হিন্দুস্থান উরবরাক অমসুং রসায়ন লিমিতেদ (হুরল) সিন্দরি ফর্তিলাইজর প্লান্ত মীয়ামদা কৎথোকখ্রে
ঝারখন্দা লুপা করোর ১৭,৬০০ হেনবগী তোঙান-তোঙানবা রেল প্রোজেকশিং উরেপ-উয়ুং তমখ্রে অমসুং লৈবাক মীয়ামদা কৎথোকখ্রেত্রেন অহুম হায়বদি-দিওঘর-দিব্রুগর ত্রেন সর্বিস, তাতানগর অমসুং বদামপাহারগী মরক্তা মেমু ত্রেন সর্বিস(নুমিৎ খুদিংগী) অমসুং সিবপুর স্তেসন্দগী লোং-হোল ফ্রেদ ত্রেন লমথাখ্রেচাত্রাদা নোর্থ করানপুরা সুপর থর্মেল পৱার প্রোজেক(এস তি পি পি)গী য়ুনিত ১(মেগাৱাত ৬৬০) লৈবাক মীয়ামদা কৎথোকখ্রেঝারখন্দা কোয়লাগী সেক্তরগা মরী লৈনবা প্রোজেকশিং লৈবাক মীয়ামদা কৎথোকখ্রে“প্লান্ত ৫ হিঙ্গৎহনবা অমসুং হিঙ্গৎহনগদৌরিবা অসিনা য়ুরিয়া মেত্রিক তন লাখ ৬০ পুথোক্তুনা মরুওইবা হিরম অসিদা ভরতনা অত্মানির্ভরতা ওইরক্লগনি”“ত্রাইবেল ফুরুপ, লায়রবা, নহারোল অমসুং নুপীশিং য়াইফনা হৌখিবা চহি ১০ অসিদা সরকারনা ঝারখন্দগীদমক থবক পায়খৎলে”“ভগবান বিরসা মুন্দ্রগী লমদম অসি বিকসিত ভারতকী ৱারেপশিংগী থৌনাগী হৌরকফম অমা ওইরগনি”শ্রী মোদীনা ঐচ.য়ু.আর.এল মোদেল য়েংখি অমসুং সিন্দরি প্লান্ত কন্ত্রোল রুম য়েংখি।ঝারখন্দগী ইকাই খুম্নরবা রাজ্যপাল, শ্রী সি.পি. রধাকৃষ্ণনজী, মুখ্য মন্ত্রী শ্রী চম্পাই সোরেনজী, ইকাই খুম্নরবা মন্ত্রী-মন্দলগী মরুপ অর্জুন মুন্দাজী, বিধান সভাগী বিরোধীগী লুচিংবা, অতৈ দিগনিতরীশিং অমসুং ঝারখন্দগী ইচিল-ইনাওশিং, জোহার! ঙসি ঝারখন্দনা লুপা করোর লিশিং 35 হেনবগী স্কিম কয়া ফংলে। ঐহাক্না ঐগী লৌমী ইচিল-ইনাওশিং, ত্রাইবেল ফুরুপকী মেম্বরশিং, অমসুং ঝারখন্দগী মীয়ামবু থৌশিলশিং অসিগীদমক নুংঙাইবা ফোঙদোকচরি।
মরুপশিং,
ঙসি ঐখোয়না সিনদরী ফর্তিলাইজর ফেক্তরী শঙ্গারি। সিনদরীদা ফর্তিলাইজর প্লান্ত হৌদোকপা অসি ঐগী ফিরেপনি অমসুং ঙসি মোদীগী গরেন্তী থুংহনখ্রে হায়না ফোঙদোকচবদা চাউথোকচবা পোকই। ঐহাক্না 2018দা প্লান্ত অসিগী উরেপ-উয়ুং তমখি, অমসুং হৌজিক সিনদরী ফেক্তরী মথৌ তৌবা হৌবতা নত্তনা ভারত অমসুং ঝারখন্দগী নহারোলগীদমক অনৌবা থবক্কী খুদোংচাবা লিশিং কয়াসু ফংহল্লি। ফর্তিলাইজর ফেক্তরী হৌদোকখিবগা লোয়ননা ভারতনা আত্ম-নির্ভর ওইনবা মাইকৈদা অচৌবা খোঙথাং অমা থাংজিল্লি। চহিগী ওইনা ভারতনা য়ুরিয়া মেত্রিক তন চাউরাক্না লাখ 360 মথৌ তাই। ঐখোয়গী সরকারনা 2014দা সরকার পাইবা মতমদা লৈবাক অসিনা য়ুরিয়া পুথোকপা অসি মেত্রিক তন লাখ 225 খক্তা ওইরমখি। অচৌবা অহোবা অসি মেনখৎনবা য়ুরিয়া চাউনা ইম্পোর্ত তৌবা তাখি। মরম অসিনা ঐখোয়না ভারতপু য়ুরিয়া পুথোকপদা আত্মনির্ভর ওইহন্নবা ৱাশকখি। ঐখোয়গী সরকারগী খোঙথাংশিংনা মরম ওইরগা য়ুরিয়া পুথোকপা অসি হৌখিবা দিকেদতা মেত্রিক তন লাখ 310দা হেনগৎলকখি।
হৌখিবা চহি 10দা ঐখোয়না রামাগুন্দম, গোরাখপুর অমসুং বরৌনিদা ফর্তিলাইজর প্লান্তশিং হিংগৎহনখি। ঙসি মসিগি লিস্ত অসিদা সিনরীসু য়াওররে। মথংগী চহি অমা মখাদা তকচর ফর্তিলাইজর প্লান্তসু মথৌ তৌরগনি। অমসুং ঐহাক্না থাজৈ মদুদি মসিবু শঙ্গাবা ঐহাক্না ফংজগনি। পুন্না প্লান্ত মঙা অসিনা ভারতপু য়ুরিয়া মেত্রিক তন লাখ 60 হেন্না পুথোকপা ঙমহনগনি, মসিনা মরু ওইবা মফমদা আত্মনির্ভর ওইনবা মাইকৈদা লৈবাকপু শাহৌ পীগনি। মাইপাকপা অসিনা ফোরেন একচেঞ্জ সেব তৌবতা নত্তনা লৌমীশিংগী কান্নবা মাইকৈদা ফন্দশিং চেনেল তৌরগনি।
মরুপশিং,
ঙসি ঝারখন্দদা রেলৱে সেক্তরদা অনৌবা চহিচা অমা হৌরি। অনৌবা রেলৱে লাইন শঙ্গাবা অমসুং হান্না লৈরিবা লাইনশিং দব্লিং তৌবা য়াওনা প্রোজেক্ত কয়ামরুম ঙসি হৌদোকখ্রে। ধানবাদ-চন্দ্রপুরা রেলৱে লাইন উরেপ-উয়ুং তম্বনা মফমশিং অসিদা অন্দরগ্রাউন্দ ফায়রশিংদগী শাফবা অনৌবা রুৎ ফংহল্লগনি। অহেনবা ওইনা দিওগর-দিব্রুগর ত্রেন হৌদোখিবনা বাবা বৈদ্যনাথ মন্দির অমসুং মাতা কামাখ্যাগী শক্তিপীথ শম্নহল্লিবা মরু ওইবা লিঙ্ক অমা লৈহল্লগনি। হন্দক্তা ঐহাক্না বারানসীদা বারানসী-কোলকাতা রাঞ্চি এক্সপ্রেসৱে শঙ্গাখি, মসিনা ছত্রা, হজারিবাগ, রামগর অমসুং বোকারো য়াওনা ঝারখন্দ শিনবা থুংবদা চৎথোক চৎশিনগী খোঙজেল চাউনা হেনগৎহল্লগনি। অহেনবা ওইনা, লৌউ-শিংউগী পোত্থপল, ঐখোয়গী গ্রেন রিজর্বশিংগী কোল নত্তরগা নোংপোক ভারত্তগী সিমেন্তগুম্বা পোত্থোকশিং লৈবাক শিনবা থুংবদা পুবা ওইরবসু ঐখোয়গী লৌমী ফুরুপকীদমক চাউনা খুদোংচাহল্লগনি। ইনফ্রাস্ত্রকচর শেমগৎপগী প্রোজেক্তশিং অসিনা রিজনেল কন্নেক্তিবিতী ফগৎহনবা খক্তা নত্তনা ঝারখন্দদা ইকনোমিক গ্রোথ লৈহল্লগনি।
মরুপশিং,
হৌখিবা দিকেদতা ঐখোয়না ঝারখন্দদা ত্রাইবেল ফুরুপশিং, লায়রবা, নহারোল, অমসুং নুপীশিং চাউখৎহনবদা মরু ওইবা মীৎয়েং চংখি।
মরুপশিং,
ঐখোয়না 2047গী মমাংদা ঐখোয়গী লৈবাক অসি চাউখৎপা ওইনবা পান্দম থম্মি। হৌজিক্কী ওইনা ভারতনা মালেমগী খ্বাইদগী খোঙজেল য়াংনা খুমাং চাউশিনবা ইকনোমীশিংগী মনুংদা অমা ওইরি, মসি ঙরাং ফোঙখিবা হন্দক্কী পুক্নীং থৌগৎনীংঙাই ওইবা মশিংশিংনা তাক্লি। পান্নরুবা পুম্নমক্তগী হেনগৎলক্তুনা ভারতনা ওক্তোবরদগী দিসেম্বর ক্বাতর ফাওবদা চাদা 8.4গী গ্রোথ রেৎ ফংবা ঙমখি। চাউখৎপা লৈবাক অমগী থাক য়ৌনবা ঝারখন্দগী চাউখৎ-থৌরাংদা শাহৌ পীবা মরু ওই। কেন্দ্র সরকারনা ঝারখন্দ চাউখৎহন্নবা মাগী মতেং পীনবা খোঙফম চেৎনা লেপ্পী। ঐনা চেৎনা থাজৈ মদুদি ভগৱান বিরসা মুন্দাগী লমদম আসিনা চাউখৎপা ভারতকী অনীংবা অপাম্বশিংদা শাহৌ পীরিবা পাৱরহাউস অমা ওইরক্কনি।
মরুপশিং,
ঐহাক্না থাগৎপা ফোঙদোক্ত্রিঙৈদা ঐহাক্কী ৱাখল্লোন তেনতক্না থমজরমগে। ঐহাক্না হৌজিক ধানবাদতা চৎকনি মফম অসিদা ঐহাক্না নুংশিবা, অখাং কনবা, অনীংবা অমসুং অচেৎপা ফিরেপশিংনা থনবা ৱাফমশিং থম্নবা এনভাইর্নমেন্ত অমা ওইরিবা অসিদা চৎতুনা ৱা ঙাংগনি। ঐহাক্না মথংগী পুংখাই অসিগী মনুংদা ধানবাদ য়ৌনবা হোৎনগনি। মফম অদুদা ঐহাক্না ঝারখন্দ আমসুং লৈবাক অসিগী মতাংদা ৱাফমশিং ফোঙদোকচগনি। প্রোজেক্তশিং অমসুং থৌশিলশিং অসিগীদমক মীপুম খুদিংমক্তা ঐহাক্না য়াইফ মঙ্গোল পীজরি। হন্না-হন্না থাগৎচরি। জোহার!
