ভারত মাতা কী জয়।
ভারত মাতা কী জয়।
ভারত মাতা কী জয়।
গোৱাগী রাজ্যপাল পিএস শ্রীধরন পিল্লাইজী, মফম অসিগী নহা ওইরিবা মুখ্য মন্ত্রী প্রমোদ সাৱন্তজী, কেন্দ্রগী মন্ত্রী মন্দলগী ঐগী মরুপশিং, অমসুং মশক নাইবা মীওইশিং, অমসুং গোৱাগী ঐগী নুংশিরবা ইচিল-ইনাওশিং। গোৱা মচা পুম্নমক্তা ঐগী থমোয়দগী খুরুমজরি। নখোয়গী মীনুংশি অমসুং থৌজালদগী ঐহাক্না গোৱাদা লাকপা খুদিং নুংঙাইবা পোক্লিবনি।
মরুপশিং,
গোৱা অসি মাগী ফজরবা সমুদ্র খোঙবান অমসুং মহৌশাগী ফজবগীদমক খঙনৈ। গোৱা অসি ভারত অমসুং মপালদগী লমকোইবা কয়াগী পাম্নরবা হোলিদে দেস্তিনেসন অমনি। সিজন অমা হেক্তদা মফম অসিদা নুংঙাইগনি। মসিগা লোয়ননা গোৱাগী অতোপ্পা আইদেন্তিতী অমগা লৈ। গোৱানা অথোইবা সন্তশিং, মমিং লৈরবা আর্তিস্ত অমদি স্কোলর কয়া পোকখি। ঙসি ঐহাক্না মখোয়বু নীংশিংজগে। সন্ত সোহিরোবনাথ অমবিয়ে, প্রোতো-প্লেরাইৎ লৃষ্ণভাত বন্দকর, সুরাশ্রী কেসরবাই কেরকার, অচার্য়া ধরমানন্দ কোসমবী, অমসুং রাঘুনাথ মশেলকরনা গোৱাগী আইদেন্তিতী হেনগৎহনখি। ভারত রত্না লাতা মঙ্গেশকরজীনা মফম অসিদা লৈবা মেঙ্গেশি মন্দিরগা অচেৎপা মরী লৈনৈ। ঙসি অসি লাতা দিদিগী লৈখিদবগী কুমওনসু তারি। ঐহাক্না মহাকপু ইকাই খুম্নবা উৎচরি। মফম অসিদা মার্গাওগী দমোদর সালদগী স্বামী বিবেকানন্দনা অনৌবা ইথিল ফংখি। পুৱারী ওইরবা লোহিয়া মৈদান অসিনা লৈবাক অসিগী করিগুম্বা থবক অমা থোরকপদা গোৱাগী মীয়াম্না হোৎনবা য়াবা হোৎনৈ হায়বগী খুদম ওইরি। কুনকোলিমদা লৈরিবা চীফতেন্স মেমোরিএল অসিনা গোৱাগী থৌনা ফবগী খুদম ওইরি।
মরুপশিং,
চহি অসিদা মরু ওইবা থৌরম অমসু পাঙথোক্কদৌরি। চহি অসিদা নখোয়না ‘গোয়েঞ্চো সিবে’ হায়না খঙনবা সেন্ত ফ্রান্সিস জেবিয়রগী রেলিক্সকী এক্সপোজিসন পাঙথোক্কদৌরি। চহি অনি খুদিং মসিগী এক্সপোজিসন অসি পাঙথোক্লি মসিনা শান্তি অমদি তংদু লৈতাবগী পাউজেল ঐখোয়দা পীরি। ঐহাক্না নীংশিংলি, ঐহাক্না মন কী বাত্তসু জোর্জিয়াগী ক্বিন সেন্ত কেতেবনগী মরমদা পনখি। ঐখোয়গী মপাল থৌরম মন্ত্রীনা সেন্ত ক্বিন কেতেবনগী হোলি রেলিক্স জোর্জিয়াদা পুখি। সরকারগী অচৌবা মীহুৎশিংনা এয়রপোর্ত্তা ঙাইনরমখি। খৃস্তেন ফুরপ অমসুং অতৈ ধর্মগী মীওইশিংনা গোৱাদা পুন্না লৈমিন্নরিবা অসি অথোইবা ভারতকী খুদম অমনি।
মরুপশিং,
মতম খরগী মমাংদা গোৱাদা লুপা করোর 1300গী স্কিম হৌদোকখি অমসুং উরেপ-উয়ুং তমখি। প্রোজেক্তশিং অসি এজুকেসন, হেল্থ অমসুং তুরিজমগা মরী লৈনৈ অমদি মসিনা গোৱাগী চাউখৎ থৌরাংদা হেন্না শাহৌ পীরগনি। ঙসি নেস্নেল ইন্সতিত্যুত ওফ তেক্নোলোজী অমসুং নেস্নেল ইন্সতিত্যুত ওফ ৱাতর স্পোর্তকী কেম্পস মফম অসিদা শঙ্গারি। মসিনা মফম অসিদা মহৈ তমলিবশিংদা হেন্না খুদোংচাবা পীরগনি। মফম অসিদা শঙ্গাখিবা ইন্তিগ্রেতেদ ৱেস্ত মেনেজমেন্ত ফেসিলিতী অসিনা গোৱা লুনান্না থম্বদা মতেং ওইরগনি। ঙসি নহারোল 1900দা সরকারগী থবক্কী এপোইন্তমেন্ত লেত্তরশিং পীখি। ঐহাক্না য়াইফ থৌরাংগী থবকশিং অসিগীদমক পুম্নমক্তা নুংঙাইবা ফোঙদোকচরি।
ঐগী ইমুং মনুংশিং,
গোৱা অসি লম অমদি মীশিংদায়েংবদা পীকলমবা য়াই অদুবু ঐখোয়গী গোৱা অসি সোসিএল দাইভর্সিতীদা য়েংবদা য়াম্না চাউই। মফম অসিদা তোঙান-তোঙানবা খুন্নাইশিংগী মীওই, তোঙান-তোঙানবা ধর্ম চৎপা মীওইশিংনা পুন্না মীরোল কয়া লৈমিন্নরক্লি। মরম অসিনা গোৱাগী চপ মান্নবা মীওইশিং অসিনা হঞ্জিন হঞ্জিন BJP সরকার খনবা মতমদা মসিনা লৈবাক পুম্বদা পাউজেল অমা পীরি। BJPগী মন্ত্র অসি মীপুম খুদিংমক সপ্পোর্ত তৌবা অমসুং মীপুম খুদিংমক চাউখৎহনবনি। লৈবাক অসিদা লৈবা দল খরনা মীয়ামদা অকিবা পোকহল্লি অমসুং অরাবা শন্দোক্লি। অদুবু গোৱানা অদুগুম্বা দলশিংদা মতিক চাবা পাউখুম পীখি।
মরুপশিং,
চহি কয়া লৈঙাক পাইরকপদা গোৱাগী BJP সরকারনা গুদ গভর্নান্সকী মোদেল অমা দিবেলপ তৌখি। গোৱানা কেম্পেন, “স্বয়মপুর্ন গোৱা”দা পীরিবা শাহৌ অসি তশেংনা শীংথানীংঙাই ওই। মসিগী মহৈ ওইনা ঙসি গোৱাগী মীয়াম অসি লৈবাক্কী খ্বাইদগী নুংঙাইবা মীওইশিংগী মনুং চলহল্লি। দবল ইঞ্জিন সরকারনা মরম ওইরগা গোৱাগী চাউখৎ থৌরাং অসি খোঙজেল য়াংনা মাংদা চংশিল্লি। গোৱা অসি তোতি ঈশিংগী সপ্লাই ফংখিবা য়ুম চাদা চামা আলৈ। গোৱা অসি মৈ কন্নেক্সন চাদা চামা ফংবা রাজ্যনি। গোৱা অসি দোমেস্তিক LPG কবরেজ চাদা চামা তৌখ্রে। গোৱা অসি কেরোসিন ফ্রী ওইনা মপুং ফানা ফংহল্লিবা রাজ্য অমনি। গোৱা অসি মপুং ফানা ওপন দেফিকেসন ফ্রী স্তেৎ ওইরি। গোৱা অসি কেন্দ্র সরকারগী অচৌবা স্কিমশিংগী চাদা চামা সেচুরেসন ফংখ্রবা রাজ্য ওইরি। ঐখোয় পুম্নমক্না খঙই, সেচুরেসন ফংলবা মতমদা খেন্নবা লৈতে। সেচুরেসন ফংলবা মতমদা বেনিফিসরী খুদিংমক্তা মপুং ফানা কান্নবা ফংহল্লি। সেচুরেসন লৈরবা মতমদা মীয়াম্না মখোয়গী হকশিং ফংনবা শেল পীবগী মথৌ তাহনদে। মরম অসিনা ঐহাক্না অমুক্কসু হায়রি মদুদি সেচুরেসন অসি তশেংবা সেক্যুলরিজমনি। সেচুরেসন অসি তশেংবা সোসিএল জস্তিসনি। মসি গোৱা অমসুং লৈবাক অসিদা পীরিবা মোদীগী গরেন্তীনি। সেচুরেসনগী পান্দমদা হন্দক্তা লৈবাক অসিদা ভিকসিৎ ভারত সঙ্কল্প য়াত্রা হৌদোকখি। গোৱাদা মীওই লিশিং 30না য়াত্রা অসিদা শরুক য়াখি সরকারগী স্কিমশিংগী কান্নবা ফংদনা লৈরম্বা মীওই খরনা য়াত্রা অসিদগী কান্নবা ফংখি।
ইচিল-ইনাওশিং,
নুমিৎ খরনিগী মমাংদা পুথোকখিবা বজেৎনা ঐখোয়গী সেচুরেসন ফংহন্নবা অমসুং লায়রবশিংগী খ্বাইদগী লায়রবগী শেবা তৌনবগী ফিরেপসু মপাঙ্গল কনখৎহনখি। নখোয়না খঙলি মদুদি ঐখোয়না লায়রবা ইমুং করোর মরিদা পর্মিনেন্ত ওইবা য়ুম ফংহন্নবা পান্দম মাইপাকপা ঙমখ্রে। হৌজিক ঐখোয়না ইমুং করোর অনিগী য়ুমশিং শানবা গরেন্তী পীরি। অমসুং ঐহাক্না হায়গে, ঐগী গোৱাগী মরুপশিং মদুদু নখোয়গী খুঙ্গংদা, নখোয়গী লৈকাইদা করিগুম্বা য়ুম লৈতবা ইমুং লৈরবদি, করিগুম্বা মখোয়না ঙসিসু স্লমদা লৈবা তারবদি মোদীজী লাক্লে, মোদীগী গরেন্তীনি মখোয়গী য়ুম শাগনি হায়বীয়ু। বজেৎ অসিদা পি.এম. আৱাজ য়োজনাগী মখাদা মসিগী পাকথোক চাউথোকহন্নবা লাউথোকখ্রে। হৌজিক আশা ৱার্কর অমসুং অঙ্গনৱাদী ৱার্করশিংনা লেম্না লায়েংবগী গরেন্তীসু ফংলে।
মরুপশিং,
বজেৎ সিদা ঐখোয়গী ঙামী মরুপশিংদা চাউনা মীৎয়েং চংলি। মতস্যা সম্পদা য়োজনাগী মখাদা তেংবাং পীবসু হেনগৎহল্লগনি। মসিনা ঙামীশিংদা হেন্না খুদোংচাবা অমদি রিসোর্সশিং পীরগনি। মসিনা সমুদ্রগী চীঞ্জাক এক্সপোর্ত তৌবদা চাউনা হেনগৎহল্লগনি অমসুং ঙামীশিংনা শেল হেন্না ফংলগনি। অসিগুম্বা খোঙথাংশিংগা লোয়ননা ফিশরীজ সেক্তরদা অনৌবা থবক লাখ কয়াসু পীবগী ওইথোকপা য়াবা অমা লৈরি।
মরুপশিং,
মমাংদা ঐখোয়গী সরকারনা তৌরিবা অসুম্না ঙামীশিংগী য়াইফনবা থবক কনা অমত্তনা তৌরমখিদে। ঐখোয়না ঙামীশিংগীদমক তোখাইবা মন্ত্রালয় শেমখি। ঐখোয়না ঙামীশিংদা কিসান ক্রেদিৎ কার্দকী খুদোংচাবা ফংহনখি। ঐখোয়গী সরকারনা ঙামীশিংদা লুপা লাখ অমদগী লুপা লাখ মঙাদা ইন্সুরেন্সকী শেনফম হেনগৎহনখ্রে। ঐখোয়গী সরকারনা মখোয়গী হীশিং মতমগা চুনবা ওইহন্নবা সবসিদীসু পীরি।
ইচিল-ইনাওশিং,
BJPগী দবল ইঞ্জিন সরকারনা ইনফ্রাস্ত্রকচরদা রেকোর্দ ওইনা ইনভেস্তমেন্ত তৌরি লোয়ননা লায়রবশিংগীদমক অচৌবা য়াইফ থৌরাংগী স্কিমশিং পাইখৎলি। নখোয় নশানা লৈবাক অসিদা লম্বী-থোং, রেলৱেজ, এয়রপোর্ত করম্না পাকথোক চাউথোকপগে উব ফংলি। চহি অসিগী বজেৎতা মসিগীদমক লুপা করোর লাখ 11 খাক্তুনা থম্মি, অমরোমদা চহি তরাগী মমাংদা ইনফ্রাস্ত্রকচরগীদমক লুপা করোর লাখ অনি খক্তা ওইরমখি। চাউখৎ থৌরাংগী প্রোজেক্ত পাইখৎপা মতমদা অনৌবা থবক্কী খুদোংচাবশিং ফংহল্লি, মসিনা মীওই খুদিংমক্কী ইনকম হেনগৎহল্লি।
মরুপশিং,
ঐখোয়গী সরকারনা গোৱাদা কন্নেক্তিবিতী ফগৎহনবগা লোয়ননা মসিবু লোজিস্তিক্স হব ওইহন্নবসু থবক পাইখৎলি। গোৱাগী মনোহর ইন্তরনেস্নেল এয়রপোর্তনা নেস্নেল অমসুং ইন্তরনেস্নেল ফ্লাইৎশিংগী কন্নেক্তিবিতী লেপ্পা লৈতনা হেনগৎলক্লি। মমাং চহিদা লৈবাক্কী অনিশুবা খ্বাইদগী শাংবা কেবেল ব্রিদজ – ন্যু জৌরি ব্রিজ শঙ্গাখি। গোৱাদা খোঙজেল য়াংনা ইনফ্রাস্ত্রকচর শেমগৎলি, অনৌবা লম্বী-থোং, অনৌবা রেলৱে রুৎশিং, অনৌবা এজুস্নেল ইন্সতিত্যুসনশিং পুম্নমক অসিনা মফম অসিগী চাউখৎ খোঙচৎতা অনৌবা শাহৌ পীরগনি।
মরুপশিং,
ভারত অসি মতম চুপ্পদা মহৌশা, কলচর অমসুং হেরিতেজ ইনাক খুল্লি। মালেমগী মীওই কয়ানা তোঙান-তোঙনবা লৈবাকশিংদ তুরিজমগী তোঙান-তোঙানবা মখলশিংগীদমক চৎলি। ভারত্তা তুরিজমগী মখল পুম্নমক লৈরি, মসিদা বিজা অমদা লোইমক ফংলি। অদুবু 2014গী মমাংদা লৈরম্বা সরকারনা মসিদা মীৎয়েং চংলমখিদে। মমাংগী সরকারনা তুরিস্ত দেস্তিনেসনশিং শেমগৎপগী বিজন লৈরমখিদে। তুরিস্তকী মফম কয়ামরুম অফবা লম্বী, ত্রেন অমসুং এয়রপোর্ত লৈতবনা মরম ওইরগা খঙনরমখিদে। ঐখোয়না মমাংগী চহি 10গী অশোইবশিং অদু চুমথোক্লি। গোৱাগী দবল ইঞ্জিন সরকারনা মফম অসিদা তুরিজম পোতেন্সিএল পাকথোক চাউথোকহল্লি। গোৱাগী মনুং হঞ্জিনবা মফমশিংদা ইকো-তুরিজম প্রমোৎ তৌরি। মসিনা মফম অদুগী মীয়ামদা হকথেংননা কান্নবা পীরি। তুরিস্তশিংনা গোৱা য়ৌরক্লবা মতমদা খুদোংচাবা হেন্না পীরগনি। পানাজীদগী রিয়স মেগোস ফাওবা রোপৱে শারবা মতুংদা মফম অসিদা লাকপা লমকোইবশিংগী মশিং হেনগৎলক্কনি। প্রোজেক্ত অসিগা লোয়ননা মোদর্ন ফেসিলিতীশিং শেমগৎকনি। ফুদ কোর্ত, রেস্তোরেন্ত, ৱেতিং রুম য়াওনা ফেসিলিতী কয়ামরুমনা গোৱাগী অনৌবা সেন্তর ওফ এত্রেক্সন ওইরগনি।
মরুপশিং,
ঐখোয়গী সরকারনা গোৱা অসি অনৌবা তুরিস্ত দেস্তিনেসন মখল অমা ওইনা শেমগৎলি। মসি কনফরেন্স তুরিজমনি। ঙসি অয়ুক ঐহাক্না ইন্দিয়া ইনর্জী ৱীক্তা শরুক য়ারুই। গোৱাদা G20গী মরু ওইবা মীফম কয়া পাঙথোকখি। গোৱাদা মমাংদা অচৌবা দিপ্লোমেতিক মীতিং অচৌবা কয়া পাঙথোকখ্রে। ৱর্ল্দ তেবল তেনিস চেম্পিয়নশিপ, ৱর্ল্দ বীচ ভোল্লীবোল তুর, FIFA U-17 ৱুমেন ফুতবোল ৱর্ল্দ কপ… নেস্নেল গেম্স 37 মফম অসিদা পাঙথোকখি। অসিগুম্বা ইভেন্ত খুদিংমক্কা গোৱাগী মমিং অমসুং গোৱাগী আইদেন্তিতী মালেম পুম্বদা য়ৌহল্লি। লাক্লদৌরিবা চহিশিংদা দবল ইঞ্জিন সরকারনা গোৱা অসিবু অসিগুম্বা ইভেন্তশিংগী অচৌবা সেন্তর ওইহল্লগনি। অমসুং নখোয়না খঙলি মদুদি অসিগুম্বা ইভেন্তশংনা গোৱাগী মীয়ামদা থবক পীরি অমসুং ইনকম হেনগৎহল্লি।
মরুপশিং,
গোৱাদা নেস্নেল গেম্সকীদমক শেমগৎখিবা মোদর্ন স্পোর্তস ইনফ্রাস্ত্রকচরনা মফম অসিগী শান্নরোয়শিংদা চাউনা মতেং পাংলগনি। ঐঙোন্দা খঙহনবীরকখি মদুদি ভিকসিৎ ভারত সঙ্কল্প য়াত্রা পাঙথোকপা মতমদা নেস্নেল গেম্সতা শরুক য়ারুবা গোৱাগী শান্নরোয়শিংবা ইকাই খুম্নখি। ঐহাক্না অদুগুম্বা নহা ওইরিবা শান্নরোয়শিংবু অমুক হন্না নুংঙাইবা ফোঙদোকচরি।
অমসুং মরুপশিং,
স্পোর্তসকী মরমদা অসুম্না ঙাংনবা অসিদা গোৱাগী ফুতবোল করম্না কাওগনি? ঙসিসু গোৱাগী ফুতবোল শান্নরোয়শিং অমসুং মাগী ফুতবোল ক্লবশিংনা লৈবাক অমসুং মালেমদা মখোয়গী মশাগী আইদেন্তিতী লৈজরি। ঐখোয়গী সরকারনা ব্রহ্মানন্দ সনখাৱকরজীবু চহি অনিগী মমাংদা পদ্ম মনা পীদুনা মহাক্না ফুতবোলগুম্বা স্পোর্তসনা শরুক তমখিবা অদুগীদমক ইকাই খুম্নখি। ঙসি ঐখোয়গী সরকারনা খেলো ইন্দিয়াগী খুত্থাংদা ফুতবোল য়াওনা স্পোর্তস কয়া প্রমোৎ তৌরি।
মরুপশিং,
স্পোর্স অমসুং তুরিজমগী মথক্তা হৌখিবা চহি খরা অসিদা গোৱানা অনৌবা আইদেন্তিতী অমা শেমখি। ঐখোয়গী সরকারনা গোৱা অসি অচৌবা এজুকেস্নেল হব অমা ওইনা প্রমোৎ তৌরি। মফম অসিগী ইন্সতিত্যুসন কয়া লৈবাক্কী মহৈরোয় কয়াগী দ্রীম ইন্সতিত্যুত ওইহনখি। অনৌবা ইন্সতিত্যুসনশিং অসিনা গোৱাগী নহারোলবু লৈবাক অসিদা অনৌবা খুদোংচাবশিং ফংহন্নবা শেম শাগনি। ঐখোয়গী সরকারনা নহারোলগীদমক বজেৎ অসিদা মরু ওইবা এনাউন্সমেন্ত অমা লাউথোকখি। রিসর্চ অমসুং ইন্নোবেসনগীদমক লুপা করোর লাখ অমগী ফন্দ থমখি। মসিনা তেক্নোলোজীগী লমদা ইন্নোভেসন প্রমোৎ তৌগনি অমসুং মসিনা ইন্দস্ত্রী অমসুং ঐখোয়গী নহারোলদা কান্নবা পীরগনি।
ইচিল-ইনাওশিং,
গোৱা খোঙজেল য়াংনা চাউখৎহন্নবগীদমক মীপুম খুদিংমক্না হোৎনবা মথৌ তাই। ঐহাক্না গোৱাগী ঐগী ইমুং মনুংগী মীওইশিংদা মপুং ফানা থাজবা থম্মি। ঐহাক্না থাজৈ মদুদি মোদীগী গরেন্তীগা লোয়ননা গোৱাদা লৈরিবা ইমুং খুদিংমক খুমাং চাউশিনগনি। অমুক হান্না ঐহাক্না চাউখৎ থৌরাংগী থবকশিংগীদমক মীপুম খুদিংমক্তা নুংঙাইবা ফোঙদোকচরি।
হন্না-হন্না থাগৎচরি।
ভারত মাতা কী জয়।
ভারত মাতা কী জয়।
ভারত মাতা কী জয়।
