অনৌবা লাখপতি দিদি লাখ 11 ওকখ্রে অমসুং সর্তিফিকেৎশিং পীখ্রে
লুপা করোর 2,500গী রিভোলবিং ফন্দ কাইথখ্রে, অমসুং লুপা করোর 5,000রোমগী বেঙ্ক লোনশিং পীথখ্রে“ঐখোয়গী সরকারনা ইমাশিং অমসুং ইচে-ইচলশিংগী পুন্সি নুংঙাইহন্নবা মপুং ফানা লেপ্পী”“মহারাস্ত্রগী চৎনবীশিং অসি ভারত খক্তা নত্তনা মালেম শিনবা থুংবদা খঙনরি”“ভারত পুম্ববু মহারাস্ত্রগী ‘মাতৃশক্তি’না ইথি পীখি”“ভারতকী ‘মাতৃশক্তি’না খুন্নাই অমসুং জাতিগী তুংলমচৎ শেমগৎপদা মতম চুপ্পদা চাউনা শরুক তমখি”“ইচে-ইচল অমনা লাখপতি দিদি ওইরকপা মতমদা ইমুং পুম্বগী মরাইবক্তা অওনবা লাকই”“ঐখোয়গী সরকারনা ইচানুপীশিংগীদমক মমাংদা অথিংবা থমলম্বা সেক্তর খুদিংমক হাংদোক্লি”“সরকার হোংখিবা য়াই অদুবু খুন্নাই অমা ওইনা অমসুং সরকার অমা ওইনা ঐখোয়গী খ্বাইদগী চাউবা থৌদাং অসি নুপীশিংগী পুন্সি অমদি ইকাই খুম্নবা ঙাকপী-শেনবীবনি”“ঐহাক্না নখোয়দা থাজবা পীরি মদুদি কেন্দ্র সরকারনা নুপীগী মায়োক্তা চত্থবা হিংসা থিংনবা লম্বী খুদিংমক্তা রাজ্য সরকারশিংগী মতেং পাংগনি। ঐখোয়না মসিগী পাপ চেল্লবা ৱাখল্লোন অসি ভারতকী খুন্নাইদগী মাংহন্দ্রিবা ফাওবা ঐখোয়না তোক্লোই”মহারাস্ত্রাগী ঐগী ইনাওশিং অমসুং ইচলশিং !
জয় শ্রী কৃষ্ণ…
হয়েং শ্রী কৃষ্ণ জন্মঅস্থামীনি, ঐনা ঙসি অদোমগী মফমদা য়াইফ-পাউজেল পীজরি।
মহারাস্ত্রাগী রাজ্যপাল সি.পি রাধাকৃষ্ণন জি, মহারাস্ত্রাগী চীফ মিনিস্তর একনাথ সিন্দে জি, মহারাস্ত্রাগী দিপুতি চীফ মিনিস্তরশিং শ্রী দেবেন্দ্র ফদনাবিস অমসুং শ্রী অজিত পৱার অমসুং কেন্দ্রগী মন্ত্রীমন্দলগী ঐগী মরুপশিং, এগ্রিকলর অমসুং ফামরস ৱেলফিয়ার অমসুং রুরেল দিবলপমেন্তগী মিনিস্তর সিবরাজ সিংহ চৌহান জি, লমদম অসিদা পোকপা প্রতাপ রাও জাধব, মিনিস্তর চন্দ্রসেখর জি, ইচল রক্ষা খারসে জি, এম.পিশিং অমসুং এম.এল.এশিং অমসুং ঐগী মীৎনা উবা ঙম্বদগী ৱাংমদা লৈরিবা ঐখোয়দা থৌজাল পীনবা লাক্লিবা মশিং য়াম্লবা ইমাশিং অমসুং ইচলশিং, মসি ইমাশিংগী সমুদ্রা ওইরি। ফিবম অসিমক য়াম্না অপেনবা অমা ওইরে।
ঐনা ৱা ঙাংবা হৌদ্রিঙৈদা নেপালগী থৌদোক অদুদা লৈখিদ্রবশিংগী মফমদা ঐনা অৱাবা শরুক য়াজরি। খুদোংথিবা থৌদোক অদুদা মহারাস্ত্রাগী জালগাউন্দগী লৈখিদ্রে। লৈখিদ্রবশিংগী ইমুং-মনুংগী অৱাবদা ঐনা শরুক য়াজরি। খুদোংথিবা থৌদোক থোকখ্রবা হেক মতুংদা ভারত সরকারনা নেপাল সরকারগা খুদক্তা পাউ ফাওনখি। ঐখোয়গী মিনিস্তর রাক্ষাতাই খারসে খুদক্তা নেপলাদা চৎনবা ঐখোয়না পাউতাক পীখি। ঐখোয়না এয়র ফোর্সকী অখন্নবা প্লেন অমদা লৈখিদ্রবশিংগী হকচাং পুরক্লে। অশোকপশিং নিংথিনা লায়য়েং চৎথরি। মখোয় অথুবা মতমদা ফগৎলক্নবা ঐনা থৌনিজরি। অৱাবা তারবা মীওইশিং কেন্দ্র অমসুং রাজ্য সরকারনা মখোয়দা পীবা য়াবা মতেং পীগনি হায়না ঐনা থাজবা পীরি।
মরুপশিং,
ঙসি লাখপতি দিদিগী অচৌবা মীফম পাংথোক্লি। ঐগী ‘লরকি বেহিন’ পুম্নমক মশিং য়াম্না শরুক য়ারে। ঙসি, লৈবাক শীনবা থুংনা লৈরিবা সখি মন্দলশিংগী লুপা করোর লিশিং ৬ থাদোক্লে। সেল্ফ হেল্প গ্রুপশিংদা থবক তৌরিবা মহারাস্ত্রাগী ঐখোয়গী ইচলশিং লুপা করোর কয়া ফংলে। মসিগী শেনফম অসিনা ইচল লাখ কয়া লাখপতি দিদি ওইবদা মতেং পাংগনি। ঐগী ইমাশিং অমসুং ইচলশিংগী মফমদা য়াইফ-পাউজেল পীজরি।
মরুপশিং,
অদোম্না মহারাস্ত্রাগী ফজরবা নাত অমসুং চৎনবীশিং উরে। মসিগী মহারাস্ত্রাগী ফজবা অসি ভারত খক নত্তনা মালেমগী লৈবাকশিংদা শন্দোক্লে। ঐ য়ুরোপকী পোলেন্দদা চৎলুরবা মতুংদা, ঐ ঙরাং হল্লকপনি। মফম অদুদা ঐনা মহারাস্ত্রাশু উবা ফংলকখি। মহারাস্ত্রাশুগী কলর অমসুং লাইশোন-তিনশোলগী থৌরমশিং উবা ফংখি। পোলেন্দগী মীয়াম্না মহারাস্ত্রাগী মীয়াম য়াম্না ইকায়খুম্নখি। অদোম্না মফম অসিদা ফম্লগা মদু ৱাখন্না লাম্বা ফংলোই। লৈবাক অদুগী কোনুংদা কোলহাপুর মেমোরিএল অমা লৈ। কোলহাপুরগী মীয়ামগী সেবা অমসুং মীনুংশি ইকায়খুম্নবা উৎপা ওইনা পোলেন্দগী মীয়াম্না মেমোরিএল অসি শাখিবনি।
মালেমগী অনিশুবা লাঞ্জাউ মনুংদা পোলেন্দগী নুপী অমসুং অঙাং লিশিং কয়া কোলহাপুরগী নিংথৌনা চঙজফম পীখি। ছত্রপতি সিবাজি মহারাজগী রিচুয়েলশিং ঙাক্তুনা, নিংথৌকোনগী ইমুং-মনুং অমসুং মীয়াম্না লাঞ্জেন্নরকপশিংগী সেবা তৌখি। মহারাস্ত্রাগী মীয়ামগী সেবা, নুংশিবা অদুগীদমক মখোয়না মহারাস্ত্রাগী মীয়াম থাগৎপা তাবা মতমদা, ঐগী থম্মোয়দা চাউথোকচবা ফাওখি। মহারাস্ত্রা অসিগুম্বা থাক অমদা পুখৎতুনা, ঐখোয়না মালেমদা মহারাস্ত্রাগী মিংচৎ হেনগৎহনগদবনি।
মরুপশিং
মহারাস্ত্রাগী চৎনবী অমসুং নাতনা লমদম অসিগী ইমাশিং থৌনা ফহনবনি। রাজ্য অসিগী ইমাশিংগী থৌনানা লৈবাক শীনবা থুংনা ইথিল পীরে। ঐখোয়গী জালগাউন্দা হেতার ৱারকারি চৎনবীগী লাইশঙ অমা লৈরি। লমদম অসি অচৌবা সাধু মুক্তাইগী লমদম অমনি। মহাক্কী সাধনা, মহাক্কী অচম্বা পুন্সি মহিংনা ঙসিগী মীরোলশিংদা ইথিল অমা পীরি। ঙসি ফাওবা, বহিনাবাইগী শৈরেংশিংনা খুন্নাই অসি অরিবা ৱাখল্লোনশিং থাদোকহল্লে। মসি মহারাস্ত্রা মফম অমা ওইবা য়াই, পুৱারিগী তাঙ্কক অমা ওইবা য়াই, মাত্রি শক্তিনা লৌরিবা থৌদাং লাম্বা লৈতে। কনানা ছত্রপতি সিবাজি মহারাজগী পুন্সি লমজিংখি? মসি মাতা জিজাউনা পাংথোকখিবনি। খুন্নাই অসি নুপীমচাশিং লাইরিক-লাইশু তম্বগী হিরমদা য়াম্না মরুওইনা লৌরমদে। মতম অদুদা সাবিত্রিবাই ফুলে চোংথোরকখি। মসিনি, খুন্নাই অমসুং লৈবাক্কী তুংলমচৎ শেম্বদা ভারতকী ইমাশিংগী থৌননা মতম পুম্নমক্তা অচৌবা থৌদাং অমা লৌখিবা। ঙসি ফাওবা, ঐখোয়গী লৈবাক অসি চাউখৎলবা লৈবাক অমা ওইনবা ঐখোয়গী লৈবাক্না কন্না হোৎনরকপা মতমদা, অমুক হন্না ঐখোয়গী ইমাশিংগী থৌনা মাঙদা চোঙথোরক্লি। ঐগী মাঙদা ফম্লিবা মহারাস্ত্রাগী ইচলশিং, অদোম কয়া য়াম্না ফজনা থবক তৌবগে হায়বা ঐ উরে। ময়ামগী মফমদা রামাতা জিজাউ অমসুং সাবিত্রিবাই ফুলেগী মমি তাবা ঐ উরে।
মরুপশিং,
ঐনা লোক সভা মীখল মনুংদা অদোমগী নাক্তা লাকপা মতমদা, ঐখোয়না লাখপতি দিদি করোর ৩ শেমগৎলে হায়না ঐনা হায়খি। মসিগী ইচল করোর ৩ অসি সেল্ফ হেল্প গ্রুপশিংদা থবক তৌবনি। মখোয়গী চহিগী শেন্থোক লুপা লাখ ১ হেল্লে। হৌখিবা চহি ১০দা, লাখপতি দিদি করোর অমা শেমগৎলে অমসুং হৌখিবা থা ২ দা লাখপতি দিদি লাখ ১১ হাপকৎলে। মসিদা ঐখোয়গী মহারাস্ত্রাগী অনৌবা লাখপতি দিদি লাখ অমা শেম-শারে। চুংশিন্নবা সরকার অসিনা রাজ্য অসিদা য়াম্না কন্না থবক পায়খৎলি। একনাথ জি, দেবেন্দ্র জি অমসুং অজিত দাদাগী কাংবুনা ইমাশিং অমসুং ইচলশিংগী শেন-থুমগী ফিবম ফগৎনবা থবক পায়খৎলে। মহারাস্ত্রাদা অনৌবা স্কিম কয়া ইমাশিং, ইচলশিং, নহারোলশিং অমসুং লৌমীশিংগীদমক পায়খৎলে।
মরুপশিং,
লাখপতি দিদি শেমগৎনবা খোঙজং অসি শুপ্নগী ইচলশিং অমসুং ইচানুপীশিংগী শেন্থোক হেনগৎহনবা খক নত্তে। মসি তুংগী মীরোলশিংগীদমক ইমুং হুপ্না ফিবম ফগৎহন্নবা অচৌবা খোঙজং অমনি। থবক অসিগী খুঙ্গংগী অপুনবা শেন্মিৎলোন্দা অহোংবা পুরক্লে। মহাক্না হিংনবা শেন তানবা হৌরকপা মতমদা, খুন্নাইদা মহাক্কী ফিবম ফগৎলকই হায়বা মফম অসিদা শরুক য়ারিবা নুপীশিংনা খঙই। ইচল অমনা শেন তানবা হেনগৎলকপদা, ইমুং অদুনা শেন হেন্না চাদিং তৌরকই। ইচল অমা লাখপতি দিদি ওইরকপা মতমদা, অপুনবা খুঙ্গং অদুগী মরাইবক হোংলকই। মফম অসিদা লাক্ত্রিঙৈদা লৈবাক্কী তোঙান-তোঙানবা মফমশিংগী অসিগুম্বা ইচলশিংগী ৱারি ঐ তারে। লাখপতি দিদি খুদিংমক থাজবা লৈখি, লাখপতি দিদি খরনা লুপা লাখ অনি, খরনা লুপা লাখ অহু অমসুং খরনা লুপা লাখ নিপাল তানখি।
মরুপশিং,
মালেমদা ভারত অহুমশুবা খ্বাইদগী চাউবা ইকোনোমি ওইরগনি হায়না মফম খুদিংদা হায়নবা অদোম তারে। মসিগী অচৌবা থবক অসিদা ঐখোয়গী ইচলশিং অমসুং ইচানুপীশিংগী থৌদাং লৈরি। অদুবু মসি চহি খরগী মমাঙদা খন্নরমদে। ইচলশিংনা ইমুং খুদিংদা হরাওবা ফংহল্লে। অদুবু নুপীশিং মতেং ফংগনি হায়বগী গরেন্তি অমতা লৈতে। লৈবাক অসিগী ইচল করোর কয়া মখোয়গী মিংদা লন-থুম অমতা লৈতে। মখোয়না বেঙ্কতগী লোন অমতা ফংবা ঙমদে। অসিগুম্বা ফিবম অমদা, মহাক্না অপীকবা থবক অমা তৌবা পাম্লবসু, মহাক মসি পাংথোকপা ঙমদে। মরম অদুনা অদোমগী নবুং, অদোমগী নচানুপানা ৱারেপ অমা লৌরে। ওইনিংবা ওইজসনু, ঐগী লৈবাক্কী ইমাশিং, ইচলশিং অমসুং ইচানুপীশিংগী অৱাবা হন্থহন্নবা ঐনা ৱারেপ লৌরে। মরম অদুনা মোদী সরকারনা নুপীশিংগী য়াইফনবা ৱারেপ অমগী মথংদা ৱারেপ অমা লৌরিবনি। চহি ৭০গী মমাঙগী সরকারশিং অদু ঐনা চাংদম্নরি। অতোপ্পা অমদা, চহি ৭০ অমসুং অতোপ্পা অমদা মোদী সরকারগী চহি ১০গী মতম থমখি। মোদী সরকারনা লৈবাক অসিগী ইচলশিং অমসুং ইচানুপীশিংগী পায়খৎলিবা থবকশিং অসি নিংতম্বা হেক মতুংদগী সরকার অমতনা পায়খৎদ্রি।
মরুপশিং,
সরকারনা শাবা য়ুমশিং নুপীশিংগী মিংদা রেজিস্তার তৌনবা ঐখোয়গী সরকারনা ৱারেপ লৌরে। হৌজিক ফাওবদা য়ুম করোর ৪ শাবদা, অয়াম্বা য়ুমশিং নুপীশিংগী মিংদা রেজিস্তার তৌরে। মখা তানা য়ুম করোর ৩ শারগনি। হায়রিবা য়ুমশিং অসি ঐখোয়গী ইমাশিং অমসুং ইচলশিংগী মমিংদা রেজিস্তার তৌরগনি। অনিশুবা থবক্না বেঙ্কশিংগী থবক অসিনি। জন ধন একাউন্তশিং অহানবা ওইনা হাংদোকপা মতমদা, অয়াম্বা একাউন্তশিং নুপীশিংনা হাংদোকখি। তুংদা মুদ্রা য়োজনা হৌদোকখি। লোনশিং গরেন্তি য়াওদনা পীনবা ঐখোয়না বেঙ্কশিংদা পাউতাক পীরে। করিগুম্বা গরেন্তি দরকার ওইরবদি মতম অদুদা মোদীনা গরেন্তি ওইগনি। স্কিম অসিগী বেনিফিসরিশিংগী চাদা ৭০ নুপীশিংনি। নুপীশিং মুৎখিগনি, মখোয় খুদোংথিনিঙাই ওই, মরম অদুনা নুপীশিংদা লোন পীগনু হায়বা মীওই খর লৈবাক অসিদা লৈরি। অদুবু ঐগী ৱাখলদি তোঙাল্লি। ঐনা অদোমদা থাজবা থম্লি, অদোমগী মাত্রু শক্তি, অদোমগী পুকচেল শেংবা, অদোমগী হৈথোই-শিংথোইবদা ঐনা মপুংফানা থাজবা থম্লি। ইমাশিং অমসুং ইচলশিংনা থবক কন্না শুই অমসুং পুকচেল শেংনা লোন শিংই। হৌজিক ঐখোয়না লোনগী শেনফম লুপা লাখ ২০ ফাওবা য়ৌহল্লে। ঐখোয়না লম্বী মতাইদা পোৎ য়োল্লিবশিংগী শ্বানিধি স্কিম হৌদোক্লে। স্কিম অসিনা গরেন্তি য়াওদনা লোন পীরি। মসিগী স্কিম অসিদগী ঐখোয়গী ইচলশিং অমসুং ইচানুপীশিংশু কান্নবা ফংলে। খুৎ-শা হৈবগী থবক শুরিবা ঐখোয়গী বিশ্বকর্মা শিন্মীগী মরক্তা মশিং য়াম্লবা ঐখোয়গী ইচলশিং য়াওরি। ঐখোয়গী সরকারনা মখোয়গী গরেন্তি ওইরে।
মরুশিং,
মমাঙদা ঐনা শখি মন্দলশিং অমসুং নুপীশিংগী সেল্ফ হেল্প গ্রুপশিংগী মরমদা ৱা ঙাংবদা, মসিগী মরুওইবা খঙবা মীওই মশিং য়ামখিদে। ঙসিদি মসি ভারতকী শেন্মিৎলোনগী অচৌবা শক্তি অমা ওইরে। মীয়ামগী মাঙদা লৈরিবা শখি মন্দলশিংনা খুঙ্গংশিংদা, ত্রাইবেলগী লমশিংদা অহোংবশিং পুরক্লে। চহি ১০ অসিদা, ইচল করোর কয়া খোঙজং অসিদা শরুক য়ারে অমসুং মখোয় বেঙ্কশিংগা শম্নর। ঐখোয়না মখোয়দা লাইনা অমসুং শন্দোয় য়ামদবা লোনশিং বেঙ্কশিংদগী পীরে।
ঐ অদোমগী মফমদা মশিং অমা হায়গে। মসি তাবদা অদোম অঙকপা ফাওগনি। মমাঙদা ঐগী লৈবাক অসি অসুম্ননা পাল্লম্বদা অদোম অশাওবা ফাওগনি। ২০১৪ ফাওবদা, সেল্ফ হেল্প গ্রুপশিংনা লুপা করোর ২৫,০০০ রোমগী বেঙ্ক লোনশিং ফংখি। অদুবু হৌখিবা চহি ১০ অসিদা নুপীশিংদা লুপা করোর লাখ ৮ লোন ওইনা ফংহনখ্রে। মসি খক নত্তনা, মখোয়না সরকারনা হকথেংননা পীবা মতেং শরুক ৩০ হেনগৎলে। ঙসিদা খুঙ্গংশিংদা লৈরিবা ঐখোয়গী ইচলশিংগী শেন্থোক হেনগৎলে অমসুং লৈবাক অসি মপাঙ্গল কনখৎলে। মসি শুপ্নগী ত্রেল্লরনি হায়না ঐনা অমুক হন্না হায়রি। হৌজিক ঐখোয়না ইচলশিং অমসুং ইচানুপীশিংগী থৌদাং পাকথোক-চাউথোকহল্লে। ঙসিদি বেঙ্কশিংনা খুঙ্গং খুঙ্গংশিংদা চৎলগা বেঙ্কগী খুদোংচাবশিং ফংহল্লে। মখোয়না লুপা করোর অমগী ললোন-ইতিক্কী থবক পায়খৎলে হায়না হৌজিক ইচল খরনা ঐঙোন্দা খঙহল্লে। হৌজিক ঐখোয়না ইচলশিং দ্রোন পাইলোতশিং ওইনা শেমগৎলে। নুপীশিংগী সেল্ফ হেল্প গ্রুপশিংদা লুপা লাখ কয়াগী দ্রোনশিং পীরে অমসুং মখোয়না দ্রোনশিং শীজিন্নদুনা লৌউ-শিংউগী থবক্তা লৌমীশিংগী মতেং পাংলে। শা-ষন লোইরিবা লৌমীশিংগী মতেং পাংনবা ঐখোয়না পাসু শখি লাখ ২ ত্রেনিং পীরে। মসি খক নত্তনা, ঐখোয়না নুপীশিংদা অনৌবা লৌউ মখল অমসুং নেচরেল ফার্মিংগী ত্রেনিংশিং পীরে। তুংদা অসিগুম্বা লৌউ-শিংউগী শখি লাখ কয়া শেমগৎনবা ঐখোয়না থবক পায়খৎলে। হায়রিবা খোঙজংশিং অসিগী খুৎথাংদা, নুপীশিং থবক ফংলগনি অমসুং মখোয়গী থাজবা হেনগৎলগনি অমসুং অনৌবা ৱাখল্লোনা খুন্নাইদা নুপীশিংগী শক্তি হেনগৎলগনি।
মরুপশিং,
হৌখিবা থাদা লৈবাক অসিগী বজেত পুথোকখ্রে। নুপীশিংগা মরী লৈনবা স্কিমশিংগীদমক লুপা করোর লাখ ৩ খাক্তুনা থম্লে। নুপীশিং মশিং য়াম্না থবক শুগদবনি। মসিগীদমক, ওফিসিশিং, ফেক্তরিশিংদা মখোয়গী অখন্নবা মফমশিং শেমগৎনবা লাউথোক্লে। থবক তৌবী নুপীশিংগী হোস্তেল অমসুং অঙাংশিংগী ক্রেচ ফংহন্নবা কেন্দ্র সরকারনা থবক পায়খৎলে। মতম অমদা অথিংবা লৈরম্বা হিরম কয়া নুপীশিং শরুক য়াহন্নবা ঐখোয়গী সরকারনা থোং হাংদোক্লে। ঙসিদি, আর্মদ ফোর্স অহুমদা নুপী ওফিসারশিং মথৌ তৌরে, নুপী ফাইত্তর পাইলোতশিং লৈরে। মিলিতরি স্কুলশিং অমসুং মিলিতর একাদেমিশিংদা নুপীমচাশিং মিং চল্লে। ঐখোয়গী পুলিস ফোর্সশিং অমসুং পেরামিলিতরি ফোর্সশিংদা মশিং য়াম্লবা নুপীশিং শরুক য়ারে। খুঙ্গংগী লৌউ-শিংউ, দাইরি অমসুং স্তার্দ-অপশিংদা মশিং য়াম্লবা নুপীশিং ঙসিদি ললোন-ইতিক্কী থবক পায়খৎলে। রাজনিতিদা নুপীশিং শরুক য়াবা হেনগৎলক্লে। মসিগীদমক ঐখোয়না নারী শক্তি বন্দন লো শেম্লে।
মরুপশিং,
লৈবাক অসিদা নুপীশিং অশোই-অঙাম থোক্তনা থবক কয়া পায়খৎলে। মসিগী ৱাফম অসি ঐনা লাল কিলাদগী ফাওবা হঞ্জিন-হঞ্জিন হায়খ্রবনি। লৈবাক অসিগী রাজনিতি দল খুদিংমক, রাজ্য সরকার খুদিংমক্তা ঐনা অমুক হন্না হায়রি মদুদি, নুপীশিংগী মথক্তা ক্রাইম চৎথবা অসি ঙাকপীবা য়াদ্রবা মরাল অমনি। মরাল লৈবা মীওই খুদিংমক লেম্না থারোইদবনি। মখল খুদিংমক্তা মতেং পাংবা মীওইশিং লেম্না থারোইদবনি। হোস্পিতালশিং, স্কুলশিং, ওফিসশিং নত্ত্রগা পুলিসকী থবকশিংদা, চেকশিন্দবা থোক্লবদি, মখোয়গী দাইত্বা লৌগদবনি। নুপীশিংদা চৎথবা ক্রাইম অসি ঙাকপীবা য়াবা নত্তে হায়বা মকোক্তগী মখোঙ ফাওবা নাখৈ শেংনা খঙহনগদবনি। খুন্নাই অমা ওইনা অমসুং সরকার অমা ওইনা নুপীশিংগী ইকায়খুম্নবা অমসুং নুপীশিংগী পুন্সি ঙাক-শেনবা হায়বসি সরকারগী থৌদাংনি।
মরুপশিং,
নুপীশিংগী মথক্তা ক্রাইম চৎথবা মীওইশিং অকনবা চৈরাক পীনবা ঐখোয়গী সরকারনা মখা তানা অকনবা আইনশিং শেম্লে। মমাঙদা ৱাকৎশিং লাকপা মতমদা এফ.আই.আরশিং মতম চানা পানখিদে। হিয়ারিং অমতা তৌখিদে। আইনগী থবকশিং পায়খৎপদা মতম কয়া থেংথখি। অসিগুম্বা খুদোংচাদবা থবকশিং অসি ভারতকী ৱায়েন কাংলোন্দগী লৌথোক্লে। করিগুম্বা খুদোংথিবা নংলবা নুপী অমনা পুলিস স্তেসন্দা চৎনিংদ্রবদি, মহাক্না য়ুমদগী ই-এফ.আর.আই ফাইল তৌবা য়াগনি। পুলিস স্তেসন্দা থেংথবা নত্ত্রগা ই-এফ.আর.আইদা শেমদোক-শেমজিন তৌবা ঙমদনবা থবক ঐখোয়না পায়খৎলে। মসিনা য়াম্না য়াংনা থিজিনবা অমসুং মরাল লৈবশিং চৈরাক পীবদা মতেং ওইরগনি।
মরুপশিং,
অনৌবা আইনশিং অসিদা অঙাংশিংদা নত্তবা লীচৎ চৎপা মীওইশিং শিবগী চৈরাক পীবা অমসুং পুন্সি চুপ্পা জেলদা লৈবগী প্রোবিজনশিং য়াওরে। নুপীশিং লুহোংবগী মিংদা নমথাক তৌবগী কেস কয়া লৈখ্রে। মমাঙদা মসিগী লো অমতা লৈরমদে। হৌজিক ইন্দিয়ান পেনাল কোদনা লুহোংগনি হায়না নমথাক তৌবা মতাংদা নাখৈ শেংনা মশক তাক্লে। অসিগুম্বা নুপীশিংগী মথক্তা চৎথবা অরানবা থবকশিং ঙাকথোক্নবা কেন্দ্র সরকারনা রাজ্য সরকারশিংগা থবক তৌমিন্নগনি হায়না ঐনা থাজবা পীরি। ভারতকী খুন্নাইদগী অসিগুম্বা পাপকী মশক ওইরবা ৱাখল্লোন অসি ঐখোয়না মুৎথৎকদবনি।
মরুপশিং,
ঙসি ভারত চাউখৎপগী লম্বীদা চঙশিল্লি অমসুং মসিদা মহারাস্ত্রানা অচৌবা থৌদাং অমা লৌরি। মহারাস্ত্রা অসি চাউখৎলবা ভারতকী অরংবা থৱান্মিচাক অমনি। মহারাস্ত্রা অসি মালেম শীনবা থুংবগী শেন থাদবা মীওইশিংগী পুক্নিং চিংশিনফম অমা ওইরে। মহারাস্ত্রাগী তুংলমচৎ শেন হেন্না থাদবা অমসুং অনৌবা থবক ফংহনবদা লৈরে। চুংশিন্নবা সরকার অমগী লৈবগী ৱাহন্থোক্তি শেন থাদবা অমসুং থবক ফংহনবা হায়বনি। লাক্কদৌরিবা চহিশিংদা মহারাস্ত্রাগী তুংদু লৈতাবা মহায়ুতি সরকার অমা লৈবা দরকার ওইরি। রাজ্য অসিগী উদ্যোগশিং পুক্নিং থৌগৎপা চুংশিন্নবা সরকার অমা মহারাস্ত্রানা দরকার ওইরি। লাইরিক-লাইশু, স্কিল অমসুং নহারোলশিং থবক পীবদা মীৎয়েং চঙবা ঙম্বা সরকার অমা মহারাস্ত্রাগী দরকার ওইরি। তুংদু লৈতাবা অমসুং নুংঙাই য়াইফবা মহারাস্ত্রাগীদমক মফম অসিদা তিল্লিবা ইমাশিং অমসুং ইচলশিংনা ঐবু শৌগৎকনি হায়বগী থাজবা ঐনা থম্লি।
ঐনা ইচলশিংদা থাজবা মপুংফানা থম্লি। মহারাস্ত্রাগী চুংশিন্নবা সরকার থবক তৌনবা ভারত সরকারগী মাইকৈদগী পাংবা য়াবা মতেং পাংগনি হায়বগী থাজবা পীবগা লোয়ননা, অমুক হন্না, ঐনা অদোমগী মফমদা য়াইফ-পাউজেল পীজরি।
ঐগা লোয়ননা হায়মিন্নসি-
ইমা ভারতনা য়াইফরে
অদোমগী খুৎ অনিমক থাংগৎতুনা অমসুং খুদুম শিংদুনা অদোমগী থৌনাগা লোয়ননা হায়সি-
ইমা ভারতনা য়াইফরে
ইমা ভারতনা য়াইফরে
ইমা ভারতনা য়াইফরে
ইমা ভারতনা য়াইফরে
ইমা ভারতনা য়াইফরে
অদোম ঙমখৈ লৈতনা থাগৎচরি।
