লুপা করোর ১৮,১০০ হেনবগী তোঙান-তোঙানবা নেসনেল হায়ৱে প্রোজেকশিং শঙ্গাখ্রে অমসুং উরেপ-উয়ুং তমখ্রে
গঙ্গা তুরেল মথক্তা লেন তরুক্কী থোং অমা শানবা উরেপ-উয়ুং তমখ্রেবিহারদা রেলৱে প্রোজেক অহুম লৈবাক মীয়ামদা কৎথোকখ্রেনমামি গেঙ্গে প্রোজেক্কী মখাদা বিহারদা লুপা করোর ২,১৯০ চঙনা পায়খৎপা প্রোজেক ১২ প্রধান মন্ত্রীনা শঙ্গাখ্রেপাতনাদা য়ুনিতি মোল শানবা উরেপ-উয়ুং তমখ্রে“বিহারগী চাউথোকচনিংঙাই ওইরবা শ্রী কাপুরী থাকুরদা ভারত রত্ন পীবা অসি বিহার শীনবা থুংনা ইকায়খুম্নবা উৎপনি”“লৈবাক অসিগী লায়রবা, ত্রাইবেল, দলিত অমসুং তোল্লবা খুদিংমক্কী থৌনা হেনগৎহন্নবা ঐখোয়গী সরকারনা থবক পায়খৎলে”“বিহার চাউখৎহনবা, বিহারদা শান্তি, লো অমসুং ওর্দরগী মতুংইন্না লৈবাক ঙাকপা অমসুং বিহারগী ইচলশিং অমসুং ইচানুপীশিংদা হকশিং ফংহনবা হায়বসি- মসি মোদীগী গরেন্তিনি”বিহারগী রাজ্যপাল শ্রী রাজেন্দ্র ভি অরলেকার জি, বিহারগী চীফ মিনিস্তর শ্রী নিতিস কুমার জি, অমসুং মফম অসিদা লেংশিল্লিবা সেনিয়র লিদরশিং, ঐ মীওই খুদিংমক্কী মিং নিংশিংদ্রে, অদুবু ঙসিদি থায়নগী মরুপ কয়া উনরে অমসুং মফম অসিদা মশিং য়াম্না তিল্লিবা মীয়াম ঐনা হরাওবা ফোঙদোকচরি।
মালেমদা মমিং লৈরবা নুমিৎকী লাইশঙ, উমগেশ্বারি মাতা অমসুং দেব কুন্দগী লমদম অসিদা ঐখোয়না ইকায়খুম্নবা উৎচরি। মীওই খুদিংমক ইকায়খুম্নবা উৎচরি। মীওই খুদিংমক্তা ভাগবান ভাস্কারনা থৌজালবীবা ওইরসনু।
মরুপশিং,
ঔরাঙ্গবাদ অসি নিংতম লান্মী কয়াগী পোক্নফমনি। বিহার বিভুতি শ্রী অনুগ্রাহ নরায়ান য়াওনা নিংতম লান্মী কয়া অমসুং শক্নাইরবা মীওই কয়া পোকখিবা ঔরাঙ্গবাদকী লমদমদা ঙসি বিহারগী চাউখৎ-থৌরাংগী অনৌবা পন্দুব অমা ইরে। লম্বী অমসুং রেলগী সেক্তরশিং য়াওনা লুপা করোর ২১,৪০০ হেনবগী তোঙান-তোঙানবা চাউখৎ-থৌরাংগী প্রোজেকশিং ঙসি মীয়ামদা কৎথোকখিবা অমসুং উরেপ-উয়ুং তমখিবা অসিনা অনৌবা বিহারগী শক্তম অমা উরগনি। প্রোজেকশিংগী মনুংদা লম্বী, রেলগী ইনফ্রাস্ত্রকচর প্রোজেকশিং য়াওরি অমসুং অনৌবা বিহারগী অকনবা মমি অমা তারে।
মরুপশিং,
ঙসি অমাস-দারভঙ্গা লেন মরিগী কোরিদোর, দানাপুর-বিহাতা লেন মরিগী ইলেভেতেদ রোদ অমসুং পাতন রিং রোদকী সেরপুর-দিঘৱারা ফেজগী উরেপ-উয়ুং তমখ্রে। প্রোজেকশিং মতম চানা লোইশিনবা অমসুং মীয়ামদা কৎথোকপা হায়বসি হৌজিক পাল্লিবা সরকার অসিগী শক্তমনি। মসি মোদীগী গরেন্তিনি। নমামি গেঙ্গে প্রোজেক্কী মখাদা বিহারদা লুপা করোর ২,১৯০ চঙনা পায়খৎপা প্রোজেক ১২ শঙ্গাখিবা অমসুং অরা বাই পাস রেল লাইনগী উরেপ-উয়ুং তমখিবা অসি মোদীগী গরেন্তিনি। বিহারগী মীয়াম্না, মরুওইনা ঔরাঙ্গবাদকী মীয়াম্না বরানাসী-কোলকাতা এক্সপ্রেসৱে খৌরাংনা ঙাইদুনা লাক্লি, মসিনা য়ু.পি অমসুং কোলকাতাদা চৎপদা পুং খর খক চঙগনি। ঙসিগী প্রোজেকশিং অসিগীদমক বিহারগী মীয়ামদা ঐনা নুংঙাইবা ফোঙদোকচরি। চাউখৎপগী গঙ্গা বিহার ফাউদুনা চেল্লে।
মরুপশিং,
ঙসি বিহারদা লাকপা অসি অখন্নবা অমনি। নুমিৎ খরনিগী মমাঙদা, হন্দক সরকারনা ভারত রত্ন পীখ্রবা জন নয়ক কারপুরী থাকুরগী মফমদা ইকায়খুম্নবা উত্তুনা বিহারগী চাউথোকচনিংঙাই ওইরবা শ্রী কাপুরী থাকুরদা ভারত রত্ন পীখ্রে। মসি বিহার শীনবা থুংনা ইকায়খুম্নবা উৎপনি। অযোধ্যা ধামদা শ্রী রাম মন্দিরগী প্রান প্রতিস্থা পাংথোকখ্রে। অযোধ্যাদা রাম লালা লেংশিনখ্রে অমসুং মসি মাতা সিতাগী লমদমগী হরাওনবগী মচাক অমনি। বিহারগী মীয়াম্না হরাও-তয়াম্না প্রান প্রতিস্থা শরুক য়াখি। ঙসিগী থৌরম অসিদা শরুক য়ারিবা বিহারগী ইমাশিং অমসুং ইচলশিংগী মাইথোংদা হরাওবগী মমি অমা তাবা উরে। অদোমগী মাইথোংদা তারিবা হরাওবগী মমি অসিনা বিহার শগুন তৌনবা মঙ মঙলিবশিংগী মাইথোংদা কামশিল্লে।
মরুপশিং,
এন.দি.এগী শক্তি হেনগৎলকপদগী, বিহারদা শাগৈগী রাজনিতি ময়েং তাবা হৌরক্লে। মসি শাগৈগী রাজনিতিগী ফিবম অমনি। অচৌবা দলশিংগী লুচিংবশিং হন্দক বিহারদা লোক সভাগী মীখল থেংননবা থৌরাং তৌদ্রে। মীওই খুদিংমক চেল্লে হায়না ঐনা সংসদতা হায়খ্রে। হায়রিবা মীওইশিং অসিনা হৌজিক রাজ্য সভাগী সিতশিং থিবা হৌরে। মীয়াম্না মখোয় শৌগৎনবা থৌরাং তৌদ্রে। মসি অদোমগী থাজবা, অদোমগী হরাওবা, অদোমগী খাংবা কনবগী পাঙ্গলনি। মসিগী থাজবা অসিগীদমক বিহারগী মীয়াম থাগৎনবা মোদী মফম অসিদা লাকপনি।
মরুপশিং,
রাজ্য অসিদা দবল ইঞ্জিন সরকার অমুক হল্লকপদগী ঙসি বিহার হরাওবা অমসুং মশানা মশাবু থাজবনা পীক থল্লে। নোংমা খক্তদা পায়খৎলিবা চাউখৎ-থৌরাংগী প্রোজেকশিংগী পাক-চাউবা অসিনা দবল ইঞ্জিন সরকারগী মখাদা খোঙজেল হোংলকপগী খুদমনি। লম্বীগী প্রোজেকশিংনা পাতনা, নালান্দা, জাহানাবাদ, গয়া, ভাইসালি, সামাস্তিপুর অমসুং দরভঙ্গাগুম্বা সহরশিংগী শক্তম হোংহল্লগনি। মসিগা চপ মান্ননা লমকোয়বা মীওইশিংনা পাম্নরিবা বোধগয়া, বিষ্ণুপাদ, রাজগির, নালান্দা, ভাইসালি অমসুং পাবাপুরিগী শক্তমশিংশু হোংলগনি। নৌনা শেমগৎলিবা দরভঙ্গা এয়রপোর্ত অমসুং বিহাতা এয়রপোর্ত মসিগী লম্বীগী প্রোজেকশিং অসিগা শম্নরগনি। মসিনা মপানগী রাজ্যশিংদগী মীয়াম লাকপদা লাইহল্লগনি।
মরুপশিং,
মতম অমদা বিহারগী মীয়াম য়ুমদগী মপান থোকপা কিরমখি। মসি বিহারদা তুরিজমগী খুদোংচাবা য়াম্না লৈবা মতমনি। বিহারদা তুরিজম সেক্তরগী খুদোংচাবশিং লৈবগা লোয়ননা হৌজিক অনৌবা বন্দে ভারত অমসুং অমৃত ভারত ত্রেনশিং লমথারে অমসুং অমৃত ভারত স্তেসনশিং শেমগৎলে। ঙসিগী নহারোলশিং স্কিল দিবলপমেন্ত প্রোগ্রামশিংগী মখাদা ত্রেনিং পীরে। বিহারগী হেন্দিক্রাফশিং য়োকখৎনবা লুপা করোর ২০০ রোম চঙনা এক্তা মোল শানবা উরেপ-উয়ুং তম্লে। মসিনা রাজ্য অসিদা অনৌবা মাইকে অমা তাক্কনি অমসুং অফবা ৱাখল্লোন লৈহনগনি। ঐখোয়না বিহার অরিবা মতমশিংদা অমুক হন্না পুররোই। মসি গরেন্তিনি।
মরুপশিং,
বিহারগী লায়রবশিং মতেং পাংলবা মতমদা বিহার চাউখৎকনি। লৈবাক অসিগী লায়রবা, ত্রাইবেল, দলিত অমসুং তোল্লবা খুদিংমক্কী থৌনা হেনগৎহন্নবা ঐখোয়গী সরকারনা থবক পায়খৎলে। বেনিফিসরি করোর ৯ রোম পি.এম গরিব কলয়ান অন্ন য়োজনাগী কান্নবশিং ফংলে। বিহারদা নুপী করোর ১ উজৱালা গ্যাস কন্নেক্সনগী কান্নবা ফংলে। লৌমী লাখ ৯০ পি.এম কিষান সম্মান নিধিগী কান্নবা ফংদুনা মখোয়গী একাউন্তশিংদা লুপা করোর ২২,০০০ হাপচিনখ্রে। চহি ৫গী মমাঙদা য়ুমথোং চাদা ২ খক তোতি ঈশিং ফংলমখি, হৌজিক য়ুমথোং চাদা ৯০ তোতি ঈশিং ফংলে। বিহারদা অয়ুস্মান কার্দ পায়বা মীওই লাখ ৮০ লৈরে অমসুং নোর্থ কোয়াল রিজার্বর য়োজনা লোইশিন্দুনা বিহার অমসুং ঝারখন্দগী জিলা ৪দা লম হেক্তর লাখ ১দা ইথৈ পীরগনি।
মরুপশিং,
বিহার চাউখৎহনবা, বিহারদা শান্তি, লো অমসুং ওর্দরগী মতুংইন্না লৈবাক ঙাকপা অমসুং বিহারগী ইচলশিং অমসুং ইচানুপীশিংদা হকশিং ফংহনবা হায়বসি- মসি মোদীগী গরেন্তিনি। পীরিবা গরেন্তিশিং থবক ওইনা পাংথোক্নবা অমসুং সরকারগী অহুমশুবা তার্মদা বিকসিত ভারত অমা শেমগৎনবা মপুংফানা থাজবা থম্লি।
ময়াম পুম্নমক অমুক হন্না থাগৎচরি। ঙসি চাউখৎপগী কুহ্মৈনি, অদোমগী মোবাইলশিং লৌথোক্নবা অমসুং ফোনশিংগী ফ্লাসলাইতশিং থানবা ঐনা হায়জরি। মীওই খুদিংমক্কী মোবাইল শীজিন্নদুনা চাউখৎপগী কুহ্মৈ অসি হরাওবা ফোঙদোক্লসি। ঐগা লোয়ননা হায়মিন্নসি-
ভারত মাতা কি-জয় !
ভারত মাতা কি-জয় !
ভারত মাতা কি-জয় !
অদোম থাগৎচরি।
