Launches Dharti Aaba Janjatiya Gram Utkarsh Abhiyan to benefit 63000 tribal villages in about 550 districts
Inaugurates 40 Eklavya Schools and also lays foundation stone for 25 Eklavya SchoolsInaugurates and lays foundation stone for multiple projects under PM-JANMAN“Today’s projects are proof of the Government’s priority towards tribal society”জোহার!
ঝারখন্দগী গবর্নর শ্রী শ্রী সন্তোশ গঙ্গৱারজী, কেন্দ্রগী মন্ত্রীমন্দলদা ঐহাক্কী মরূপ শ্রী জুৱেল ওরাম জী, লমদম অসিগী অঙাংশিং, মন্ত্রী পরিশদকী ঐহাক্কী মরুপ মন্ত্রী, ইচলনুপী অন্নপূর্না দেবী জী, সঞ্জয় শেঠ জী, শ্রী দুর্গাদাস উইকে জী, মফমসিদগী ঐখোয়গী এম.পি. মনীশ জয়সৱাল জী, মীয়ামগী মীহুৎ পুম্নমক, অমসুং মফম অসিদা লৈরিবা ইচিল-ইনাওশিং!
ঙসি ঐহাক্না ঝারখন্দগী চাউখৎ-থৌরাংগী খোঙচৎ অসিদা শরুক য়াবগী খুদোংচাবা অমুক হন্না ফংলি। নুমিৎ খরনিগী মমাংদা ঐহাক জমশেদপুরদা লাকখি। জমশেদপুরদগী ঐহাক্না ঝারখন্দগীদমক লুপা করোর চাম্মরোমগী দিবেলপমেন্ত প্রোজেক্তশিং হৌদোকখি। ঝারখন্দগী লায়রবা মীওই লিশিং কয়া অমা পি.এম.-আৱাস য়োজনাগী মখাদা মখোয়গী পর্মিনেন্ত য়ুম ফংখি। অমসুং হৌজিক নুমিৎ খরনিগী মনুংদা... ঙসি অমুক্কা হন্না ঝারখন্দদা লাক্লবা মতুংদা, ঙসি ঝারখন্দদগী লুপা করোর লিশিং 80 হেনবগী দিবেলপমেন্ত প্রোজেক্তশিংগী উরেপ উয়ুং তমখ্রে অমসুং শঙ্গাখ্রে। স্কিমশিং অসি ত্রাইবেল খুন্নাইগী য়াইফনবা অমসুং ত্রাইবেল খুন্নাইগী থাক ৱাংখৎহন্নবা মরী লৈনৈ। মসি ভারত সরকারনা লৈবাক অসিগী ত্রাইবেল খুন্নাইদা পীরিবা অখন্নবা মীৎয়েং অদুগী খুদম্নি। চাউখৎ-থৌরাংগী থবকশিং অসিগীদমক ঝারখন্দগী মীয়াম পুম্নমকপু, লৈবাক মীয়াম পুম্নমকপু ঐনা থাগৎপা ফোংদোকচরি।
মরুপশিং,
ঙসি অসি মহাত্মা গান্ধী পুজিয়া বাপুগী মপোক কুমওননি। ত্রাইবেল দিবেলপমেন্তকীদমক মহাক্কী ভিজন, মহাক্কী ৱাখল্লোনশিং অসি ঐখোয়গী কেপিতেলনি। গান্ধীজীনা থাজখি মদুদি ভারত অসি ত্রাইবেল খুন্নাইগী চাউখৎপা য়াবা মতমদা খক্তদা চাউখৎপা ঙমগনি। ঙসিদি ঐখোয়গী সরকারনা ত্রাইবেলশিংবু চাউখৎহন্নবা অহেনবা মীৎয়েং চংলিবা অসিদা ঐহাক্না নুংঙাইবা ফাওই। ঐহাক্না য়াম্না চাউবা প্রোগ্রাম অমা, ধর্তি আবা জনজাতি গ্রাম উতকার্শ অভিয়ান হৌদোক্লে। স্কীম অসিগীদমক চাউরাক্না লুপা করোর লিশিং 80 শিজিন্নগনি। ধর্তি আবা জনজাতি গ্রাম উতকার্শ অভিয়ানগী মখাদা, জিলা 550রোমদা ত্রাইবেলদা মশীং য়াম্লবা খুঙ্গং লিশিং 63 চাউখৎহন্নবা কেম্পেন অমা হৌদোক্লগনি। ত্রাইবেলশিংনা মশীং য়াম্বা খুঙ্গংশিং অসিদা সোসিও-ইকোনোমিক লাইফ ফগৎহন্নবা থবক পায়খৎকনি। লৈবাক অসিগী ত্রাইবেলগী ইচিল-ইনাও করোর 5 হেন্না মসিগী কান্নবা ফংলগনি। ঝারখন্দগী ত্রাইবেল খুন্নাইনা মসিদগী কান্নবা ফংলগনি।
মরুপশিং,
ঐহাক্না নুংঙাইবা ফাওই মদুদি ভগৱান বির্সা মুন্দাগী লমদমদগী ধর্তি আবা জনজাতি গ্রাম উতকার্শ অভিয়ান হৌদোক্লি। ভগৱান বির্সা মুন্দগী মপোক কুমওন্দা... ঝারখন্দদগী পি.এম.-জনমান য়োজনা হৌদোকখি। লাক্কদৌরিবা থা, নবেম্বর 15দা জনজাতি গৌরব দিবসতা ঐখোয়না পি.এম.-জনমান য়োজনাগী অহানবা চহিগী থৌরম পাংথোক্কনি। পি.এম.-জনমান য়োজনাগী খুত্থাংদা, চাউখৎ-থৌরাং অসি লৈবাক অসিগী ত্রাইবেলগী মফমশিংদা য়ৌহল্লি, মদুগীদমক কনাগুম্বা অমত্তনা খনবা লৈরমদে। ঙসি পি.এম.-জনমান য়োজনাগী মখাদা চাউরাক্না লুপা করোর 1350গী চাউখৎ থৌরাংগী থবকশিংগী উরেপ উয়ুং তমখ্রে। মসিগী মখাদা, ইজুকেসন, হকশেল অমসুং লম্বী-থোংগুম্বা খুদোংচাবশিং অসি ত্রেবেলগী খ্বাইদগী মতুং তাবা মফমশিংদা হেন্না ফবা পুন্সি মহিং অমা লৈহন্নবা শেমগৎকনি।
ইচিল-ইনাওশিং,
চহি অমগী মনুংদা পি.এম.-জনমান্না ঝারখন্দদা মাই পাকপা কয়া অমা ফংলে। তুং কোইনা চৎনদবা খুঙ্গং 950 হেনবদা য়ুমথোং খুদিংদা ঈশিং ফংহন্নবা থবক লোইশিনখ্রে। রাজ্য অসিদা ভন্ধন বিকাস কেন্দ্র 35সু অয়াবা পীখ্রে। মসিগা লোয়ননা, অরাপ্পা ত্রাইবেলগী মফমশিং অসি মোবাইল কনেক্তিবিতীগা শম্নহন্নবা থবক পায়খৎলি। চাউখৎপা অসিনা, অহোংবা অসিনা ঐখোয়গী ত্রাইবেল খুন্নাইদা চাওখৎপগী চপ মান্নবা খুদোংচাবা পীগনি।
মরুপশিং,
ঐখোয়গী ত্রাইবেল খুন্নাই অসি ত্রাইবেল নহারোলশিংনা অফবা এজুকেসনগী খুদোংচাবা ফংলবা মতমদা খুমাং চাউশিল্লগনি। মসিগীদমক্তা, ঐখোয়গী সরকারনা ত্রাইবেলগী মফমশিংদা একলব্যা রেসিদেন্সিএল স্কুলশিং শেমগৎনবা কেম্পেনদা য়াম্না কন্না হোৎনরি। ঙসি মফম অসিদা এক্লভিয়া রেসিদেন্সিয়েল স্কুল 40 শঙ্গাখ্রে। অনৌবা একলব্য স্কুল 25গী উরেপ-উয়ুংসু থমখ্রে। একলব্য স্কুলশিং অসি মোদর্ন ফেসিলিতী পুম্নমক্কা খুৎশম্নহনগদবনি। মসিদা অৱাংবা থাক্কী এজুকেসন ফংহনগদবনি। মসিগীদমক ঐখোয়না স্কুল খুদিংমক্কী বজেৎ অদু শরুক অনি হেনগৎহনখ্রে।
ইচিল-ইনাওশিং,
নিয়ম চুম্না হোৎনবা মতমদা, নিয়ম চুম্না মহৈ-মশিং ফংই। ঐহাক্না থাজবা থম্লি মদুদি ঐখোয়গী ত্রাইবেল নহারোলশিংনা মাংলোমদা চংশিল্লগনি অমসুং লৈবাক অসিনা মখোয়গী পোতেন্সিএলদগী কান্নবা ফংগনি।
মরুপশিং,
ঐহাক্না মফম অসিদা শাংবা ৱারোল পীবা পামদে, মরমদি মসিগী মতুংদা, কিলোমিতর 3-4গী অরাপ্পা মফম অমদা ত্রাইবেল খুন্নাইগী য়াম্না চাউবা মেলা অমা পাংথোক্কনি। ঐহাক মফম অদুদা চৎকনি, অমসুং মফম অদুদা ঐহাক্না ঐহাক্কী পুক্নিংগী অপাম্বা অদুগা লোয়ননা ৱা ঙাংগনি, ঐহাক্না কন্না ৱা ঙাংগনি। অমসুং মসিনা মরম ওইদুনা, সরকারগী প্রোগ্রাম অসিগী লিমিৎশিং অদু খঙলদুনা, ঐহাক্না মফম অসিদা ঐহাক্কী ৱারোল শাংদোক্তে। অদু ওইরবসু, করিগুম্বা মীওই কয়ানা প্রোগ্রাম অমদা লাক্লবদি, মীওই কয়ানা হায়গনি ওহ...হো...হো, প্রোগ্রাম অসি য়াম্না চাউই। অদুবু মসি সরকারগী প্রোগ্রাম অমগীদমক অপীকপা এরেঞ্জমেন্ত অমদা পাংথোক্কদবনি, অচৌবা প্রোগ্রাম অসি হৌজিক পাংথোক্লগনি। অদুবু হায়রিবা প্রোগ্রাম অসি অসিগুম্না অচৌবা ওইরবদি, প্রোগ্রাম অসি কয়া য়াম্না অচৌবা ওইগদগে। মরম অদুনা ঙসি, ঐহাক্না লমদমসিদা থুংলবা মতুংদা, ঐহাক্না ঝারখন্দগী ঐহাক্কী ইচিল-ইনাওশিং অমসুং ইচিল-ইনাওশিংনা করিগুম্বা খরা তৌখিবা অদু উবা ফংলে। অদোমগী নুংশিবা, অদোমগী য়াইফ-পাউজেল অসিনা ঐঙোন্দা ত্রাইবেল খুন্নাইদা হেন্না সেবা তৌনবগী শক্তি পীগনি। ৱাখল্লোন অসিগা লোয়ননা, ঐহাক্না অমুক্কা হন্না পুম্নমকপু মসিগী চাউখৎ থৌরাংগী থবকশিং অসিগীদমক থাগৎচরি। ঐহাক্না পুম্নমকপু থাগৎচরি। অমসুং ঐহাক্না আশা তৌরি মদুদি পুম্নমকসু মফম অদুদা লাক্কনি। মফম অদুদা ঐহাক্না হীরম কয়াগী মতাংদা ৱারী শানবগী খুদোংচাবা ফংগনি।
জয় জোহার!
