Quote“ঐখোয়গী গ্রহগীদমক্তা অচুম্বা ৱারেপ লৌবা মীওইশিং অসি ঐখোয়গী গ্রহগীদমক্তা লান্থেংনবা মতমদা য়াওম্না মরু ওইরক্কনি। মসি মিসন লাইফকী মরু ওইবা ৱাফম্নি”
Quote“ক্লাইমেত চেঞ্জ অসি কনফরেন্স তেবল খক্তদগী লান্থেংনবা য়ারোই। মসিদি য়ুম্থোং খুদিংগী দিন্নর তেবলদগী লান্থেংনগদবনি”
Quote“মিসান লাইফ হায়বসিদি ক্লাইমেত চেঞ্জকী মাইয়োক্তা চঙশিল্লিবা লানবু দিমোক্রেতাইজ তৌবনি”
Quote“মীয়ামগী ইহৌ অমসুং লিচৎ শাজৎ হোংদোকপগী মতাংদা ভারতকী মীয়াম্না মমাংগী চহি খরসিদা থবক য়াম্না পাংথোকখ্রে”
Quote“লিচৎ শাজৎকা মরী লৈনবা খোঙথাংগীদমক্তা মতিক চানা শেল থাদবগী থৌওং শেম্বা তাই। লিচৎ শাজৎকা মরী লৈনবা খোঙথাংগীদমক্তা ৱর্ল্দ বেঙ্কনা উৎলিবা তেংবাং অসিনা হীরম কয়াদা কান্নবা পীবা য়াই”

ৱর্ল্দ বেঙ্ককী প্রেসিদেন্ত, হর এক্সেলেন্সী, মোরোকোগী ইনর্জী ত্রাঞ্জিসন এন্দ সস্তেনেবল দিভেলমেন্তকী মন্ত্রী, ঐগী কেবিনেত মরুপ নির্মলা সিতরমন জী, লোর্দ নিকোলাস স্তর্ন, প্রোফেসর সন্সতেন, অমদি অতৈ ইকায়খুম্নরবা মীথুংশিং

খুরুমজরি!

ৱর্ল্দ বেঙ্কনা অইং অশাগী ফীভম হোংলকপনা লমচৎ শাজত্তা অহোংবা পুরকপদা পীরিবা শাফুগী মতাঙদা থৌরম অসি পাঙথোকপিরকপসিদা ঐ নুংঙাই‍। মসি ঐগী থম্মোয়দা নক্না লৈবা ৱাফম অমনি, অমদি মসি মালেমগী ওইবা ইহৌ অমা ওইরকপসি নুংঙাইবা ফাওই‍।

মরূপশিং,

মমিং লৈরবা ভারতকী ফিলোসোফর চানক্যনা চহি লিশিং অনিগী মমাঙদা ইবিরম্মী: জল বিন্দু নিপাতেন ক্রমস: পুর্য়তে ঘত:‍। স হেতু: সর্ব বিধ্ধানাম ধর্মস্য চ ধনস্য চ‍।‍। অপীকপা ঈশিংগী ঈরিকশিংনা, পুনশিল্লক্লবা মতমদা, চফু অমা থল্লকই‍। মতৌ অসুম্না, ৱাখল লৌশিং, অফবা থৌওং নৎত্রগা তপ্না তপ্না হেনগৎলকই‍। মসিদা ঐখোয় পুম্নমক্কী পাউজেল অমা য়াওরি‍। ঈশিং ঈরিক অমমম হায়বসি য়ামদবা মাল্লমগনি‍। অদুবু মসিনা অতৈ ঈরিকশিংগা পুনশিল্লকপা মতমদদি, মসিনা শাফু অমা পীরি‍। মালেমসিগীদমক করিগুম্বা অফবা থবক অমা তৌবা হায়বসি করিসু কান্নফম খঙদবা ওইনা উরম্বদি য়াই‍। অদুবু মালেম পুম্বদা হায়রিবা থবক অদু পুন্না তৌমিন্নরবদি, মদুগী শাফু অদু চাউই‍। লনাই মীওইশিংনা ঐখোয়গী মালেমগীদমক অচুমবা ফিরেপ অমমম লৌবনা ঐখোয়গী মালেমগীদমক থেংনরিবা লান্ফম অসিদা মরুওই হায়না ঐখোয়না থাজৈ‍। মসি মিসন লাইফকী নুংগী ওইবা ৱাখল্লোন্দুনি‍।

মরূপশিং,

ইহৌ অসিগী মরূদি মতম কয়াগী মমাঙদগী হুনবা হৌখ্রবনি‍। ইং ২০১৫দা য়ুনাইতেদ নেসন্স জেনেরেল এসেমব্লীদা, ঐনা লমচৎ শাজত্তা অহোংবা পুরকপগী মথৌ তাবা ৱাফম থমখি‍। মতমদুদগী হৌনা, ঐখোয় ফনা য়াম্না চঙশিল্লক্লে‍। ওক্তোবর ২০২২দা, য়ু.এন. সেক্রেতরী জেনেরেল অমদি ঐহাক্না মিসন লাইফ হৌদোকখি‍। সি.ও.পি.-২৭গী আউতকম দোকুমেন্তকী প্রিএম্বলনসু সস্তেনেবল ওইবা পুন্সি মহিং অমদি পোৎশিং শীজিন্নবগী মতাঙদা ফোঙদোক্লি‍। অদুগা অইং অশাগী খল হোংলকপগী লমদা লৈরিবা অখঙ অহৈশিংনা হায়রিবা লাইৱা অসিবু শীজিন্নরিবা অসিসু নুংঙাইবা অমনি‍।

মরূপশিং,

মালেম পুম্বদা লৈরিবা মীয়াম্না অইং অশাগী খল হোংলকপগী মতাঙদা য়াম্না তানরে‍। মখোয়না মসিগীদমক করি তৌগদগে হায়বা খঙদবনা মীয়াম্না লাংতক্নবা কয়া অমা ফাওনরি‍। মখোয়দা লৈঙাক অমদি মালেমগী ইনস্তিত্যুসনশিংখক্তগী থৌদাং লৈ হায়না খনহল্লি‍। করিগুম্বা মখোয়না থৌদাং য়াবা তম্লবদি, মখোয়গী লাংতক্নবা অদু থবক্তা ওন্থোরক্কনি‍।

মরূপশিং,

অইং অশাগী খল হোংলকপা অসি কন্ফরেন্স তেবলখক্তদগী থেংনবা য়ারোই‍। মসি ইমুং খুদিংমক্কী দিন্নর তেবলদগী থেংনগদবনি‍। খন্ন-নৈনবগী তেবলদগী দিন্নর তেবলদা ৱাখল্লোন অমা লাল্লকপা মতমদা, মদু মীয়ামগী ইহৌ ওইরকই‍। ইমুং খুদিং মীপুম খুদিংদা মখোয়না লৌরিবা ফিরেপ্তুনা, থাংজিল্লুরিবা খোঙথাঙদুনা মালেম অসিদা মতেং পাংবা ঙমগনি হায়বা খলহনবনা পাক চাউবা অমদি খোঙজেল হাপ্পা ঙমগনি‍। মিসন লাইফ হায়বসি অইং অশাগী খও হোংলকপগী মায়োক্তা থেংনরিবা লাল অসিবু মীয়ামগী লানফম ওইহনবদুবুনি‍। মীয়াম্না মখোয়গী পুন্সিদা নুংতিগী তৌরিবা অচম্বা থবকশিং মতিক লৈবনি হায়বা খঙলক্লবা মতমদা, মদুনা অকোয়বগী ফীভমদা অফবা শাফু পীবা ঙম্লক্কনি‍।

মরূপশিং,

মীয়ামগী ইহৌ অমদি লমচৎ শাজৎ হোংদোকপগী ৱাফমসিদা, ভারতকী মীয়াম্না হৌখিবা চহি খরসিদা ফনা য়াম্না থবক পায়খৎখ্রে‍। মী্য়াম্না থৌদুনা পায়খৎপা থৌওংনা ভারতকী মফম কয়াদা নুপা-নুপীগী রেসিও হেনগৎহনখ্রে‍। পাক চাউরবা লু-নানবগী থৌরাং অমসু মীয়াম্না হৌদুনা পায়খৎখি‍। তুরেল ওইরবসু, সমুদ্র খোঙবান ওইরবসু নৎত্রগা লম্বী ওইরবসু, মখোয়না মীয়ামগী ওইবা মফমশিং লুনা নান্না থম্নবা থবক পায়খৎলি‍। অদুগা এল.ই.দ. বল্বশিং মায় পাক্না শীজিন্নখিবসু মীয়াম্ননি‍। চাউরাক্না এল.ই.দি. বল্ব মিলিয়ন ৩৭০ রোম ভারত্তা য়োনখ্রে‍। মসিনা চহি খুদিংগী কোর্বোন থাদোকপগী চাং মিলিয়ন তন ৩৯ লোম হন্থহনবা ঙম্লি‍। ভারতকী লৌমীশিংনা লৌফম হেক্তর লাখ তরেৎলোম মাইক্রো-ইরিগেসন্না কোনশিনহল্লি‍। পর দ্রোপ মোর ক্রোপকী লাইৱা মপুং ফাহল্লদুনা, মসিনা ঈশিং মাঙহনবদগী চাউনা ঙাকথোকপা ঙমখি‍। অসিগুম্বা খুদম কয়া লৈখ্রে‍।

মরূপশিং,

মিসন লাইফকী মখাদা, ঐখোয়না পায়খৎলিবা থবক থৌরাংশিংনা য়ৌশিল্লিবা মফমশিংদি: লোকেল বোদীশিং এনভাইরনমেন্ত-ফ্রেন্দলী ওইহনবা, ঈশিং মাঙহন্দবা, ইনর্জী মাঙহন্দবা, ফত্ত হৌদি অমদি ই-ৱেস্ত হন্থহনবা, হকচাঙ ফবা পুন্সি মহিং লৌশিনবা, মহৌশাগী লৌউ পথাপ পায়খৎপা, চনান য়োকখৎপনচিংবনি‍।

হায়রিবা থবক থৌরাংশিং অসিনা:

- ইনর্জী য়ুনিৎ বিলিয়ন কুননিথোই হেন্না মাঙহল্লরোই,

- ঈশিং লিতর ত্রিলিয়ন মাপনলোম মাঙহল্লরোই,

- ফত্ত হৌদিগী চাং মিলিয়ন তন চাহুম হুমফুতরামঙারোম হন্থহল্লগনি,

- ২০২৩০ ফাওবগী মনুংদা ই-ৱেস্ত মিলিয়ন তন অমগী ময়াদা রিসাইকল তৌগনি, অমদি দোলর মিলিয়ন চাম্মা হুম্ফুতরাগী হেনবা কোস্ত সেবিং ঙম্লগনি‍।

মখা তানা, মসিনা চীঞ্জাক মাঙহনবগী চাং বিলিয়ন তন তরামঙারোম হন্থহনবদা মতেং পাংগনি‍। ঐ মসি কয়ামুক য়াম্না চাউবগে হায়বদু উৎচগে‍। এফ.এ.ও.গী মতুং ইন্না ২০২০দা মালেমগী ওইবা প্রাইমারী ক্রোপ প্রদক্সন অসি বিলিয়ন তন মাপনলোম্নি!

মরূপশিং,

মালেমসিদা লৈরিবা লৈবাকশিংবু পুক্নিং থৌগৎপদা মালেমগী ইনস্তিত্যুসনশিংগী মরুওইবা শক্লোন লৈ‍। ঐনা তাবদা ৱর্ল্দ বেঙ্ক গ্রুপ্না ক্লাইমেৎ ফাইনেন্স অসি অপুনবা ফাইনেন্সিংগী চাকথুং ওইনা ২৬%দগী ৩৫%দা হেনগৎলগনি হায়না তায়‍। হায়রিবা ক্লাইমেৎ ফাইনেন্স অসিগী মীৎয়েঙদি কনভেন্সনেল ওইবা ৱাফমশিংদনি‍। লমচৎ শাজৎ হোংদোকপগী মতাংদসু শেল মতিক চানা থাদনবা পাম্বৈ পুথোকপসু মথৌ তাই‍। মিসন লাইফ কুম্বা লমচৎ শাজৎ হোংদোকপগী থৌরাংশিংদা ৱর্ল্দ বেঙ্কনা ঙাক্লৌ উৎপিবদা চাউনা কান্নবা পুরকপা ঙমগনি‍।

মরূপশিং,

ঐনা থৌরম অসি পাঙথোক্লিবা ৱর্ল্দ বেঙ্ক কাঙবুগী মফমদা নুংঙাইবা ফোঙদোকচরি‍। অদুগা, মীফমশিং অসিনা লনাই মীওইশিংবু মখোয়গী লমচৎ শাজৎ হোংদোকহন্নবা ইথিল পীনবা পাম্বৈ পুথোরক্কনি হায়না ঐনা থাজবা থমজরি‍। ময়ামবু থাগৎচরি‍। হন্না হন্না থাগৎচরি‍।

 

  • कृष्ण सिंह राजपुरोहित भाजपा विधान सभा गुड़ामा लानी November 21, 2024

    जय श्री राम 🚩 वन्दे मातरम् जय भाजपा विजय भाजपा
  • दिग्विजय सिंह राना September 20, 2024

    हर हर महादेव
  • JBL SRIVASTAVA May 27, 2024

    मोदी जी 400 पार
  • Vaishali Tangsale February 12, 2024

    🙏🏻🙏🏻❤️
  • Vandana bisht April 20, 2023

    जलवायु परिवर्तन के प्रयास से हम आने वाली पीढ़ी को बचा पायेंगे , नही तो बिन पानी सब सून
  • Nandakrishna Badami April 20, 2023

    sir, without fresh water and hygiene, human's will be dead as a dodo.hope this issue will be addressed with utmost urgency and care and alloting the right amount of money in the budget.
  • Nandakrishna Badami April 20, 2023

    sir,as it is well known that no water,no civilization.hence the government should guard the water resources with utmost care and vigilance.
  • Nandakrishna Badami April 20, 2023

    sir, the government can also build along the high way the national drinking water grid,on the lines of the power grid,to supply fresh water to all the parts of the mother land.espcially to drinking water starved areas of the country .
  • Nandakrishna Badami April 20, 2023

    with green land agriculture system to protect the top soil and nurture the earth worms the farmers friend.
  • Nandakrishna Badami April 20, 2023

    sir, the government should set up a special fresh water protection task force under the water board s in the country.to protect the fresh water sources.and to replenish them.
Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
Explained: How PM Narendra Modi's Khelo India Games programme serve as launchpad of Indian sporting future

Media Coverage

Explained: How PM Narendra Modi's Khelo India Games programme serve as launchpad of Indian sporting future
NM on the go

Nm on the go

Always be the first to hear from the PM. Get the App Now!
...
PM condoles the passing of Shri Shivanand Baba
May 04, 2025

The Prime Minister Shri Narendra Modi today condoled the passing of Shri Shivanand Baba, a yoga practitioner and resident of Kashi.

He wrote in a post on X:

“योग साधक और काशी निवासी शिवानंद बाबा जी के निधन से अत्यंत दुख हुआ है। योग और साधना को समर्पित उनका जीवन देश की हर पीढ़ी को प्रेरित करता रहेगा। योग के जरिए समाज की सेवा के लिए उन्हें पद्मश्री से सम्मानित भी किया गया था।

शिवानंद बाबा का शिवलोक प्रयाण हम सब काशीवासियों और उनसे प्रेरणा लेने वाले करोड़ों लोगों के लिए अपूरणीय क्षति है। मैं इस दुःख की घड़ी में उन्हें श्रद्धांजलि देता हूं।”