“মথংগী লাইচৎ থেংননবা ঐখোয় মাঙজৌননা ঙাকথোক্কদবনি, থৌরাং তৌগদবনি অমসুং থবক পায়খৎকদবনি”
“মালেমগী য়োগ নুমিৎ মালেমগী লৈবাকশিংনা পাংথোকপা অসি মালেমনা অচুম্বা হকশেলগী থবকশিং পাম্নরকপগী খুদম্নি”“ মালেমগী ওইনা ২০৩০দা পান্দম থম্লিবা অসিদগী ঙনখৎনা তি.বি মুৎথৎনবা লম্বীদা ঐখোয় লৈরে”“ঐখোয়গী অনৌবা থবকশিং মীয়ামগী য়াইনবা শীজিন্নরসি। ঐখোয় অনিরক থোক্না ফন্দ থাদবা তোক্লসি। ঐখোয় মরম চানা তেক্নোলোজিগী খুদোংচাবা ফংহনসি”এক্সিলেন্সীশিং,
নুপী অমদি নুপাশিং,
খুরুমজরি!
ভারতকী প্রজা বিলিয়ন 1.4গী মহুৎ শিন্দুনা ঐহাক্না ময়ামবু ভারত্তা অমসুং ঐগী পোক্নফম রাজ্য, গুজরাত্তা তরাম্না ওকচরি। অদোমবু তরাম্না ওক্নবা ঐহাক্কা লোয়ননা দোক্তর মিলিয়ন 2.4 নর্স মিলিয়ন 3.5, পেরামেদিক্স মিলিয়ন 1.3, ফার্মাসিস্তস মিলিয়ন 1.6 অমসুং ভারতকী হেল্থকিয়র সেক্তরদা থবক তৌরিবা অতোপ্পা মীওই মিলিয়ন কয়ানা শরুক য়ারি।
মরুপশিং,
গান্ধীজীনা হকশেল অসি মরু ওইবা হীরম অমা ওইনা লৌরমখি, মহাক্না হীরম অসিদা ‘কী তু হেল্থ’ হায়না মীংথোনবা লাইরিক অমা ইখি। মহাক্না হায়খি হকচাং ফবা হায়বা অসি কনাগুম্বা অমগী পুক্নিং ৱাখল অমসুং হকচাংবু নুংঙাইনা অমসুং খল কাইদনা লৈবা অদুনি। তশেংনমক হকশেলনা পুন্সিগী মরু ওইবা য়ুম্ফমনি। ভারত্তা ঐখোয়না সংস্কৃৎতা হায়নবা লৈ:
''आरोग्यं परमं भाग्यं स्वास्थ्यं सर्वार्थसाधनम्''
হায়বদি, “হকশেলনা অথোইবা লননি অমসুং হকচাং ফরবদা থবক খুদিংমক মাইপাকপা ঙম্মি”।
মরুপশিং,
কোবিদ-19 লাইচৎ অসিনা ঐখোয়দা হকশেল অসিনা ঐখোয়না লৌবা ৱারেপশিংগী মরু ওইবা হীরম ওইহনগদবনি হায়বা নীংশিংহনখি। মসিনা হীদাক-লাংথক অমসুং ভেক্সিন দেলিবরীশিং তৌবা নত্ত্রগা ঐখোয়গী মীয়ামবু ইরমদমদা পুরকপা ওইরবসু ঐখোয়দা ইন্তর্নেস্নেল কোওপরেসনগী ভেল্যু অদু খঙহনখি। ভেক্সিন মৈত্রি ইনিসিএতিবকী মখাদা, ভারতনা ভেক্সিন দোজ মিলিয়ন 300 গ্লোবেল সাউথকী কয়া য়াওনা লৈবাক 100 হেনবদা দেলিবর তৌখি। রেজিলেন্স ওইবনা মসিদগী তমশিনখিবা খ্বাইদগী অচৌবা পরা ওইখি। গ্লোবেল হেল্থ সিস্তেমশিংসু মপাঙ্গল কলহনবা তাই। ঐখোয়না মথংগী হেল্থ ইমর্জেন্সী ঙাকথোক্নবা, শেম-শাবা অমসুং লাকশিন্নবা শেম শাদুনা লৈবা তাই। মসি মরু ওইনা ঙসিগী ইন্তর্কন্নেক্তেদ ৱর্ল্দদা তঙাই ফদবনি। ঐখোয়না লাইচৎ মনুংদা মালেমগী শরুক অমগী হকশেলগী সমস্যা অসিনা অতেনবা মতমগী মনুংদা মালেমগী অতোপ্পা শরুক পুম্নমক্তা চৈথেং পীখি হায়বা উবা ফংখ্রে।
মরুপশিং,
ভারত্তা ঐখোয়না হোলিস্তিক অমসুং ইনক্লুসিব এপ্রোচ অমা তুং ইল্লি। ঐখোয়না হেল্থ ইনফ্রাস্ত্রকচর পাকথোক চাউথোকহনবা, হীদাক লাংথক্কী ত্রেদিস্নেল সিস্তেমশিং থৌগৎপা অমসুং পুম্নমক্তা অহোংবা হেল্থকিয়র ফংহনবগী থবক পাইখৎলি। ইন্তর্নেস্নেল দে ওফ য়োগ মালেম পুম্বনা পালন তৌরিবা অসিনা হোলিস্তিক হেল্থকী মালেম পুম্বগী অপাম্বা অদুগী খুদম ওইখি। চহি অসি, 2023 অসি ইন্তর্নেস্নেল ইয়র ওফ মিল্লেৎস হায়না পালন তৌরি। মিল্লেৎশিং নত্ত্রগা ভারত্তা শ্রী অন্না হায়না খঙনবা অসিগী হকশেলগী কান্নবা কয়ামরুম লৈ। ঐখোয়না হোলিস্তিক হেল্থ অমসুং ৱেলনেসনা মীপুম খুদিংমক্কী রেজিলিয়েন্স হেনগৎহনবদা মতেং ওইগনি হায়না থাজৈ। গুজরাতকী জামনগরদা লিংখৎখিবা WHO গ্লোবেল সেন্তর ফোর ত্রেদিস্নেল মেদিসিন অসি মাইকৈদা মরু ওইবা খোঙথাং অমনি। অমসুং G20 হেল্থ মিনিসর্সকা লোয়ননা WHO গ্লোবেল সম্মিৎ ওন ত্রেদিস্নেল মেদিসিন পাঙথোকপা অসিনা মাগী মতিল-ময়াই শীজিন্ননবা খোঙথাংশিং অসি কনখৎহল্লগনি। ত্রেদিস্নেল মেদিসিনগী গ্লোবেল রিপোজিতরী অমা শেম্বা অসি ঐখোয়গী অপুনবা খোঙথাং ওইগদবনি।
মরুপশিং,
হকশেল অমসুং অকোইবগী ফীভম অসি ওর্গানিক ওইনা লিঙ্ক তৌনৈ। অফবা নুংশিৎ, শাফবা থক্নবা ঈশিং, মচি ওইবা চীঞ্জাক মরাং কাইবা অমসুং শাফবা লৈফম অসি হেল্থকী মরু ওইবা ফেক্তরশিংনি। ক্লাইমেৎ অমসুং হেল্থ ইনিসিএতিব লোঞ্চ তৌবগী মাইকৈদা পাইখৎপা খোঙথাংশিংগীদমক ঐহাক্না নুংঙাইবা ফোঙদোকচরি। এন্তি-মাইক্রোবিএল রেজিস্তেন্সকী অকিবা কোকহন্নবা খোঙথাংশিং লৌখৎলিবা অসি শীংথানীংঙাই ওই। AMR অসি গ্লোবেল পব্লিক হেল্থ অমসুং ফার্মাস্যুতিকেল চাউখৎপদা চাউনা খুদোংথিবা পীরিবা অমনি। G20 হেল্থ ৱার্কিং গ্রুপনা “ৱান হেল্থ”পু মরু ওইনা লৌবদা ঐহাক্না নুংঙাইবা পোকই।“ৱান আর্থ, ৱান হেল্থ”কী ঐখোয়গী বিজন অসিনা অপুনবা ইকোসিস্তেম – মীওইবা, শা-ঙা, পাম্বী অমসুং অকোইবগী ফীভমগীদমক অফবা হকশেল ফংহন্নবা হোৎনরি। মসিগী ইন্তিগ্রেতেদ ভ্যুনা গান্ধীজীগী কনাগুম্বা অমত্তবু তুংওইনদুনা থমলমগনু হায়বা পাউজেল অদু পীরি।
মরুপশিং,
হকশেলগী থৌশিলশিং মাইপাক্নবা হোৎনবদা পব্লিক পার্তিসিপেসন অসি মরু ওইবা ফেক্তর অমনি। ঐখোয়গী লেপ্রোসী ইরাদিকেসন কেম্পেনগী মাইপাকপগী মসিনা মরু ওইবা মরম ওইখি। TB মুত্থৎপগী ঐখোয়গী অচৌবা প্রোগ্রাম অসিনা পব্লিক পার্তিসিপেসন থৌগৎলি। ঐখোয়না লৈবাক্কী মীয়ামদা नि-क्षय मित्र, নত্ত্রগা “TB মুত্থৎনবা মরুপশিং” ওইনবা হায়জরি। মসিগী মখাদা অনাবা মিলিয়ন 1গী ময়া প্রজাশিংনা এদোপ্ত তৌখ্রে। হৌজিক ঐখোয়না মালেমগী ওইনা 2030 ফাওবদা TB মুত্থৎনবা থম্মিবা তার্গেৎ অসিদগী মাংওইননা মুত্থৎপা ঙম্নবা লম্বীদা চংশিল্লি।
মরুপশিং,
দিজিতেল সোল্যুসন অমসুং ইন্নোবেসনশিং অসি ঐখোয়গী খোঙথাংশিং ইক্বিতেবল অমসুং ইনক্লুসিব ওইহন্নবা কান্নরবা পাম্বৈ অমনি। অরাপ-অরাপ্পা মফমশিংদগী পেসেন্তশিংনা তেলি-মেদিসিনগী খুত্থাংদা ক্বালিতী কিয়র ফংলি। ভারতকী নেস্নেল প্লেৎফোর্ম, ই-সঞ্জিবনিনা হৌজিক ফাওবদা তেলি-হেল্থ কনসলতেসন মিলিয়ন 140 পীখ্রে। ভারতকী কোৱিন প্লেৎফোর্মনা মীওইবগী পুৱারীদা খ্বাইদগী চাউবা ভেক্সিনেসন দ্রাইব মাইপাক্না চত্থখি। ভেক্সিন দোজ বিলিয়ন 2.4 হেন্না দেলিভরী তৌবা অমসুং গ্লোবেল্লী ভেরিফাইএবল ভেক্সিনেসন সর্তিফিকেৎশিং রিএল-তাইম ওইনা ফংহনবা ঙমখি। গ্লোবেল ইনিসিএতিব ওফ দিজিতেল হেল্থনা কম্মন প্লেৎফোর্ম অমদা তোঙান-তোঙানবা দিজিতেল হেল্থ ইনিসিএতিবশিং পুনশিনগনি। মীয়ামগী য়াইফনবগীদমক ঐখোয়গী ইন্নোবেসনশিং পুথোক্লসি। ঐখোয়না ফন্দিংগী দুপ্লিকেসন তৌবা ঙাকথোক্লসি। তেক্নোলোজীগী ইক্বিতেবল এভাইলেবিলিতী লৈহল্লসি। মসিগী ইনিসিএতিব অসিনা গ্লোবেল সাউথকী লৈবাকশিংবু হেল্থ-কিয়র দেলিবরী তৌবদা গেপ লৈহল্লরোই। মসিনা ঐখোয়গী য়ুনিভর্সেল হেল্থ কবরেজ ফংবা ঙম্নবা ঐখোয়গী পান্দমগী মাইকৈদা খোঙথাং অমা নকশিনহল্লগনি।
মরুপশিং,
মীওইবা জাতিগীদমক অরিবা ভারতকী য়াইফ পাউজেল অদু পীজবগা লোয়ননা লোইশিনজগে: सर्वे भवन्तु सुखिनः, सर्वे सन्तु निरामयः হায়বদি “পুম্নমক নুংঙাইবা, পুম্নমক অনাবা লৈতবা ওইরসনু”। ঐহাক্না খন্ন-নৈনবা অসি মাইপাকপা ওইনবা য়াইফ-মঙ্গোল পীজরি।
থাগৎচরি!
