ইন্দিয়ন ওইলগী ‘অনবোত্তল’ ইনিসিএতিবকী মখাদা য়ুনিফোর্মশিং লোঞ্চ তৌখ্রে
ইন্দিয়ন ওইলগী ইন্দোর সোলর কুকিং সিস্তেমগী ত্বিন-কুকতোপ মোদেল কত্থোকখ্রেই২০ ফ্যুল লোঞ্চ তৌখ্রেগ্রীন মোবিলিতী রেল্লী লমথাখ্রে“বিক্ষিৎ ভারতকী ফিরেপকা লোয়ননা চংশিল্লিবা অসিদা অমুক্তা ওইখিদ্রিবা মওংদা ওইথোকপা য়াবশিং ভারতকী ইনর্জী সেক্তরগীদমক লাক্লি”“লাইচৎ অমদি লানগী চৈথেং নংলবা মালেমদা ভারতনা মখা তানা মালেম পুম্বগী ওইনা অফবা মফম অমা কল্লগনি”“গ্রাসরুৎকী থাক্তা দেসিসিব গভর্নমেন্ত লৈবা, লেপ্পা লৈতনা রিফোর্ম পুরকপা, সমাজিক-শেন্মীৎলোনগী শক্তি পীবনা ভারতকী শেন্মীৎলোন মপাঙ্গল কন্নবগী য়ুম্ফম ওইরি”“রিফোর্মশিং পুরকপনা এস্পিরেস্নেল সোসাইতী শেমলি”“ঐখোয়না লেপ্পা লৈতনা ঐখোয়গী রিফাইনিং কেপাসিতী অসি ইন্দিজিনস, মোদর্ন অমসুং অপগ্রেদ ওইহন্নবা হোৎনরি”“২০৩০ ফাওবদা ঐখোয়গী ইনর্জী মিক্সতা নেচরেল গ্যাস কঞ্জুম্পসন হেনগৎহন্নবা ঐখোয়না মিসন মোদতা থবক তৌরি”কর্নাতকাগী মুখ্য মন্ত্রী শ্রী বসবরাজ বোম্মাইজী, কেন্দ্রগী মন্ত্রী মন্দলদা ঐহাক্কী মরুপ ওইরিবা শ্রী হরদীপ পুরীজী, রামেশ্বর তেলীজী, অতোপগপা মন্ত্রীশিং, য়োর এক্সিলেন্সীস, নুপী অমদি নুপাশিং।
মীকুপ অসিদা ঐখোয়না তর্কীদা থোকখিবা তমথিরবা য়ুহার হাবদা মীৎয়েং থম্লি। মীশি-মীনা অমদি অমাং অতাগী পাউ কয়ামরুম তারি। তর্কীগী অকোইবদা লৈবা লৈবাকশিংদা অমাং-অতা থোকপগী ওইথোকপা য়াবসু লৈ। ভারতকী মীওই করোর ১৪০না য়ুহার হাবদা অৱাবা নংলবা পুম্নমক্কীদমক লেপ্পি। য়ুহার হাবদা অৱাবা নংলবা মীওইশিংদা অঙম্বা মতেং পীনবা শেম-শাদুনা লৈ।
মরুপশিং,
বেঙ্গলুরু অসি তেক্নোলোজী, তেলেন্ত অমসুং ইন্নোভেসন্না য়োম্বা সহর অমনি। ঐহাককুম্না মফম অসিদা লৈরিবা ইনর্জী অসি নখোয়নসু শোইদনা ফাওরমগনি। ইন্দিয়া ইনর্জী ৱীক অসি জি২০ কেলেন্দরগী অহানবা মরু ওইবা ইনর্জী ইভেন্ত অমনি অমসুং থৌরম অসিদা ঐহাক্না ভারত অমসুং মপালদগী লাকপা মীপুম খুদিংমকপু তরাম্না ওকচরি।
মরুপশিং,
২১শুবা চহিচাগী মালেমগী তুংলমচৎকী মাইকৈ লেপ্পদা ইনর্জী সেক্তরগী অচৌবা থৌদাং লৈ। ভারত অসি ইনর্জী ত্রাঞ্জিসন্দা অমদি ইনর্জীগী অনৌবা রিসোর্সশিং দিবেলপ তৌনবগী মালেমগী খ্বাইদগী মপাঙ্গল কনবা ভোইসশিংগী মরক্তা অমা ওইরি। বিক্ষিৎ ভারতকী ফিরেপকা লোয়ননা চংশিল্লিবা অসিদা অমুক্তা ওইখিদ্রিবা মওংদা ওইথোকপা য়াবশিং ভারত্তা লাক্লি।
নখোয়না আই.এম.এফ.কী হন্দক্তা ফোঙখিবা ২০২৩গী গ্রোথ প্রোজেক্সনশিংগী মতাংদা খঙলমগনি। মসিদা ভারত অসি খ্বাইদগী খোঙজেল য়াংনা খুমাং চাউশিল্লিবা মরু ওইবা ইকনোমী অমনি হায়রি। ২০২২দা লাইচৎ অমসুং লানগী চৈথেং নংলবা মালেমদা ভারতনা মখা তানা অফবা মফম অমা কনা ঙমখি। ভারতকী ইন্তর্নেল রেজিলিয়েন্স অসিনা মরম ওইদুনা লৈবাক অসিনা এক্সতর্নেল ফেক্তরগী মখা পোনবা তৌদনা অপনবা অমা হেক্তবু মায়োক্নবা ঙমখি। মসিগী নুংদা ফেক্তর কয়ামরুম লৈখি, অহানবদা তংদু লৈতাবা, দেসিসিব ওইবা সরকার লৈবা। অনিশুবদা লেপ্পা লৈতনা রিফোর্মশিং পুরকপা, অহুমশুবদা গ্রাসরুৎকী থাক্তা সমাজিক-শেন্মীৎলোন্দা শক্তি পীবা অসিনি।
হৌখিবা চহিশিংদা মশিং য়াম্না মীয়ামগা বেঙ্ক একাউন্তশিংগী লিঙ্ক তৌখি, মখোয়না লেম্না হকশেলগী খুদোংচাবশিং ফংখি, শাফবা সেনিতেসন, মৈ, য়ুম অমসুং তোতি ঈশিং য়াওনা অচৌবা সোসিএল ইনফ্রাস্ত্রকচরনা মীওই করোর কয়া য়ৌশিনখি।
অচৌবা লৈবাক কয়াগী মীশিংদগী হেন্না য়াম্বা ভারতকী অচৌবা মীশিং অসিগী পুন্সিদা অহোংবা পুরকখি। মসিনা মশিং য়াম্লবা লায়রবা মীওই করোর কয়াবু লায়রবগী খয়াৎতগী থোরক্তুনা মিদল ক্লাসকী থাকশিং য়ৌখি। ঙসি ভারতকী মীওই করোর কয়াগী পুন্সিদা অফবা অহোংবা পুরকপা ঙমখি।
খুঙ্গং খুদিংমক্না ইন্তর্নেৎ এক্সেস ফংনবগীদমক লৈবাক অসিদা ওপ্তিকেল ফাইবর কিলোমিতর ৬,০০,০০০ তিংখি। হৌখিবা চহি ৯দা পুরকখিবা চাউখৎ-থৌরাংশিংনা লৈবাক অসিদা ব্রোদবেন্দ য়ুজরশিংগী মশিং অসি শরুক তরাহুমদোই হেনগৎলকখি অমসুং খুঙ্গংগী মফমশিংদা লৈবা ইন্তর্নেৎ য়ু্জরশিংগী মশিং অসি সহরগী মফমশিংগা চাংদম্নবদা খোঙজেল য়াংনা হেনগৎলক্লি।
মসিগী মথক্তা ভারতনা মোবাইল ফোনশিং মেন্যুফেকচর তৌবদা ভারতনা অনিশুবা খ্বাইদগী চাউবা মেন্যুফেকচর্র ওইরি, মসিনা মরম ওইদুনা মালেমগী খ্বাইদগী চাউবা এস্পিরেস্নেল ক্লাস শেম্বা ঙমহনখি। ভারতকী মীয়াম্না হেন্না ফবা প্রদক্তশিং, হেন্না ফবা সর্ভিসশিং অমসুং হেন্না ফবা ইনফ্রাস্ত্রকচর পাম্মি।
ভারতকী প্রজাশিংগী অনীংবা-অপাম্বশিং মঙফাওনবা ঙম্নবা হোৎনবদা ইনর্জীগী থৌদাং চাউই। ইন্দস্ত্রীশিংদগী ওফিসশিং, ফেক্তরশিংদগী য়ুমশিংদা ভারতকী ইনর্জীগী মথৌ তাবা, ইনর্জীগী দিমান্দ অসি নোংমা-নোমগী হেনগৎলক্লি। ভারত্তা খোঙজেল য়াংনা চাউখৎ-থৌরাং পুরকপা অসি উরগা তুংদা লাক্কদবা চহিশিংদা ভারত্তা অনৌবা সহরশিং শেমগৎপা ঙমগনি হায়না থাজৈ। ইন্তর্নেস্নেল ইনর্জী এসোসিএসননা হায় ভারতকী ইনর্জী দিমান্দশিং অসি হৌজিক লৈরিবা দিকেদ অসিদা খ্বাইদগী ৱাংলগনি মসিনা ইনর্জী সেক্তরদা লৈবা ইনভেস্তরশিং অমসুং স্তেকহোল্দরশিংগীদমক খুদোংচাবা অমা পীরি।
ঙসি গ্লোবেল ওইল দিমান্দদা ভারতকী শিয়র অসি ৫%নি হায়রিবা অসি ১১%দা হেনগৎলকপা য়াই পানরি অমরোমদা ভারতকী গ্যাস দিমান্দ অসি ৫০০%দা হেনগৎলকপা য়াই পান্নরি। ভারতকী ইনর্জী সেক্তর পাকথোক-চাউথোকহন্দুনা ইনভেস্তমেন্ত অমসুং কোল্লাবোরেসনগীদমক অনৌবা খুদোংচাবশিং পীরি।
মরুপশিং,
ইনর্জী সেক্তরগী লালোংগীদমক মরু ওইবা ভর্তিকেল মরি লৈ। অহানবদা দোমেস্তিক এক্সপ্লোরেসন অমদি প্রদক্সনশিং হেনগৎহনবা অমসুং অনিশুবদা সপ্লাই দাইভর্সিফাই তৌবা, অহুমশুবদা বাইওফ্যুল, ইথানোল, কমপ্রেস বাইওগ্যাস অমসুং সোলরগুম্বা ফ্যুলশিং শীজিন্নবা হেনগৎহনবা। মরিশুবদা ইলেক্ত্রিক ভেহিকলশিং অমসুং হাইদ্রোজেনগী খুত্থাংদা দি-কার্বোনাইজেসন তৌবা। ভারতনা মাইকৈ মরি অসিদা খোঙজেল য়াংনা থবক পাইখৎলি। ঐহাক্না মখোয়গী মরমদা খরা হেন্না হায়জনীংই।
মরুপশিং,
অদোম্না খঙলমগনি মদুদি ভারত অসি মাগী রিফাইনিং কেপাসিতীগীদমক মরিশুবা খ্বাইদগী চাউবা লৈবাক ওইনা খঙনৈ। হৌজিক লৈরিবা এম.এম.তি.পি.এ. ২৫০গী কেপাসিতী অসিদগী এম.এম.তি.পি.এ. ৪৫০দা কেপাসিতী অসি হেনগৎহন্নবা খোঙথাংশিং লৌখৎলি। ঐখোয়না লেপ্পা লৈতনা ঐখোয়গী রিফাইনিং কেপাসিতী অসি ইন্দিজিনস, মোদর্ন অমসুং অপগ্রেদ ওইহন্নবা হোৎনরি। মতৌ অসুম্না ভারতনা পেত্রোকেমিকেল প্রদক্সন কেপাসিতী হেনগৎহন্নবা থবক পাইখৎলি। ইন্দস্ত্রীগী লুচিংবশিংনা তেক্নোলোজী শীজিন্নদুনা অমসুং ভারতকী স্তার্তঅপ ইকোসিস্তেমনা মখোয়গী ইনর্জী লেন্দস্কেপ হেনগৎহন্নবা য়াগনি।
মরুপশিং,
সরকার অসিনা ‘ৱান নেসন ৱান গ্রিদ’কী মখাদা মথৌ তাবা ইনফ্রাস্ত্রকচর পুম্নমক পীদুনা ২০৩০ ফাওবদা ঐখোয়গী ইনর্জী মিক্সতা নেচরেল গ্যাসকী কঞ্জুম্পসন অসি ৬%দগী ১৫% ফাওবা হেনগৎহন্দুনা মিসন মোদতা থবক পাইখৎলি।
এল.এন.জি. তর্মিনেল রিগ্যাসিফিকেসনগী কেপাসিতী হেনগৎহন্নবা হোৎনরি। ২০২২দা এম.এম.ই.পি.এ. ২১গী তর্মিনেল রিগ্যাসিফিকেসনগী কেপাসিতী অসি শরুক অনি হেনগৎহনখি অমরোমদা মসিবু হেন্না হেনগৎহন্নবা খোঙথাংশিংসু লৌখৎলি। লৈবাক অসিদা সি.জি.দি.শিংগী মশিং অসি শরুক ৯ হেনগৎলকখি অমসুং সি.এন.জি. স্তেসনশিংগী মশিং অসি ২০১৪দা ৯০০ ওইরম্বদগী ৫০০০দা হেনগৎলকখি।
ঐখোয়না গ্যাস পাইপলাইন নেৎৱার্ক্কী অশাংবা হেনগৎহন্নবা মাইকৈদা খোঙজেল য়াংনা থবক পাইখৎলি। ২০১৪দা কিলোমিতর ১৪,০০০ ওইরম্বদগী হৌজিক নেৎৱার্ক অসি ২২,০০০দা হেনগৎহনখি অমসুং মথংগী চহি ৪-৫দা ভারতকী গ্যাস পাইপলাইন নেৎৱার্ক কিলোমিতর ৩৫,০০০ য়ৌবা ঙমলগনি। মসিনা তাকপদা ভারতকী নেচরেল গ্যাস ইনফ্রাস্ত্রকচরদা নখোয়গীদমক অচৌবা ইনভেস্তমেন্তগী খুদোংচাবশিং শেম্লগনি হায়বনি।
মরুপশিং,
ঙসি ভারতনা দোমেস্তিক এক্সপ্লোরেসন অমসুং প্রদক্সন্দা মীৎয়েং চংলি। ই.পি. সেক্তরনা মমাংদা ইনএক্সেসিবল ওই হায়না লৌনরম্বা লমশিংদা মীৎয়েং চংবা হৌরক্লি। নখোয়গী ইথিলশিং অসি খঙলদুনা ঐখোয়না ‘নো-গো’ এরিয়াশিং হন্থহনখি। মসিনা মরম ওইদুনা নো-গো রেস্ত্রিক্সনশিংদগী লম স্ক্বার কিলোমিতর লাখ ১০ ফ্রী ওইহনখি। ঐহাক্না ইনভেস্তর পুম্নমক্তা খুদোংচাবশিং অসি লৌনবা অমসুং ফোসিল ফ্যুলশিংগী এক্সপ্লোরেসনদা য়াওশিনবা হেনগৎহন্নবা হায়জরি।
মরুপশিং,
বাইও-ইনর্জী লমদা ঐখোয়না খোঙজেল য়াংনা খুমাং চাউশিল্লি। মমাংগী ওগস্ততা ঐখোয়না এসিয়াগী অহানবা ২জি ইথানোল বাইও-রিফাইনরী লিংখৎখি। ঐখোয়না শেম-শারিবা অসি কম্মর্সিএল ২জি ইথানোল প্লান্ত ১২ লিংখৎপনি। মতৌ অসুম্না সস্তেনেবল এভিএসন ফ্যুল অমসুং রিন্যুএবল দিজলগী কম্মর্সিএল ফীসিবিলিতীগী মাইকৈদা ঐখোয়না খোঙথাংশিং লৌখৎলি।
চহি অসিগী বজেৎতা ঐখোয়না গোবর-ধন য়োজনাগী মখাদাঅনৌবা ‘ৱেস্ত তু ৱেল্থ’ প্লান্ত ৫০০ শানবা লাউথোকখি। মসিদা কমপ্রেস বাইওগ্যাস প্লান্ত ২০০ অমসুং কম্ম্যুনিতী-বেজ প্লান্ত ৩০০ য়াওরি। মসিনা নখোয় পুম্নমক্কীদমক লুপা করোর লিশিং কয়াগী ইনভেস্তমেন্তগী অনৌবা এভেন্যুশিং শেম্লগনি।
মরুপশিং,
ভারত্তা অতোপ্পা সেক্তর অমনা মালেমদা মাংজিল থারি মদু গ্রীন হাইদ্রোজেন্নি। নেস্নেল গ্রীন হাইদ্রোজেন মিসন্না ২১শুবা চহিচাগী ভারত্তা অনৌবা মাইকৈ অমা পীরগনি। লৈবাক অসিনা দিকেদ অসি লোইরকপদা গ্রীন হাইদ্রোজেনগী এম.এম.তি.পি.এম. ৫ পুথোক্নবা পান্দম থম্মি মসিনা লুপা করোর লাখ ৮ হেনবগী ইনভেস্তমেন্ত লাকপা ওইথোকহল্লগনি। ভারতনা গ্রে হাইদ্রোজেনগী মহুৎ শিন্দুনা গ্রীন হাইদ্রোজেনগী শিয়র চাদা ২৫ হেনগৎহল্লগনি। মসিনা নখোয়গীদমক চাউনা খুদোংচাবা পীরগনি।
মরুপশিং,
অতোপ্পা মরু ওইবা হীরম অসি ই.ভি.শিংগী বেত্তরী মমলগী মতাংদনি। ঙসি ইলেক্ত্রিক ভেহিকল অমগী বেত্তরী মমল অসি চাদা ৪০দগী ৫০ ওইরে। মরম অসিনা মাইকৈ অসিদা ঐখোয়না ১৮,০০০গী পি.এল.আই. স্কিম অমা হৌদোকখি মসিনা গিগাৱাত আৱর ৫০গী এদভান্স কেমেস্ত্রী সেল শানবগী মাইকৈদা অচৌবা খোঙথাং অমা ওইরগনি।
মরুপশিং,
চয়োল অমগী মমাংদা পুথোকখিবা অনৌবা বজেৎতা ভারত্তা ইনভেস্তমেন্তগী ওইথোকপা য়াবশিং অসি হেন্না মপাঙ্গল কনখৎহল্লগনি। রিন্যুএবল ইনর্জী, ইনর্জী ইফিসিএন্সী, সস্তেনেবল ত্রান্সপোর্তেসন অমসুং গ্রীন তেক্নোলোজীশিংদা বজেৎ অসিনা হেন্না মীৎয়েং চংখি। ইনর্জী ত্রাঞ্জিসন্দা শাহৌ পীনবা অমসুং নেৎ-জিরোগী পান্দমশিং ফংনবা মরু ওইবা কেপিতেল ইনভেস্তমেন্তগীদমক করোর ৩৫,০০০ থমখি। ঐখোয়না কেপিতেল এক্সপেন্দিচরগী লুপা করোর লাখ ১০গী প্রোবিজন শেমখি। মসিনা গ্রীন হাইদ্রোজেন, সোলর অমদি রোদ ইনফ্রাস্ত্রকচর মখল পুম্নমক খোঙজেল য়াংখৎহল্লগনি।
মরুপশিং,
গ্রীন ইনর্জী ইনিসিএতিবকী মতাংদা ২০১৪দগী হৌদুনা ভারতকী ফিরেপ অমসুং ভারতকী খোঙথাংশিংদা মালেম পুম্বনা মীৎয়েং থম্নরক্লি। হৌখিবা চহি ৯দা রিন্যুএবল ইনর্জী কেপাসিতী অসি গিগাৱাত ৭০দগী গিগাৱাত ১৭০দা হেনগৎহনখি মসিদা সোলর পাৱর শরুক ২০ হেনগৎলকখি। ঙসি ভারত অসি ৱিন্দ পাৱর কেপাসিতীদা মরিশুবদা লৈ।
ঐখোয়না দিকেদ অসি লোইরকপদা নন-ফোসিল ফ্যুল কেপাসিতী ৫০% য়ৌনবা পান্দম থম্মি। ঐখোয়না বাইওফ্যুলদা অমসুং ইথানোল ব্লেন্দিংদা য়াম্না খোঙজেল য়াংনা থবক পাইখৎলি। হৌখিবা চহি ৯দা ঐখোয়না পেত্রোলদা ইথানোল ব্লেন্দিং তৌবা অসি চাদা ১.৫দগী চাদা ১০দা হেনগৎহনখি। হৌজিক ঐখোয়না ইথানোল ব্লেন্দিং চাদা ২০ তৌনবা পান্দম থম্মি।
ঙসি মফম অসিদা ই-২০ রোল-আউৎ তৌখি। মসিগী অহানবা ফেস অসিনা সহর ১৫ কোনশিনগনি অমসুং চহি অনিগী মনুংদা লৈবাক পুম্বদা য়ৌহনগনি। হায়বদি ই-২০ অসি লৈবাক শিনবা থুংবদা নখোয়গীদমক অচৌবা মার্কেৎ অমা ওইরক্লগনি হায়বনি।
মরুপশিং,
ইনর্জী ত্রাঞ্জিসনগী মতাংদা ভারত্তা চত্থরিবা মাস মুফমেন্ত অসি কেস স্তদীগী সবজেক্ত অমা ওইরকখি। মসি মওং অনিদা পাঙথোক্লি: অহানবা ইনর্জীগী রিন্যুএবল সোর্সশিং খোঙজেল য়াংনা শীজিন্নবা অমসুং অনিশুবা ইনর্জী কঞ্জর্বেসনগী অফবা পাম্বৈশিং শীজিন্নবা। ভারতকী প্রজাশিংনা ইনর্জীগী রিন্যুএবল সোর্সশিং খোঙজেল য়াংনা শীজিন্নবা হৌরক্লি। সোলর পাৱরনা চল্লাইবা য়ুমশিং, খুঙ্গংশিং অমসুং এয়রপোর্তশিং অমদি সোলর পম্পশিংনা চল্লাইবা লৌউ-শিংউগী থবক-থৌরমশিং অসিনা খুদমশিং ওইরি।
ভারত্তা লৈরিবা ইমুং করোর ১৯ হেনবদি ক্লিন কুকিং ফ্যুলনা হৌখিবা চহি ৯ অসিদা কন্নেক্ত তৌখি। ঙসি লোঞ্চ তৌখিবা সোলর কুকতোপকী মতাংদা প্রধান মন্ত্রীনা হায় মসিনা ভারত্তা গ্রীন অমসুং ক্লিন কুকিংগী অনৌবা মায়োল অমা পীরগনি। য়ুমথোং করোর ৩ হেনবা অসি মথংগী চহি ২-৩গী মনুংদা সোলর কুকতোপশিংগী এক্সেস ফংলগনি। মসিগা লোয়ননা ভারত্তা ইমুং করোর ২৫ হেনবনা চাকশঙদা অওনবা অমা পুরক্লগনি। ভারত্তা ইমুং করোর ২৫ হেন্না লৈ। শুপ্নগী সোলর কুকতোপ অমদা ইনভেস্তমেন্ত তৌবনা নখোয়গীদমক ওইথোকপা য়াবা কয়া য়াম্না লৈবগে খন্থদুনা য়েংবীয়ু।
মরুপশিং,
ভারতকী প্রজাশিংনা ইনর্জী কন্নবগী অফবা পাম্বৈগী মাইকৈদা খোঙজেল য়াংনা অহোংবা পুরক্লি। হৌজিক য়ুমশিং, স্ত্রীৎলাইৎশিংদা এল.ই.দি. বল্বশিং শীজিন্নবা, য়ুমদা স্মার্ত মিতরশিং হাপ্পা, সি.এন.জি. অমসুং এল.এন.জি. শীজিন্নবা অমসুং ইলেক্ত্রিক ভেহিকলশিং পাম্নবা হেনগৎলক্লি। ইলেক্ত্রিক ভেহিকল পাম্নবা হেনগৎলক্লিবা অসিনা মাইকৈ অসিদা অচৌবা অহোংবা লাক্লে তাক্লি।
মরুপশিং,
গ্রীন গ্রোথ, অমসুং ইনর্জী ত্রাঞ্জিসনগী ভারতকী খোঙথাংশিং অসিবু ভারতকী ভেল্যুশিংগা মরী লৈনহনখি, ভারতমচা খুদিংমক্কী পুন্সি মহিংগী সর্ক্যুলর ইকনোমীনা শরুক অমা ওইরি অমসুং রিদ্যুস, রিয়ুজ অমসুং রিসাইকলনা নাৎকী শরুক অমা ওইরি। ঙসি মফম অসিদা ঐখোয়না খুদম অমা উবা ফংখি। ঐখোয়না প্লাস্তিক বোত্তলশিং রিসাইকল তৌদুনা য়ুনিফোর্মদা ওন্থোক্নবা থৌশিল উবা ফংলে, ফেশনগী লমদা, অকে-অমৌগী লমদা অৱাৎপা অমত্তা লৈতে। মসিগী পান্দমদি চহি খুদিংগী অসিগুম্বা বোত্তল মিলিয়ন ১০০ রিসাইকল তৌদুনা অকোইববু ঙাকশেনবদা মতেং পাংবনি।
মিসন অসিনা লাইফ হায়বদি লাইফস্তাইল ফোর এনভাইর্নমেন্তদা শক্তিসু পীরগনি, মসিনা ঙসিগী মালেমগী খ্বাইদগী মরু ওইবনি। লম্বী অসিদা চৎতুনা ভারতনা ২০৭০ ফাওবদা নেৎ জিরোগী তার্গেৎ য়ৌনবা হোৎনগনি। ইন্তর্নেসনেল সোলর এলাইন্সগুম্বগী খোঙথাংশিংগী খুত্থাংদা ভারতনা মালেমদা মাগী অফবা মগুন অসি শক্তি পীবা পাম্মি।
মরুপশিং,
ঐহাক্না ভারতকী ইনর্জী সেক্তরদা মরী লৈনবা ওইথোকপা য়াবা খুদিংমক শোইদনা থীদোক্নবা, মসিদা য়াওশিন্নবা পুম্নমক্তা হায়জরি। ঙসি ভারত অসি নখোয়গী ইনভেস্তমেন্ত তৌনবগীদমক মালেমগী খ্বাইদগী চুনরবা মফম অমা ওইরে। ঙসি ইনর্জী ত্রাঞ্জিসন ৱীক্তা শরুক য়ানবা লাক্লিবা য়াম্লবা মীয়ামদা ঐহাক্না ৱাহৈশিং অসিগা লোয়ননা ৱা ঙাংবা লোইশিনজরি। পুম্নমক্তা য়াইফ-মঙ্গোল পীজরি।
থাগৎচরি।
