“ মীহৌচাউবনা ঐখোয়দা অচুম্বা খঙহন্দে”
“শেঞ্জা-থুমজাগী মায়য়োক্তা খাংদুনা লৈথোক্তবা ভারতকী অকনবা থৌশিল অমা লৈ”“শেঞ্জা-থুমজা থেংনবা হায়বসি মীয়ামগীদমক সরকারনা তৌগদবা থৌদাংনি”“মতম চানা লন-থুম খোঙ্গুল লিবা অমসুং ক্রাইমগী থবকশিং মশক খঙদোকপা হায়বসি মরুওই”“ মালেমগী ওইনা মতেং পাংনবা হেনগৎতুনা অমসুং অকনবা থবকশিং লৌখৎতুনা জি-২০ লৈবাকশিংনা অহোংবা অমা পুরক্লে”ঐখোয়গী লৈঙাক্কী থবকশিং অমসুং আইনগী থবকশিং মপাঙ্গল কনখৎহনবগী মথক্তা, ঐখোয়না ঐখোয়গী থবকশিংদা পুকচেল শেংবা অমসুং কাংলোন চুম্নবা থবক তৌবগী চৎনবী অমা য়োকখৎকদবনি”এক্সেলেন্সীশিং, ইবেম্মা অমসুং ইবুংঙোশিং, নমস্কার!
ঐহাক্না অদোম পুম্নমকপু খ্বাইদগী অহানবা ওইনা হকথেংননা পাংথোকপা G20 এন্তি করপ্সন মিনিস্তরিএল মীফমদা তরাম্না ওক্লি। নোবেল ফংখ্রবা গুরুদেব রবিন্দ্রনাথ তেগোরগী শহর – কোলকাতাদা অদোম্না উন্নরি। মহাক্না মহাক্কী অইবশিংদা করাম্বা/মীতাবদগী চেকশিন্না লৈয়ু, মরমদি, মসিনা ঐখোয়বু অচুম্বা খঙবা ঙমহল্লোই হায়না হায়বীরম্মি। অরিবা ভারতকী উপনিশদশিংদসু ‘মা গৃধ’গী অপাম্বা লৈববু ফোংদোক্লম্মি, মসিনা হায়বদি, “করাম্বা/মীতাবা লৈহনগনু” হায়বনি।
মরুপশিং,
শেঞ্জা থুমজাগী চৈথেং অসি লাইরবা অমসুং শোত্থবা খুন্নাইনা হেন্না ফংই। মসিনা রিসোর্স শিজিন্নবদা অয়েৎপা পী। মসিনা মার্কেতপু কাইহল্লি। মসিনা সর্ভিস পীবগী থৌওংদা অকায়বা পী। অদুগা, মসিনা মীয়ামগী পুন্সি মহিংগী মগুন্দা য়াম্না শোকহল্লি। অর্থশাস্ত্রদা কৌতিলয়ানা সরকারগী থৌদাংদি মীয়ামগী য়াইফ য়ুম্বাল ফগৎহন্নবা লৈবাক্কী রিসোর্সশিং হেনগৎহনবনি হায়রম্মি। পান্দম অসি ফংগে হায়রবদি, শেঞ্জা থুমজাগী মাইয়োক্তা লান্থেংনবা তাই। মরম অদুনা, শেঞ্জা থুমজাগী মাইয়োক্তা লান্থেংনবা হায়বসি ঐখোয়গী মীয়ামগী খ্বাইদগী ৱাংবা থৌদাং ওইরিবনি।
মরুপশিং,
শেঞ্জা থুমজাগী মাইয়োক্তা ভারতকী জিরো তোলরেন্স পোলিসী লৈ। নুং-পান ফাওনা উবা অমসুং থাজবা য়াবা ইকোসীস্তেম অমা শেম্নবগীদমক্তা ঐখোয়না তেক্নোলোজী অমসুং ই-গবর্নেন্সকী কান্নবা লৌরি। য়াইফ য়ুম্বালগী স্কিম অমসুং সরকারগী প্রোজেক্তশিংদা লীকেজ অমসুং গেপ লৈবশিংসু মেনশিনখ্রে। ভারতকী মীওই মিলিয়ন কয়ানা মশাগী বেঙ্ক একাউন্তশিংদা দাইরেক্ত বেনেফিত ত্রান্সফর ফংনরে। মসিগুম্বা ত্রান্সফরগী ভেল্যুনা বিলিয়ন দোল্লর 360 হেনখ্রে, অমসুং মসিনা ঐখোয়গী ইফমদা বিলিয়ন দোল্লর 33 কনবা ঙমহনখি। ঐখোয়না কারবারগী প্রোসিজর কয়া অমসু লাইথোকহল্লে। সরকারগী সর্ভিসশিংবু ওতোমেসন অমসুং দিজিতাইজেসন তৌবনা রেন্ত-সীকিং ওপোর্চ্যুনিতী লৈহন্দ্রে। ঐখোয়গী সরকারগী ই-মার্কেতপ্লেস, নত্ত্রগা GeM পোর্তেলনা সরকারগী পোৎ লৈবা খুদিংদা নুং পান ফাওনা উবগী মতৌ হেনগৎহল্লে। ইকোনোমিক ওফেন্দর কয়াবু ঐখোয়না পাক্তক্ননা থীগৎপা ঙম্লে। ঐখোয়না ইকোনোমিক ওফেন্দর্স এক্ত অসিবু 2018দগী চৎনবা হৌহনখ্রে। মসিদগী হৌনা, ঐখোয়না ইকোনোমিক ওফেন্দর অমসুং মীচেনশিংগী মফমদগী বিলিয়ন দোল্লর 1.8কী শেনফম ওইগদবা এসেত লৌশিনবা ঙম্লে। প্রিভেন্সন ওফ মনী লোন্দরিং এক্তকী মখাদা, ঐখোয়গী সরকারনা ইং 2014দগী হৌনা বিলিয়ন দোল্লর 1.2 হেনবা শেনফমগী এসেতশিংবু আইনগী মখা পোন্না লৌশিনবা ঙমখি।
এক্সেলেন্সীশিং,
মীচেন ইকোনোমিক ওফেন্দরশিংগী হীরম অসি G20 লৈবাক খুদিং অমসুং গ্লোবেল সাউথকী শিংনবা অমা ওইরি। ইং 2014দা তাখিবা ঐহাক্কী অহানবা G20 সম্মিত্তা ঐহাক্না হীরম অসিগী মতাংদা ৱাফম থমখি। ইং 2018গী G20 সম্মিত্তা ঐহাক্না মসিগী মতাংদা হীরম মাপনগী এজেন্দা অমগী ৱাহৌদোক থমখি। অদুগা, অদোমগী কাঙলুপ্না মসিগী মতাংদা তং তাবা খোঙথাং পায়খৎপসিদা ঐহাক্না নুংঙাইবা ফাওই। প্রাইওরিতী এরিয়া অহুম – ই-পাউ লান্নদুনা আইন চৎনহনবদা তেংবাংনবা; এসেত রিকোবরী মেকানিজম মপাঙ্গল কনখৎহনবা; অমসুং এন্তি-করপ্সন ওথোরিতীশিংগী অপুনবা অমসুং মথৌ তৌবগী মতৌ ফগৎহনবা অসিগী মরী লৈনবা এক্সন ওরিএন্তেদ হাই লেভেল প্রিন্সিপলশিংবু ঐখোয়না তরাম্না ওক্লি। লো ইনফোর্সমেন্ত এজেন্সীশিংগী মরক্তা ইনফোর্মেল কোওপরেসন পীননবা অয়াবা অমা পুরকখিবা অসিদা ঐহাক্না নুংঙাইবা ফাওই। মসিনা ক্রিমিনেলশিংনা ঙমখৈ লানবা মতমদা লিগেল লুপহোলগী খুদোংচাবা লৌবদা অথিংবা থমগনি। এসেতশিংবু মতম চানা ত্রেসিং তৌবা অমসুং ক্রাইমগী প্রোসীদশিং মশক খঙদোকপা হায়বসি মান্ননা মরু ওই। লৈবাকশিংনা মখোয়গী লৈবাক্কী ওইবা এসেত রিকোবরী মেকানিজম ফগৎহন্নবা হোৎননবা ঐখোয়না পুক্নিং থৌগৎপগী মথৌ তাই। ফোরেন এসেত রিকোবরী তৌবগী থবক খুমাং চাউশিলহন্নবা, G20 লৈবাকশিংনা নন-কনভিক্সন বেজ কনফিস্কেসন তৌবগী থৌওং শিজিন্নদুনা খুদম অমা থম্বা য়াই। মসিনা পাংথোকফম থোকপা জুদিসিএল থৌওংশিংগী মতুংদা ক্রিমিনেলশিংবু মশাগী লৈবাক্তা হলহনবা অমসুং এক্সত্রাদিসন তৌবদা খোঙজেল য়াঙখৎহনগনি। অদুগা, শেঞ্জা থুমজাগী মাইয়োক্তা ঐখোয়না পুন্না লান্থেংমিন্নরিবা অসিগী ময়েক শেংবা পাউজেল অমসু পীবা ঙমগনি।
এক্সেলেন্সীশিং,
ৈঐখোয়না G20 ওইনা পুন্না হোৎনমিন্নবগী থৌওং অসিনা শেঞ্জা থুমজাগী মাইয়োক্তা লান্থেংনরিবা অসিদা মশক থোক্না তেংবাংবা ঙমগনি। ঐখোয়না ইন্তর্নেস্নেল কোওপরেসন মপাঙ্গল হেনগৎহন্দুনা অমসুং শেঞ্জা থুমজাগী মপুং ওইবা হৌরকফমদা মিৎয়েং চঙবা অচৌবা খোঙথাং কয়া পায়খত্তুনা অওনবা অমা পুরকপা শোইদনা ঙমগনি। শেঞ্জা থুমজাগী মাইয়োক্তা ঐখোয়না থেংনরিবা লান অসিদা ওদিত ইন্সতিত্যুসনশিংগী থৌদাংবু শকখঙদুনা ইকায় খুম্নফম থোকই। লোয়ননা, ঐখোয়গী এদমিনিস্ত্রেতিব অমসুং লিগেল সীস্তেমগী মপাঙ্গল কনখৎহল্লিবা অসিগী মথক্তা, ঐখোয়গী ভেল্যু সীস্তেমশিংদা ঐখোয়না ইথিক্স অমসুং ইন্তিগ্রিতীগী চৎনবী অমা পুরকফম থোকই। মসি পাংথোক্লবা মতুংদখক্তা, ঐখোয়না মান্নবা মিৎয়েং য়েংবা অমসুং সস্তেনেবল ওইবা খুন্নাই অমগী ফম্বাক শেম্বা ঙমগনি। ঐহাক্না অদোম পুম্নমক্না কান্নবা অমসুং মায় পাকপা মীফম অমা ফম্বা ওইসনু হায়বগী য়াইফ পাউজেল পীজরি।
নমস্কার!
