অমেথীদা লৈরিবা ঐগী নুংশিজরবা ইমুংগী মীওইশিংবু খুরুমজরি! অমেথী সান্সদ খেল-কোদ প্রিতিয়োগিতা লোইশিনবগী থৌরমদা নখোয়গী নরক্তা য়াওজবা ফংজবা অসি ঐগী ওইনা য়াম্না অখন্নবা অমা ওই। থা অসি ঐখোয়গী লৈবাক্কী স্পোর্তসকীদমক য়াইফবা থা অমনি। এসিয়ন গেম্সতা ঐখোয়গী শান্নরোয়শিংনা মেদলশিংগী সেনচুরি অমা লৌবা ঙম্মি। স্পোর্তস ইভেন্তশিং অসিদা অমেথীদগী শান্নরোয়শিংনা মখোয়গী তেলেন্ত উৎখি। ঐহাক্না সান্স খেল-কুদ প্রতিয়োগিতাদা শরুক য়ারিবা শান্নরোয় পুম্নমক্তা নুংঙাইবা ফোঙদোকচরি। নখোয়না কম্পিতিসন অসিনা অনৌবা শক্তি অমসুং থাজবা পীরি হায়না ফাওরমগনি নখোয় খক্তা নত্তনা লমদম অসিদা লৈরিবা মীয়াম্নসু ফাওরমগনি অমসুং মসি তাবা খক্তদা ঐহাক্না ফাওবা ফাওই। ঐখোয়না মসিগী নুংঙাইবা অমসুং থাজবা অসি য়োকখৎপা, ঈশিং চাইবীবা অমসুং মখোঙ শোম্বীগদবনি। উবা ফংই অমসুং অফবা ফলশিং পুরক্নবা মসিগী ইনোৎ অসি মথৌ হাপ্পা অমসুং শেমগৎপা মতম ওইরে। নখোয়না হৌখিবা নুমিৎ 25 অসিগী মনুংদা ফংখিবা এক্সপরিএন্স অসি নখোয়গী স্পোর্তিং কেরিয়রগী য়াম্না মরুওইবা লন অমনি। ঙসি ঐহাক্না ওজা, কোচ, স্কুল নত্রগা কোলেজগী মীহুৎশিং ওইনা থৌদাং লৌরদুনা মসিগী অচৌবা কেম্পেন অসিদা শরুক য়াদুনা নহা ওইরিবা শান্নরোইশিং অসিবু মতেং পাংখিবা অমসুং পুক্নীং থৌগৎখিবা মীপুম খুদিংমকপু থাগৎপা ফোঙদোকচরি। অপীকপা মফম অমদা শান্নরোই লাখ অমা হেন্না তিনখিবা অসি য়াম্না চাউনা মাইপাকপা অমনি। অমসুং মসিগী থৌরম অসিবু চাউনা মাইপাকপা পুরকপদা অচৌবা থৌদাং লৌখিবা অমেথিগী এম.পি. স্মৃতি ইরানিবু থাগৎপা ফোঙদোকচরি।
মরুপশিং,
স্পোর্ত অমসুং শান্নরোইশিংবু মখোঙ শোম্বীনবা খুদোংচাবা ফংহন্নবা খুনাই অমা হেক্তদা চাউখৎ থৌরাং পুরকপা হায়বসি য়াম্না মরুওইবা অমনি। নহাশিংদা পর্সনেলিতী দিভেলপ তৌবগী থৌওং অসি স্পোর্তকী খুত্থাংদা মহৌশনা পাংথোকই মরমদি মখোয়না পান্দমশিং ফংনবা কন্না হোৎনৈ, মাইথিরবসু অমুক হন্না হোৎনৈ অমসুং তীমদা শরুক য়াদুনা মাংলোমদা চংশিল্লি। BJP গী MP চা কয়ানা মখোয়গী মশাগী কন্সতিত্যুন্সীশিংদা স্পোর্ত কম্পিতিসনশিং শিন্দুনা খুনাইগী চাউখৎ থৌরাংগী অনৌবা লম্বেল অমা শেম্লি অমসুং লাক্কদৌরিবা চহিশিংদা মসিগী ফলশিং অসি ময়েক লানা উবা ফংলগনি। লাক্কদৌরিবা চহিশিংদা নেস্নেল অমসুং ইন্তরনেস্নেলগী থাক্তা অমেথীদগী হৌরকপা নহা ওইরিবা শান্নরোইশিংনা শোইদনা মেদল লৌবা ঙম্লগনি হয়না ঐহাক্না চেৎনা থাজবা থম্মি অমসুং মসিগুম্বা কম্পিতিসনশিং অসিগী ফংলকপা এক্সপরিএন্স অদু য়াম্না কান্নবা ওইগনি।
মরুপশিং,
শান্নরোইশিংনা ফিল্দ চংবা মতমদা মখোয় মশামক অমসুং তীমগী মাইপাকপা পুরকপা হায়বা মখোয়গী পান্দম অমখক্তমক লৈ। ঙসি লৈবাক্না মাংদা থমদুনা লৈবাক পুম্বনা ঙসিগী শান্নরোইশিং অসিগুম্না ৱাখল খল্লি। মীকুপ অদুদা থৱায় খুবাক্তা হাপতুনা মখোয়না লৈবাক্কীদমক শান্নখি। মতম অদুদা লৈবাক অসিনা অচৌবা পান্দম অমগী মাইকৈদা চংশিল্লি। লৈবাক অসিগী জিলা খুদিংমক্কী নাগরিক খুদিংমক্না ভারত অসি চাউখৎপা লৈবাক অমা ওইহন্নবা থৌদাং অমমম লৌগদবনি। মসিগীদমক সেক্তর খুদিংমক্না ৱাখল্লোন অমা, পান্দম অমা অমসুং ৱারেপ অমগা লোয়ননা মাংলোমদা চংশিনগদবনি। ৱাখল্লোন অসিগা লোয়ননা লৈবাক অসিদা নখোয়গুম্বা নহারোলশিংগীদমক TOPS অমসুং খেলো ইন্দিয়া গেম্সকুম্বা স্কিমশিং ইমপ্লিমেন্ত তৌখি। TOPS স্কিম অসিগী মখাদা শান্নরোই চা কয়াদা লৈবাক অসিগী অমসুং মপানগী কোচশিংদা ত্রেনিং পীখ্রে অমসুং লুপা করোর কয়াগী শেলগী তেংবাং ফংহনখ্রে। খেলো ইন্দিয়া গেম্সকী মখাদা শান্নরোই লিশিং 3গী মথক্তা থাগী লুপা 50,000গী শেলগী তেংবাং ফংহল্লি অমসুং মসিনা মখোয়না ত্রেনিং, কোচিং, কিত, মথৌতাবা ইক্বিপমেন্ত অমসুং অতোপ্পা চাদিং তৌবদা মতেং পাংলি।
ঐগী নুংশিরবা ইমুং-মনুংগী মীওইশিং,
ঙসিগী অওংবা ভারত অসিদা অপীকপা সহরশিংদগী লাকপা তেলেন্তশিংনা মনিং তম্না মাংলোমদা চংশিন্নবা খুদোংচাবা অমা ফংবা ঙমখ্রে। ঙসি স্তার্ত-অপশিংগী মতাংদা লাকপদা ভারতকী মমিং অসি করিগুম্বা তারবদি মদুগী মরম অসি মসিদা অপীকপা সহরশিংনা চাউনা শরুক তমখি। হৌখীবা চহি খরা অসিদা নখোয়না অপীকপা সহরশিংদগী হৌরকখিবগী স্পোর্তসকী লমদা মাইপাকখিবা মীওই কবাগী মমিং তাবা ফংখ্রে। মসি ওইথোকপগী মরম অসিদা ঙসি ভারত্তা মপুং ফানা ত্রান্সপরেন্সী লৈনা নহারোলশিংনা মাংলোমদা চংশিল্লি। এসিয়ন গেম্সকী মেদল লৌরকখিবা এথলিৎ অয়াম্বনা অপীকপা সহরশিংদগী হৌরকখি। সরকারনা মখোয়গী তেলেন্তবু ইকাই খুম্নবা উৎপা অমসুং পীবা য়াবা খুদোংচাবা খুদিংমক ফংহনখিবা অদুগী মহৈ অদু ঙসি উবা ফংলে। উত্তর প্রদেশকী অনু রানি, পারুল চৌধরী অমসুং সুধা সিংহগী পর্ফোমেন্সতা ঐখোয়না মসিগী ফল উবা ফংখ্রে। মখোয়না লৈবাক পুম্ববু চাউথোকচবা পোকহনখি। সান্সদ খেল প্রতিয়োগিতা অসি মসিগুম্বা তেলেন্ত লৈরবা শান্নরোইশিং অসি পুথোক্নবা অমসুং লৈবাক অসিগীদমক মখোয়গী স্কিলশিং হেনগৎহনবা অচৌবা মেদিয়ম অমনি।
ঐগী নুংশিরবা শান্নরোয়শিং,
নখোয়না কন্না হোৎনবনা তুংদা লাক্কদবা মতমশিংদা মাইপাকপা পুরকপা ঙমগনি হায়না ঐহাক্না থাজৈ। নখোয়না মালেমগী ফম্পাক্তা লৈবাক অসিগী মচু অহুমগী ফিরাল অসিগী মিংচৎ পুরকপা ঙম্লগনি। অমেথীগী নহারোলশিংনা শান্নদুনা ঙান্থোইবা ঙম্বা ওইরসনু! য়াইফ মঙ্গোল অসিগা লোয়ননা ময়ামদা মঙ্গোল পীজরি! হন্না-হন্না থাগৎচরি।
