Quoteবিহারগী বেত্তিয়াদা লুপা করোর ১২,৮০০ রোমগী তোঙান-তোঙানবা চাউখৎ-থৌরাংগী প্রোজেকশিং উরেপ-উয়ুং তমখ্রে অমসুং মীয়ামদা কৎথোকখ্রে
Quoteকিমি ১০৯ শাংবা ইন্দিয়ান ওইলগী মুজাফফরপুর-মোতিহারি এল.পি.জি পাইপলাইন শঙ্গাখ্রে
Quoteমোতিহারিদা ইন্দিয়ান ওইলগী এল.পি.জি বোত্তলিং প্লান্ত অমসুং স্তোরেজ তর্মিনেল মীয়ামদা কৎথোকখ্রে
Quoteসিতি গ্যাস দিস্ত্রিবিউসন প্রোজেকশিং অমসুং গ্রেন-বেজ ইথানোল প্রোজেকশিংগী উরেপ-উয়ুং তমখ্রে
Quoteতোঙান-তোঙানবা রেল অমসুং লম্বীগী প্রোজেকশিং উরেপ-উয়ুং তমখ্রে অমসুং মীয়ামদা কৎথোকখ্রে
Quoteবেত্তিয়া রেলৱে স্তেসন অমুক হন্না শেমগৎনবা উরেপ-উয়ুং তমখ্রে
Quoteনরকাতিয়াগঞ্জ-গৌনহা অমসুং রাজাউল –জোগবানিগী মরক্তা অনৌবা ত্রেন সর্বিস অসি লমথাখ্রে
Quote“দবল ইঞ্জিন সরকারগী মখাদা, রাজ্য অসিগী হান্নগী মিংচৎ অমুক পুরক্নবা লম্বীদা বিহার য়াংনা চৎলি”
Quote“বিকসিত বিহার অমসুং বিকসিত ভারতকী ৱাশক ঙাক্নবা বেত্তিয়া, চম্পারন্দগী হেন্না ফবা মফম লৈতে”
Quote“বিহার নুংঙাই-য়াইফরকপা মতমদা, ভারতনা নুংঙাই-য়াইফগনি। মরম অদুনা বিকসিত ভারতকীদমক বিকসিত বিহার অসি চপ মান্ননা মরুওই”
Quote“বিহারদা বিহারগী নহারোলশিং থবক ফংহন্নবা এন.দি.এগী দবল ইঞ্
Quoteবিকসিত বিহারগী থাজবা থবক ওইনা পাংথোক্নবা মসিগী খোঙজেল অসি লেংদনা থম্বা দরকার ওই।
Quoteমরম অদুনা মীয়াম্না হায়রি মদুদি, মোদীগী গরেন্তিগী ৱাহন্থোক্তি গরেন্তি অদু থবক ওইনা পাংথোকপনি।

মহাঋসি বাল্মিকীগী পোক্নফম, মাতা সীতানা চংজফম লৌখিবা, অমসুং লব-কুশকী লমদম, পুম্নমকপু খুরুমজরি! রাজ্যপাল শ্রী রাজেন্দ্র অর্লেকরজী, মন্ত্রী মন্দলগী ঐগী মরুপ নিত্যানন্দ রায়জী, উপ মুখ্য মন্ত্রী বিজয় কুমার সিনহাজী, সম্রাত চৌধরীজী, রাজ্য সরকারগী মন্ত্রীশিং, মকোক থোংবা লুচিংবশিং, বিজয় কুমার চৌধরীজী, সন্তোশ কুমার সুমনজী, এম.পি. সঞ্জয়  জায়সৱালজী, রাধা মোহনজী, সুনীল কুমার জী, রমা দেবীজী, সতীশ চন্দ্র দুবেজী, অতৈ দিগনিতরীশিং, অমসুং বিহাতগী ঐগী নুংশিরবা ইচিল-ইনাওশিং!

মসি ভারতকী নীংতম লানদা অনৌবা ইনোৎ হাপখিবা লমদমনি। লমদম অসিনা মোহনদাসজী মহাত্মা গান্ধী শেমখি। চাউখৎপা বিহারদগী চাউখৎপা ভারত অমা ওইহন্নবা ফিরেপ লৌনবা বেতিয়াদগী হেন্না ফবা মফম লৈরিগদ্রা? চম্পারনদগী হেন্না ফবা মফম লৈরিগদ্রা? অমসুং ঙসি মফম অসিদা ঐখোয়গী NDA মরুপশিংবু থৌজাল পীনবা মশিং য়াম্না থোরক্লি। ঙসি তোঙান-তোঙানবা বিধান সভা কেন্দ্রশিং অমসুং লোক সভাগী কেন্দ্রশিংদগী মীওই লিশিং কয়ানা থোরক্তুনা মখোয়গী মশাগী মফমশিংদা ভিকসিৎ ভারত সঙ্কল্পকী থৌরমদা শরুক য়ারি। ঐহাক্না বিহারগী মীয়ামদা নুংঙাইবা ফোঙদোকচরি। ঐহাক্না পুম্নমক্তা ঙাকপীনবসু হায়জরি। মরমদি ঐহাক্না মসিদা লাকপদা খরা থেংখ্রে। কিলোমীতর 12গী রোদ শো অমা পাঙথোকখি। অদুনা ঐহাক্না মফম অসিদা য়ৌরকপদা মতম চংখি।

 

|

মরুপশিং,

বিহার অসি চহিচা কয়া লৈবাক অসিবু লমজিংখিবা লমদমনি। বিহার অসি ইমা ভারত্তা তেলেন্ত লৈরবা পর্সনেলিতী কয়া পীরকখিবা লমদমনি। অমসুং বিহারনা চাউখৎলবা মতমদা ভারতনা চাউখৎপা ঙম্মি হায়বা অসি অচুম্বনি। মরম অসিনা ভারত চাউখৎপা হায়বা অসিদা বিহার চাউখৎপসু চপ মান্ননা মরু ওই। বিহারদা দবল ইঞ্জিনগী দিবেলপমেন্ত লাক্লবা মতুংদা বিহা চাউখৎহনবগী থবক অসি হেন্না খোঙজেল য়াংশিনখিবদা ঐহাক্না নুংঙাইবা পোকই। ঙসিসু বিহারনা লুপা করোর লিশিং 13 রোমগী স্কিমশিং খুদোল ওইনা ফংলি। মসিদা রেল-রোদ, ইথানোল প্লান্ত, সিতী গ্যাস সপ্লাই, LPG গ্যাসকুম্বা মরু ওইবা প্রোজেক্ত কয়া য়াওরি। বিহার চাউখৎহন্নবগীদমক ঐখোয়না মসিগী খোঙজেল অসিদা চংশিনবা তাই অমসুং খোঙজেল অসি হন্থহনদবা তাই। প্রোজেক্তশিং অসিগীদমক ঐহাক্না পুম্নমক্তা নুংঙাইবা ফোঙদোকচরি।

মরুপশিং,

নীংতম্বা ফংলবা মতুং দিকেদ কয়া অসিদা বিহারনা অচৌবা শীংনবা অমা মায়োক্নখি – মফম অসিদগী নহারোলনা মাইগ্রেৎ তৌখি। বিহারদা জঙ্গল রাজ লাকপা মতমদা মসিগী মাইগ্রেসন অসি হেন্না হেনগৎলকখি। জঙ্গল রাজ পুরকখিবা মীওইশিংনা মখোয়গী ইমুং মনুংশিংগীদমক্তা খক্তা খনখি অমসুং বিহারগী অঙাং লাখ কয়াগী তুংলমচৎ খুদোংথিবা মওংদা থমখি। বিহারদগী ঐগী নহা ওইরিবা মরুপশিংনা হিংনবগীদমক অতোপ্পা রাজ্যশিংগী অতোপ্পা সহরশিংদা চৎখি অমসুং মফম অসিদা ইমুং অমা খক্তনা চাউখৎখি। থবক অমগীদমক লম করম্না একচেঞ্জ তৌখিবা? মীওইশিং অদু ঐখোয়না ঙাকপীবা ঙমগদ্রা? বিহারদা জঙ্গল রাজ পুরকখিবা ইমুং অসি বিহারগী নহারোলগী খ্বাইদগী চাউবা য়েক্নবনি। মখোয়দা বিহারগী নহারোল লাখ কয়াগী খুদোংচাবা মাংহনখি।

মরুপশিং,

NDAগী দবল ইঞ্জিন সরকারনা বিহারগী নহারোলবু বিহারদা থবক ফংনবা হোৎনরি। ঙসি শঙ্গাখিবা অমসুং উরেপ-উয়ুং তমখিবা  লুপা করোর লিশিং কয়াগী প্রোজেক্তশিং অসি ৱাখল্লোন অসিদা য়ুম্ফম ওই। প্রোজেক্তশিং অসিগী খ্বাইদগী চাউবা বেনিফিসরীশিং অসি কনানো? মসিগী খ্বাইদগী চাউবা কান্নবা ফংগদৌরিবা অসি হৌজিক থবক থীরিবা নহারোলশিংনি। ঙসি গঙ্গাজীদা লেন তরুক্কী কেবল স্তে ব্রিদজ উরেপ-উয়ুং তমখ্রে। বিহারদা লুপা করোর লিশিং 22 রোমগী থোং তরানিথোই হেনবগী থবক পাইখৎলি, মসিগী মনুংদা গঙ্গাদা থোং মঙা শারি। থোংশিং অসি অসিনা চাউখৎ-থৌরাং অমসুং ইন্দস্ত্রীশিং পুরক্নবা লম্বী য়াৎলগনি। চেল্লিবা ইলেক্ত্রিক ত্রেনশিং, ভন্দে ভারতগুম্বা মোদর্ন ত্রেনশিং চেনবা হৌরি, মসি কনাগীদমক্তনো? মসি নহারোলগীদমক্তনি। শেমগৎ শাগৎলিবা ইনফ্রাস্ত্রকচর অসি থবক পীনবা অচৌবা সোর্স অমনি। শিন্মী, দ্রাইবর, সর্ভিস পিপল, ইঞ্জিনীয়র, ওইরবসু লম কয়াদা মসিনা থবক পীরগনি। মসিনা তাকপদি সরকারনা ইনভেস্ত তৌরিবা লুপা করোর লিশিং কয়া অসিনা বিহারগী অচম্বা ইমুংশিংদা য়ৌরগনি। মসিনা লৈঙোই, নুং, চেক, সিমেন্ত, স্তীল, অতৈ ইন্দস্ত্রীজ কয়া, ফেক্তরীশিং অমসুং অপীকপা দুকানশিংদা শক্তি পীরগনি।

 

|

মরুপশিং,

অনৌবা ত্রেনশিং চেল্লিবা, ত্রেকশিং শেম্মিবা পুম্নমক অসি মেদ ইন ইন্দিয়া ঙাক্তনি। মসিনা তাকপদি মসিদা ভারতকী মীয়াম্না থবক ফংলি হায়বনি। বিহারদসু NDA সরকারনা রেলৱে ইঞ্জিনশিং শারিবা মোদর্ন ফেক্তরীশিং লিংখৎলি। ঙসি মালেম শিনবা থুংবদা দিজিতেল ইন্দিয়াগী মতাংদা চাউনা খন্ন-নৈনরি। অমসুং ঐহাক্না ৱাফম অমা হায়জগে। ঙসি চাউখৎপা লৈবাক কয়াদসু বেতিয়া অমসুং চম্পরনদা লৈরিবা দিজিতেল সিস্তেম অসি লৈতে। মীরৈবাক্কী লুচিংবশিংগা উনবা মতমদা মখোয়না মোদীজী পুম্নমক অসি  অদোম্না করম্না থুনা পাঙথোকপগে হংলকখি। মোদীনা ভারতকী নহারোলনা তৌবনি হায়না খুমখি, ভারতকী নহারোলগী খোঙথাং খুদিংদা মোসীনা মখোয়দা মতেং পীনবা গরেন্তী পীরি। অমসুং ঙসি ঐনা বিহার চাউখৎহন্নবা বিহারগী নহারোলদা চপ মান্নবা গরেন্তী পীরি। পুম্নমক্না খঙই মদুদি মোদীগী গরেন্তী অসি গরেন্তী থুংহনবনি।

মরুপশিং,

নাকল অমরোমদা অনৌবা ভারত অমা শেম্মি, অমরোমদনা RJD, কোংগ্রেস অমসুং মখোয়গ ইন্দি এলাইন্সনা 20শুবা চহিচাগী মালেমদা হিংলি।NDA সরকারনা য়ুমথোং খুদিংমক চাউখৎহনবা পাম্মি। য়ুমথোং খুদিংদা মখোয়গী য়ুমথক্তা সোলর প্লান্ত লৈহনবা পাম্মি। মখোয়না মসিদগী শেল তানবা ঙমগনি অমসুং লেম্নে মৈ ফংগনি। অদুবু ইন্দি কোলিজন্নদি লাদেনগী মৈঙাল মরক্তা হৌজিকসু হিংলি। বিহারদা লাতেনগী লৈঙাক লৈরিবা মখৈ ইমুং অমগী লাইরবা মুথৎকনি অমসুং ইমুং অমনা চাউখৎকনি।

মরুপশিং,

ঙসি মোদীন অশেংবা হায়দোকপা অসিদা মখোয়না মোদীদা শাওরি। ইন্দি এলাইন্সকী খ্বাইদগী চাউবা সমস্যা অসি মসিদা শেঞ্জা থুমজানা থল্লবা মীওইশিংনা থল্লি। মীওইশিং অসিনা হায়রি ইমুংদা য়ুম্ফম ওইবা লুচিংবশিংনা লুত তৌনবা লাইসেন্স পীগদবনি। হুরান্নবা লাইসেন পীগদ্রো? করিগুম্বা ঙসি ভারত রত্ন কারপুরি থাকুরজী হিংলম্বা তারদবি মহাক্না মোদীনা হংলিবা ৱাহ্ং অসিমক হংলমগনি। নেপোতিজম অমসুং করপ্সন শৌংগৎলিবা মীওইশিং অসিনা ইকাই খুম্নরবা বাপু,জে.পি, লোহিয়া, বাবা সাহেব অম্বেকরবু ঙসি ইকাইবা পোকহল্লি।

 

|

মরুপশিং,

ঙসি নখোয়গী মাংদা লেপ্পীবা মীওই অসি য়াম্না চহি নৌনা ময়ুম থাদোকখি। বিহারদগী মীওই অমা হেক্তনা লৈনীংবা মফমদা লৈরবসু মহাক্না ছত পুজা অমসুং দিৱালীদা ময়ুম শোইদনা হল্লি। অদুবু মোদী অসিদি অঙাং ওইরিঙৈদা ময়ুম থাদোকখ্রে। ঐনা হনগদবা য়ুম অসি করম্বনো? ঐগী ওইনদি ভারত পুম্বা অসি ঐগী য়ুমনি, ভারত মচা পুম্নমক ঐগী ইমুং মনুংনি। মরম অসিনা ঙসি ভারত মচা খুদিংমক্না হায়রি, লায়রবা খুদিংমক, নহারোল খুদিংমক্না হায়রি – ‘ঐহাক মোদীগী ইমুংনি! ঐখোয় মোদীগী ইমুংনি!

মরুপশিং,

ঐহাক্না লায়রবগী অৱাবা খুদিংমক লোইশিনবা পাম্মি। মরম অসিনা মোদীনা মাগী খ্বাইদগী লাইরবা ইমুংশিংদা লেম্না রাসন অমসুং লেম্না লায়েংবগী খুদোংচাবশিং ফংহল্লি। নুপীশিংগী পুন্সিদা থেংনরিবা অৱাবশিং অসি ঐহাক্না কোকহনবা পাম্মি। মরম অসিনা মোদীনা নুপীশিংগী মমিংদা পর্মিনেন্ত ওইবা য়ুমশিং পীরি, তোইলেৎ শারি, মৈ ফংহল্লি, গ্যাস কন্নেক্সন পীরি, তোতি ঈশিং ফংহল্লি। মহাক্না অসিগুম্বা লমশিং অসিদা থবক পাইখৎলি। ঐহাক্না ঐগী লৈবাক্কী নহারোলবু অফবা পুন্সি মরেল অমা হিংহনবা পাম্মি। মরম অসিনা মোদীনা রেকোর্দ ওইবা মশিংদা মেদিকেল কোলেক, এমস, IIT বিল্দিং, IIM বিল্দিং শারি। ঐহাক্না ঐগী লৈবাক্কী লৌমীশিংগী ইনকমশিং অসি হেনগৎহনবা পাম্মি অমসুং মখোয়বু হেন্না শক্তি পীগদবনি। মরম অসিনা মোদীনা মহাক্কী অন্নাদতা ইমুংনা ইনর্জী পীরিবা অমসুং হার পীরিবা ওইহল্লি। ঙসি ইথানোল প্লান্তশিং বিহার য়াওনা লৈবাক কয়াদা লিংখৎলি। লৈবাক অসিদা চেল্লিবা গারীশিং অসি চু পুথোক্লিবা লৌমীশিংগী পোত্থোক্না চল্লাইহনগদবনি অমসুং লৌমীগী ইনকমসু হেনগৎহনগনি। শুপ্নগী নুমিৎ খরনিগী মমাংদা NDA সরকারনা চুগী পর্চেস প্রাইস অসি ক্বিন্তল অমদা লুপা 340দা হেনগৎহনখি। শুপ্নগী নুমিৎ খরনিগী মমাংদা NDA সরকারনা মালেমগী খ্বাইদগী চাউবা অনাজ ভন্দরন য়োজনা হৌদোকখি। মসিগী মখাদা লৈবাক অমসুং বিহারদা ৱেয়রহাউস লিশিং কয়া শাখি। ঐগী বিহারদা লৈরিবা অপীকপা লৌমীগী ইমংশিংগী পুন্সি নুংঙাইহন্নবা পি.এম. কিসান সম্মান নিতিগী মখঅদা মখোয়দা লুপা করোর লিশিং কয়া পীখি। মমফম অসিদা বেতিয়াগী লৌমীশিংনা পি.এম. কিসান সম্মান নিতিদগী চাউরাক্না লুপা করোর 800 ফংখি। অমসুং ইমুংশিং অসিনা নখোয়দা করি তৌখিবগে হায়বগী মতাংদা ফোঙদোকচগে। বরৌনিগী ফর্তিলাইজর ফেক্তরী অসি মতম শাংনা মফম অসিদা লোন্দুনা লৈরকখি। ইমুং অসিগী মীওইশিংনা মসিগীদমক অৱাবা লৈখিদে। মোদীনা লৌমীশিং অমসুং শিন্মীশিং অসি অমুক হিংগৎহন্নবা গরেন্তী পীখি। ঙসি ফর্তিলাইজর ফেক্তরী অসিনা মাগী সর্ভিস ফংহল্লি অমসুং নহারোলদা থবক পীরি। মরম অসিনা মীয়াম্না হায়রি – মোদীগী গরেন্তীদি গরেন্তী থুংহনবনি।

 

|

মরুপশিং,

মীখলদা ইন্দি এলাইন্সকী মীওইশিংনা মখোয় হৌজিক পোরগনি খঙলে। অমসুং মখোয়না মাইথিবা শোইদনা উবা ফংলগনি, ভগৱান রাম মশা লাক্তুনা মখোয়দা তার্গেৎ থম্মি। মফম অসিদা ইমা সিতা, লব-কুশপু নুংশিবা ফাওহল্লি। বিহার পুম্বগী মীয়ামনা ভগৱান শ্রী রাম অমসুং রাম মন্দিরগী মায়োক্তা ৱা ঙাংবা উবা ফংলি।মখোয়না রাম মন্দির শাবগী মায়োক্তা লৈ। ভারতনা ঙসি হেরিতেজ অমসুং কলচরবু ইকাই খুম্নৈ অদুবু মীওইশিং অসিনদি মসিদসু য়ানীংদ্রি।

 

|

মরুপশিং,

মফম অসি থারু ত্রাইবপু নুংশিজবা মফম অমনি। মহৌশাগা লোয়ননা খুমাং চাউশিল্লিবা থারু খুনাইদগী পুন্সি মহিং অসি মীপুম খুদিংমক্কী পরা অমনি। ঙসি ভারতনা মহৌশাবু য়োখৎতুনা খুমাং চাউশিল্লিবা অসি থারু ত্রাইবকুম্বা কয়াগী ইথিল য়াওরি। মীয়ামবু লায়রবদগী কোকহন্নবা, লৈবাক অসিবু অহুমশুবা খ্বাইদগী চাউবা ইকনোমী ওইহন্নবা, নহারোলদা থবক্কী খুদোংচাবা ফংহন্নবা মীয়াম্না হায়রি, NDA 400 হেনগনি। লৈবাক অসিদা লায়রবশিংগীদমক পর্মিনেন্ত হাউস পীনবা, য়ুম করোর অমদা সোলর পেনেল ইনস্তোল তৌনবা, লাখপতি দিদি করোর অহুম শেম্নবা, লৈবাক্কী কাচিন কোয়া খুদিংমক্তা ভন্দে ভারত ত্রেন চেলহন্নবা, চাউখৎপা ভারত চাউখৎপা বিহার শেম্নবা মীয়াম্না হায়রি, NDA 400 হেনগনি। অমুক হন্না থাগৎপা ফোঙদোকচরি। ঐহাক্কা লোয়ননা হায়বীয়ু-

ভারত মাতাগী জয়!

খুৎ অনি থাংগৎতুনা হৌনা হায়বীয়ু-

ভারত মাতাগী জয়!

ভারত মাতাগী জয়!

ভারত মাতাগী জয়!

হন্না-হন্না থাগৎচরি!

  • Dheeraj Thakur February 19, 2025

    जय श्री राम।
  • Dheeraj Thakur February 19, 2025

    जय श्री राम
  • कृष्ण सिंह राजपुरोहित भाजपा विधान सभा गुड़ामा लानी November 21, 2024

    जय श्री राम 🚩 वन्दे मातरम् जय भाजपा विजय भाजपा
  • Devendra Kunwar October 08, 2024

    BJP
  • दिग्विजय सिंह राना September 20, 2024

    हर हर महादेव
  • रीना चौरसिया September 10, 2024

    बीजेपी
  • krishangopal sharma Bjp July 10, 2024

    नमो नमो 🙏 जय भाजपा 🙏
  • krishangopal sharma Bjp July 10, 2024

    नमो नमो 🙏 जय भाजपा 🙏
  • krishangopal sharma Bjp July 10, 2024

    नमो नमो 🙏 जय भाजपा 🙏
  • JBL SRIVASTAVA May 27, 2024

    मोदी जी 400 पार
Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
How has India improved its defence production from 2013-14 to 2023-24 since the launch of

Media Coverage

How has India improved its defence production from 2013-14 to 2023-24 since the launch of "Make in India"?
NM on the go

Nm on the go

Always be the first to hear from the PM. Get the App Now!
...
PM speaks with HM King Philippe of Belgium
March 27, 2025

The Prime Minister Shri Narendra Modi spoke with HM King Philippe of Belgium today. Shri Modi appreciated the recent Belgian Economic Mission to India led by HRH Princess Astrid. Both leaders discussed deepening the strong bilateral ties, boosting trade & investment, and advancing collaboration in innovation & sustainability.

In a post on X, he said:

“It was a pleasure to speak with HM King Philippe of Belgium. Appreciated the recent Belgian Economic Mission to India led by HRH Princess Astrid. We discussed deepening our strong bilateral ties, boosting trade & investment, and advancing collaboration in innovation & sustainability.

@MonarchieBe”