Quoteথৌরম অসিনা রাজ্য অসিবু ইনভেস্তমেন্তগী হৌগৎলক্লিবা হব অমসুং বিজিনেসকী খুদোংচাবশিংগী অচৌবা পোতেন্সিএল লৈ উৎলি: পি.এম.
Quoteনোংপোক থংবা ভারত অসি লৈবাক্কী চাউখৎ-থৌরাংগী গ্রোথ ইঞ্জিন অমনি, মসিদা ওরিশানা মরু ওইবা থৌদাং অমা লৌরি: পি.এম.
Quoteঙসিদি মীওই করোর কয়াগী এস্পিরেসনশিংনা লমজিংদুনা ভারতনা চাউখৎপগী লম্বীদা চংশিল্লি: পি.এম.
Quoteওরিশা অসি তশেংনা আউৎস্তেন্দিং ওই, ওরিশানা অনৌবা ভারতকী ওপ্তিমিজম অমসুং ওরিজিনেলিতী তাক্লি, ওরিশা অসি ওপুরচুনিতীশিংগী লমদম অমনি, অমসুং মফম অসিগী মীয়াম্না মতম চুপ্পদা আউৎপর্ফোর্ম তৌবগী অপাম্বা উৎলি: পি.এম.
Quoteভারতনা গ্রীন ফ্যুচর অমসুং গ্রীন তেক্তা মীৎয়েং থম্মি: পি.এম.
Quote21শুবা চহিচাগী ভারতকীদমক চহিচা অসি শম্নহল্লবা ইনফ্রাস্ত্রকচর অমসুং মলতি-মোদেল কন্নেক্তিবিতীগী ওইরি: পি.এম.
Quoteতুরিজমগীদমক ওরিশাদা অচৌবা পোতেন্সিএল লৈ: পি.এম.
Quoteচহি নৌরিবা তেলেন্তকী অচৌবা পুল অমসুং কনসর্তশিংগী য়াম্লবা ভাবোকশিংগা লোয়ননা ভারত্তা হৌগৎলক্লিবা কন্সর্ত ইকনোমী অমগীদমক অচৌবা ওইথোকপা য়াবশিং লৈরি: পি.এম.

জয় জগন্নাথ!

ওরিশাগী গভর্নর শ্রী হরি বাবু, মফম অসিগী মীয়ামনা পাম্নবা মুখ্য মন্ত্রী শ্রী মোহন চরন মঝীজী, কেন্দ্রগী মন্ত্রীমন্দলগী ঐহাক্কী মরুপ মন্ত্রীশিং, ওরিশা সরকারগী মন্ত্রীশিং, এম.পি.শিং, এম.এল.এ.শিং, ইন্দস্ত্রী অমসুং বিজিনেস লমগী মকোক থোংবা ওন্তপ্রিন্যুরশিং, লৈবাক অসিগী অমসুং মালেমগী ইনভেস্তরশিং অমসুং ওরিশাগী ঐহাক্কী নুংশিরবা ইচিল-ইনাওশিং!

জনুৱারী থা অসিদা, হায়বদি 2025গী অঙনবা শরুক্তা ওরিশাদা মসি ঐগী অনিশুবা খোংচৎনি। নুমিৎ খরনিগী মমাংদা, ঐহাক্না মফমসিদা প্রভাসী ভারতী দিবস থৌরমদা শরুক য়াখি। হৌজিক ঙসি, ঐহাক অসি উৎকার্শ ওরিশা কনক্লেবকী শরুক অমা ওইনা অদোমগী মরক্তা লাক্লি। মসি ওরিশাদা হৌজিক ফাওবদা পাংথোকখিবা খ্বাইদগী চাউবা বিজিনেস সমিৎনি হায়না ঐহাক্না খঙজখি। শরুক য়ারিবা ইনভেস্তরশিং অসি হান্নদগী শরুক 5-6 হেল্লি। মসিগী অফবা থৌরম অসিগীদমক ঐনা ওরিশাগী মীয়াম, ওরিশা সরকারবু থাগৎপা ফোংদোকচরি। থৌরম অসিদা অদোম পুম্নমকপু তরাম্না ওকচরি।

মরুপশিং,

ঐহাক্না নোংপোক ভারত অসি লৈবাক অসিগী চাউখৎপগী গ্রোথ ইঞ্জিননি হায়না লৌই। মসিদা ওরিশানা অচৌবা থৌদাং অমা লৌরি। ভারতনা মালেমগী চাউখৎ-থৌরাংদা অচৌবা শেয়র অমা লৌরকপা মতমদা, নোংপোক থংবা ভারতনা অচৌবা থৌদাং অমা লৌখি হায়বসি পুৱারীনা তাক্লি। নোংপোক থংবা ভারত্তা মরুওইবা ইন্দস্ত্রীএল হবশিং, পোর্তশিং, ত্রেদ হবশিং লৈরম্মি অমসুং ওরিশানা মসিদা মরুওইবা থৌদাং অমা লৌরম্মি। ওরিশা অসি খা-নোংপোক এসিয়াগী মরুওইবা ললোন-ইতিক্কী মফম অমা ওইরম্মি। মফম অসিদা লৈরিবা অরিবা পোর্তশিং অসি ভারতকী গেৎৱেশিং ওইরম্মি। ঙসি ফাওবদা, বালি জাত্রা অসি ওরিশাদা চহি খুদিংগী পাংথোক্লি। ইন্দোনেসিয়াগী রাস্ত্রপতিনা লাকখি অমসুং মহাক্না হায়খি মদুদি ওরিশা অসি ঐগী DNAদা য়াওরম্বা য়াই।

 

|

মরুপশিং,

ওরিশা অসি খা-নোংপোক এসিয়াগা ওরিশা শম্নহল্লিবা লেগেসী অসিবু সেলেব্রেৎ তৌরি। হৌজিক 21শুবা চহিচা অসিদা, ওরিশা অসি মাগী শিংথানীংঙাই ওইরবা হেরিতেজ অসি অমুক হন্না হিংহন্নবা হোৎনরি। হন্দক্তা, সিঙ্গাপুরগী রাস্ত্রপতিনা ওরিশাদা চৎখ্রে। সিঙ্গাপুরনা ওরিশাগা লৈনরিবা মরীগী মতাংদা য়াম্না পুক্নিং থৌগৎলি। ওরিশাগা লৈনরিবা ললোন-ইতিক অমসুং চৎনবীগী মরী অসি মপাঙ্গল কনখৎহন্নবগীদমক আসিয়ানগী লৈবাকশিংনা ইন্তরেস্ত উৎলি। ঙসিদি, নীংতম্বগী মতুংদা মমাংদা অমুক্তা ওইখিদ্রিবা মওংদা, হায়রিবা লমদম অসিদা ওইথোকপা য়াবা কয়াগী থোঙ হাংলি। মফম অসিদা লৈরিবা ইনভেস্তর খুদিংমক্তা ঐহাক্না হায়জবা পাম্মি অমসুং ঐখোয়গী মুখ্য মন্ত্রীনা হায়খিবা অদু ঐহাক্না অমুক হন্না হায়জবা পাম্মি মদুদি মসি মতমনি, অচুম্বা মতমনি। অদোম্না ওরিশাগী চাউখৎ-থৌরাংগী খোঙচৎ অসিদা থাদরক্লিবা শেনফম অসিনা অদোমবু মাই পাকপগী অনৌবা থাক্তা পুখৎকনি। মসি মোদীগী গেরেন্তীনি।

মরুপশিং,

ঙসি ভারত অসি চাউখৎপগী লম্বীদা চংশিল্লি, মসি মীওই করোর কয়াগী অপাম্বনা লমজিংলি। মসি AIগী মতমনি। আর্তিফিসিএল ইন্তেলিজেন্সকী মতাংদা খন্ন-নৈনরি, অদুবু ভারতকী ওইনদি, মসি আর্তিফিসিএল ইন্তেলিজেন্স খক্তমক নত্তে, মসি ভারতকী এস্পিরেসন, ঐখোয়গী পাঙ্গলনি। অমসুং মীয়ামগী মথৌ তাবশিং মপুং ফারকপা মতমদা এস্পিরেসনশিংসু হেনগৎলকই। ঙসিদি, লৈবাক অসিনা হৌখিবা চহি তরা অসিদা লৈবাক অসিগী মীওই করোর কয়াদা শক্তি পীনবগী কান্নবা অদু উবা ফংলি। ওরিশানা মসিগী অপাম্বা অদুসু উৎলি। ওরিশা অসি শিংথানিংঙাইনি। ওরিশা অসি অনৌবা ভারতকী অপাম্বা অমসুং অশেংবা ওইবগী খুদম অমনি। ওরিশাদা খুদোংচাবা কয়া লৈরি, অমসুং মফম অসিগী মীয়াম্না মতম পুম্নমক্তা হেন্না ফবা থবক তৌনবা অপাম্বা উৎলি।  ঐহাক্না ওরিশাদগী গুজরাত্তা লাকপা ইচিল-ইনাওশিংগী হৈশিংবা, কন্না হোৎনবা অমসুং পুকচেল শেংবা অদু ঐহাক্না ইশানা থেংনখি। মরম অদুনা, ঙসি ওরিশাদা অনৌবা খুদোংচাবশিং শেমগৎলক্লি। ঐহাক্না থাজবা থম্লি মদুদি ওরিশা অসি য়াম্না থুনা কনাগুম্বা অমত্তনা খল্লমদ্রবা চাউখৎপগী অৱাংবা থাক্তা য়ৌরগনি। মুখ্য মন্ত্রী মোহন চরন মঝীজীগী তীম পুম্নমক্না ওরিশাগী চাউখৎ-থৌরাং য়াংখৎহন্নবা হোৎনবদা য়াওরিবা অসিদা ঐহাক নুংঙাইবা ফাওই। ফুদ প্রোসেসিং, পেত্রো কেমিকেল, পোর্তনা লমজিংবা দিবেলপমেন্ত, ফিসরিজ, IT, ইদুতেক, তেক্সতাইল্স, তুরিজম, মাইনিং, গ্রীন ইনর্জীগুম্বা ইন্দস্ত্রী খুদিংমক্তা ওরিশা অসি ভারতকী মকোক থোংবা রাজ্যশিংগী মনুংদা অমা ওইরক্লি।

 

|

মরুপশিং,

ঙসিদি, ভারত অসি মালেমগী খ্বাইদগী চাউবা অহুমশুবা ইকোনোমী ওইবগী মায়কৈদা য়াম্না থুনা চংশিল্লি। দোল্লর ত্রিল্লিয়ন মঙাগী ইকোনোমীগী মাইলস্তোন অসিসু অরাপ্পা নত্তে। হৌখিবা দিকেদ অমদা, ভারতকী মপাঙ্গল অসি মেন্যুফেকচরিংদসু উবা ফংলে। হৌজিক্তি ভারতকী শেন্মিৎলোন পাকথোক চাউথোকহনবদা মরু ওইবা য়ুম্বী অনি লৈরি। অমনা ঐখোয়গী ইন্নোবেতিব সর্বিস সেক্তরনি অমসুং অতোপ্পা অমনা ভারতকী ক্বালিতী প্রদক্তশিংনি। লৈবাক অসিগী খোংজেল য়াংনা খুমাং চাউশিনবা অসি রো মেতরিএল পুথোকপদা খক্তনা ওইথোক্তে। মরম অসিনা ঐখোয়না অনৌবা মীৎয়েং অমগা লোয়ননা থবক তৌদুনা ইকোসিস্তেম পুম্নমক হোংদোক্লি। মিনরেলশিং অসি মফম অসিদগী লৌথোক্তুনা মালেমগী লৈবাক খরদা পুশিল্লকপা, মফম অদুদা ভেল্যু ইদিসন তৌবা, অনৌবা পোত্থোক অমা পুথোকপা, অমসুং মদুগী পোত্থোক অদু ভারত্তা অমুক হন্না পুশিল্লকপা অসি মোদীদা য়াদে। ভারতনা হৌজিক অসিগুম্বা মওং অসি হোংলক্লি। সমুদ্রগী পোৎলমশিং অসি মফম অসিদা সমুদ্রদগী লৌথোকই অদুগা মালেমগী অতোপ্পা লৈবাক খরদা প্রোসেস তৌদুনা কৈথেলশিংদা য়ৌহল্লি। ভারতনসু মসিগী চৎনবী অসি হোংলক্লি। ঐখোয়গী সরকারনা ওরিশাদা লৈরিবা রিসোর্সশিংগা মরী লৈনবা ইন্দস্ত্রীশিং মফম অসিদা লিংখৎনবা হোৎনরি। ঙসিগী 'উৎকার্শ ওরিশা কনক্লেব' অসি অসিগুম্বা মঙলান অসি মঙফাওনহন্নবা পাম্বৈ অমনি।

মরুপশিং,

ঙসিদি মালেম অসিনা তুংকোইনা চৎনগদবা পুন্সি মহিংগী মতাংদা ঙাংলি, গ্রীন ওইবা তুংলমচৎকী মায়কৈদা চংশিল্লি। ঙসিদি গ্রীন জোবশিংগী ওইথোকপা য়াবশিংসু য়াম্না হেনগৎলক্লি। মতমগী মথৌ তাবশিং অমসুং দিমান্দশিংগী মতুং ইন্না ঐখোয়না ঐখোয় মশাবু হোংদোকপা তাই, ঐখোয়না মদুগী মতুং ইন্না এদাপ্ত তৌবা তাই। ৱাখল্লোন অসিগা লোয়ননা, ভারতনা গ্রীন তুংলমচৎ, গ্রীন তেক্নোলোজীদা মীৎয়েং চংলি। সোলার, ৱিন্দ, হাইদ্রো, গ্রীন হাইদ্রোজেন ওইরবসু, মখোয় অসিনা চাউখৎলবা ভারতকী ইনর্জী সেক্যুরিতীদা পাৱর পীগনি। মসিগীদমক্তা ওরিশাদা ওইথোকপা য়াবা কয়া অমা লৈরি। ঙসি লৈবাক অসিদা, ঐখোয়না গ্রীন হাইদ্রোজেন মিসন অমসুং সোলর পৱার মিসন অসি লৈবাক শীনবা থুংনা হৌদোক্লে। ওরিশাদসু রিন্যুএবল ইনর্জীগা মরী লৈনবা ইন্দস্ত্রীদা পুক্নিং থৌগৎনবা অচৌবা পোলিসীগী ৱারেপশিং লৌখৎলি। মফম অসিদা হায়দ্রোজেন ইনর্জী পুথোক্নবগীদমক খোঙথাং কয়া অমা লৌখৎলি।

মরুপশিং,

গ্রীন ইনর্জীগা লোয়ননা ওরিশাদা পেত্রোকেমিকেল অমসুং পেত্রোকেমিকেল সেক্তর পাকথোক চাউথোকহন্নবা থৌরাংশিং লৌখৎলি। পেরাদীপ অমসুং গোপালপুরদা ইন্দস্ত্রিএল পার্কশিং অমসুং ইনভেস্তমেন্ত রিজনশিং শেমগৎলি। সেক্তর অসিদা ইনভেস্তমেন্তকী ওইথোকপা য়াবা কয়া অমসু লৈরি। ওরিশাগী তোঙান তোঙানবা মফমশিংগী পোতেন্সিএল য়েংলগা, ওরিশা সরকারনা খোঙজেল য়াংনা ৱারেপ লৌদুনা অনৌবা ইকোসিস্তেম অমা শেমগৎলকপদা ঐহাক্না ওরিশা সরকারবু থাগৎপা ফোংদোকচরি।

 

|

মরুপশিং,

21শুবা চহি চাগী ভারতকী ওইনদি, মসি কন্নেক্তেদ ইনফ্রাস্ত্রকচর, মল্তি-মোদেল কন্নেক্তিবিতীগী মতমনি। ঙসি ভারত্তা অখন্নবা ইনফ্রাস্ত্রকচর শেমগৎলক্লিবা অসিগী পাক চাউবা অমসুং খোঙজেল অসিনা ভারত অসি শেন থাদনবগী অচৌবা মফম অমা ওইহল্লি। নোংপোক থংবা অমসুং নোংচুপ থংবা কোস্তলাইনশিং অসি দিদিকেতেদ ফ্রেত কোরিদোরশিংগী খুত্থাংদা শম্নহল্লি। লৈবাক অসিগী কংফালদা চঙবা ঙমদবা অচৌবা শরুক অমা হৌজিক্তি সমুদ্রদা খোঙজেল য়াংনা চঙবা ঙম্লে। ঙসিদি, লৈবাক অসিদা অসিগুম্বা ইন্দস্ত্রিএল সিতী কয়া অমা শাগৎলক্লি। মসি প্লগ এন্দ প্লেগী খুদোংচাবশিংগা লোয়ননা লৈগনি। অসিগুম্বা ওইথোকপা য়াবশিং অসি ওরিশাদসু হেনগৎলক্লি। রেলৱে অমসুং হায়ৱে নেতৱর্ককা মরী লৈনবা লুপা করোর লিশিং কয়াগী প্রোজেক্তশিং মফম অসিদা পায়খৎলি। ওরিশাদা ইন্দস্ত্রীগী লোজিস্তিক্কী মমল হন্থহন্নবা, সরকারনা মফম অসিগী পোর্তশিং অসি ইন্দস্ত্রীএল ক্লস্তরশিংগা শম্নহল্লি। অরিবা পোর্তশিং পাকথোক চাউথোকহনবগা লোয়ননা, অনৌবা পোর্তশিংসু মফম অসিদা শেমগৎলি। হায়বদি, ওরিশা অসি ব্লু ইকোনোমীগী মতাংদসু লৈবাক অসিগী মকোক থোংবা রাজ্যশিংগী মনুংদা য়াওরগনি।

মরুপশিং,

সরকারনা হোৎনরিবশিং অসিগী মরক্তা, ঐহাক্না অদোম পুম্নমক্কী মফমদা হায়জনীংবা খরা লৈ। য়াম্না থুনা হোংলক্লিবা মালেম অসিদা গ্লোবেল সপ্লাই চেনগা মরী লৈনবা শিংনবশিং অসি অদোম্না উবা ফংলি। ভারতনা মচেৎ-মচেৎ তাবা সপ্লাই চেন অমসুং ইম্পোর্তদা য়ুম্ফম ওইবা সপ্লাই চেন অমদা মপুং ফানা থাজবা থমবা ঙম্লোই। ঐখোয়না মালেমগী ফ্লকচুএসনশিংদগী শোকহন্দবা ভারত মশাদা মপাঙ্গল কনবা সপ্লাই অমসুং ভেল্যু চেন অমা শেমগদবনি। মসি সরকার অমসুং ইন্দস্ত্রীগী অচৌবা থৌদাং অমনি। মরম অদুনা, অদোম্না করম্বা ইন্দস্ত্রীদা লৈবগে, মসিগা মরী লৈনবা MSMEশিংবু মতেং পাংবীয়ু, মখোয়বু হেন্দ-হোল্দিং তৌবীয়ু। নহা ওইরিবা স্তার্ত-অপ কয়া অমা য়ারিবমখৈ মতেং পাংবীগদবনি।

 

|

মরুপশিং,

ঙসিদি, অনৌবা তেক্নোলোজী য়াওদনা ইন্দস্ত্রী অমত্তা চাউখৎপা ঙম্লোই। অসিগুম্বা ফিভম অমদা, রিসর্চ অমসুং ইনোবেসন অসি য়াম্না মরু ওই। সরকারনা লৈবাক অসিদা রিসর্চকা মরী লৈনবা য়াম্না ফজবা ইকোসিস্তেম অমা শেমগৎলি। মসিগীদমক্তা অখন্নবা ফন্দসু শেমখ্রে। ইন্তর্নশিপ অমসুং স্কিল দিবেলপমেন্তগীদমক্তা অখন্নবা পেকেজ অমা লাউথোকখ্রে। মসিদসু, ইন্দস্ত্রীনা ময়েক শেংনা লাক্কদবনি অমসুং সরকারগা পুন্না থবক তৌমিন্নগদবনি হায়না মীপুম খুদিংমক্না আশা তৌরি। ভারতকী রিসর্স ইকোসিস্তেম অসি হেন্না চাউবা অমসুং হেন্না ফবা, হৈশিংবা নহাশিংগী পুল, ঐখোয়গী ইন্দস্ত্রীনা মসিদগী হকথেংননা কান্নবা ফংগনি। ইন্দস্ত্রীগী ইচিল-ইনাও পুম্নমক অমসুং ওরিশা সরকারদা ঐনা হায়জবা পাম্মি মদুদি মফম অসিদা মোদর্ন ইকোসিস্তেম অমা পুন্না শেমগৎকদবনি। ওরিশাগী আশাশিংগা লোয়ননা থবক তৌরিবা ইকোসিস্তেম অসিনা মফম অসিগী নহাশিংদা অনৌবা খুদোংচাবা পীরি। মসিগা লোইননা ওরিশাগী নহারোলশিংনা মফম অসিদা থবক ফংবগী খুদোংচাবা কয়া ফংলগনি, ওরিশা চাউখৎলগনি, ওরিশা শক্তি লৈরগনি, ওরিশা চাউখৎলগনি।

মরুপশিং,

অদোম পুম্নমক্না মালেম শিনবা থুংনা চৎলি, মালেম শিনবা থুংনা লৈরিবা মীওইশিংগা উনরি। ঙসিদি, ভারতপু খঙনবা অমসুং খঙনবগী অপাম্বা অসি মফম খুদিংমক্তা অদোম্না ফাওবা ফংলি। ভারতপু খঙনবগীদমক ওরিশা অসি অচৌবা মফম অমনি। মফম অসিদা, ঐখোয়গী চহি লিশিং কয়াগী ওইবা হেরিতেজ, পুৱারী, থাজবা-আধ্যাত্মিক, অরুবা উনশা, চীং, সমুদ্র, পুম্নমক মফম অমখক্তদা উবা ফংই। রাজ্য অসি চাউখৎপা অমসুং হেরিতেজকী অফবা মোদেল অমনি। ৱাখল্লোন অসিগা লোইননা ঐখোয়না ওরিশাদা G-20গী কলচরেল ইভেন্তশিং পাংথোকখি। কোনার্ক সন তেম্পলগী সাইকল অসি ঐখোয়না G-20গী মরুওইবা থৌরমগী শরুক অমা ওইহনখি। 'উৎকার্শ ওরিশা'দা, ঐখোয়না ওরিশাগী তুরিজমগী ওইথোকপা য়াবশিংসু থিজিনবা তাই। মসিদা কিলোমীতর 500 হেন্না শাংবা কোস্তলাইন লৈ, মসিগী চাদা 33 হেন্না উমংশিংনা কুপশিল্লি, ইকো-তুরিজমগী অরোইবা ওইথোকপা য়াবশিং, এদভেঞ্চর তুরিজম্না অদোমগীদমক ঙাইরি। ঙসিদি, ভারতকী মীৎয়েং অসি ভারত্তা লুহোংবা, ঙসিদি ভারতকী মন্ত্র অসি ভারত্তা হকচাং ফনা লৈবা হায়বসিনি। মসিগীদমক, ওরিশাগী মহৌশা, মাগী মহৌশাগী ফজবা অসি য়াম্না কান্নবা ওইরি।

মরুপশিং,

ঙসিদি ভারত্তা কনফরেন্স তুরিজমগী ওইথোকপা য়াবা কয়া অমা শেমগৎলক্লি। ভারত মন্দপম অমসুং দিল্লীগী য়াশোভুমিগুম্বা মফমশিং অসি মসিগী মরুওইবা মফমশিং ওইরক্লি। ভুবনেশ্বরদসু য়াম্না ফবা কনভেন্সন সেন্তর অমা লৈরে। মসিগা মরী লৈনবা অতোপ্পা অনৌবা সেক্তর অমনা কন্সর্ত ইকোনোমীনি। ঈশৈ-নোংমাইগী, ৱারী শানবগী অসিগুম্লবা মরাং কায়রবা হেরিতেজ লৈরবা লৈবাক অমদা, কন্সর্তকী অচৌবা কঞ্জুমর ওইরিবা নহাশিংগী অসিগুম্লবা অচৌবা পুল অমা লৈরিবা মফম অসিদা কন্সর্তকী শেন্মিৎলোনগী ওইথোকপা য়াবা কয়া অমা লৈরি। হৌখিবা চহি 10 অসিদা, লাইব ইভেন্তশিংগী ত্রেন্দ অমসুং দিমান্দ অনিমক হেনগৎলক্লি। হৌখিবা নুমিৎ খরনি অসিদা, মুম্বাই অমসুং অহমদাবাদতা পাংথোকখিবা 'কোল্দপ্লে কন্সর্ত'কী অঙকপা ফোতোশিং অদোম্না উবা ফংলে। মসি ভারত্তা লাইব কন্সর্তকীদমক কয়া য়াম্না খুদোংচাবা লৈবগে হায়বগী খুদম্নি। মালেমগী অচৌবা আর্তিস্তশিং, অচৌবা আর্তিস্তশিং ফাওবা ভারতকী মায়কৈদা চংশিল্লি। কন্সর্তকী শেন্মিৎলোন অসিনা তুরিজমসু হেনগৎহল্লি অমসুং থবক মশিং য়াম্না ফংহল্লি। ঐহাক্না রাজ্যশিং অমসুং প্রাইবেৎ সেক্তরদা কন্সর্ত ইকোনোমীগীদমক মথৌ তাবা ইনফ্রাস্ত্রকচর অমসুং স্কিলশিংদা মীৎয়েং চংনবা হায়জরি। ইভেন্ত মেনেজমেন্ত ওইগেরা, আর্তিস্তশিং শেন্নগেরা, সেক্যুরিতী ওইগেরা অমসুং অতোপ্পা থৌরাংশিং ওইগেরা, হায়রিবা পুম্নমক্তা অনৌবা ওইথোকপা য়াবশিং শেমগৎলি।

 

|

মরুপশিং,

লাক্কদৌরিবা থাদা, অহানবা ৱার্ল্দ ওদিও ভিজুএল সম্মিৎ হায়বদি WAVES অসি ভারত্তা পাংথোক্কনি। মসিসু য়াম্না চাউবা থৌরম অমা ওইরগনি, মসিনা মালেমদা ভারতকী ক্রিএতিব পৱারদা অনৌবা মশক অমা পীগনি। রাজ্যশিংদা অসিগুম্বা থৌরমশিং অসিদগী লাকপা শেন্থোক, শেম্লিবা ৱাখল্লোন অসিনা শেন্মিৎলোনবু মাংলোমদা পুখৎলি। অমসুং ওরিশাদসু মসিগী ওইথোকপা য়াবা কয়া অমা লৈরি।

মরুপশিং,

চাউখৎলবা ভারত অমা শেমগৎপদা ওরিশানা অচৌবা থৌদাং অমা লৌরি। ওরিশাগী মীয়াম্না চাউখৎপা ওরিশা অমা শেমগৎনবা অচেৎপা ফিরেপ লৌরে। মসিগী অচেৎপা ৱাফম অসি ফংবা ঙম্নবা কেন্দ্র সরকারনা য়ারিবা মতেং পুম্নমক পীরি। অদোম পুম্নমক্না ওরিশাগীদমক্তা ঐহাক্কী নুংশিজবা অদু ফজনা খঙনরবনি। প্রধান মন্ত্রী ওইনা, ঐহাক্না মফম অসিদা কয়ারক হন্না লাকখ্রে। নীংতম্বা ফংলবা মতুংদগী প্রধান মন্ত্রী পুম্নমক পুন্সিন্নবদগী ঐনা ওরিশাদা হেন্না হন্না লাকখ্রে, মসি অদোমগী নুংশিবা অদুনি। ঐহাক্না মফমসিগী জিলা অয়াম্বদা চৎখ্রে, ওরিশাগী ওইথোকপা য়াবশিংদা ঐহাক্না থাজবা থম্লি, মফমসিগী মীয়ামদা ঐহাক্না থাজবা থম্লি। অদোম পুম্নমক্কী ইনভেস্তমেন্তনা অদোমগী ললোন-ইতিক অমসুং ওরিশাগী চাউখৎ-থৌরাংবু অনৌবা অৱাংবা থাক্তা পুখৎকনি হায়না ঐনা থাজবা থম্লি।

মসিগী অফবা থৌরম অসিগীদমক ঐনা অমুক্কা হন্না ওরিশাগী মীয়াম অমসুং ওরিশা সরকারবু থাগৎপা ফোংদোকচরি। অমসুং ঐহাক্না ওরিশাদা ওইথোকপা য়াবশিং থিরিবা অচৌবা মীওইশিং অসিদা থাজবা পীজরি মদুদি ওরিশা সরকার অমসুং ভারত সরকারনা মপুং ফানা অদোমগা লোয়ননা লেপমিন্নরি। অমুক্কা হন্না, ঐহাক্না অদোম পুম্নমকপু য়াইফ-পাউজেল পীজরি। থাগৎচরি।

 

  • Jitendra Kumar April 28, 2025

    ❤️🇮🇳🙏
  • Gaurav munday April 12, 2025

    ❤️❤️❤️😂😂
  • Kukho10 April 01, 2025

    Elon Musk say's, I am a FAN of Modi paije.
  • Jitendra Kumar March 17, 2025

    🙏🇮🇳❤️
  • ABHAY March 15, 2025

    नमो सदैव
  • Dheeraj Thakur March 05, 2025

    जय श्री राम जय श्री राम
  • Dheeraj Thakur March 05, 2025

    जय श्री राम
  • கார்த்திக் March 03, 2025

    Jai Shree Ram🚩Jai Shree Ram🚩Jai Shree Ram🚩Jai Shree Ram🚩Jai Shree Ram🚩Jai Shree Ram🚩Jai Shree Ram🚩Jai Shree Ram🚩Jai Shree Ram🚩Jai Shree Ram🚩Jai Shree Ram🚩Jai Shree Ram🙏🏻
  • अमित प्रेमजी | Amit Premji March 03, 2025

    nice👍
  • கார்த்திக் February 21, 2025

    Jai Shree Ram 🚩Jai Shree Ram 🚩Jai Shree Ram 🚩Jai Shree Ram 🚩Jai Shree Ram 🚩Jai Shree Ram 🚩Jai Shree Ram 🚩Jai Shree Ram 🚩Jai Shree Ram 🚩Jai Shree Ram 🚩Jai Shree Ram 🚩Jai Shree Ram 🌼
Explore More
২৭.০৪.২০২৫ দা শন্দোকখিবা মন কি বাতকী ১২১শুবা তাঙ্কক্ত প্রধান মন্ত্রীনা ফোঙদোকখিবা ৱারোল

Popular Speeches

২৭.০৪.২০২৫ দা শন্দোকখিবা মন কি বাতকী ১২১শুবা তাঙ্কক্ত প্রধান মন্ত্রীনা ফোঙদোকখিবা ৱারোল
'Justice is served': Indian Army strikes nine terror camps in Pak and PoJK

Media Coverage

'Justice is served': Indian Army strikes nine terror camps in Pak and PoJK
NM on the go

Nm on the go

Always be the first to hear from the PM. Get the App Now!
...
PM Modi addresses the Global Conference on Space Exploration (GLEX) 2025
May 07, 2025
QuoteSpace is not merely a destination but a declaration of curiosity, courage, and collective progress: PM
QuoteIndian rockets carry more than payloads—they carry the dreams of 1.4 billion Indians: PM
QuoteIndia’s first human spaceflight mission - Gaganyaan, reflects the nation’s growing aspirations in space technology: PM
QuoteMany of India’s space missions are being led by women scientists: PM
QuoteIndia’s space vision is rooted in the ancient philosophy of ‘Vasudhaiva Kutumbakam': PM

Prime Minister Shri Narendra Modi addressed the Global Conference on Space Exploration (GLEX) 2025 via videoconferencing today. Welcoming the distinguished delegates, scientists, and astronauts from across the globe, he highlighted India’s remarkable space journey at the GLEX 2025, stating that, “space is not merely a destination but a declaration of curiosity, courage, and collective progress”. He emphasized that India’s space achievements reflect this spirit, from launching a small rocket in 1963 to becoming the first nation to land near the Moon’s South Pole. “Indian rockets carry more than payloads—they carry the dreams of 1.4 billion Indians”, he remarked, stating that India’s space advancements are significant scientific milestones and proof that the human spirit can defy gravity. He recalled India’s historic achievement of reaching Mars on its first attempt in 2014. He highlighted that Chandrayaan-1 helped discover water on the Moon, Chandrayaan-2 provided the highest-resolution images of the lunar surface, and Chandrayaan-3 furthered understanding of the Moon’s South Pole. “India developed cryogenic engines in record time, launched 100 satellites in a single mission, and successfully deployed over 400 satellites for 34 nations using Indian launch vehicles”, he pointed out, underlining India’s latest accomplishment—docking two satellites in space this year—calling it a major step forward in space exploration.

Shri Modi reaffirmed that India’s space journey is not about competing with others but about reaching greater heights together. He emphasized the collective goal of exploring space for the benefit of humanity. He highlighted India’s commitment to regional cooperation, recalling the successful launch of a satellite for South Asian nations. He announced that the G20 Satellite Mission, introduced during India’s Presidency, would be a significant contribution to the Global South. He remarked that India continues to advance with renewed confidence, constantly pushing the boundaries of scientific exploration. “India’s first human spaceflight mission, ‘Gaganyaan,’ reflects the nation’s growing aspirations in space technology”, he pointed out. Shri Modi revealed that, in the coming weeks, an Indian astronaut would travel to space as part of a joint ISRO-NASA mission to the International Space Station. He further outlined India’s long-term vision, stating that by 2035, the Bharatiya Antariksha Station would facilitate groundbreaking research and international collaboration. He declared that by 2040, an Indian astronaut would leave footprints on the Moon and added that Mars and Venus remain key targets in India’s future space ambitions.

Emphasizing that for India, space is not just about exploration but also empowerment, the Prime Minister highlighted how space technology enhances governance, improves livelihoods, and inspires generations. He noted the vital role of satellites in ensuring the welfare of every Indian, citing their contributions to fishermen alerts, the GatiShakti platform, railway safety, and weather forecasting. He underscored India’s commitment to fostering innovation by opening its space sector to startups, entrepreneurs, and young minds. He pointed out that India now has over 250 space startups, contributing to advancements in satellite technology, propulsion systems, imaging, and other pioneering fields. “Many of India’s space missions are being led by women scientists”, he proudly acknowledged.

“India’s space vision is rooted in the ancient philosophy of ‘Vasudhaiva Kutumbakam’”, reaffirmed Shri Modi, stressing that India’s space journey is not just about its own growth but about enriching global knowledge, addressing shared challenges, and inspiring future generations. He emphasized India’s commitment to collaboration, stating that the nation stands for dreaming together, building together, and reaching for the stars together. Concluding his remarks, he called for a new chapter in space exploration, guided by science and the collective aspiration for a better future.