Quoteপুনে মেত্রোগী শাবা লোইরবা সেক্সনশিং অদু শঙ্গাবগী থৌরম অমা ওইনা মেত্রো ত্রেনশিং লমথাখ্রে
QuotePMAYগী মখাদা শাবা য়ুমশিং খুৎশিন্নখ্রে অমসুং উরেপ উয়ুং তমখ্রে
Quoteৱেস্ত তু ইনর্জী প্লান্ত শঙ্গাখ্রে
Quote“পুনে অসি লৈবাক অসিগী শেন্মীৎলোন্দা শাহৌ পীরিবা অমসুং লৈবাক পুম্বগী নহারোলশিংগী মংলানশিং থুংহল্লিবা শক্তি লৈবা সহর অমনি”
Quote“ঐখোয়গী সরকার অসিনা নাগরিকশিংগী পুন্সি মহিং ফগৎহন্নবা কন্না হোৎনরি”
Quote“মেত্রো অসি মোরদর্ন ইন্দিয়াদা সহরশিংগী অনৌবা লাইফলাইন অমা ওইরক্লি”
Quote“মহারাস্ত্রগী ইন্দস্ত্রিএল দিভেলপমেন্ত অসিনা নীংখা তম্লবা মতুংদগী ভারতকী ইন্দস্ত্রিএল দিভেলপমেন্তকী লম্বেল শেমদুনা লাক্লি”
Quote“লাইরবা নত্রগা মিদ্দল ক্লাসপু ওইরো, মখোয়গী মংলান খুদিংমক থুংহনবা হায়বসি মোদীগী গরেন্তি অমনি”

মহারাস্ত্রগী রাজ্যপাল, শ্রী রমেশ বাইস জী, মহারাস্ত্রগী মুখ্য মন্ত্রী শ্রী একনাথ শিন্দে জী, কেন্দ্রগী মন্ত্রী মন্দলদা ঐহাক্কা লোয়নরিবশিং, মহারাস্ত্রগী উপ মুখ্য মন্ত্রী শ্রী দেবেন্দ্র ফরনাভিস জী, শ্রী অজিত পাৱর জী ইনাও দিলিপ জী মহারাস্ত্র সরকারগী মন্ত্রীশিং, MP অমসুং MLAশিং, ইচিল ইনাওশিং।

ওগস্ত অসি নীংশিং থৌরমশিং অমসুং নীংতম ইহৌগী থা অমনি।

মসিগী নীংতম ইহৌগী থা অসিগী অহৌবদা ঐহাক্না পুনেদা থুংলরে,

তুংদা লাইবক ফবা কয়া লাক্লগনি।

নীতম ইহৌগী মতমদা পুনে সহর অসিনা খুদোল কয়া তমখি। সহর অসিনা লৈবাক অসিদা বাল গঙ্গাধর তিলক য়াওনা নীতম লান্মী কয়ামরুম খুদোল তমখি। ঙসি অসি সমাজ অসিদা অওনবা পুরকখিবা অমসুং বাবাসাহেব অম্বেদকরগী ৱাখল্লোনগী তুং ইনবা মমিং লৈরবা অন্না ভাউ সাথেগী মপোক কুমওননি। ঙসি ফাওবা মহৈরোই অমসুং একাদেমিসিয়ান কয়ামরুম্না মহাক্কী লিতরেরী ৱর্কশিংদা রিসর্স তৌরি অমসুং মহাক্কী থবক অমসুং ৱাখল্লোনশিং অসি মীপুম খুদিংমক্তা ইথিল পীরি।

 

|

মরুপশিং,

পুনে অসি লৈবাক অসিগী শেন্মীৎলোন্দা শাহৌ পীরিবা অমসুং লৈবাক পুম্বগী নহারোলশিংগী মংলানশিং থুংহল্লিবা শক্তি লৈবা সহর অমনি। মসিগী থৌদাং অসি পুনে অমসুং পিমপ্রি-চিনচ্বারনা ঙসি ফংলিবা প্রোজেক্তশিং অসিগী খুত্থাংদা মপাঙ্গল হেন্না কনখৎহল্লগনি। হৌজিক মফম অসিদা লুপা করোর 15,000 হেনবগী প্রোজেক্তশিং উরেপ উয়ুং তম্লি অমসুং শঙ্গারি। ইমুং লিশিং কয়ানা পক্কা য়ুমশিং ফংখ্রে, মতমগা চুনরবা প্লান্ত অমসুং ফংখ্রেল মসিগীদমক পুনেগী মীয়াম, লৈবাক অসিগী নাগরিক খুদিংমকপু ধাগৎপা ফোঙদোকচরি।

মরুপশিং,

ঐখোয়গী সরকার অসিনা প্রোফেস্নেলশিং হায়বদি সহর অসিদা লৈরিবা মিদ্দল ক্লাসশিংগী পুন্সি মহিংদা য়াম্না হকচিন্না লৌই। করিগুম্বা পুন্সি মহিং ফগৎলবদি সহর অদুগী চাউখৎপগী লমজেলদা খোঙজেল য়াংই। ঐখোয়গী সরকার অসিনা পুনেগুম্বা সহরদা পুন্সি মহিং ফগৎহন্নবা লেপ্পা লৈতনা হোৎনরি। মফম অসিদা লাক্ত্রিঙৈদা পুনে মেত্রোগী অতোপ্পা সেক্সন অমা শঙ্গারমলে। পুনে মেত্রোগী থবক পাইখৎপা হৌবা মতমদা মসিগী উরেপ উয়ুং তম্বগী খুদোংচাবা অমা ফংখিবদু ঐহাক্না নিংশিংলি অমসুং দেবেন্দ্র জীনা মদুবু য়াম্না নোকনীংবা মওংদা অমদা ফোঙদোকখি। মসিগী চহি 5 অসিদা মেত্রো নেতৱর্ক চাউরাক্না কিলোমীতর 25 থবক পাইখৎপা হৌরে।

মরুপশিং,

করিগুম্বা ভারতকী সহর খুদিংমক্তা লৈরিবা মীওইশিংগী পুন্সি মহিং ফগৎহন্নবা পব্লিক ত্রান্সপোর্ত ইনফ্রাস্ত্রকচর ফগৎহনবা মথৌ তারি। মসিনা মরম ওইরগা মেত্রো নেতৱর্ক অসি চাওথোক্লিবনি, অনৌবা ফ্লাইওভরশিং শাগৎলিবনি অমসুং ত্রাফিক লাইতশিংগী মশিং হন্থহনবা মীৎয়েং চংলিবনি। 2014গী মমাংদা লৈবাক অসিদা মেত্রো লাইন 250 km খক্তা লৈরম্মি। মেত্রো লাইন অয়াম্বা দিল্লী-NCR খক্তদা লৈরম্মি। অদুবু ঙসিদি লৈবাক অসিদা মেত্রো নেতৱর্ক অসি 800 km হেনখ্রে। লৈবাক অসিদা অনৌবা মেত্রো লাইন 1000 km গী থবক পাইখৎপা হৌখ্রে। 2014গী মমাংদা ভারত্তা মেত্রো লাইন অসি সহর 5 খক্তদা লৈরম্মি। ঙসিদি মেত্রো অসি পুনে, নাগপুর অমসুং মুম্বাই য়াওনা সহর 20দা মথৌ তৌরি অমসুং নেতৱর্ক অসি মখাতানা চাউথোরক্লি। পুনেগুম্বা সহরদা অইং অশাগী ফীভমদা হোংলক্লিবা অসি মাংয়োং য়ানবা মেত্রো চাউথোকপগী মথৌ তাই। মেত্রো অসি মোরদর্ন ইন্দিয়াদা অনৌবা লাইফলাইন অমা ওইরক্লি। সরকার অসিনসু মেত্রো লাইনশিং চাউথোক্নবা কন্না হোৎনরি।

 

|

ইচিল ইনাওশিং,

পুন্সি মহিং ফগৎহনবদা বাম্না চাউবা থৌদাং অমা লৌরিবা অসি সহরশিংদা লু নান্না লৈবা অসিনি। মতম অমদা চাউখৎলবা লৈবাকশিংগী সহরশিং উবা মতমদা য়াম্না লু নাল্লি আয়না থাগৎনবা মতম অমা লৈখি। হৌজিক মদুগী সুলুসন অদু ভারতকী সহরশিংদা ঐখোয়না শিজিন্নরি। স্বছ ভারত অভিয়ান অসি তোইলেত পীবা খক্তা নত্তে মসিনা ৱেস্ত মেনেজমেন্ততসু মীৎয়েং চাউনা থম্লি। অমোৎ অকাইগী মপৈ কয়ামরুম্না ঐখোয়গী সহরশিংদা চাউনা অপনবা পীরে। নখোয়না খংলমগনি মদুদি ঐখোয়না মেত্রো দিপোত অসি শারিবা মফম অদি মতম অমদা কোথ্রুর গার্বেজ দম্পিং য়ার্দ হায়না খংনরম্মি হায়বা। ঐখোয়না হায়রিবা অমোৎপগী মপৈশিং অসি লৌথোক্নবা মিসন মোদতা থবকশিং পাইখৎলি। পিমপ্রি-চিনচ্বার প্লনা্ত অসি য়াম্না কান্নবা প্লান্ত অমনি। মসিদা ৱেস্ততগী ইলেক্ত্রিসিতী পুথোক্কনি। মসিদা ইলেক্ত্রিসিতী পুথোকপা মতমদা কোর্পোরেসনশিংনা মখোয়গী মথৌ তাবা অদু ফংবা ঙমগনি। মসিনা তাকপদি পোলুসনগী অৱাবা লৈররোই অমসুং ম্যুনিসিপাল কোরপোরেসনগী কান্নবা ওইরগনি।

মরুপশিং,

মহারাস্ত্রগী ইন্দস্ত্রিএল দিভেলপমেন্ত অসিনা নীংখা তম্লবা মতুংদগী ভারতকী ইন্দস্ত্রিএল দিভেলপমেন্তকী লম্বেল শেমদুনা লাক্লি। রাজ্য অসিদা মখাতানা ইন্দস্ত্রিএল দিভেলপমেন্তকী মথৌ তাই। সরকার অসিনা মহারাস্ত্রদা মমাংদা অমুক্তা তৌখিদ্রিবা মওংদা ইনবেস্তমেন্তশিং তৌখ্রে। ঙসিদি অনৌবা এক্সপ্রেসৱেশিং, রেলৱে রুতশিং অমসুং এয়রপোর্তশিং শেমগৎলি। রেলৱে চাউথোকপগী ওইনা 2014গী মমাংগা চাংদম্নবা মতমদা চাদিংদা শরুক তরানিথোই হেনগৎলে। মহারাস্ত্রগী সহর কয়ামরুম্না য়ুমথংনবা রাজ্যশিংগী ইকনোমিক হবশিংগা শম্নরি। মহারাস্ত্র অমসুং গুজরাত অনিমকপু কান্নবা ফংহনগদৌরিবা মুম্বাই-অহমেদবাদ হাই স্পীদ রেল, মহারাস্ত্রনা মধ্য প্রদেশ অমসুং অৱাং ভারতকী অতোপ্পা রাজ্যশিংগা শম্নগদৌরিবা দিল্লী-মুম্বাই ইকনোমিক কোরিদোর, মহারাস্ত্র অমসুং অৱাং ভারতকী রেল কনেক্তিবিতীদা অওনবা পুরক্কদবা নেস্নেল দেদিকেতেদ ফ্রৈত কোরিদোর অমসুং ছত্তিশগর, তেলঙ্গনা অমসুং অতোপ্পা য়ুমথংনবা রাজ্যশিংগা শম্নদুনা ইন্দস্ত্রীশিং কান্নবা ফংহনগদৌরিবা ত্রান্সমিসন লাইন নাতৱর্ক অমসুং ওইল অমসুং গ্যাস পাইপলাইনশিং, ঔরঙ্গাবাদ ইন্দস্ত্রিএল সিতী, নভি মুম্বাই এয়রপোর্ত অমসুং শেন্দ্রা বিদকিন ইন্দস্ত্রিএল পার্কনা মহারাস্ত্রদা অনৌবা ইনোৎ অমা পীরগনি। অনৌবা মসিগুম্বা প্রোজেক্তশিং অসিনা মহারাস্ত্রগী শেন্মীৎলোন্দা অনৌবা ইনোৎ হাপ্নবা কেপাসিতী লৈ।  

 

|

মরুপশিং,

সরকার অসিনা রাজ্যশিং চাউখৎপগী খুত্থাংদা লৈবাক অসিবু চাউখৎহনবা হায়বা মন্ত্র অসিগা লোয়ননা চৎলি। মহারাস্ত্র অসি চাউখৎলকপা মতমদা ভারত অসি চাউখৎকনি। ভারতনা খুমাং চাউশিনবা মতমদা মদুগী মহৈ অদু মহারাস্ত্রনা ফংগনি। ভারত অসি ইনোবেসন অমসুং স্তার্তঅপকী হব অমা ওইনা শক্লোন লৌরক্লি। অসিগী মতাংদা পল্লদুনা প্রধান মন্ত্রীনা হায় চহি 9 গী মমাংদা চা খরা লৈরম্বদগী ভারত্তা স্তাতঅপ লাখ 1 হেন্না লৈরে। মসিগী মাই পাকপা অসি দিজিতেল ইনফ্রাস্ত্রকচরনা পাকথোক চাউথোরকপদগী ফংবনি অমসুং ভারতকী দিজিতেল ইনফ্রাস্ত্রকচরগী য়ুম্ফম থোনবদা পুনেনা লৌরিবা থৌদাং য়াম্না মরুওই। “অহোংবা দেতা, পুম্নমক্না শিজিন্নবা ঙম্বা ফোনশিং অমসুং ইন্তরনেতকী খুদোংচাবশিং অসিনা সেক্তর অসি মপাঙ্গল কলহল্লি। ভারত অসি 5G সর্ভিসশিং অথুবা মতমদা শন্দোকখিবা লৈবাকশিংগী মরক্তা অমনি। ফিনতেক, বাইওতেক অমসুং এগ্রিতেকতা নহারোলশিংনা লৌরিবা থৌদাং অসিনা পুনেবু কান্নবা ফংহল্লে।

মরুপশিং,

অমরোমদা ঐখোয়না মহারাস্ত্রদা হীরম খুদিংমক্তা চাউখৎপা উরে। অতোপ্পা অমদানা য়ুমলোন্নবা লৈবাক কর্নতকাদা করি থোক্লি হায়বা ঐখোয়ন পুম্নমক্না খংলে। বেঙ্গলোর অসি য়াম্না চাউবা IT হব, গ্লোবল ইনবেস্তরশিংগী সেন্তর অমনি। কর্নাতকাগী বেঙ্গলুরুদা লেপ্পা লৈতনা মতম অসিদা চাউখৎ থৌরাং লৈহনবা মথৌ তাই। অতেনবা মতমদা শেমখিবা সরকার অসিনা লৌখৎলক্লিবা খোঙথাংশিং অসিগী অশোইবা অদু লৈবাক পুম্বনা অতেনবা মতম অসিদা উবা ফংলে অমসুং নুংনাংবা পোক্লি। পার্তী অমনা মখোয়গী লনাইগী অপাম্বশিংগী সরকারগী লন থুম লোইশিনবা তারবদি মদুদা খ্বাইদগী মাংজরিবা অসি রাজ্য অদুগী মীয়াম্নি অমসুং লাক্কদোরিবা চারোলশিংনা ৱাহং হংলক্কনি। মসিনা মরম ওইরগা হায়রিবা পার্তী অদুগী সরকার শেমখ্রে অদুবু মীয়ামগী তুংলমচৎতি অৱাবা মফমদা লৈরে। কর্নাতকা সরকার মশামক্নসু বেঙ্গলুরু, কর্নাতকাগী চাউখৎ থৌরাংগী শেল অমত্তা লৈত্রে হায়না য়াজরে। মসি লৈবাক অসিগী ওইনা য়াম্না লাইবক থীবনি। মসিগা চপ মান্নবা ফীভম অসি রাজস্থান্দসু উবা ফংলে, শেন্দোন্না খ্বাং কোইরে, চাউখৎ থৌরাংগী থবক্না থিন্থদুনা লৈরে। 

 

|

মরুপশিং,

লৈবাক অসিবু মাংলোমদা পুখৎনবা থৌশিল, ৱাখল্লোন অমসুং কাংলোনশিং (নিতি, নিশতা অমসুং নিয়ম) অসি চপ মান্ননা মরুওই। সিস্তেম অসিবু চলাইরিবা মীওইশিং অদুগী ৱাখ্লোন অমসুং অপাম্বা অসিনা সরকার অসিনা চাউখৎ থৌরাং পুরক্কনি নত্রগা পুরক্লোই হায়বা লেপকনি।  2014গী মমাংদা লৈরম্বা সরকার অদুনা চহি 10দা মতম অদুগী স্কিম অনিগী মখাদা য়ুম লাখ 8 খক শারম্মি। মসিগী য়ুমশিং অসিগী ফীভম অসি অসুক্কী মতিক ফত্তনবা মরম ওইরগা লাইরবশিংনা লৈয়ু য়াখিদে। স্লমদা লৈবা মীওইশিংনা ফাওবা লৈয়ু হায়বা য়াদ্রবদি য়ুম অদুগী ফীভম অদু করম তৌরমগনি হায়বা নখোয়না খন্দুনা য়েংউ। মহারাস্ত্রদা লিশিং 50 য়াওনা UPAগী মতমদা শাখিবা অদুগুম্বা য়ুম লাখ 2 হেনবনা ক্বালিতী ফত্তবদগী বেনিফিসরীশিংনা লৌখিদে। মসিনা লাইরবশিংগী অৱাবা কোকহনবগী মহুত্তা চাউনা শেল মাংহনখি।

ইচিল ইনাওশিং,

2014 দা নখোয় পুম্নমক্না ঐখোয়দা খুদোংচাবা অমা পীখি। শক্তি পাইরবা মতুংদা সরকার অসিনা অচুম্বা ৱাখল্লোনগা লোয়ননা থবক তৌবা হৌখি অমসুং থৌশিলশিং শেমদোকখি। হৌখিবা চহি 9 অসিদা সরকার অসিনা খুঙ্গং অমসুং সহরগী লাইরবশিংগী পক্কা য়ুম করোর 4 হেন্না শাখ্রে। মসিগা লোয়ননা অর্বানগী লমদা লৈবা লাইরবশিংগী ওইনা য়ুম লাখ 75 শাখ্রে। মসি শাবা মতমদা ত্রান্সপরেন্সী লৈহনখিবা অমসুং ক্বালিতী ফগৎহনখি। ঐখোয় সরকার অসিনা অচৌবা থবক অমসু পাইখৎলি। লৈবাক অসিদা অহানবা ওইনা য়ুম অয়াম্বা নুপীগী মীংদা রেজিস্তর তৌই। মসিগী য়ুমশিং অসিগী মমল অসি লাখ কয়ামরুম পী। হৌখিবা চহি 9 অসিদা লৈবাক অসিগী নুপী করোর কয়ানা লাকপতি ওইখ্রে। অনৌবা য়ুমশিং ফংলবা মীওইশিং অদুবু ঐহাক্না থাগৎপা ফোঙদোকচরি।

 

|

ইচিল ইনাওশিং,

লাইরববু ওইরো নত্রগা মিদ্দল-ক্লাস ইমুংবু ওইরো মখোয়গী মংলানশিং মংফাওনহনবা হায়বসি মোদীগী গরেন্তিনি। মংলান অমা মংফাওনহনবা হায়বসিনা ৱারেপ কয়ামরুম লৌবা ঙম্বগী শক্তি পীগনি অমসুং মীওই অদুগী পুন্সিদা শহৌ পীনবা শক্তি অমা ওইগনি। ঐখোয়না নখোয়গী অঙাংশিংগী খল্লি, অদোমগী হৌজিক্কী অমসুং তুংগী মীরোলশিংগী খল্লি।

মরুপশিং,

শক্তি অসি অমুক লাকই অমসুং অমুক চৎখি। সমাজ অমসুং লৈবাক্না পুন্না লৈমিন্নৈ। মরম অদুনা সরকারগী অপাম্বা অসি ঙসিখক্তা অফবা ওইহনবা নত্তে অদুবু হয়েংগীসু অফবা ওইহনবনি। চাউখৎলবা ভারত অমা শেম্নবা লৌখিবা ৱারেপ অসি মসিগী ৱাখল্লোন অসিগী মমি অমনি। ৱাখল্লোন মান্নবা মহারাস্ত্রদা পার্তী কয়ামরুম পুনশিল্লিবা অসিগা মান্ননা পুন্না থবক তৌমিন্নবগী মথৌ তাই। পান্দম অসিদি মীপুম খুদিংমক্না শরুক য়াদুনা মহারাস্ত্রগী অফবা থবকশিং পাইখৎতুনা মহারাস্ত্র অসি খোংজেল য়াংনা চাউখৎপা পুরকপনি। মহারাস্ত্রনা মতম পুম্বদা ঐখোয় পুম্নমক্তা কান্নবা অমসুং নুংশিবা মবামরুম পিরি। মসিগী থৌজাল অসি মতম পুম্বদা লৈহৌরগনি অমসুং ঐহাক্না নখোয় পুম্নমকপু মসিগী চাউখৎ ধৌরাংগি প্রোজেক্টশিং অসিগী অমুক্কা হন্না থাগৎপা ফোঙদোকচরি। 

ঐগা লোয়ননা ভারত ইমানা য়াইফরে হায়বীয়ু!

ভারত ইমানা য়াইফরে!

ভারত ইমানা য়াইফরে!

থাগৎচরি।

 

|

 

  • कृष्ण सिंह राजपुरोहित भाजपा विधान सभा गुड़ामा लानी November 21, 2024

    जय श्री राम 🚩 वन्दे मातरम् जय भाजपा विजय भाजपा
  • Devendra Kunwar October 08, 2024

    BJP
  • Madhavi October 04, 2024

    🙏🏻🙏🏻
  • दिग्विजय सिंह राना September 20, 2024

    हर हर महादेव
  • JBL SRIVASTAVA May 27, 2024

    मोदी जी 400 पार
  • Aditya Gawai March 12, 2024

    help me sir 🙏🏻 aapla Sankalp Vikast Bharat yatra ka karmchari huu sir 4 month hogye pement nhi huwa sir please contact me 9545509702 please help me sir 🙏🏻🙇🏼.....
  • Vaishali Tangsale February 12, 2024

    🙏🏻🙏🏻✌️
  • ज्योती चंद्रकांत मारकडे February 11, 2024

    जय हो
  • Uma tyagi bjp January 28, 2024

    जय श्री राम
  • Mahendra singh Solanki Loksabha Sansad Dewas Shajapur mp October 12, 2023

    नारी सशक्तिकरण की अद्भुत मिसाल स्वर्गीय राजमाता विजयराजे सिंधिया जी की जयंती पर उन्हें कोटि कोटि नमन। #Dewas #Shajapur #AgarMalwa #MadhyaPradesh #BJP #BJPMadhyaPradesh
Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
Over 28 lakh companies registered in India: Govt data

Media Coverage

Over 28 lakh companies registered in India: Govt data
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 19 ফেব্রুৱারি, 2025
February 19, 2025

Appreciation for PM Modi's Efforts in Strengthening Economic Ties with Qatar and Beyond