য়োর মেজেস্তী,
য়োর রোয়েল হায়নেস,
নীংথৌগী ইমুংগী ইকাই খুম্নরবা মীওইশিং,
এক্সিলেন্সীশিং,
নুপী অমসুং নুপাশিং,
ঐহাক্না হিস মেজেস্তী অমসুং নীংথৌগী ইমুং মনুং পুম্নমকপু তরাম্না ওকপীবা অমসুং মীয়োক মীচান ফবা মতৌগীদমক থাগৎপা ফোংদোকচরি। মসি ভারতকী প্রধান মন্ত্রীগী ব্রুনাইদা অহানবা বাইলেতরেল খোংচৎনি। অদুবু মফম অসিদা ঐখোয়না ফংলিবা নুংশিবা অসিনা ঐহাকপু ঐখোয়গী লৈবাক অনিগী মরক্তা চহি চা কয়াগী মমাংদগী লৈরক্লবা মরীশিং অদু মতম পুম্নমক্তা নীংশিংহল্লি।
য়োর মেজেস্তী,
চহি অসিদা ব্রুনাইগী নীংতম্বা চহি 40 শুবা কুমওন পাংথোক্লি। অদোমগী লুচিং মখাদা, ব্রুনাইনা চৎনবী অমসুং কন্তিন্যুতীগী মরুওইবা মরীগা লোয়ননা খুমাং চাউশিল্লি। ব্রুনাইগীদমক্তা অদোমগী "ৱাৱাসন 2035" ভিজন অসি থাগৎনিংঙাইনি। ভারত মচা বিলিয়ন 140গী মায়কৈদগী ঐহাক্না অদোম অমসুং ব্রুনাইগী মীয়ামদা য়াইফ-পাউজেল পীজরি।
মরুপশিং,
ভারত অমসুং ব্রুনাইগী মরক্তা পুৱারী অমসুং চৎনবীগী ওইবা মরী অচেৎপা লৈ। চহি অসিদা ঐখোয়না ঐখোয়গী দিপ্লোমেতিক রিলেসনশিংগী চহি 40শুবা মপোক কুমওন পাংথোক্লি। থৌরম অসিদা, ঐখোয়না ঐখোয়গী মরীশিংবু এনহেন্স পার্তনরশিপকী থাক পীবা হায়না ৱারেপ লৌখি।
ঐখোয়গী পার্তনরশিপ অসিদা স্ত্রেতেজিক দিরেক্সন অমা পীনবগীদমক ঐখোয়না এস্পেক্ত খুদিংমক্তা পাক-শন্না খন্ন-নৈনখি। ঐখোয়না ইকনোমিক, সাইন্তিফিক অমসুং স্ত্রেতেজিক লমশিংদা ঐখোয়গী কোওপরেসন মপাঙ্গল কনখৎহন্নবা ৱাশক্লি। ঐখোয়না লৌউ-শিংউগী ইন্দস্ত্রী, ফার্মা অমসুং হকশেলগা লোয়ননা ফিনতেক অমসুং সাইবর সেক্যুরিতীদা ম্যুচেল কোওপরেসনদা মীৎয়েং চংনবা ৱারেপ লৌরে।
ইনর্জী সেক্তরদা, ঐখোয়না LNGদা মতম শাংনা চৎকদবা কোওপরেসনগী ওইথোকপা য়াবশিংগী মতাংদা খন্নখি। দিফেন্স সেক্তরদা মতেং পীনবা হেনগৎহন্নবা, ঐখোয়না দিফেন্স ইন্দস্ত্রী, ত্রেনিং অমসুং কেপাসিতী বিল্দিংগী ওইথোকপা য়াবশিং অদু পোজিতিব ওইনা খন্নখি।
স্পেসকী লমদা ঐখোয়গী কোওপরেসন মপাঙ্গল কনখৎহন্নবা, ঐখোয়না সেতেলাইত দিবেলপমেন্ত, রিমোৎ সেন্সিং অমসুং ত্রেনিংগী মতাংদা য়ানখি। লৈবাক অনিগী মরক্তা কন্নেক্তিবিতী লৈহন্নবগীদমক অথুবা মতমদা দাইরেক্ত ফ্লাইৎশিং হৌরগনি।
মরুপশিং,
ঐখোয়গী পার্তনরশিপকী য়ুম্ফম অসি ঐখোয়গী মীয়ামগা মীয়ামগা লৈনবা মরীশিংনি। ব্রুনাইগী শেন্মিৎলোন অমসুং খুন্নাইদা ভারত মচাশিংনা অফবা থৌদাং লৌরিবা অসিদা ঐহাক নুংঙাইবা ফাওই। ঙরাং ইন্দিয়ন এম্বেসীগী উরেপ-উয়ুং তমখিবগা লোয়ননা, ভারতকী কম্ম্যুনিতীনা পর্মিনেন্ত এদ্রেস অমা ফংলে।
ভারতকী মীয়ামগী য়াইফনবা অমসুং মখোয়গী কান্নবশিং য়েংশিনবগীদমক ঐখোয়না হীজ মেজেস্তী অমসুং মহাক্কী সরকারগী মফমদা থাগৎপা ফোংদোকচরি। মরুপশিং, ব্রুনাই অসি ভারতকী এক্ত ইস্ত পোলিসী অমসুং ইন্দো-পেসিফিক ভিজনগী মরুওইবা পার্তনর অমা ওইরি।
ভারতনা মতম পুম্নমক্তা আসিয়ানগী সেন্ত্রেলিতীদা অহেনবা মীৎয়েং থম্লি, অমসুং মখা তানা তৌগনি। ঐখোয়না UNCLOSকুম্বা ইন্তর্নেস্নেল লোশিংগী মখাদা নেভিগেসন অমসুং ওভর-ফ্লাইৎকী নীংতম্বা শৌগৎলি। লমদম অসিদা কোদ ওফ কন্দক্ত অমা য়ানগদবনি হায়না ঐখোয়না য়ানরে। ঐখোয়না চাউখৎ-থৌরাংগী পোলিসীবু শৌগৎলি, এক্সপান্সনিয়মগী পোলিসী নত্তে।
য়োর মেজেস্তী,
ভারতকা লৈনরিবা মরী অসিদা অদোমগী থৌদাং অদুগীদমক ঐখোয়না অদোমগী মফমদা থাগৎপা ফোংদোকচরি। ঙসি অসি ঐখোয়গী পুৱারী ওইরবা মরীশিংদা অনৌবা তাঙ্কক অমা ওইরে। অমুক্কা হন্না, ঐহাকপু ইকায় খুম্নবা উৎপীবগীদমক ঐহাক য়াম্না থাগৎচরি। ঐহাক্না অদোমবু, নীংথৌগী ইমুং মনুংগী মীহুৎ পুম্নমকপু, অমসুং ব্রুনাইগী মীয়াম্বু হকচাং ফনা লৈনবা অমসুং নুংঙাই য়াইফবা ওইরসনু হায়না য়াইফ-পাউজেল পীজরি।
হন্না-হন্না থাগৎচরি।
