Quote“Central Government is standing alongside the State Government for all assistance and relief work”
QuoteShri Narendra Modi visits and inspects landslide-hit areas in Wayanad, Kerala

ইকায় খুম্নরবা মুখ্য মন্ত্রী, রাজ্যপাল, কেন্দ্র সরকারদা ঐহাক্কী মরূপ মন্ত্রী অমসুং লমদম অসিগী মচানুপা, সুরেশ গোপী জী! ঐহাক্না মসিগী খুদোংথীবা অসিগী মতাংদা হেক খঙবদগী হৌদুনা ঐহাক্না মফম অসিগা লেপ্পা লৈতনা ৱারী শানদুনা লাকখি। ঐহাক্না মীকুপ খুদিং পাউ লৌদুনা লাক্লি অমসুং অসিগুম্বা ফিভম অসিদা মতেং পাংবা ঙম্বা কেন্দ্র সরকারগী ওর্গান পুম্নমকপু খুদক্তা মোবিলাইজ তৌবা তাই অমসুং ঐখোয় পুম্নমক্না পুন্না তমথিরবা খুদোংথিবা অসিগী অৱাবা নংলিবা ঐখোয়গী ইমুং মনুংগী মীওইশিংদা মতেং পাংগদবনি।

অসিগুম্বা অৱাবা থৌদোক অসি ইচম চম্বা অমা নত্তে, ইমুং-মনুং চাম্মরোমগী মঙলানশিং কাইখি। ঐহাক্না মফম অদুদা চৎলুরে অমসুং মহৌশাগী তমথিবা ফীভম অদু উরে। ঐহাক্না রিলিফ কেম্পশিংদা লৈরিবা অৱাবা নংলবা ইমুং কয়াগা উনখ্রে অমসুং মখোয়না মতম অদুদা তশেংনা থেংনখিবা অমসুং অৱাবা কয়া মায়োক্নখিবা অদুগী অকুপ্পা ৱারোলশিং অদু ঐহাক্না মখোয়দগী তাবা ফংখি। খুদোংথীবা অসিনা মরম ওইদুনা তোঙান তোঙানবা অশোক-অপন কয়া য়াওবদগী হোস্পিতালদা লৈরিবা অনাবশিংগা ঐহাক্না উনখ্রে।

খুদোংথিবা নংলিবা মতমদা, ঐখোয়না পুন্না থবক তৌমিন্নবা মতমদা, ঐখোয়না অঙকপা মহৈশিং ফংই। নুমিৎ অদুগী অয়ুক অঙনবদা ঐহাক্না ইকাই খুম্নরবা মুখ্য মন্ত্রীগা ৱারী শানখি অমসুং ঐহাক্না হায়খি মদুদি ঐখোয়না মখল খুদিংমক্কী থৌরাংশিং পায়খৎলি অমসুং অথুবা মতমদা য়ৌরক্লগনি। ঐহাক্না মফম অসিদা ঐখোয়গী MoS শিংগী মরক্তগী অমা থুনা মফম অসিদা থাখি। SDRF, NDRF, আর্মী, পুলিস, লোকেল মেদিকেল স্তাফ নৎত্রগা মফমসিদা লৈরিবা NGOশিং, সর্ভিস ওরিয়েন্তেদ ইন্সতিত্যুসনশিংগী মীওইশিং ওইরো, খুদোংচাদবা মায়োক্নরিবা মীওইশিংদা মতেং পাংনবা খুদক্তা চৎহন্নবা হোৎনখি। মীওইবা ওইনা ঐখোয়না মখোয়গী নুংশিরবা মীওইশিং লৈখিদ্রবা ইমুং মনুংগী মীওইশিংগী অৱাবা অদু কোকহন্নবা ঙম্লোই। অদুবু মখোয়গী তুংগী পুন্সি অমসুং মখোয়গী মঙলানশিং অদু মাংহন্দনবা হায়বা অসি ঐখোয়গী অপুনবা থৌদাংনি। অমসুং খুদোংচাদবা মতম অসিদা ভারত সরকার অমসুং লৈবাক অসিনা ভিক্তিমশিংগীদমক লেপ্পী।  

ঙরাং ঐহাক্না ঐখোয়গী ইন্তরনেল মিনিস্তরশিংগী কোওর্দিনেসন তীমবু মফম অসিদা থাগৎখি। মখোয়না ঙরাং ইকাই খুম্নরবা মুখ্য মন্ত্রীগা উনখি, মফমসিদা লৈরিবা ওফিসিএলশিংগা উনখি অমসুং মখোয়সু পুম্নমক য়েংলবা মতুংদা হনখি। অমসুং ইকাই খুম্নরবা মুখ্য মন্ত্রীনা ঐঙোন্দা অকুপ্পা মরোলশিং য়াওবা মেমোরেন্দম অমা থারক্কনি হায়রকখি। অমসুং ঐহাক্না ইমুংশিং অসিদা মখোয়গীদমক লেপ্পী হায়না থাজবা পীজরি। অৱাবা তারবা মতম অসিদা, রাজ্য সরকার ওইগেরা, কেন্দ্র সরকার ওইগেরা নৎত্রগা লৈবাক অসিগী মীচম প্রজা ওইগেরা, অৱাবা তারবা মতম অসিদা ঐখোয় পুম্নমক মখোয়গীদমক লেপ্পী।

সরকারনা দিজাস্তর মেনেজমেন্তকীদমক পীরিবা শেনফমগী শরুক কয়া অমা রুলশিং অমসুং রিগুলেসনশিংগী মতুং ইন্না পীখ্রে অমসুং ঐখোয়না লেমহৌরিবা শেনফম অদু খুদক্তা থাদোকখি। অমসুং মেমোরেন্দম অদু লাকপগা লোয়ননা, ভারত সরকারনা কেরলা সরকারগা লোয়ননা অখন্ননা থবক পায়খৎলগনি। অমসুং শেনফম লৈতবনা মরম ওইদুনা থবক অমত্তা লেপহল্লোই হায়না ঐনা থাজৈ।

পুন্সি মাংখিবগী মতাংদদি, ঐখোয়না অমুক্কা হন্না ইমুংশিং অসিবু থেমজিনবা মথৌ তাই মরমদি মখোয় অসি অপীকপা অঙাংশিংনি অমসুং ইমুং অদুদা লৈরিবা পুম্নমক মাংখ্রে। ঐখোয়না মখোয়গীদমক লোং তর্ম ওইবা প্লান তৌগদবনি। ঐহাক্না রাজ্য সরকারনা মসিগী মতাংদা কুপ্না থবক তৌগনি হায়না আশা তৌই অমসুং মসিগী মতাংদা ভারত সরকারনা মতেং পাংবা য়াবা মতেং পুম্নমক পীগনি।

অদুবু মুখ্য মন্ত্রীনা ঐঙোন্দা হায়খিবগুম্না, ঐহাক্না অসিগুম্বা খুদোংথীবা অসি য়াম্না নক্না য়েংখি অমসুং এক্সপরিয়েন্স তৌখি। চহি 40-45গী মমাংদা, 1979দা, গুজরাতকী মোর্বিদা দাম অমা লৈরম্মি অমসুং নোং য়াম্না চুবদগী দাম অদু কাইখি। অমসুং খল্লু, দাম অদু য়াম্না চাউই। মরম অদুনা ঈশিং পুম্নমক মোর্বিদা চঙখি, মসি সহর অমনি, অমসুং সহর পুম্বদা ঈশিং ফুৎ 10-10, 12-12 থুমজিনখি। মসিদা মীওই 2500 হেন্না শীখি। হায়রিবা অসি লৈপাক্কী দাম ওইবনা য়ুম খুদিংমক্তা লৈপাক ঙাক্তা ঙাইখি। ঐহাক মফম অদুদা থা তরুক লৈখি। মতম অদুদা ঐহাক ভোলুন্তিয়র অমা ওইনা থবক তৌরি। অমসুং ঐহাক্না মতম পুম্নমক্তা থোক্লকপা সমস্যাশিং অদু উখি, মদুদা করম্বা মখলগী খুদোংচাদবশিং মায়োক্নবগে হায়বদু খঙখি, মরমদি ঐহাক ভোলুন্তিয়র অমা ওইনা থবক তৌখি, মরম অদুনা ঐহাক্না মসি খঙই। মরম অদুনা ইমুংশিং অসিনা লৈনাং থুমজিল্লকপা অদুদা তুমদুনা লৈরিঙৈগী মতম ওইবনা ফিভম অসি কয়া য়াম্না অরুবা ওইরমগনি হায়বদু ঐহাক্না খঙবা ঙম্মি। অমসুং মসিদসু নত্তনা, করিগুম্বা মীওই খরনা মখোয়গী পুন্সিবু কনবদা মায় পাকখ্রবসু, মখোয়বু য়েংবদা ঈশ্বরনা মখোয়বু মঙাল পীবগুম তৌই অমসুং মখোয়বু কনবগুম তৌই।

মরম অদুনা ঐহাক্না মসিগী ফিভম অসি য়াম্না ফজনা খঙবা ঙম্মি অমসুং লৈবাক অসিনা অমসুং ভারত সরকারনা অঙম্বা তৌবা য়াবা তৌগনি হায়না ঐহাক্না থাজবা পীজরি। অদোম্না অকুপ্পা মরোলশিং অদু পীরকপগা, য়ুম শানবা, স্কুল শানবা, লম্বীগী ইনফ্রাস্ত্রকচর, নৎত্রগা অঙাংশিং অসিগী তুংলমচৎকীদমক করিগুম্বা খরা শেম-শানবা ওইগেরা, অদোমগী মায়কৈদগী অকুপ্পা মরোলশিং অদু লাকপা মতমদা, ঐখোয়না মপুং ফানা মতেং পাংগনি, ঐহাক্না অদোমদা থাজবা পীজরি। অমসুং ঐহাক ইশাগী ওইনদি, ঐহাক্কী পুক্নিং ৱাখল য়াম্না ৱাবা ওইখি, মরমদি ঐহাক্না মফম অসিদা লাকপদগী রেস্ক্যু ওপরেসন অমসুং রিলিফ এক্তিবিতীশিংদা খুদোংচাদবা থোকহনবা ঐহাক্না পামখিদে।

অদুবু ঙসিদি, ঐহাক্না পুম্নমকপু কুপ্না য়েংশিনখি অমসুং করিগুম্বা হকথেংননা থেংনরবদি, ৱারেপ লৌবদা অরাইবা ওইহল্লি। অমসুং ঐহাক্না অদোমদা অমুক হন্না থাজবা পীজরি মদুদি, মুখ্য মন্ত্রী জীগী অপাম্বশিং অসি মপুং ফাহন্নবা ভারত সরকারনা মপুং ফানা হোৎনগনি।

থাগৎচরি।

 

  • कृष्ण सिंह राजपुरोहित भाजपा विधान सभा गुड़ामा लानी November 21, 2024

    जय श्री राम 🚩 वन्दे मातरम् जय भाजपा विजय भाजपा
  • Devendra Kunwar October 19, 2024

    BJP
  • Amrendra Kumar October 10, 2024

    जय भाजपा, तय भाजपा
  • Aniket Malwankar October 08, 2024

    #NaMo
  • Lal Singh Chaudhary October 07, 2024

    झुकती है दुनिया झुकाने वाला चाहिए शेर ए हिन्दुस्तान मोदी जी को बहुत-बहुत बधाई एवं हार्दिक शुभकामनाएं 🙏🙏🙏
  • Vivek Kumar Gupta October 06, 2024

    नमो ..🙏🙏🙏🙏🙏
  • Vivek Kumar Gupta October 06, 2024

    नमो ................🙏🙏🙏🙏🙏
  • Manish sharma October 02, 2024

    जय श्री राम 🚩नमो नमो ✌️🇮🇳
  • Aman Singh Rajput September 29, 2024

    हर हर महादेव 🙏
  • Dheeraj Thakur September 27, 2024

    जय श्री राम ,
Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
India’s fruit exports expand into western markets with GI tags driving growth

Media Coverage

India’s fruit exports expand into western markets with GI tags driving growth
NM on the go

Nm on the go

Always be the first to hear from the PM. Get the App Now!
...
We remain committed to deepening the unique and historical partnership between India and Bhutan: Prime Minister
February 21, 2025

Appreciating the address of Prime Minister of Bhutan, H.E. Tshering Tobgay at SOUL Leadership Conclave in New Delhi, Shri Modi said that we remain committed to deepening the unique and historical partnership between India and Bhutan.

The Prime Minister posted on X;

“Pleasure to once again meet my friend PM Tshering Tobgay. Appreciate his address at the Leadership Conclave @LeadWithSOUL. We remain committed to deepening the unique and historical partnership between India and Bhutan.

@tsheringtobgay”