Quoteপুরি অমসুং হাওরাগী মরক্তা ভন্দে ভারত এক্সপ্রেস লমথাখ্রে
Quoteওরিশাদা ১০০% ইলেক্ত্রিফিকেসন তৌরবা রেল নেৎৱার্ক কত্থোক্কনি
Quoteপুরি অমসুং কত্তক রেলৱে স্তেসনশিং নৌনা শেমগৎনবগী উরেপ-উয়ুং তমখ্রে
Quote“ভন্দে ভারত ত্রেন চেনবা খুদিং ভারতকী খোঙচৎ অমসুং খুমাং চাউশিনবা উবা ফংগনি”
Quote“ইন্দিয়ন রেলৱেনা মীপুম খুদিংমকপু অমত্তা ওইবগী লিপুন্না শম্নহল্লি অমসুং পুনশিল্লি”
Quote“চাউনা খুদোংচাদ্রবা মালেমগী ওইরিবা ফীভম অসিদসু ভারতনা মাগী চাউখৎ-খোঙচৎকী খোঙজেলদা অহোংবা লৈহনখিদে”
Quote“অনৌবা ভারতনা ইন্দিজিনস ওইনা তেক্নোলোজী পুথোক্লি অমসুং লৈবাক্কী কাচিন কোয়া খুদিংদা য়ৌহল্লি”
Quote“ওরিশা অসি রেল লাইনশিং চাদা ১০০ ইলেক্ত্রিফিকেসন তৌবা ঙমখিবা লৈবাক্কী রাজ্যশিংগী মনুংদা অমা ওইরি”
Quote“ইনফ্রাস্ত্রকচরনা মীয়ামগী পুন্সি নুংঙাইহনবা খক্তা নত্তনা খুন্নাইদসু শক্তি পীরি”
Quote“লৈবাক অসিনা ‘জন শেবা হি প্রভু সেশেবা’ – মীয়ামগী শেবা তৌবা অসি ঈশ্বরগী শেবা তৌবনি হায়বগী ৱাখল্লোনগা লোয়ননা মাংদা চংশিল্লি”
Quote“ভারত খোঙজেল য়াংনা চাউখৎহন্নবগীদমক রাজ্যশিং খল মান্ননা চাউখৎহনবা তঙাই ফদে”
Quote“ওরিশানা মহৌশাগী খুদোংথিবশিং মাইপাক্না থেংনবা ঙম্নবা কেন্দ্র

জয় জগন্নাথ!

ওরিসাগী রাজ্যপাল শ্রী গনেস লাল জি, চীফ মিনিস্তর ঐগী মরুপ নবিন পাতনাইক জি, মন্ত্রীমন্দলগী ঐগী মরুপ অশ্বিনি বৈষ্ণব জি, ধর্মেন্দ্র প্রধান জি, বিশ্বেশ্বর তুদু জি, শক্নাইরবা মীওই খুদিংমক, নোংচুপ বেঙ্গল অমসুং ওরিসাগী ঐগী ইচিন-ইনাওশিং অমসুং ইচল-ইচেশিং!

ঙসি ওরিসা অমসুং নোংচুপ বেঙ্গলগী মীয়াম বন্দে ভারত ত্রেন খুদোল ওইনা ফংলে। বন্দে ভারত ত্রেন অসি অনৌবা ভারত অমসুং চাউখৎপা পাম্বা ভারত অনিমক্কী খুদম অমনি। ঙসিদি, বন্দে ভারতনা মফম অমদগী মফম অমদা চেনবা মতমদা, মসিনা ভারতকী খোঙজেল অমসুং ভারতকী চাউখৎপা মশক তাক্লে।

হৌজিক বন্দে ভারতকী খোঙজেল অমসুং চাউখৎপা অসি বেঙ্গল অমসুং ওরিসাদা য়ৌরক্লগনি। মসিনা রেল তোংবগী নুংঙাইবা ফংহল্লগনি অমসুং চাউখৎপগী ৱাহন্থোক হোঙহল্লগনি। হৌজিক কোলকাতাদগী পুরি ফাওবা লাই খুরুম্বা চৎপা মতমদা, নত্ত্রগা পুরিদগী কোলকাতাদা থবক অমগী চৎপা মতমদা, শুপ্নগী পুং ৬:৩০ খক্তগী মতম চঙলগনি। মসিনা মতম চঙহল্লরোই, ললোন-ইতিক হেনগৎলগনি, নহারোলশিংগী অনৌবা খুদোংচাবা পীরগনি। মসিগীদমক ঐনা ওরিসা অমসুং নোংচুপ বেঙ্গলগী মীয়াম থাগৎপা ফোঙদোকচরি।

 

|

মরুপশিং,

কনাগুম্বা খরনা মহাক্কী ইমুং-মনুংগা লোয়ন্না অথাপ্পা মফম অমদা চৎপা পাম্লবদি, মখোয়না অহানবা ওইনা ত্রেন্দা চৎনবা খনগনি। ঙসিদি ওরিসাদা রেলৱেগী মরুওইবা থবক কয়া পায়খৎলে। পুরি অমসুং কত্তক রেলৱে স্তেসনশিং মতমগা চুনবা ম ওংদা অমুক হন্না শেমগৎনবা নত্ত্রগা ওরিসাদা রেলৱে লাইনশিং চাদা ১০০ ইলেক্ত্রিক পীনবা থবকশিং য়াওরে। হায়রিবা থবকশিং অসিগীদমক ঐনা ওরিসাগী মীয়াম থাগৎচরি।

মরুপশিং,

নিংতম্বগী অমৃত কালগী মতম অসি অপুনবা ভারত মপাঙ্গল কনখৎহন্নবা মতম্নি। হেন্না পুনশিনবা মতমদা, ভারতকী অপুনবগী শক্তি হেন্না মতোল লোমগনি। হায়রিবা বন্দে ভারত ত্রেনশিং অসি মসিগী ৱাখল্লোনগী মমি অমনি। অমৃত কাল অসিদা, বন্দে ভারত ত্রেনশিং চাউখৎপগী ইঞ্জিন অমা ওইরে অমসুং এক ভারত শ্রেস্থা ভারতকী ৱাখল্লোলসু য়োকখৎলি।

ভারত রেলৱেজনা মীওই খুদিংমক ফোর্মুলা অমদা পরেং ওইনা শম্নহল্লে। মসিগী থৌওং অসিগা চপ মান্নবা ফিবমদা বন্দে ভারত ত্রেনশু চঙশিল্লি। মসিগী বন্দে ভারত ত্রেন অসিনা বেঙ্গল অমসুং ওরিসা, হাওরা অমসুং পুরিগী মরক্তা কলচর অমসুং স্পিরিচুএলগী মরীশিং হন্না মপাঙ্গল কনখৎহনগনি। ঙসিদি অসিগুম্বা বন্দে ভারত ত্রেন ১৫ লৈবাক্কী তোঙান তোঙানবা রাজ্যশিংদা চেল্লে। হায়রিবা অনৌবা ত্রেনশিং অসিনা লৈবাক্কী শেন-থুমগী ফিবমশু ফগৎহল্লে।

মরুপশিং,

চহি কয়া, মালেমগী খ্বাইদগী খুদোংথিবা মতম মনুংদা, ভারতনা মসিগী চাউখৎপগী খোঙজেল লেংদনা থম্লক্লি। মসিগী মরুওইবা মরমদি রাজ্য খুদিংমক চাউখৎপা অসিদা শরুক য়াবদগীনি অমসুং রাজ্য খুদিংমক্কা লোয়ন্না লৈবাক অসি মাঙলোমদা চঙশিল্লি। অনৌবা তেক্নোলোজি অমা লাকপদা, নত্ত্রগা অনৌবা খুদোংচাবা অমা ফংবা মতমদা, দিল্লি নত্ত্রগা সহর খর খক্তদা মদু ফংবগী মতম অমা মমাঙদা লৈরমখি। ঙসিদি ভারত মসিগী অরিবা ৱাখল্লোন অসি থাদোক্লগা মাঙলোমদা চঙশিল্লে। ঙসিগী অনৌবা ভারতনা মশাগী তেক্নোলোজি পুথোকচরে অমসুং লৈবাক্কী কাচিন কোয়া খুদিংমক্তা অনৌবা খুদোংচাবশিং ফংহল্লে। বন্দে ভারত ত্রেসন অসিসু ভারত মশাগী মশাগী পুথোকচবনি। ঙসি ভারতনা মশাগী ওইবা ফাইব-জি তেক্নোলোজি পুথোকচরে অমসুং মসি লৈবাক্কী খ্বাইদগী মনুংহুঞ্জিনবা মফমশিংদা য়ৌহল্লে।

কোরোনাগুম্বা লাইচৎশিংগী লৈবাক অসিগী মশাগী ওইবা তিকাশিং পুথোক্তুনা ভারতনা মালেম অসি অঙকপা ফাওহনখ্রে। হায়রিবা খুদোংচাবশিং অসি সহর অমা নত্ত্রগা রাজ্য অমা খক্তদা ফংহনবা নত্তে, খোঙলৈ থুংনা মীওই খুদিংমক্তা ফংহল্লে। অৱাংদগী খা ফাওবা, নোংপোক্তগী নোংচুপ ফাওবা ঐখোয়গী বন্দে ভারত ত্রেনশিং হৌজিক লৈবাক্কী কাচিন-কোয়া খুদিংমক য়ৌরে।

 

|

মরুপশিং,

থৌশিল অসিগী কান্নবা ফংলবা মীওইশিং অসি চাউখৎপগী লমজেলদা লৈহৌরবা মীওই খুদিংমক্নি। হৌখিবা চহি ৮-৯দা ওরিসাদা রেলৱে প্রোজেকশিংগী বজেত শিংথাবা য়ানা হেনগৎলে। ২০১৪গী মমাঙদা চহি অমদা কিলোমিতর ২০ গী রেলৱে লাইনশিং শেমখি। অদুবু ২০২২-২৩দা চহি অমদা কিলোমিতর ১২০গী অনৌবা রেলৱে লাইনশিং শেমখি।

২০১৪গী মমাঙদা ওরিসাদা কিলোমিতর ২০গী মখাদা রেলৱে লাইনশিং দব্লিংগী থবক পাংথোকখি। হৌখিবা চহিদা কিলোমিতর ৩০০ রোমগী রেলৱে লাইনশিং দব্লিং তৌখ্রে। কিলোমিতর ৩০০ রোম শাংবা খোরধা-বোলাপুর প্রোজেক চহি কয়া পন্দুনা লৈবা ওরিসাগী মীয়াম্না খঙলে। ওরিসাগী মীয়াম্না চহি কয়া ঙাইদুনা লাক্লবা হরিদাসপুর-পারাদিপ অনৌবা রেলৱে লাইন, তিতলাগর-রাইপুর লাইন দব্লিং অমসুং ইলেক্ত্রিক ফংহনবগী থবক হৌজিক মপুংফানা লোইশিল্লে।

ঙসি, লৈবাক অসিদা রেল নেতৱার্ক মপুংফানা ইলেকত্রিক ফংহল্লবা রাজ্যশিংগী মনুংদা ওরিসা য়াওরে। নোংচুপ বেঙ্গলসু চাদা ১০০ ইলেক্ত্রিক ফংহন্নবা থবক পায়খৎলি। মসিনা ত্রেনশিংগী খোঙজেল হেনগৎহল্লে অমসুং ফ্রেদ ত্রেনশিংগী মতমসু হন্থহল্লে। মিনরেল রিছোর্স মরাং কাইনা ফংবা ওরিসাগুম্বা রাজ্যদা রেলৱে ইলেক্ত্রিক ফংহনবদা কান্নবা য়াম্না ফংগনি। মসিনা উদোগ চাউখৎপা য়াংখৎহনগনি অমসুং দিজল পোল্লুসন থোকপদগী কনবা ঙমগনি।

মরুপশিং,

ইনফ্রাস্ত্রকচরনা মীয়াম হিংবদা লাইহনবা খক নত্তনা, খু্ন্নাইদা শক্তি পী। ইনফ্রাস্ত্রকচর চাউখৎতবা মফমদা, মীয়ামগী চাউখৎপসু থিন্থৈ। ইনফ্রাস্ত্রকচর চাউখৎপা মফমদা, মীয়াম য়াংনা চাউখৎলি।

প্রধান মন্ত্রী সৌভাগ্যা য়োজনাগী মখাদা য়ুমথোং করোর ১.৫ হেনবদা ভারত সরকারনা লেম্না মৈ ফংহল্লে। মসিগী মনুংদা ওরিসাদা য়ুম লাখ ২৫ রোম য়াওরি অমসুং বেঙ্গলদা য়ুম লাখ ৭.৫ রোম য়াওরি। ঙসি ২১সুবা চহিচা অসি ফাওবদা লৈবাক অসিদা অঙাং মিল্লিয়ন ২.৫ হেন্না অমম্বদা লাইরিক পারি অমসুং অমম্বদা হিংলি। অসিগুম্বা মতমগী অনৌবা চৎথোক-চৎশিন অমসুং খুদোংচাবা খুদিংমক ফংদ্রবা ইমুংশিংদা ইলেক্ত্রিক ফংহল্লে।

 

|

মরুপশিং,

এয়রপোর্ত ৭৫ লৈরম্বদগী এয়রপোর্ত ১৫০দা হেনগৎলকপগী মতাংদা ঙসি ঐখোয়না ৱারি শানরি। মসি ভারতকী অচৌবা মাইপাকপা অমনি। ঙসিদি মীচম মীয়াম এরোপ্লেন্দা চৎথোক-চৎশিন তৌরে, মসি মতম অমদা মীওই অমগী খ্বাইদগী চাউবা মঙলান অমা ওইরমখি। মীচম মীয়াম কয়ানা মখোয়না এয়রপোর্ততা থেংনরকপশিংগী ফোতোশিং সোসিএল মেদিয়াদা সিয়ার তৌবা অদোম উরম্লগনি। মখোয়গী মচাশিংগা লোয়ন্না অহানবা ওইনা প্লেন অমা তোংবদা, মদুগী হরাওবা অদু চাংদম্নবা ঙম্লোই।

মরুপশিং,

ইনফ্রাস্ত্রকচরশিং শেমগৎনবা ঐখোয়না লুপা করোর লাখ ১০ কাইথোক্লে, মসিনা থবক লাখ কয়া ফংহল্লে। ঐখোয়না মফম অমা রেল অমসুং হায়ৱেশিংনা শম্নহনবা মতমদা, মসিনা চৎথোক-চৎশিন খুদোংচাহনবা খক নত্তনা, মসিনা লৌমীশিং অমসুং ওন্ত্রেপ্রেনিউয়রশিং অনৌবা কৈথেলশিংগা শম্নহল্লে, মসিনা লমকোয়বশিং লমকোয়ফমশিংগা শম্নহল্লে। মসিনা মহৈরোয়শিং মখোয়না পামজবা কলেজশিংগা শম্নহল্লে। মসিগী ৱাখল্লোন অসিদা ঙসি ভারতনা রেকোর্দ ওইনা অনৌবা ইনফ্রাস্ত্রকচরগী শেন থাদরি।

মরুপশিং,

ঙসি লৈবাক অসি মীয়ামগী সেবা তৌনবা নাৎকী ওইবা ৱাখল্লোন অমদা মাঙলোমদা চঙশিল্লি। চহিচা কয়া ঐখোয়গী লাইনিংনা মসিগী ৱাখল্লোন অসি য়োকখৎতুনা লাক্লি। পুরিগী জগন্নাথ লাইশঙ অসি মসিগী মফম অমনি। চহি চা কয়া লায়রবা মীওইশিং ভাগবান জগন্নাথকী মহাপ্রাসাদ ফংদুনা লাক্লি।

মসিগী ৱাখল্লোন অসিগা লোয়ন্না ঙসি লৈবাক অসিদা প্রধান মন্ত্রী গরিব কলয়ান য়োজনা পায়খৎতুনা মীওই করোর ৮০দা লেম্না চেং পীরি। অয়ুস্মান কার্দকী খুৎথাংদা লুপা লাখ ৫ ফাওবা লায়রবশিং লেম্না লায়য়েংনবা পীরে। প্রধান মন্ত্রী অৱাস য়োজনাগী মখাদা লায়রবা মীওই করোর কয়া মখোয়গী য়ুম শারে। উজ্জৱালাগী মখাদা য়ুম অমদা লেম্না এল.পি.জি ফংলে, জল জিবন মিসনগী মখাদা তোতি ঈশিং ফংলে।

মরুপশিং,

ভারত য়াংনা চাউখৎপা অমসুং ভারতকী রাজ্যশিং থোং মান্না চাউখৎপা অসি তঙাইফদে। লন-থুম ৱাৎপনা মরম ওইদুনা চাউখৎপগী লমজেলদা রাজ্য অমতা তুংদা লৈহৌদনবা ঙসি লৈবাক অসিনা থবক পায়খৎলে। মরম অদুনা ঙসিদি ১৫শুবা ফাইনান্স কম্মিসন্না ওরিসা অমসুং বেঙ্গল রাজ্যশিংগী য়াম্লবা বজেতকী শেনফমশিং হান্নগী হেন্না রিকমেন্দ তৌরে। মহৌশাগী লন-থুম কয়া মরাংকাইনা ফংলিবা ওরিসাগুম্বা রাজ্য অমা, মমাঙদা অরানবা থৌশিলশিংনা মরম ওইদুনা চাউখৎতনা লৈরমখি।

ঐখোয়না মাইনিং পোলিসি শেমদোক্লে। মসিনা ঙসিদি মিনরেল মরাংকাইনা ফংলিবা রাজ্যশিংগী শেন্থোক হেনগৎলে। জি.এস.তি চৎনরবা মতুংদশু, তেক্স রেভিনিউ শিংথাবা য়ানা হেনগৎলে। হায়রিবা ইনকম অসি ঙসিদি রাজ্য অসিগী লায়রবা মীয়ামগী য়াইফনবা থবকশিংদা শীজিন্নরে। ওরিসানা মহৌশাগী ওইবা খুদোংথিবশিং মাইপাক্না থেংনবা ঙম্নবা কেন্দ্র সরকারনসু মীৎয়েং চঙলে। দিজাস্তার মেনেজমেন্ত অমসুং এন.দি.আর.এফগীদমক কেন্দ্র সরকারনা ওরিসাদা লুপা করোর লিশিং ৮ হেন্না পীরে। মসিনা নোংলৈ-নুংশিৎ লাকপদা মীয়াম অমসুং লন-থুম কনবদা মতেং ওইরগনি।

মরুপশিং,

লাক্লিবা মতমদা ওরিসা, বেঙ্গল অমসুং লৈবাক পুম্নমক্কী চাউখৎপগী খোঙজেল য়াংখৎলক্কনি হায়না ঐনা থাজৈ। ভাগবান জগন্নাথ অমসুং ইমা কালিগী থৌজালনা, ঐখোয়না অনৌবা অমসুং চাউখৎলবা ভারত অমগী পান্দম শোইদনা য়ৌবা ঙমগনি। মসিগী পাউজেল অসিগা লোয়ন্না, মীয়াম পুম্নমক থাগৎচরি! অমুক হন্না হায়জরি জয় জগন্নাথ!

 

  • कृष्ण सिंह राजपुरोहित भाजपा विधान सभा गुड़ामा लानी November 21, 2024

    जय श्री राम 🚩 वन्दे मातरम् जय भाजपा विजय भाजपा
  • Devendra Kunwar October 08, 2024

    BJP
  • दिग्विजय सिंह राना September 20, 2024

    हर हर महादेव
  • JBL SRIVASTAVA May 27, 2024

    मोदी जी 400 पार
  • Vaishali Tangsale February 12, 2024

    🙏🏻🙏🏻🙏🏻
  • ज्योती चंद्रकांत मारकडे February 11, 2024

    जय हो
  • Gajendra Pratap Singh December 12, 2023

    BJP jindawad
  • Pinakin Gohil May 28, 2023

    pinakin Gohil Bachchan Bhavnagar Gujarat 08200929296 खुशबू है गुजरात कि
  • Navita Agarwal May 28, 2023

    BJP jindabad,we are together 😊
  • Venkaiahshetty Yadav May 26, 2023

    my dear mr priminister ur introduction vande bharath well appriciated nd recevied by people of our country,but one thing the price is not effordable by common man,where as even today majority rly passengers travelling in sleeper class,therefore vandebharath may not make any positive opinion,to gain possitive opinion among the crores of rly passengers accross the country pl loik into the cleanliness of toilets,all the passengers r suffering with baaad smell, water problems,cleanliness,we can say to use toilets is hell ,we use to travell accross the country every time every train the same problem.there fore i humbly requesting our honorable prime minister to look in to this,it make lot of possitive opinion on the governament.this is not todays problem this is there for the decades, i am posting with high respcts to our globally appriciated pm beloved narendra modi namo namo
Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
India's apparel exports clock double digit growth amid global headwinds

Media Coverage

India's apparel exports clock double digit growth amid global headwinds
NM on the go

Nm on the go

Always be the first to hear from the PM. Get the App Now!
...
Prime Minister highlights potential for bilateral technology cooperation in conversation with Elon Musk
April 18, 2025

The Prime Minister Shri Narendra Modi engaged in a constructive conversation today with Mr. Elon Musk, delving into a range of issues of mutual interest. The discussion revisited topics covered during their meeting in Washington DC earlier this year, underscoring the shared vision for technological advancement.

The Prime Minister highlighted the immense potential for collaboration between India and the United States in the domains of technology and innovation. He reaffirmed India's steadfast commitment to advancing partnerships in these areas.

He wrote in a post on X:

“Spoke to @elonmusk and talked about various issues, including the topics we covered during our meeting in Washington DC earlier this year. We discussed the immense potential for collaboration in the areas of technology and innovation. India remains committed to advancing our partnerships with the US in these domains.”