত অসি কুহ্মৈশিংগী লৈবাক অমনি। লৈবাক শীনবা থুংনা ঐখোয়গী চহি চুপ্পা কুহ্মৈশিং লৈরি। গৱাদা অথুবা মতমদা সাউ জাউ ফেস্তিবেল পাংথোক্লগনি। অদোম্না য়েংগদবা অতোপ্পা কুহ্মৈ অমা লৈরি। গনতন্ত্রগী কুহ্মৈ অসি গনতন্ত্রগা মমানি। মথং চহিদা ভারতকী সাধরন মীখল পাংথোক্কনি। থা অমা হেন্না, ভোত্তর বিল্লিয়ন ১ রোম কুহ্মৈ অসি শরুক য়াগনি। ভোত্তিং বুথ মিল্লিয়ন অমা হেন্না লৈদুনা, কুহ্মৈ অসি অদোম্না য়েংনবা মফমগী অৱাৎপা লৈরোই। মালেমগী কুহ্মৈশিংগী মনুংদা মরুওইবা অমা ওইরিবা কুহ্মৈ অসি য়েংনবা ভারত্তা লাক্নবা ঐনা অদোমগী মফমদা চেবাউ পীজরি। মসিগী চেবাউ অসিগা লোয়ন্না, অদোমগী থবক-থৌরম খুদিংমক মাইপাক্নবা ঐনা অদোমগী মফমদা য়াইফ-পাউজেল পীজরি।
অদোম থাগৎচরি!
