“মসি লৈবাক অসিনা ক্বান্তম লীপ তৌনবা চংশিল্লিবা অদুগুম্বা ভারতকী পুৱারীগী তানফম অমনি”
“ভারতকীদমক মসি তানফমনি, চপ চারবা তানফমনি (য়হি সময় হে, সহি সময় হে)”“লৈবাক্কী খোঙথাংশিনা পান্দম অমদা – নীংতম্বা, পুনশিনখিবা ঐখোয়গী নীংতম ইহৌনা ঐখোয়গী অচৌবা ইথিলগী হৌরকফম ওইরি”“ঙসি নখোয়গী পান্দম, নখোয়গী ফিরেপনা হীরম অমা খক্তদা মীৎয়েং থম্বা তাই – বিক্ষিৎ ভারত”“‘ইন্দিয়া’ ‘I’না হৌবা অদুগুম্না ‘আইদিয়া’ অসি ‘I’না হৌই, চাউখৎ-থৌরাংগী খোঙথাং অসি ইশাদগী হৌই”“থৌদাং অমা হেক্তা লৌদুনা প্রজাশিংনা মখোয়গী মথৌদাং তৌবা হৌরবা মতমদা লৈবাক অসিনা মাংদা চংশিল্লি”“লৈবাক অসিগী প্রজাশিং ওইনা ঐখোয়গীদমক পরিক্ষাগী তাং লাউথোকখ্রে। ঐখোয়গী মাংদা অমৃত কালগী চহি 25 লৈরি। ঐখোয়না নোংমদা পুং 24 থবক তৌবা তাই”“য়ুবা শক্তিনা অহোংবা পুরক্নবা এজেন্ত অমসুং অহোংবগী বেনিফিসরী অনিমক ওইরি”“চাউখৎপগী রোদমেপ অসি সরকার খক্তনা লেপকদবা নত্তে লৈবাক অসিনা লেপকদবনি। বিক্ষিৎ ভারত অসি সবকা প্রয়াস খক্তগী খুত্থাংদা শেমগৎকদবনি”খুরুমজরি!
কেন্দ্রগী মন্ত্রীমন্দলগী ঐগী মরুপ, ধর্মেন্দ্র প্রধান জি, লৈবাক শীনবা থুংবগী রাজ্যপালশিং, ইজুকেসনগী লমদা শক্নাইরবা মীওইশিং, ইবেম্মাশিং অমসুং ইবুংঙোশিং !
ঙসি অসি ‘বিকসিত ভারত’ অমগী ৱাশক লৌনবা মরুওইবা নুমিৎ অমনি। বিকসিত ভারতকা মরী লৈনবা ৱার্কশোপ অসি শীনবগীদমক ঐনা খন্ননা রাজ্যপালশিং থাগৎচরি। লৈবাক অসিগী নহারোলশিং লমজিংনবা থৌরাং লৌরিবা মীওইশিং মফম অমদা পুনশিল্লে। মহৈলোয়শঙশিংনা লনাই মীওইশিং চাউখৎহল্লে, অমসুং লনাই মীওইশিং চাউখৎপদগী লৈবাক অসি চাউখৎলকপনি। লনাই মীওই চাউখৎনবা খোঙজং অসি য়াম্না মরুওই। ভোইস ওফ য়ুথ ৱার্কশোপ অসি মাইপাকহনবগীদমক ঐনা ঐগী য়াইফ-পাউজেল পীজরি।
মরুপশিং,
লৈবাক খুদিংমক্না মসিগী পুৱারিদা চাউখৎপগী খোঙচত্তা তাঙ্কক অমা থেংনৈ। মসি লৈবাক অদুগী ‘অমৃত কাল’(সনাগী যুগ)নি। ভারতকী ওইনা, হৌজিক মসিগী ‘অমৃত কাল’ অসি থুংলরে। মসি ভারতকী পুৱারিদা চাউখৎনবগী তাঙ্কক অমনি। মতমগী ইচেলগী তাঙ্কক অমদা, চাউখৎপা পুরকখিবা অমসুং মখোয় মশামক অওনবা পুরক্তুনা চাউখৎলবা লৈবাকশিং ওইখিবা লৈবাক কয়া ঐখোয়গী অকোয়বদা লৈরি। মরম অদুনা ঐনা হৌজিক অসি ভারতকী মতমনি, মসি চপ চারবা মতমনি হায়রিবনি। ঐখোয়না মসিগী ‘অমৃত কাল’গী মিকুপ খুদিং শীজিন্নগদবনি অমসুং ঐখোয়না মিকুপ অমা ফাওবা মাঙহল্লোইদবনি।
মরুপশিং,
নিংতম্বগীদমক ঐখোয়না মতম শাংনা লান্থেংনখিবা অসিনা ঐখোয় খুদিংমক্কী ইথিল অমসু ওইরে। ঐখোয়না পান্দম অমগা লোয়ননা, থৱায় য়াওবা অমসুং খাংবা কনবগা লোয়ননা ফিল্দদা চঙবা মতমদা, নিংতম্বা হায়বসিনা অমতা ঙাইরবা পান্দমনি, ঐখোয়না মাইপাকখি। তাঙ্কক অসিগী মনুংদা, মসি সত্যগ্রাহগী খুৎথাংদা, য়াওলগী লম্বীদা,শ্বাদেসিগী মরমদা খঙহন্দুনা, নত্ত্রগা খুন্নাইগী অমসুং লাইরিক-লাইশুগী অওনবশিং পুরক্তুনা, হায়রিবা ময়াম অসি নিংতম ইহৌগী থৌনাগী হৌরকফম অমা ওইরকখি। মতম অসিদা বারানস হিন্দু য়ুনিভর্সিতি, লখনৌ য়ুনিভর্সিতি, বিশ্বা ভারতি, গুজরাত বিদ্যপিথ, নাগপুর য়ুনিভর্সিতি, অন্নামালাই য়ুনিভর্সিতি, অন্ধ্র য়ুনিভর্সিতি, কেরলা য়ুনিভর্সিতি অমসুং অতোপ্পা কয়ানা লৈবাক অসি মিকপ থোকহনবদা মতেং পাংখি। হায়রিবা মতম অসিদা হিরম খুদিংমক্তা নহারোলশিংগী মরক্তা নিংতম্বগী মতাংদা অনৌবা লৌশিং কয়া শন্দোকখি। নিংতম্বা ফংনবা মীরোল অমা পুন্না কৎথোকখি। লৈবাক অমদা লৈরিবা ৱাখল্লোন অদু নিংতম্বগী ওইগদবনি, অমসুং মসি হৌজিমক পাংথোক্কদবনি। কনাগুম্বা অমনা চকা অমা লৈরবদি, মদু নিংতম্বগী ওইগদবনি। কনাগুম্বা অমনা মপান লৈবাক্কী পোৎ-চৈশিং বোইকোত তৌরবদি, মদুসু নিংতম্বগী ওইগদবনি। কনাগুম্বা অমনা শৈরেং থিরিবদি, মদু নিংতম্বগী ওইগদবনি। কনাগুম্বা অমনা লাইরিক অমদা নত্ত্রগা পাউচেদা ইরবদি মদু নিংতম্বগী ওইগদবনি। কনাগুম্বা অমনা চেজায়শিং য়েন্থোক্লবদি, মদু নিংতম্বগী ওইগদবনি।
মসিগা চপ মান্ননা, লনাই মীওই খুদিংমক, মহৈলোয়শঙ খুদিংমক, লুপ খুদিংমক, ঐনা পাংথোক্লিবা থবক অসি ‘বিকসিত ভারত’ অমগীদমক্নি হায়না ৱাশকপগা লোয়ননা থবক তৌগদবনি। অদোমগী পান্দমসিং, অদোমগী ৱাশকশিং ‘বিকসিত ভারত’ খক্তগী পান্দম ওইগদবনি। য়ুনিভর্সিতি অমা ওইনা, লৈবাক অসিনা বিকসিত ভারত অমগী পান্দম ফংনবা অদোম্না করি মতেং পাংবা ঙমগনি হায়বদু খনবীয়ু। অদোমনা থবক তৌরিবা হিরম অদু ওইনিংবা অমা ওইজসনু, চাউখৎলবা লৈবাক অমা ওইহন্নবা করি কমদৌনা থবক পাংথোক্কনি হায়বদু খনবীয়ু।
মরুপশিং,
অদোমগী মহৈলোয়শঙশিং অদুনা হায়রিবা পান্দম অসি ফংনবা নহারোলশিংগী থৌনা চুম্না শীজিন্নগদবনি। অদোমগী মহৈলোয়শঙশিংদা লাক্লিবা নাহা খুদিংমক অখন্নবা গুন খর চেনবা ঙাক্তনি। মখোয়গী তোঙান-তোঙানবা ৱাখল্লোন লৈজরবসু ‘বিকসিত ভারত’ অমা শেমগৎনবা ইচেলদা মখোয় শম্নহনগদবনি। বিকসিত ভারত @2047 গী পান্দমদা মতেং পাংনবা ময়ামদগী তোখাইনা ৱাখল খনগদবনি, অদোমগী থবক পাংথোক-চাউথোক্কদবনি। অদোম্না অখন্নবা কেম্পেন হৌদোক্কদবনি, লৈবাক অসিগী কলেজ অমসুং য়ুনিভর্সিতি খুদিংগী নহারোলশিং কেম্পেন অসিদা হেন্না শরুক য়ানবা অদোম্না লুচিংগদবনি অমসুং অচম্বা লোলশিং শীজিন্নগদবনি। ঙসি MyGov তা বিকসিত ভারত @2047 হাংদোক্লে। মসি ‘বিকসিত ভারত’ অমগী পান্দমগা মরী লৈনবা অনৌবা ৱাখল্লোনশিংগী সেক্সন অমা য়াওরে। ‘আইদিয়া’ হায়বা ৱাহৈ অসি ‘আই’না হৌবগা লোয়ননা, লনাই মীওইশিংনা মখোয় মশামক করি তৌবা য়াবগে হায়বদু ফোঙদোকপা অনৌবা ৱাখল্লোনশিং সেক্সন অসিদা দরকার ওই। করিগুম্বা ঐখোয়না মাইপাকপা অমসুং পান্দমশিং ফংবা পাম্লবদি, মসি ঐখোয় ইশাগী ‘আই’না হৌগদবনি। মসিগী ওনলাইন আইদিয়াস পোর্তেল—MyGov প্লেতফোর্মদা তোঙান-তোঙানবা থিম মঙাদা পাউতাকশিং পীগদবনি। অফবা পাউতাক ১০ মনা পীনবা খুদোংচাবশিং লৈরি।
মরুপশিং,
ঐনা পাউতাকশিংগী মতাংদা হায়রিবা অসিদা, অতিয়া অসি অদোমগীদমক থোং লাউনা হাংদোক্লে। লমজিংদুনা অমসুং মাইকৈ তাক্তুনা, তুংদা লৈবাক অসিগী য়াংলেন শরু ওইগদবা মীরোলশিং অমা শেম্বা দরকার ওই। লৈবাক্কী য়াইনবা খনবা অমসুং লৈবাক্কী থৌদাং পাংথোকপা নহারোল ওইরিবা মীরোল অমা থৌরাং তৌবা ঐখোয়না দরকার ওই। লৈবাক অসিগী নহারোলশিং 24/7 মিকুপ-নাহুম শিংনা লৈনবা, নাগরিক অমা ওইনা ঐখোয়না হোৎনবা দরকার ওই। কেমেরা থমগেরা নত্ত্রগা থম্লোইরা ত্রাফিক শিঙ্গনেলশিং কান্থোক্তুনা চৎনবা খুন্নাই অসিদা ৱাখল তাহনবা অমা ঐখোয়না দরকার ওই। মীয়াম্না মতম চানা ওফিস য়ৌনবা অমসুং মখোয়গী থৌদাংশিং পাংথোক্নবা ফজনা থবক তৌনবা মীয়াম্না মথৌ মশক খঙবগী ৱাখল্লোন চেনগদবনি। মফম অসিদা পুথোকপা পোৎথোক খুদিংমক, মখোয়না ‘মেদ ই ইন্দিয়া’ থাবা উবদা মসি মগুন লৈবা পোৎনি হায়বগী চাউথোকচবা ফাওগদবনি।
লৈবাক অসিগী নাগরিক খুদিংমক্না মখোয়গী থৌদাংশিং মপুংফানা পাংথোকপা মতমদা, লৈবাক অসিসু চাউখৎকনি। হৌজিক মহৌশাদা ফংবা লন-থুমশিং শীজিন্নবগা মরী লৈনবা ৱাফমশিংগী খুদম অমা লৈরে। ঈশিং য়োকশিনবগী ৱাখল তাবা হেনগৎলক্লবা, ইলেক্ত্রিসিত লিক্না শীজিন্নবগী হৈনবী হেনগৎলক্লবা, মালেম ইমা পৃথিবী কন্নবা কেমিকেলশিং শীজিন্নবা হন্থরবা, পব্লিক ত্রান্সপোর্ত হেন্না শীজিন্নরবা, লৈবাক অমসুং হিরম খুদিংমক অফবা ওইগনি। অসিগুম্বা অফবা থবক কয়াগী খুদমশিং ঐনা পীরি।
মখোয়না কান্নবা য়াম্না পীবা অদুগা অপীকপা থবক কয়া লৈরি। লু-নানবগী খোঙজংদা অনৌবা থৌনা পীনবা অদোমগী পাউতাকশিং য়াম্না মরুওই। অনৌবা মতমগী পুন্সি মহিংগী মাংজবশিং নহারোলশিংনা কমদৌনা থেংনগনি হায়বগী অদোমগী পাউতাকশিং য়াম্না মরুওইগনি। মোবাইল ফোনশিংগী মথক্তা, ঐখোয়গী নহারোলশিংনা মপানগী তাইবংপাল মশক খঙগদবনি, মসি তশেংনা তঙাইফদবনি। ওজা অমা ওইনা, হৌজিক্কী অমসুং তুংগী মীরোলশিংগীদমক অদোম্না মখোয়গী অফবা ৱাখলশিং চেনহলগদবনি। অদোম অদোমগী মহৈরোয়শিংগী তমজনফম অমা ওইহনগদবনি। লৈবাক অসিগী নাগরিকশিংনা লৈবাক্কী য়াইফনবা খনবা মতমদা, মতম অদুদা ঐখোয়না চাউখৎলবা খুন্নাই অমা শেমগৎকনি। খুন্নাইনা ৱাখল খনবগী মওং অদুনা লৈবাক ঙাকপদা মমি তারে। করিগুম্বা ঐখোয়না লাইরিক লাইশুগী লমদা ৱারি শারবদি, মসিগা মরী লৈনবা সবজেক কয়া লৈরি। চহি ৩-৪গী কোর্স লোইরবা মতুংদা, ঐখোয়গী মহৈলোয়শঙশিংনা সর্তিফিকেতশিং অমসুং দিগ্রিশিং পীরি। মহৈরোয় খুদিংমক তঙাইফদবা স্কিল খর পীরোইদরা হায়না করিগী ঐখোয়না খন্নরোয়দৌরিবরা?
মরুপশিং,
বিকসিত ভারত অমা শেমগৎনবা অমৃত কাল অসিদা ঐখোয়না অকনবা মীৎয়েং চংবা ঐখোয়না পরিখাগী মতমশিংদা উবা ফংলে। মহৈরোয় খুদিংমক পান্দম অমদা থবক খুদিংমক হোৎনরি। পরিখাগী মতম লাকপদা, মসি লাউথোকপা মতমদা, ইমুং অদুগী পরিখাগী মতম লাকপগা চপ মান্ননা খনখি। মহৈরোয়শিং খক নত্তনা, ইমুং-মনুং হুপ্না হোৎনখি। ঐখোয় মীয়ামগীসু, পরিখাগী মতম লাউথোক্লে। ঐখোয় চহি ২৫গী অমৃত কালগী মতম অমা লৈরে। মসিগী অমৃত কাল অসিগীদমক ঐখোয় নুমিৎ চুপ্পা অমা থবক তৌগদবনি অমসুং বিকসিত ভারত অমগী পান্দমদা থবক তৌগদবনি। মসি ঐখোয় খুদিংমক্কী থৌদাংনি।
মরুপশিং,
ঙসিদি মালেমী মীওইশিং য়াংনা অহল ওইশিল্লক্লে অমসুং ভারতনা লৈবাক অসিগী নহারোলশিং থৌনা হাপ্লি। লাক্লিবা চহি ২৫-৩০ অসিদা থবক শুবা ঙম্বা চহি মতাংগী মীওই মশিং য়াম্না লৈবদা ভারতনা মাংজিল থারগনি। মরম অদুনা মালেম শীনবা থুংনা ভারতকী নহারোলশিংদা মীৎয়েং থম্লি। নহারোলশিং অহোংবা পুরক্নবগী এজেন্ত অমা ওইবতা নত্তনা মখোয়না অহোংবা পুরকপগী কান্নবা ফংবা মীওইশিংসু ওইরি। হায়রিবা নহারোলশিং অসিনা অনৌবা ইমুংশিং শেমগৎকনি অমসুং অনৌবা খুন্নাই শেমগনি। মসিগী ৱাখল্লোন অসিগা লোয়ননা, বিকসিত ভারত অমগী এক্সন প্নান্দা নহারোল খুদিংমক শরুক য়াহন্নবা সরকারনা পান্দম থম্লি। বিকসিত ভারতকী থৌশিল শেম্বদা লৈবাক অসিগী নহারোল খুদিংমক্কী খোল্লাউ শরুক য়াহনবা সরকার অসিনা পাম্লি।
মরুপশিং,
ঐখোয়না চাউখৎপগী লম্বী অমদা চৎপা দরকার ওই অমসুং মসি সরকার খক্তনা লেপকদবা নত্তে, লৈবাক অসিনা মসি শেমগনি। মসিদা নাগরিক খুদিংমক মহাক্কী লৈজবা পীগদবনি অমসুং থৱায় য়াওনা শরুক য়াগদবনি। ‘সবকা প্রায়াস’ হায়বদি মীওই খুদিংমক্কী হোৎনবা হায়বনি, মসি ৱাশক খুদিংমক থবক্তা ওন্থোক্নবগী লাইৱা অমনি। শ্বাছ ভারত অভিয়ান, দিজিতেল ইন্দিয়া কেম্পেন, কোবিদ-১৯ থেংনবা নত্ত্রগা ভোকেল ফোর লোকেলগী ৱাখল্লোন ওইগেরা, ঐখোয়না সবকা প্রায়সকী শক্তি উরে। সবকা প্রায়াসকী খুৎথাংদা বিকসিত ভারত অমা থবক ওইনা পাংথোকপা ঙমগনি। মসি লৈবাক্কী তুংগী ৱারি ইনবা অচৌবা কেম্পেন অমনি। অদোমগী পাউতাক খুদিংমক্না বিকসিত ভারত অমগী ফজবা হেনগৎহনগনি।
ঙসিগী ৱার্কশোপ অসিগীদমক ঐনা অমুক হন্না ঐগী য়াইফ-পাউজেল পীজরি। ঙসি হৌরিবা খোঙজং অসিনা ২০৪৭দা বিকসিত ভারত অমগীদমক ঐখোয় লমজিংবা হৌরে হায়না ঐনা চেৎনা থাজৈ। ঙসিদগী খোঙচৎ হৌরে, লমজিংবগী থবক ওজাশিং, মহৈরোয়শিং অমসুং মহৈলোয়শঙশিংগী খুৎতা লৈরে অমসুং মতম অসি লৈবাক অমসুং মসিগী নহারোলশিং শেমগৎনবা মতম অমনি। ঐনা ময়াম পুম্নমক য়াইফ-পাউজেল পীজরি। অদোম থাগৎচরি।
