চাউরাক্না লুপা করোর ৫৪৫০ চঙনা শেমগৎকদবা গুরুগ্রাম মেত্রো রেল প্রোজেক্তকী উরেপ উয়ুং তমখ্রে
চাউরাক্না লুপা করোর ১৬৫০ চঙনা শাগদবা এমস রেৱারীগী উরেপ উয়ুং তমখ্রেকুরুক্ষেত্রগী জ্যোতিসারদা ‘অনুভব কেন্দ্র’ এক্সপরেন্সিএল ম্যুজিয়ম শঙ্গাখ্রেরেলৱেগী তোঙান-তোঙানবা প্রোজেক্তশিংগী উরেপ উয়ুং তম্বগা লোয়ননা লৈবাক মীয়ামদসু খুৎশিন্নখ্রেরোহতাক-মেহম-হান্সী সেক্সনগী ত্রেন সর্ভিস লম্থাখ্রে“হরিয়ানাগী দবল ইঞ্জিন সরকারনা মালেমগী থাক্তা লৈবা ইনফ্রাস্ত্রকচর শানবা খোঙফম চেৎলি”“বিকশিৎ ভারত ওইহন্নবগীদমক্তা হরিয়ানা চাউখৎহনবা য়াম্না মথৌ তাই”“অনুভব কেন্দ্র জ্যোতিসারনা শ্রী কৃষ্ণনা ভগবদ গীতাদা তাক্লম্বা পাউতাকশিংবু মালেমদা খঙহনগনি”“হরিয়ানা সরকারনা ঈশিংগী মরী লৈনবা শিংনবা কয়া লোইশিন্নবা মশক থোকপা থবক কয়া পায়খৎখ্রে”“হরিয়ানা তেক্সতাইল অমসুং এপ্পারেল ইন্দস্ত্রীদা মশাগী চাউরবা মিং অমা থম্বা ঙম্লে”“হরিয়ানানা ইনভেস্তমেন্ত তৌবগী খ্বাইদগী মকোক থোংবা রাজ্য ওইরক্লি, অমসুং ইনভেস্তমেন্ত হেনগৎলকপা হায়বদি থবক্কী খুদোংচাবা হেনগৎলকপা হায়বনি”ভারত মাতাগী কি জয়,
ভারত মাতাগী কি জয়,
ভারত মাতাগী কি জয়,
রেৱারিদগী হরিয়ানা শীনবা থুংনা রাম-রাম ! ঐনা রেৱারিদা লাকপদা হৌখ্রবা থৌদোক কয়া অমুক নিংশিংহল্লে। রেৱারিগা ঐগী লৈনবা মরী অসি তোঙানবা অমনি। রেৱারিগী মীয়াম্না মোদী অসুক্কী মতিক নুংশি হায়বা ঐ খঙই। ঐগী মরুপ রাও ইন্দ্রজিৎ অমসুং চীফ মিনিস্তর মনোহর লাল জিনা হায়বগী মতুংইন্না, ২০২৩দা বি.জে.পিনা ঐ প্রধান মন্ত্রীগী কেন্দিদেদ ওইনা লাউথোকখি, ঐগী অহানবা থৌরম রেৱারিদা পাংথোকখি অমসুং ঐখোয় সিত ২৭২ হেন্না ফংখি। অদোম্না পীখিবা থৌজাল অদু মাইপাকখি। ঙসি ঐ অমুক হন্না রেৱারিদা লাক্লে, মসি অদোমগী থৌজালদগী, হন্দক এন.দি.এ সিত ৪০০ হেন্না ফংগনি।
মরুপশিং,
গনতন্ত্রগী সরকার অমদা সিতশিং অসি য়াম্না মরুওই। মীয়ামগী থৌজাল অসিগী ঐগী অচৌবা লন অমনি। ঙসি ভারতনা মালেমদা অনৌবা থাকশিংদা চাউখৎলক্লিবা অসি অদোমগী থৌজালদগীনি। লৈবাক অনিদা চৎলুরুবা মতুংদা ঙরাং নুমিদাং অথেংবদা ঐ ভারত্তা হল্লক্লে। ঙসি ভারতনা য়ু.এ.ই অমসুং কাতরদগী ফংখিবা ইকায়খুম্নবা অদু ভারতকী মীয়াম্না ফংবা ইকায়খুম্নবনি। ভারতনা মাইপাক্না জি-২০ মীফম পাংথোকখিবা অদু অদোমগী থৌজালদগীনি। অদোমগী থৌজালদগী ভারতকী মচু অহুমগী ফিরাল থাগী লৈমায়দা পাইহনখিবনি। চহি ১০দা, ভারত মালেমদা খ্বাইদগী চাউবা ইকোনোমিগী ১১শুবা মফমদা লৈরম্বদগী ৫শুবা মফমদা হাইগৎলক্লে। মসি অদোমগী থৌজালদগী ঙমখিবনি। ঐগী অহুমশুবা তার্মদা, অদোমগী থৌজালদগী লাক্লিবা চহিশিংদা ভারত মালেমদা ৩শুবা খ্বাইদগী চাউবা ইকোনোমি ওইবা ঙম্লগনি।
মরুপশিং,
বিকসিত ভারতকী বিকসি হরিয়ানা ওইহনবা য়াম্না মরুওই। অনৌবা লম্বীশিং শেমগৎলবা মতমদা হরিয়ানা চাউখৎলক্কনি। অনৌবা রেলৱে নেতৱার্ক লৈরবা মতমদা হরিয়ানা চাউখৎলক্কনি। অচৌবা অমসুং অফবা হোস্পিতালশিং লৈরবা মতমদা হরিয়ানা চাউখৎকনি। হরিয়ানদা লুপা করোর লিশিং ১০ রোমগী প্রোজেকশিং খুৎশিন্নবগী থৌরম খুদোংচাবা অমা ঙাইহাক্কী মমাংদা ঐনা ফংখ্রে। জয়তিসারদা কৃষ্ণ সর্কুইত স্কিমদা শেমগৎলিবশিংগী মনুংদা রেৱারি এ.আই.আই.এম.এস, গুরুগ্রাম মেত্রো, রেল লাইনশিং, অনৌবা ত্রেনশিং অমসুং অচৌবা মিউজম অমা য়াওরি। প্রভু রামগী থৌজালগা লোয়ননা হৌজিক অসিগুম্বা শেংলবা মফমশিংদা চৎপগী খুদোংচাবা ঐ ফংলে। মিউজম অসিদা ভাগবন কৃষ্ণগী গীতাগী পাউজেল অমসুং শেংলবা মফম অসিনা লৌখিবা থৌদাং মালেমদা খঙহনগনি। খুদোংচাবশিং অসিগীদমক ঐনা রেৱারি য়াওনা হরিয়ানা শীনবা থুংবগী মীয়ামদা নুংঙাইবা ফোঙদোকচরি।
ইনাওশিং অমসুং ইচলশিং,
মোদীগী গরেন্তিগী মতাংদা লৈবাক অসিদা অমসুং মালেমদা য়াম্না কন্না ৱারিনরে। রেৱারিদা অহানবা ওইনা মোদীগী গরেন্তি উরে। প্রধান মন্ত্রী ফমগী কেন্দিদেদ অমা ওইনা, লৈবাক মীয়ামদা ঐনা গরেন্তি খর পীরি। মালেমদা ভারতকী মিংচৎ হেনগৎহনবা লৈবাক অসিনা পাম্লি। মসি ঐখোয়না পাংথোক্লে। লৈবাক অসিগী মীয়াম্না অযোধ্যাদা রাম মন্দির শাবা পাম্মী। ঙসিদি লৈবাক শীনবা থুংনা অচৌবা রাম মন্দিরদা ভাগবন রাম লালা দর্শন তৌরে। অযোধ্যাদা রাম মন্দির শাবা পামখিদবা কংগ্রেসনা ঐখোয়গী ভাগবান রাম অসি ৱাখলনা শাগৎপনি হায়খি অমসুং হৌজিক জয় সিয়া রাম হায়বা হৌরক্লে।
মরুপশিং,
জম্মু অমসুং কাস্মিরদগী আর্তিকল ৩৭০ লৌথোক্নবা হোৎনবদা চহি কয়া কংগ্রেসনা অপনবা পীখি। জম্মু অমসুং কাস্মিরদগী আর্তিকল ৩৭০ লৌথোক্কনি হায়না ঐনা অদোমগী মফমদা থাজবা পীখি। ঙসিদি, কংগ্রেসনা কন্না হোৎনরবশু, পুৱারিগী লামায়দগী আর্তিকেল ৩৭০ মাঙখ্রে। ঙসি জম্মু অমসুং কাস্মিরদা নুপীশিং, দলিতশিং, তোল্লবশিং অমসুং ত্রাইবেলশিং মখোয়গী হকশিং ফংবা হৌরে। মরম অদুনা মীয়াম্না অতোপ্পা ৱারেপ অমা লৌখী অমসুং মীয়াম্না হায়খি ৩৭০ লৌথোকখিবা দল অমা, বি.জে.পিনা সিত ৩৭০ ফংগনি। বি.জে.পি খক্তনা ৩৭০ ফংবদা এন.দি.এ ৪০০ হেনগনি।
মরুপশিং,
ঐনা রেৱারিদা এক্স-সর্বিসমেন্দা ৱান রেঙ্ক ৱান পেন্সন চৎনহনগনি হায়বগী থাজবা পীখি। লুপা করোর ৫০০ খক উত্তুনা ৱান রেঙ্ক ৱান পেন্সন চৎনবগী মতাংদা কংগ্রেসনা মীয়ামদা ওইদবা ঙাংখি। অদোমগী থৌজালগা লোয়ননা রেৱারিদগী লৌখিবা ৱারেপ অদু ঐনা থবক ওইনা পাংথোক্লে। হৌজিক ফাওবদা, ৱান রেঙ্ক ৱান পেন্সনগী মখাদা, এক্স-সর্বিসমেন্না লুপা করোর লাখ ১ রোম ফংখ্রে। মসিগী অচৌবা বেনিফিসরিশিংদি হরিয়ানাগী এক্স-সর্বিসমেন্নি। রেৱারি মথন্তগী লান্মীগী ইমুংশিংনা লুপা করোর ৬০০ হেন্না ফংলে। রেৱারিগী ইমুংশিংনা ফংখিবা শেনফমদগী তাবা লুপা করোর ৫০০গী শেনফম অমা লৈবাক শীনবা থুংবগী এক্স-সর্বিসমেনগী বজেত অমা কংগ্রেসনা থমখি। মসিগুম্বা ওইদবা ঙাংবা অমসুং নমথাক তৌবা অসিদগী লৈবাক অসিনা কংগ্রেস য়াদবনি।
মরুপশিং,
মফম অসিদা এ.আই.আই.এম.এস অমা শানবা ঐনা হরিয়ানাগী ইমুংশিং অমসুং রেৱারগী মীয়ামদা থাজবা পীরি। ঙসি এ.আই.আই.এম.এস অমা শানবা উরেপ-উয়ুং তম্লে। মসি ঐখোয়না শঙ্গানগি। মসিদগী অদোম্না লায়য়েংবগী খুদোংচাবা ফংলগনি অমসুং নহারোলশিং দোক্তরশিং ওইরক্নবা খুদোংচাবশিং ফংলগনি। মসিনা মশানা মশাবু থবক পীজবা অমসুং থবক ফংনবগী খুদোংচাবা কয়া ফংলগনি। লৈবাক অসিগী ২২শুবা এ.আই.আই.এম.এস ৱেরারিদা শারগনি। হৌখিবা চহি ১০দা অনৌবা এ.আই.আই.এম.এস ১৫ শানবা অয়াবা পীখ্রে। নিংতম্বদগী ২০১৪ ফাওবদা লৈবাক অসিদা মেদিকেল কলেজ ৩৮০ শাখ্রে। হৌখিবা চহি ১০দা লৈবাক অসিদা অনৌবা মেদিকেল কলেজ ৩০০ হেন্না শাখ্রে। হরিয়ানাদশু জিলা খুদিংমক্তা মেদিকেল কলেজ অমমম শানবা থবক য়াংনা পায়খৎলি।
মরুপশিং,
লৈবাক মীয়ামগী থৌজালশিংগা লোয়ননা থবক ওইনা পাংথোকখ্রবা অসিগুম্বা থাজবা কয়া ঐনা মশিং থিবা ঙমগনি। অদুবু কংগ্রেসকী করি রেকোর্দ লৈবগে? কংগ্রেসকী রেকোর্দতি চহি কয়া লৈবাক অসিগী অপুনবা মীশিংগী তঙ্খায় অমা তঙাইফদবা দরকার ওইবশিং ফংহন্দনা লৈহনবা অদুনি। কংগ্রেসকী ত্রেক রেকোর্দতি লৈবাক অসিগী অমসুং লৈবাক্কী মীয়ামগী য়াইফনবদগী ইমুং অমা খক্তগী য়াইফনবা থবক তৌবা অদুনি। পুৱারিদা খ্বাইদগী চাউবা স্কামশিংগী কংগ্রেসকী রেকোর্দ লৈরি। কংগ্রেসকী রেকোর্দতি তেরোরিজম অমসুং সেপেরেতিজমনি। কংগ্রেসকী রেকোর্দতি আর্মি অমসুং লান্মীশিং মপাঙ্গল শোন্থহনবনি। কংগ্রেসকী কাংবু অমসুং লুচিংবশিং চপ মান্নৈ, ৱাখল্লোন চপ মান্নে অমসুং চপ মান্নবা ইমুং অমদা মখোয় থাজবা লৈবা মরম্না হায়রিবা থবকশিং অসি নিংশিংগদবনি। হুরানবা, শেঞ্জা-থুমজা অমসুং মাঙহনবগী থৌশিল অসি চপ মান্নৈ।
মরুপশিং,
সরকার পায়বা হায়বসি মখোয়গী পোকপদগী য়াওরক্লবা হকনি হায়না কংগ্রেসনা খল্লি। মরম অদুনা লায়রবা মচা অসিনা প্রধান মন্ত্রী ওইরকপদা, মহাক মীওই অমগী মতুংদা মীওই অমনা মহাক্কী মথক্তা মরাল শিখি। অদুবু ঐঙোন্দা ঈশ্বরগুম্লবা মীয়ামগী থৌজাল ফংলে। কংগ্রেসকী লৌতুনবা খুদিংমক্তা মীয়াম্না চুঙ্গোই ওইনা লেপ্লে। কংগ্রেসনা হেন্না মরাল শিরক্লিবমখৈ, মীয়াম্না হেন্না ঐগী থৌনা হাপ্লে অমসুং মখোয়গী থৌজাল ফংলে। হন্দকশু মাইকৈ খুদিংমক্তা কংগ্রেসনা ঐগী মথক্তা মরাল শীরক্লি। ঐগী লৈবাক্কী মীয়াম্না চুঙ্গোই ওইবা মতমদা, ইমাশিং অমসুং ইচলশিংনা চুঙ্গোই ওইবা মতমদা, ঐখোয়না লৈবাক অসিগী অৱাবশিং কোকহনগনি অমসুং লৈবাক অসি চাউখৎলক্কনি। ভারতকী মফম খুদিংমক্তা চৎলুবা মতমদা ঐ মীয়ামগী থৌজাল ফংলে। মরম অদুনা মীয়াম্না হায়রিবনি- এন.দি.এ সরকার সিত ৪০০ হেনগনি।
মরুপশিং,
কংগ্রেসকী হৌজিক ওইরিবা ফিবম য়েংসি। মখোয়গী লুচিংবশিংনা মখোয় মশাগী স্তার্দঅপ য়েংশিনবা ঙমদ্রে। হায়রিবা মীওইশিং অসিনা লৈবাক অসি লৌশিন্নবা মঙ মঙলি। অরিবা কংগ্রেস লুচিংবশিং দল অসি নোংম-নোংমগী থাদোরক্লি। দল অসিদা শরুক য়ানবা থৌরাং তৌরম্বশিং মখোয়দগী লাপ্না চেনখ্রে। কংগ্রেসনা সরকার পায়বা মতমদা ফাওবা, মখোয় মশাগী সরকারশিং ফাওবা শেন্নবা ঙমদে। ঙসিদি, হিমাচলগী মীয়ামদা তোলোব অমসুং পেন্সন পীবা ফাওবা ৱারে। কংগ্রেস সরকারনা কর্নাতকাদা চাউখৎ-থৌরাংগী থবক ফাওবা পায়খৎপা ঙমদ্রে।
মরুপশিং,
নাকল অমদা কংগ্রেসনা অরানবা লৈঙাক চৎথরি অমসুং অতোপ্পা অমদা বি.জে.পিগী অফবা লৈঙাক লৈরি। হৌখিবা চহি ১০দা রাজ্য অসিদা দবল ইঞ্জিন সরকার অমা লৈরে। মরম অদুনা মোদীনা লায়রবশিংগী পায়খৎপা স্কিম খুদিংমক, হরিয়ানাদা চাদা ১০০ পায়খৎলে। লৌউ-শিংউ অমসুং উদোগশিংগী লমদা হরিয়ানা মমাঙদা অমুক্তা ওইখিদ্রিবা মওংদা চাউখৎলে। চাউখৎপদা মনিংদা লৈরম্বা সাউথ হরিয়ানা ঙসিদি খোঙজেল য়াংনা চাউখৎলে। লম্বী, রেল নত্ত্রগা মেত্রোগী অচৌবা প্রোজেকশিং রাজ্য অসি ফাওদুনা চৎলে। দিল্লি-মুম্বাই এক্সপ্রেসৱেগী দিল্লি-দাউসা-লালসোতকী অহানবা ফেজ শঙ্গারে। লৈবাক অসিগী খ্বাইদগী শাংবা এক্সপ্রেসৱে হরিয়ানাগী গুরুগ্রাম,পালৱাল অমসুং নুহ জিলাশিং ফাউদুনা চৎলি।
মরুপশিং,
২০১৪গী মমাঙদা, চহি খুদিংগী হরিয়ানাদা রেলৱে শেমগৎনবা বজেৎ চাংচত্তা লুপা করোর ৩০০ ওইখি। চহি অসিগী বজেত্তা, হরিয়ানাদা রেলৱেগী বজেত চাউরাক্না লুপা করোর লিশিং ৩ ওইখি। হৌজিক লুপা করোর ৩০০ অমসুং লুপা করোর লিশিং ৩ উরে। মসিগী খেন্নবা অসি চহি ১০দা লাকখিবনি। রোহতাক-মেহাম-হান্সি, জিন্দ-সোনিপত অনৌবা রেলৱে লাইনশিং অমসুং অম্বলা কেন্ত-দাপ্পার দবল লাইন ওইহনবনা মীওই লাখ কয়া কান্নবা ফংলগনি। অসিগুম্বা খুদোংচাবশিং শেমগৎপা মতমদা, হিংবদা অমসুং ললোন-ইতিক পাংথোকপদা লাইহনগনি।
মরুপশিং,
লমদম অসিগী লৌমীশিং ঈশিংগী অৱাবা মায়োক্নরি। মসি কোকহন্নবা রাজ্য সরকারনা শিংথাবা য়াবা থবকশিং পায়খৎলে। ঙসিদি হরিয়ানাদা মালেমগী অচৌবা কম্পেনি চা কয়া থবক তৌরে। মসিদা নহারোল লিশিং কয়া থবক ফংলে।
মরুপশিং,
হরিয়ানা তেক্সতাইল অমসুং এপ্পারেল উদোগকী মমিং চৎলি। লৈবাক অসিগী মপান্দা থাদোক্লিবা কার্পেতশিংগী চাদা ৩৫ অমসুং লৈবাক অসিদা শাবা ফিরোলশিংগী চাদা ২০ হরিয়ানাদগীনি। ঐখোয়গী অপীকপা উদোগশিংনা হরিয়ানাগী তেক্সতাইল উদোগ চাউখৎহনবনি। ইয়োংগী পোৎথোকশিংগীদমক পানিপত, তেক্সতাইলগী পোৎথোকশিংগীদমক ফরিদবাদ, ফিরোলশিংগীদমক গুরুগ্রাম, তেক্নিকেল তেক্সতাইলশিংগীদমক সোনিপত অমসুং নন-ৱুভন তেক্সতাইলশিংগীদমক ভিৱানি মমিং চৎলি। হৌখিবা চহি ১০দা এম.এস.এম.ইশিং অমসুং অপীকপা উদোগশিংদা কেন্দ্র সরকারনা লুপা করোর লাখ কয়াগী শেন্থং পীখ্রে। মসিনা মরম ওইদুনা, অরিবা অপীকপা উদোগশিং অমসুং য়ুমগী উদোগশিং মপাঙ্গল কনখৎহল্লে অমসুং হরিয়ানাদা অনৌবা উদোগ লিশিং কয়া লিংখৎলে।
মরুপশিং,
রেৱারি অসি বিশ্বকর্মা মরুপশিংগী খুৎ-শা হৈবগী মমিং চৎলি। রেৱারীগী বিশ্বকর্মশিংগী ব্রাসকী থবক হৈবা অমসুং হেন্দিক্রাফতা হৈথোই শিংথোইবগী মতাংদা মীয়াম্না খঙনরি। অহানবা ওইনা ঐখোয়না শীনফম ১৮গা মরী লৈনবা মখোয়গুম্বা আর্তিসানশিংগী ওইনা পি.এম.-বিশ্বকর্মা য়োজনা হৌদোক্লে। লৈবাক্কী বেনেফিশরী লাক্ষ কয়ানা য়োজনা অসিগী শরুক ওইরি অমসুং ঐখোয়গী নাৎকী আর্তিসান অমসুং মখোয়গী ইমুংশিংগী পুন্সিদা অহোংবা পুরক্নবগীদমক্তা সরকারনা লুপা করোর ১৩,০০০ চাদিং তৌরি।
মরুপশিং,
মোদীগী গেরেন্তী অসিদি বেঙ্কতা গেরেন্তী পীবা ঙমদবা মীওইশিংগীদমক্তনি। অপীকপা লৌমীশিংদা পি.এম. কিসান সম্মান নিধী পীবা, লাইরবা, দলিত, শোত্থরবা অমসুং ও.বি.সি. খুন্নাইশিংদা কোলেতরেল য়াওদবা লোন পীবগী মুদ্র য়োজনা অমসুং স্ত্রীত ভেন্দরশিংগী পি.এম. স্বনিধী য়োজনা পীবগী থবকশিং পায়খৎলে। মোদীনা মুদ্রা য়োজনা হৌদোক্তুনা গরেন্তী য়াওদনা লোনশিং পীখি। ঐগী লৈবাক্কী মরুপ কয়া লম্বী নাকলদা পোৎ য়োন্দুনা ললোন-ইতিক পাংথোক্লি। মরুপশিং অসি চহি কয়া সহরশিংদা অসিগুম্বা থবকশিং তৌদুনা লাক্লি। মখোয়গী গরেন্তী অমতা লৈতে। পি.এম শ্বানিধি য়োজনাদা মোদীনা মখোয়গী গরেন্তী ওইরি।
মরুপশিং,
চহি ১০গী মমাঙদা খুঙ্গংশিংদা লৈরিবা ঐখোয়গী ইচলশিংগী ফিবম করি ওইম্ববগে? ইচল অয়াম্বা ঈশিং য়োকপা, চাক থোংবা অমসুং অতোপ্পা থবকশিং তৌদুনা মতম হৌখি। মোদীনা মখোয়গী য়ুমশিংদা লেম্না গ্যাস পীরে, তোতি ঈশিং তাহল্লে। ঙসিদি হরিয়ানাগী ঐগী ইচলশিং খুদোংচাবশিং ফংলে অমসুং মখোয়গী মতম মাঙদ্রে। মসি খক নত্তনা, ইচলশিং অহাংবা মতমশিং শীজিন্নদুনা অহেনবা শেন তানবা ঙম্নবা থবকশিং পায়খৎলে। হৌখিবা চহি ১০দা, ঐখোয়না লৈবাক অসিগী ইচল করোর ১০ সেল্ফ হেল্প গ্রুপশিংগা লোয়ননা থবক তৌহল্লে। মসিদা হরিয়ানাগী নুপী লাক্ষ কয়া য়াওরিবা। হায়রিবা সেল্ফ হেল্প গ্রুপশিং অসিদা লুপা করোর কয়াগী শেনফমগী তেংবাং পীখ্রে। হৌজিক ফাওবদা লৈবাক্কী নুপী করোর অমা হেনবনা লাক্ষপতি দিদি ওইনখ্রে অমসুং মখোয়গী মশিং অসিবু করোর ৩দা হেনগৎহন্নবা হন্দক্কী বজেৎকী থৌরাংশিং লৈরি। প্রধান মন্ত্রীনা নামো দ্রোন দিদি স্কিমগী মখাদা নুপী কাঙলুপশিংবু লৌ উবদা দ্রোন শিজিন্নবগী ত্রেনিং পীরি অমসুং মসিনা মখোয়গী চাগা তানবগী অহেনবা পাম্বৈ অমসু ওইরি।
মরুপশিং,
হরিয়ানা অসি নীংথিরবা খুদোংচাবা কয়াগী রাজ্যনি। চহি ১৮-২২ গী মনুংদা লৈবা হরিয়ানাগী খ্বাইদগী অহানবা ওইনা ভোত থাদগদৌরিবা মীওইশিংগী তুংগী য়াইফরবা মতম লৈরগনি। দবল ইঞ্জিন সরকার অসিনা হরিয়ানাবু চাউখৎপা রাজ্য অমা ওইহন্নবা অমসুং তেক্নোলোজী, তেক্সতাইল, তুরিজম নত্ত্রগা ত্রেদ ওইরো, সেক্তর খুদিংদা থবক্কী অহেনবা খুদোংচাবা লৈহন্নবা কন্না হোৎনরি। হরিয়ানানা ইনভেস্তমেন্ত তৌবগী অফবা রাজ্য ওইরক্লি অমসুং ইনভেস্তমেন্ত হেনগৎপা হায়বনা থবক্কী অনৌবা খুদোংচাবা কয়া লাকহনবনি। দবল ইঞ্জিন সরকারনা মখা তানা অদোমগী থৌজালশিং ফংবা অসি য়াম্না মরুওই। অদোমগী এ.আই.আই.এম.এস অমসুং লুপা করোর লিশিং কয়াগী প্রোজকশিংগীদমক ঐনা অমুক হন্না হরাওবা ফোঙদোকচরি। ঐগা লোয়ননা পুন্না লাউমিন্নসি-
ভারত মাতাগী কি জয়,
ভারত মাতাগী কি জয়,
ভারত মাতাগী কি জয়,
অদোম থাগৎচরি।
