Lays foundation stone of 50 bedded ‘critical care blocks’ in 9 districts of Chattisgarh
Distributes 1 lakh Sickle Cell Counseling Cards“Today, every state and every area of the country is getting equal priority in development”“Entire world is not only witnessing but also heaping praise on the fast pace of modern development and the Indian model of social welfare”“Chhattisgarh is a powerhouse of development of the country”“Government’s resolve to protect the forests and land while also opening new avenues of prosperity through forest wealth”“We need to move forward with the resolve of ‘Sabka Saath, Sabka Vikas’”ছতিসগরগী উপ-মুখ্য মন্ত্রী, শ্রীমান তি.এস. সিংহদেবজী, কেন্দ্রগী মন্ত্রী মন্দলদা লৈরিবা ঐহাক্কী খোঙলোই, ইচল রেনুকা সিংহ, এম.পি., এম.এল.এ. অমসুং ঐহাক্কী ছতিসগরগী নুংশীরবা মীয়াম!
ছতিসগরনা ঙসিদি চাউখৎ থৌরাংগী মাইকৈদা অনৌবা খোঙথাং অমসু থাংজিল্লি। ছতিসগরনা ঙসি লুপা করোর 6400গী রেলগী প্রোজেক্ত কয়াগী খুদোল ফংলি। ছতিসগরগী ইনর্জী পুথোকপা ঙম্বগী মতিক হেনগৎহন্নবা, হেল্থকেয়র সেক্তরবু হেন্না ফগৎহন্নবগীদমক্তা ঙসিদি প্রোজেক্ত কয়া হৌদোক্লগনি। সিক্কল সেল কাউন্সেল্লিং কার্দসু ঙসি য়েন্থোকখ্রে।
মরুপশিং,
মোদর্ন দিভেলপমেন্তকী য়াঙলবা খোঙজেলগা লোয়ননা লাইরবগী য়াইফ য়ুম্বাল পুরকপগী অয়াঙবা খোঙজেল শাগোন্নরিবা ভারতকী মোদেলবু ঙসিদি মালেম পুম্বনা য়েংনরি, থাগৎনরি। অচৌবা লৈবাক কয়ানা G-20 সম্মিতকীদমক্তা লৈবাক্কী কোনুং দিল্লীদা লাকখিবা অদোম খুদিংনা উখ্রে। ভারতকী চাউখৎ থৌরাং অমসুং লাইরবগী য়াইফ য়ুম্বালগা মরী লৈননা ঐখোয়না পায়খৎপা খোঙথাংশিংনা মখোয়গী পুক্নিং শুমহৎখ্রবনি। ঙসিদি, মালেমগী চাউর-চাউরবা লুপা কয়ানা ভারত্তগী তমজবগী ৱারি শানরি। মসি করিগীনো হায়রবদি, ঐখোয়না চাউখৎ থৌরাংগী হীরম খুদিংদা লৈবাক্কী রাজ্য অমসুং মফম খুদিংদা চপ মান্নবা মিৎয়েং য়েংখিবা অদুননি। ঐখোয়না অমত্তা ওইনা পুন্দুনা লৈবাকপু তুংলমচত্তা পুগদবনি হায়না উপ-মুখ্য মন্ত্রীনসু হৌজিক্তা হায়বীখ্রে। ছতিসগর অমসুং রাইগরগী লমদম্না মসিগী খুদম্নি, প্রমান্নি। ঐহাক্না ঙসিগী চাউখৎ থৌরাংগী খোঙথাংশিং অসিগীদমক্তা পুম্নমকপু ইকায় খুম্নজরি।
ঐহাক্কী ইমুংগী মীওইশিং,
ছতিসগর অসিদি ঐখোয়গী লৈবাক্কী চাউখৎ থৌরাংগী পাৱরহাউস অমগুম্বনি। ইশাগী পাৱরহাউসনা মশাগী লৈজবী পাঙ্গলগা লোয়ননা থবক তৌরক্লবখক্তদা লৈবাক অসিনা তুংলমচত্তা চঙশিন্নীংবগী ইথিল ফংগদৌরিবনি। ৱাখল্লোন অসিগা লোয়ননা, ঐখোয়না মমাংগী চহি 9দা ছতিসগরগী অপুনবা চাউখৎ থৌরাংগীদমক্তা লেপ্তনা হোৎনদুনা লাকখি। মদুগুম্বা পান্দম অমসুং পোলিসীশিংনা মরম ওইদুনা ঙসিদি ঐখোয়না মদুগী মহৈ ঐখোয়গী মাঙদা উবা ফংলে। কেন্দ্র সরকারনা ছতিসগর রাজ্যদা অচৌবা স্কিম কয়া হীরম খুদিংদা পায়খৎলি অমসুং অনৌবা প্রোজেক্তকী উরেপ উয়ুং কয়াসু তমখ্রে। ঐহাক্না জুলাই থাদা প্রোজেক্ত কয়াগীদমক্তা রাইপুরদা লাকখিবদু অদোমসু নীংশিংলমগনি। খোঙচৎ অদুদা বিশাখকাপত্নমদগী রাইপুর ফাওবগী ইকোনোমিক কোরিদোর অমসুং রাইপুরদগী ধনবাদ ফাওবগী ইকোনোমিক কোরিদোর শেমগৎনবা প্রোজেক্তকী উরেপ উয়ুং তম্বগী খুদোংচাবা ফংখিবনি। মরু ওইবা নেস্নেল হাইৱে কয়া রাজ্যসিদা খুদোল তমখ্রে। ঙসিদি, ছতিসগরগী রেলৱে নেতৱর্ক্কী চাউখৎ থৌরাংদা অনৌবা তাঙ্কক অমা ইবা হৌরবনি। হেন্না ফগৎলবা রেল নেতৱর্ক অসিনা বিলাস্পুর-মুম্বাই রেল লাইনগী ঝর্সুগুদা বিলাস্পুর সেক্সন্দা য়াম্না চিল্লিবা অসিবু হন্থহল্লগনি। পাউদমখি। মান্নবা থৌওং অমা ওইনা, অতোপ্পা রেল লম্বী কয়াসু শাবা হৌরে অমসুং ছতিসগরগী ইন্দস্ত্রীগী চাউখৎহন্নবা রেল কোরিদোর কয়াসু শেম-শারি। থবক ময়াম অসি লোইশিল্লকপা মতমদা, লম্বীশিং অসিনা ছতিসগরগী মীয়ামদা খুদোংচাহনবগা লোয়ননা লমদম অসিদা থবক অমসুং শেল তানবগী অনৌবা খুদোংচাবা কয়াসু শেম্লগনি।
মরুপশিং,
কেন্দ্র সরকারনা ঙসি হোৎনরিবা কয়া অসিনা লৈবাক্কী পাৱরহাউস অমা ওইনা ছতিসগরগী মপাঙ্গলদা শরুক কয়া অমা হাপচিল্লে। কোয়লা থোকফমদগী পাৱর প্লান্ত ফাওবদা কোয়লা য়ৌহনবগী মতম অমসুং অচঙবা শেলসু য়াম্না হন্থরগনি। চীংশিনখি। অনেম্বা মমলদা ইলেক্ত্রিসিতী চাং খ্বাইদগী য়াম্না পুথোক্নবগীদমক্তা সরকারনা পিত হেদ থর্মেল পাৱর প্লান্ত শারি। তলাইপল্লি মাইন শম্নহনগদবা কিলোমীতর 65 শাংবা মেরী-গো-রাউন্দ প্রোজেক্ত অসিসু শঙ্গারে। লাক্কদৌরিবা তুংগী মতমশিংদা মসিগুম্বা প্রোজেক্তকী মশিং অসি লৈবাক অসিদা হেনগৎলকখিগনি অমসুং ছতিসগরগুম্বা রাজ্যনা তুংগী মতমশিংদা মসিগী কান্নবা খ্বাইদগী হেন্না ফংগনি।
ঐহাক্কী ইমুংগী মীওইশিং,
অমৃত কালগী মথংগী চহি 25কী মনুংদা ভারতপু চাউখৎপা লৈবাক অমা ওইহনগদবনি। চাউখৎ থৌরাংগী মাইকৈদা মীয়াম খুদিংনা চপ মান্ননা শরুক য়ামিন্নবা মতমদা পান্দম অসি শোইদনা ফংবা ঙমগদৌরিবনি। অকোয়বগী ফিভম ঙাক শেন্না-শেন্না লৈবাক্কী ইনর্জীগী তঙাই ফদবশিংশু ফংহন্নবা ঐখোয়না হোৎনগদবনি। মসিগুম্বা ৱাখল্লোনগী মখা পোন্না, সুরজপুর জিলাগী কোয়লাগী খোনীবু ঐখোয়না ইকো-তুরিজমগী মওং অমা ওইনা শেমগৎখিবনি। মসিগা মান্নবা ইকো-পার্ক অমসু কোর্ৱাদা শেমগৎপগী থবক চত্থরি। ঙসিদি, খোনীশিং অসিদগী থোক্লকপা ঈশিংবু মীওই লিশিং কয়াগী ইরিগেসন অমসুং থক্নবগীদমক্তা শিজিন্নহল্লি। মসিগী কান্নবদি, লমদমসিগী ত্রাইবেল মীওইনা হকথেংননা ফংগনি।
মরুপশিং,
উমংগী লমদমশিংবু ঙাক শেনবা অদুগা উমংগী পোত্থোক্কী খুত্থাংদগী য়াইফ য়ুম্বাল অমুক পুরকপা হায়বসি ঐখোয়গী সরকারগী পান্দম্নি। ঙসিদি, ত্রাইবেল নহারোল লাখ কয়া অমনা বনধন বিকাস য়োজনাগী কান্নবা ফংলি। হন্দক্কী চহিসিদা মালেম্না মিল্লেতকী চহি হায়না পালন তৌনরি। লাক্কদৌরিবা মতমশিংদা ঐখোয়গী শ্রী অন্না, ঐখোয়গী মিল্লেতকী অচৌবা কৈথেল অমা শেম্বা ঙম্লগনি হায়বগী মতাংদা অদোমসু অমুক্তা খন্থবীয়ু। মসিনা হায়বদি, লৈবাক্কী ত্রাইবেলগী চৎনবীনা অনৌবা শক্তাক অমা নাকল অমদা ফংলি, অদুগা অতোপ্পা নাকল অমদনা, চাউখৎপগী লম্বী অমসু মশা মথন্নতনা শেমজরক্লি হায়বনি।
ঐহাক্কী ইমুংগী মীওইশিং,
ঙসি, সিক্কল সেল এনেমিয়াগী কাউন্সেল্লিং কার্দসু মফমসিদা য়েন্থোকখ্রে, মসিদি ত্রাইবেল খুন্নাইগী ওইবা অচৌবা খোঙথাং অমনি। সিক্কল সেল এনেমিয়ানা ত্রাইবেল খুন্নাইগী মীওইশিংদা খ্বাইদগী চাউবা চৈথেং পীরি। ঐখোয়না অমত্তা ওইনা পুন্দুনা অমসুং মরী লৈনবা ই-পাউশিং মীয়ামদা য়ৌহন্দুনা লাইনা অসিবু লাকশিনবা ঙমগনি। ঐখোয়না ‘সবকা সাথ, সবকা বিকাস’কী ৱারেপকা লোয়ননা তুংলমচত্তা খোঙদাগদবনি। ছতিসগরগী চাউখৎ থৌরাংগীদমক্তা সরকারনা পায়খৎলিবা খোঙথাং খুদিংনা ছতিসগরবু চাউখৎপগী অনৌবা অমসুং অৱাংবা থাক্তা থমগনি হায়না ঐহাক্না থাজবা থম্মি। মসিগুম্বা থাজবা অসিগা লোয়ননা, ঐহাক্না পুম্নমকপু থম্মোই শেংনা থাগৎচরি। মথংগী থৌরমদা ঐহাক্না ৱাফম খরা কুপ্না তাকচগনি। ঙসিগী ওইনদি মতাং অসিদা লোইশিঞ্জরগে। পুম্নমকপু হন্না হন্না থাগৎচরি।
