কন্সতিতুয়েন্ত এশেমব্লিশিংগী মেম্বরশিংদা ইকায়খুম্নবা উৎখ্রে
“হাওসতা মেম্বরশিংগী থবক অমসুং নিংথিনা খন্ন-নৈন্নবগা এশেমব্লিনা কান্নবা থবক তৌবগা হকথেংননা মরী লৈনৈ”“মখোয়গী মেম্বরশিং ৱাখল তাহনবগী মহুত্তা দল খরনা মখোয়গী মেম্বরশিংনা লৈবাকমচা তাদবা থবকশিং তৌবদা শৌগৎলি”“হৌজিক ঐখোয়না ফাদোক তারবা শেঞ্জা-থুমজা তৌবা লনাই মীওইশিং মীয়ামদা থাগৎনবা ঐখোয়না উবা ফংলে, মসি ইজুকিউতিপ, জুদিসিয়ারি অমসুং সংবিধানগী অচুম্বদা শিংনবনি”“ঐখোয়গী রাজ্যশিং চাউখৎপনা ভারতকী চাউখৎপা হেনগৎহল্লি। মখোয়গী লেজিসলেতিপ অমসুং ইজুকিউতিপ বোদিশিংনা মখোয়গী চাউখৎপগী পান্দমশিং অপুনবা ওইনা মশক তাকপগী মতুংইন্না রাজ্যশিংগী চাউখৎপা মখা পোল্লি”“ৱায়েল-থৌদাগী থবকশিং লাইহনবা অসিনা মীচম মীয়াম্না থেংনরিবা খুদোংচাদবশিং ময়োক্নবদা লাইহল্লে অমসুং হিংবদা লাইবা হেনগৎহল্লে”লোক সভাগী স্পিকর শ্রী ওম বিরলা জি, রাজ্য সভাগী দিপুতি স্পিকর শ্রী হরিবন্স জি, মহারাস্ত্রাগী চীফ মিনিস্তর একনাথ সিন্দে জি, বিধান সভা স্পিকর রাহুল নরভেকার জি, লৈবাক অসিগী তোঙান-তোঙানবা এশেমব্লিশিংগী প্রেসাইদিং ওফিসারশিং,
ইবেম্মাশিং অমসুং ইবুংঙোশিং,
ভারত পুম্নমক্কী প্রেসাইদিং ওফিসারশিংগী মীফমগীদমক অদোমগী মফমদা ঐগী য়াইফ-পাউজেল পীজরি। হন্দক্কী মীফম অসি হান্নদগী হেন্না মরুওইবনি। ৭৫শুবা গনতন্ত্র দিবস থৌরম হেক পাংথোকখিবগা মীফম অসি পাংথোকপনি। ঐখোয়গী সংবিধান চৎনবা হৌখিবা চহি ৭৫ মপুংফারকপগী ৭৫শুবা গনতন্ত্র দিবস থৌরম হেক পাংথোকখিবগা মীফম অসি পাংথোকপনা মরুওইবা হেনগৎহল্লে। লৈবাক অসিগী মীয়ামগী মহুৎশীন্দুনা কন্সতিতুয়েন্ত এশেমব্লিশিংগী মেম্বরশিংদা ঐনা ইকায়খুম্নবা উৎচরি।
মরুপশিং,
প্রেসাইদিং ওফিসারশিংনা মীফম অসিদা কন্সতিতুয়েন্ত এশেমব্লিদগী তমগদবা য়াম্না লৈরি। তোঙান-তোঙানবা ৱাখলশিং, হিরমশিং অমসুং অনিংবশিংগী মরক্তা য়ানবা অমা পুরক্নবা অমসুং মখোয় হিংহন্দুনা থম্নবা কন্সতিতুয়েন্ত এশেমব্লি মেম্বরশিংগী থৌদাং লৈরি। প্রেসাইদিং ওফিসারশিংনা অমুক হন্না কন্সতিতুয়েন্ত এশেমব্লিগী অচুম্বা ফিদমশিংদগী ইথিল লৌগদবনি। অদোমগী মতম মনুংদা, তুংগী মীরোলশিংগীদমক হেরিতেচ অমা ওইনা লৈহৌনবা থবক তৌরম্নবা অদোম্না হোৎনগদবনি।
মরুপশিং,
হন্দক্কী মীফম অসি মরুওইনা লেজিসলেচরশিং থবক তৌবগী চৎন-লোনচৎশিং অমসুং কম্মিতিশিং হেন্না মপুংফানা থবক তৌনবগী মতাংদা খন্ননবা ঐনা ফোঙদোক্লি। মখোয় মরুওইবা হিরমশিং ঙাক্তনি। ঙসি, লৈবাক অসিগী মীয়াম্না মীয়ামগী মীহুৎ খুদিংমক চাংয়েং তৌরি। মীকুপ-নাহুম শিংবা মীয়াম্না মীয়ামগী মীহুৎ খুদিংমক চেকশিন্না শেন্নরবা মতম অসিদা লেজিসলেতিপ এশেমব্লিশিং অমসুং কম্মিতিশিং থবক ফজনা পাংথোকপা হেনগৎহনবা হায়বসি য়াম্না মরুওই। লেজিসলেতিপ বোদিশিংদা চৎন-কাংলোনশিং ঙাকপগা লোয়ননা হাওসতা মেম্বরশিংগী থবক অমসুং নিংথিনা খন্ন-নৈন্নবগা এশেমব্লিনা কান্নবা থবক তৌবগা হকথেংননা মরী লৈনৈ। মীফম অসিদগী ফংলকপা পাউতাকশিংনা কান্নবা এশেমব্লি ওইহনবদা হকথেংননা ইথিল পীগনি।
মরুপশিং,
করিগুম্বা হাওসকী মেম্বর অমনা নিয়মশিং থুগাইবা মতমদা, নিয়মশিংগী মতুংইন্না থবক লৌখৎপা মতম অমা লৈরম্মি। মসিগী চৎনবী অসি থুগাইরোইদবনি। অদুবু ঙসিদি মখোয়গী মেম্বরশিং ৱাখল তাহনবগী মহুত্তা দল খরনা মখোয়গী মেম্বরশিংনা লৈবাকমচা তাদবা থবকশিং তৌবদা শৌগৎপা ঐখোয়না উবা ফংলে। মসি সংসদ নত্ত্রগা এশেমব্লিশিংগী অফবা ফিবম অমা নত্তে। কমদৌনা হাওসকী ইকায়খুম্নবা ঙাক্কদগে হায়বা মীফম অসিদা খন্নবা য়াম্না দরকার ওইরে।
মরুপশিং,
ঙসিদি ঐখোয়না অতোপ্পা অহোংবা অমা উবা ফংলে। মমাঙদা, হাওসকী মেম্বর অমদা শেঞ্জা-থুমজাগী মরাল শীরকপা মতমদা, মীয়াম্না মখোয় তাথি-তাওইনা তৌবীগনি। অদুবু, হৌজিক ঐখোয়না ফাদোক তারবা শেঞ্জা-থুমজা তৌবা লনাই মীওইশিং মীয়ামদা থাগৎনবা ঐখোয়না উবা ফংলে, মসি ইজুকিউতিপ, জুদিসিয়ারি অমসুং সংবিধান ইকায়বা পীবনি। মীফম মনুংদা ৱাফম অসিগী মতাংদা খন্ন-নৈনবা অমসুং থবক ওইনা পাংথোকপা য়াগদবা পাউতাকশিং পীবা য়াম্না মরুওই।
মরুপশিং,
অমৃত কালদা, ঙসি লৈবাক অসিগী পান্দমশিং ফংবদা রাজ্য সরকার খুদিংমক অমসুং মসিগী এশেমব্লিশিংনা মরুওইবা থৌদাং অমা লৌগনি। ঐখোয়গী রাজ্যশিং চাউখৎপনা ভারতকী চাউখৎপা হেনগৎহল্লি। মখোয়গী লেজিসলেতিপ অমসুং ইজুকিউতিপ বোদিশিংনা মখোয়গী চাউখৎপগী পান্দমশিং অপুনবা ওইনা মশক তাকপগী মতুংইন্না রাজ্যশিংগী চাউখৎপা মখা পোল্লি। শেন-থুমগী ফিবম ফগৎহন্নবা কম্মিতিশিংদা শক্তি পীবা য়াম্না মরুওই। অদোমগী রাজ্য চাউখৎনবা কম্মিতিশিং শক্তি পীবা য়াম্না মরুওই। থমখিবা পান্দমশিং ফংনবা হায়রিবা কম্মিতিশিংনা হেন্না থৱায় য়াওনা থবক তৌরিবমখৈ রাজ্যশিং হেন্না চাউখৎকনি।
মরুপশিং,
দরকার ওইদ্রবা আইনশিং মুৎথৎপা হায়বসি মীফম অসিগী মরুওইবা থিম অমনি। চৎনবা য়াদ্রবা অরিবা আইনশিং শেমদোক্নবা কেন্দ্র সরকারনা থবক পায়খৎলে। হৌখিবা চহি ১০দা, ঐখোয়গী থবকশিংদা অপনবা পীবা আইন লিশিং অনি হেন্না কেন্দ্র সরকারনা মুৎথৎলে। ৱায়েল-থৌদাগী থবকশিং লাইহনবা অসিনা মীচম মীয়াম্না থেংনরিবা খুদোংচাদবশিং ময়োক্নবদা লাইহল্লে অমসুং হিংবদা লাইবা হেনগৎহল্লে। দরকার লৈতবা আইনশিং অমসুং মখোয়না মীয়ামগী পুন্সিদা পীরিবা চৈথেংশিংগী মতাংদা প্রেসাইদিং ওফিসারশিংনা পুক্নিং চঙগদবনি অমসুং মখোয় মুৎথৎপনা লৈবাক অসিগী মীচম মীয়ামগী পুন্সিশিংদা অফবা অহোংবা অমা পুরকপা ঙমগনি।
মরুপশিং,
হৌখিবা চহিদা সংসদতা নারী শক্তি বন্দন অধিনিয়ম পাস তৌখিবা অদু অদোম খঙলে। নুপীশিং শরুক য়াবা অমসুং মীয়ামগী মীহুৎশিং ওইবা হেনগৎহন্নবা পান্দম মীফম অসিদা খন্ন-নৈনগনি। ভারতগুম্বা লৈবাক অমদা নুপীশিং শক্তি পীনবা অমসুং মখোয় মীয়ামগী মীহুৎশিং ওইবা হেনগৎহন্নবা থবকশিং ফগৎহনগদবনি। কম্মিতিশিংদা নহারোলশিং শরুক য়াবা হেনগৎহনবা তঙাইফদে। থৌশিল শেম্বদা শরুক য়ানবা অমসুং মখোয়গী ৱাখল্লোনশিং থম্নবা ঐখোয়গী নহা ওইরিবা মীয়ামগী মীহুৎশিংদা খুদোংচাবা হেন্না পীগদবনি।
মরুপশিং,
প্রেসাইদিং ওফিসারশিংগা লোয়ননা ঐনা ২০২১দা ৱান নেসন-ৱান লেজিসলেতিপ প্লেতফোর্মগী মতাংদা খন্নখ্রে। মসিগী পান্দম অসি ফংনবা ই-বিধান অমসুং দিজিতেল সংসদ প্লেতফোর্মশিংগী খুৎথাংদা সংদসদ অমসুং রাজ্যগী এশেমব্লিশিংনা থবক তৌরি হায়বা খঙবদা ঐ হরাওই। থৌরম অসিদা শরুক য়ানবা ঐহাক চেবাউ পীরকপগীদমক ঐনা অমুক হন্না ময়াম পুম্নমক থাগৎপা ফোঙদোকচরি। মীফম অসি মাইপাক্নবগীদমক ঐনা প্রেসাইদিং ওফিসার খুদিংমক্তা য়াইফ-পাউজেল পীজরি। অদোম থাগৎচরি।
