“রাস্ত্রপতি শ্রীমতি দ্রৌপতি মুর্মুনা লুচিংবা অমসুং শ্রীমতি নিরমলা সিতারমনগী মরক্কী বজেত অসি নারী শক্তিগী হরাওবা অমনি”
“অফবা পাউতাক পীরকপা তরাম্না ওক্লি, অকায়বা পীরকপা থৌওংশিংনা চমম্নবা পোকহল্লি”“ঐখোয়না খ্বাইদগী ফজনা থবক পাংথোক্নবা হোৎনসি, ঐখোয়গী অনৌবা ৱাখল্লোলশিংনা হাওসকী মিংচৎ হেনগৎহনসি অমসুং লৈবাক অসি হরাওবা অমসুং থাজবা হেনগৎহনসি”“মহৌশানা মীখল ময়া নকশিল্লকপদা, মপুংফাবা বজেত পুথোক্নদে, মদুগী চৎনবী অদু ঐখোয়শু ঙাক্কনি অমসুং অনৌবা সরকার শেম্লবা মতুংদা অদোমগী মাঙদা মপুংফাবা বজেত পুথোক্কনি”মরুপশিং
অনৌবা সংসদকী বিল্দিংদা পাংথোকপা অহানবা মীফমদা মরুওইবা ৱারেপ কয়া লৌখি। নারী শক্তি বন্দন এক্ত পাস তৌখিবা অদু ঐখোয়গী লৈবাক্কী মরুওইবা তাঞ্জা অমনি। জনুৱারি ২৬গী গনতন্ত্র দিবস থৌরমদা নারী শক্তিগী থৌনা, খাংবা কনবা অমসুং মপাঙ্গল উৎখ্রে। ঙসিদগী বজেত মীফম হৌরে, রাস্ত্রপতি শ্রীমতি দ্রৌপতি মুর্মুগী ৱারোল অমসুং শ্রীমতি নিরমলা সিতারমনগী মরক্কী বজেত অসি য়াম্না মরুওই। মসি নারী শক্তিগী হরাওবা অমনি।
মরুপশিং,
হৌখিবা চহি ১০ অসিদা সংসদকী মেম্বর খুদিংমক্না মখোয়না পীরকপা পাউতাকশিং অদুগী মতুংইন্না থবক পাংথোকখি হায়না ঐনা থাজৈ। অদুবু গনতন্ত্রগী গুনশিংদগী তোখায়না লৈখিবা অমসুং অয়েৎপা পীখিবশিংনা মশা মরোমদোম হন্না য়েংজগদবনি। মরৈ য়েৎনবা অমসুং ওপোজিসন অসি গনতন্ত্র অমদা তঙাইফদে অদুবু অফবা ৱাখল্লোনশিংনা হাওসকী মগুন হেনগৎহনবা মেম্বরশিং অদু মীয়াম্না নিংশিংদুনা লৈ। অপনবা পীবা মেম্বরশিং মীওই অমতনা নিংশিংবীদে।
সংসদতা ফোঙদোকখিবা ৱাফম খুদিংমক পুৱারিদা হক্তুনা লৈহৌরগনি। মেম্বরশিংনা অফবা থবকশিং পাংথোকপীয়ু। অফবা পাউতাক পীরকপা তরাম্না ওক্লি, অকায়বা পীরকপা থৌওংশিংনা চমম্নবা পোকহল্লি। বজেত সেসন চৎথরকপা মতমদা, ইকায়খুম্নরবা মেম্বর খুদিংমক্না অফবা মমি অমা তাহৌনবা খুদোংচাবা লৌগদবনি। মেম্বরশিংনা লৈবাক্কী মরুওইবা ৱাফমশিং পুখৎকদবনি। ঐখোয়না খ্বাইদগী ফজনা থবক পাংথোক্নবা হোৎনসি, ঐখোয়গী অনৌবা ৱাখল্লোলশিংনা হাওসকী মিংচৎ হেনগৎহনসি অমসুং লৈবাক অসি হরাওবা অমসুং থাজবা হেনগৎহনসি।
মরুপশিং,
মহৌশানা মীখল ময়া নকশিল্লকপদা, মপুংফাবা বজেত পুথোক্নদে, মদুগী চৎনবী অদু ঐখোয়শু ঙাক্কনি অমসুং অনৌবা সরকার শেম্লবা মতুংদা অদোমগী মাঙদা মপুংফাবা বজেত পুথোক্কনি। হয়েং লৈবাক অসিগী ফাইনান্স মিনিস্তর শ্রীমতি নিরমলা সিতারমন্না ঐখোয় ময়ামগী মমাঙদা মহাক্কী বজেত পুথোক্কনি।
মীয়ামগী থৌজালগা লোয়ননা কাংলুপ খুদিংমক কোনশিনবা অমসুং অপুনবা ভারতকী চাউখৎপগী খোঙচৎ মখা তানা চৎখিগনি হায়না ঐনা থাজৈ। থাজবা অসিগা লোয়ননা ময়াম পুম্নমক্তা রাম রাম হায়জরি।
