QuoteLays foundation stone for Thane Borivali Twin Tunnel Project and Tunnel Work at Goregaon Mulund Link Road Project
QuoteLay foundation stone for Kalyan Yard Remodelling and Gati Shakti MultiModal Cargo Terminal at Navi Mumbai
QuoteDedicates to nation new platforms at Lokmanya Tilak Terminus and extension of platforms 10 and 11 at Chhatrapati Shivaji Maharaj Terminus Station
QuoteLaunches Mukhyamantri Yuva Karya Prashikshan Yojana with outlay of around Rs 5600 crores
Quote“Investors have enthusiastically welcomed the third term of the government”
Quote“I aim to use the power of Maharashtra to transform it into an economic powerhouse of the world; Make Mumbai the fintech capital of the world”
Quote“The people of the country want continuous rapid development and want to make India developed in the next 25 years”
Quote“Skill development and employment in large numbers is India’s need of the hour”
Quote“The development model of the NDA government has been to give priority to the deprived”
Quote“Maharashtra has propagated cultural, social and national consciousness in India”

D :মহারাস্ত্রগী গবর্নর শ্রী রামেশ বাইসজি, মুখ্য মন্ত্রী একনাথ শিন্দেজি, ঐগী কেন্দ্রগী কেবিনেত্তা লৈরিবা মরুপ মপাং পিয়ুশ গোয়ালজি, রামদাস অথাৱালেজি, দিপ্যুতী চীফ মিনিস্তর শ্রী দেবেন্দ্র ফদনাবিসজি, অজিত দাদা পাৱরজি, রাজ্য সরকারগী মন্ত্রীশিং মঙ্গল প্রভারতজি, দীপক কেসরকারজি, অতৈ শক্নাইরবা মীওইশিং, তিনবীরিবা ভাবোকশিং,

মহারাস্ত্রগী ইচীল ইনাও পুম্নমক্কী মফমদা য়াইফ পাউজেল পীজরি!

ঙসিদি মহারাস্ত্রা অমসুং মুম্বাইগী ওইনা লুপা করোর লিশিং ৩০ রোমগী প্রোজেক্তশিংগী উরেপ উয়ুং তম্বা অমসুং শঙ্গাবগী খুদোংচবা ফংজরে। প্রোজেক্তশিং অসিনা মুম্বাই অমসুং অকোইবদা লৈবা মরমশিং শম্নবগী চাং হেনগৎলগনি। লম্বী অমসুং রেল প্রোজেক্তশিংগী মথক্তা, মসিদা মহারাস্ত্রগী নহাশিংগী স্কিল হেনগৎনবা অচৌবা থৌশিল অমা য়াওরি। মসিনা মহারাস্ত্রদা মশীং য়াম্লবা থবকসু পীবা ঙম্লগনি। মসি অদোম্না পাউচেদা পারম্লগনি নৎত্রগা তিভিদা উবা ফংলম্লগনি। চয়োল অনি অহুমগী মমাংদা, কেন্দ্র সরকারনা মহারাস্ত্রগী ওইনা ভাদবন অয়াবা পীখ্রে। লুপা করোর লিশিং ৭৬কী প্রোজেক্ত অসিনা মফম অসিদা থবক লাখ ১০ হেন্না শেম্বা ঙম্লগনি।

 

|

মরুপশিং,

হৌখিবা থা অমরোম অসিদা, মুম্বাইদা ভারত অমসুং মপান লৈবাক্তগী ইনভেস্তরশিংনা হরাও তয়াম্বা ফোংদোকপা উবা ফংলম্লনি। অপীকপদগীনা অচৌবা ফাওবদা ইনভেস্তর খুদিংমক্না ঐখোয়গী লৈঙাক অসিগী অহুমশুবা তার্ম তরাম্না ওক্নখি। মীয়াম্না খঙনরে মদুদি এন.দি.এ. লৈঙাকখক্তনা তংদু লৈতানা লৈহনবা ঙম্মি। অহুমশুবা ওইনা ৱাশক লৌরবা মতুংদা, ঐহাক্না হায়খি মদুদি অহুমশুবা তার্ম অসিদা, এন.দি.এ. লৈঙাক্না হান্নদগী শরুক অহুম হেনগৎনা য়াঙনা থবক পায়খৎকনি। অমসুং ঙসিদি ঐখোয়না মসি উবা ফংলে।

মরুপশিং,

মহারাস্ত্রগী লংলবা পুৱারী লৈজৈ। মহারাস্ত্রনা ঙসিসু মপাঙ্গল লৈনা লৈরি অমসুং মহারাস্ত্রগী লংলবা তুংলমচৎ অমগী মঙলান লৈরি। মহারাস্ত্রা হায়বসি চাউখৎলবা ভারত অমা ওইহন্নবা হোৎনবদা অচৌবা থৌদাং লৌরিবা রাজ্য অমনি। মহারাস্ত্রদা ইন্দস্ত্রীগী শক্তি লৈ। মহারাস্ত্রদা লৌউশিংউগী শক্তি লৈ। মহারাস্ত্রদা ফাইনান্স সেক্তরগী শক্তি লৈ। হায়রিবা শক্তি অসিনা মুম্বাইবু লৈবাক অসিগী শেলথুমগী হব অমা ওইহল্লি। হৌজিক্তি ঐহাক্কী পান্দম অসি মহারাস্ত্রগী অসিগুম্বা শক্তি অসি শীজিন্নদুনা মহারাস্ত্রবু মালেমগী খ্বাইদগী চাউবা শেন্মিৎলোনগী পাৱরহাউস ওইহনবনি। ঐহাক্কী পান্দম অসি মহারাস্ত্রবু মালেমগী ফিন্তেক কেপিতেল ওইহনবনি। ঐহাক্না মহারাস্ত্রবু ভারতকী তুরিজমগী খ্বাই মকোক্তা লৈবা রাজ্য ওইহন্নিংই। মফম অসিদা চাউর-চাউরবা লানবন কয়া লৈ, মসিদা ছত্রপতি শিবাজি মহারাজগী থৌনা কয়াগী মমি লৈরি। মফম অসিদা কোঙ্কানগী শমুদ্র খোঙবানগী ফজরবা দৃশ লৈ। মফম অসিদা সাহ্যাদ্রি চীংশাংদা চৎপগী নুংঙাইবা লৈ। মফম অসিদা কনফরেন্স তুরিজম অমসুং মেদিকেল তুরিজমগী চাউরবা শক্তি লৈ। মহারাস্ত্রনা ভারত্তা চাউখৎপগী অনৌবা ৱারী অমা ইরগদৌরি। অমসুং ঐখোয় পুম্নমক্না পুন্না চৎমিন্নরিবা মীওইশিং ওইরি। ঙসিগী থৌরম অসি মহায়ুতি লৈঙাক অসিগী পান্দমশিং অসিদা কত্থোকচরি।

মরুপশিং,

২১শুবা চহি চাগী মঙলানশিং অসি মীকুপ অসিদদি অদুক্কী মতীক ৱাংখৎলক্লে। চহি চা অসিগী চহি ২৫ রোমদি হৌখ্রে। লৈবাক অসিগী মীয়াম্না লেপ্পা লৈতনা খোঙজেল য়াঙনা চাউখৎপা উবা পাম্লি, ভারতপু মথংগী চহি ২৫ দা চাউখৎপা লৈবাক অমা ওইবা পাম্মি। মসিদা মুম্বাই অমসুং মহারাস্ত্রগী থৌদাং অসি য়াম্না চাউই। মহারাস্ত্রা অমসুং মুম্বাইদা লৈরিবা মীপুম খুদিংমক্কী পুন্সিগী মগুন ফগৎহনবনা ঐখোয়গী পান্দম ওইরি। মরম অসিনা মুম্বাইগী অকোইবদা লৈবা মফমশিংদা চত্থোক চৎশিন ফগৎহন্নবা থৌরাং কয়া পায়খৎলি। মুমাবিদা কোস্তেল রোদ অমসুং অতল সেতু লোইশিনখ্রে। অমসুং অদোম্না নীংশিংলমগনি, অতল সেতু শেম্লিঙৈ মতমদা, মসিগী মাইয়োক্তা চীরোল কয়া অমা শন্দোক্নখি। মসিবু থীন্থনবগীদমক কয়ারক হন্না হোৎনখি। অদুবু ঙসিদি, মীপুম খুদিংমক্না মসিদগী কান্নবা কয়া অমা লৌনরে। মসিদা নোংমদা গারী লিশিং ২০ হেন্না চেল্লি হায়দুনা ঐঙোন্দা তম্বী। মসিমসু পানরি মদুদি অতল সেতুনা মরম ওইদুনা নোংমদা লুপা লাখ ২০-২৫গী থাউ তুংশিনবা ঙম্নরে। মসিতা নত্তনা, মীয়াম্না পনভেল চৎনবা হোৎনবদা মিনিত ৪৫ রোম হন্থরে। মসিনা মতম অমসুং অকোইবগী কান্নবা পীরে তাকলি। অসিগুম্বা খোঙথাং অসিগা লোইননা, ঐখোয়গী মুম্বাইগী চত্থোক চৎশিনগী পথাপতা মতম অসিগা চুনহনবা ঙম্লে। মুম্বাই মেত্রো পাকথোক চাউথোকপগী থবকশিং খোঙজেল য়াঙনা পায়খৎলি। চহি ১০গী মমাংদা, মুম্বাইদা কিলোমিতর ৮ লোমতমক্কী মেত্রো লাইন লৈরম্মি, অদুবু হৌজিক্তি মসি কিলোমিতর ৮০ য়ৌরে। মসিদা নত্তনা, মুম্বাইদা কিলোমিতর ২০০ রোমগী মেত্রো নেৎৱার্ক্কী থবক পায়খৎলি।

 

|

মরুপশিং,

ঙসি উরিবা ইন্দিয়ন রেলৱেগী অহোংবনা মুম্বাই অমসুং মহারাস্ত্রদা অদুক্কী মতীক কান্নবা পীরি। ছত্রপতি শিবাজি মহারাজ তর্মিনস, নাগপুর অমসুং অজনি স্তেসনশিং অসি খোঙজেল য়াঙনা খুমাং চাউশিল্লি। ঙসিদি, অনৌবা প্লেৎফোর্মশিংসু ছত্রপতি শিবাজি মহারাজ তর্মিনস অমসুং লোকমান্যা তিলক স্তেসন্দা শঙ্গারে। মসিনা কোচ ২৪ পানবা ত্রেনশিং হায়বদি অশাংবা ত্রেনশিং মফম অসিদগী চেনবা য়ারগনি।

মরুপশিং,

হৌখিবা চহি ১০ রোম অসিদা, মহারাস্ত্রগী নেসনেল হায়ৱেগী অশাংবসি শরুক অহুম হেনগৎলে। গোরেগাও-মুলুন্দ লিঙ্ক রোদ প্রোজেক্ত অসি চাউখৎপা অমসুং মহৌশাগী মরক্তা লৈনরিবা মরী অদুগী চাউরবা খুদম অমনি। ঙসিদি, থানেদগী বোরিবলি ফাওবগী ত্বীন তনেল প্রোজেক্তকী থবকসু হৌখ্রে। মসিনা থানে অমসুং বোরিবলি ফাওবগী অশাংবসি মিনিত খরদা তেনশিলহল্লগনি।ঐখোয়গী লাইনীং খোঙচৎ চৎফম শেমগৎপা অমসুং লাইনীং খোঙচৎ চৎফমশিংদা লৈরিবা খুদোংচাবশিং হেনগৎহনবা হায়বসি এন.দি.এ. লৈঙাক্কী হনবা লৈতনা হোৎনরিবা থবকশিংনি। ঐখোয় পুম্নমক্না খঙনরে মদুদি মীকুপ অসিদা ভক্ত লাখ কয়ানা পান্ধর্পুর ৱারীদা পুক্নিং লুপ্পগা লোইননা শরুক য়ারি। এন.দি.এ. লৈঙাক্না পুনেদগী পন্ধর্পুর ফাওবগী খোঙচৎ অসি অসি হেন্না নুংঙাইহন্নাব অমসুং ভক্তশিংদা খুদোংচাবশিং ফংহন্নবা হোৎনরি। সান্ত ন্যাএশ্বর পালখিগী কিলোমিতর ২০০গী লম্বী অসিসু লোইশিল্লে, স্নত তুকরম পালখিগী কিলোমিতর ১১০ শাংবা লম্বীসু লোইরে। হায়রিবা লম্বী অনি অসি লাই খুরম্বা চৎলিবশিংনা শীজিন্নবা য়ারগনি। ঐহাক্না লাই খুরম্বা চৎলিবা মীওই খুদিংমক্তা পুক্নিং শেংনা য়াইফ পাউজেল পীজরি অমসুং পন্ধারিগী ভিথুরয়াদা ইকোক নোঞ্জরি।

ইচিল ইনাওশিং,

অসিগুম্বা লম্বী থোংগী ইনফ্রাস্ত্রকচর, তুরিজম, লৌউশিংউ অমসুং ইদস্ত্রীগা লোইননা মীপুম খুদিংমক্না কান্নবা ফংলি। মসিনা অনৌবা থবক্কী খুদোংচাবশিং পীরি। লম্বী থোংনা ফরবদি নুপীশিংসু কোমজরে, সেক্যুরিতী ফংলে অমসুং ইকাইখুম্নবা ফংলে। হায়বদি, অসিগুম্বা এন.দি.এ. লৈঙাক্কী থবকশিং অসিনা লাইরবা, লৌমী, নুপীগী শক্তি অমসুং নহাগী শক্তিশিংদা অহেনবা শক্তি হাপ্লি। মহারাস্ত্রগী মহায়ুতি লৈঙাক্না অসিগুম্বা ফিরেপ অসিগা লোইননা হোৎনরি। মহারাস্ত্রা লৈঙাক্না চহি খুদিংগী নহা লাখ ১০দা স্কিল ত্রেনিং পীনবা হোৎনরিবসিদা অদুক্কী মতীক নুংঙাইবা ফাওজৈ। ত্রেনিংগী মনুংদা চীফ মিনিস্তর য়ুব কার্য় প্রশিক্সন য়োজনাগী মখাদা স্কোলারশিপসু পীরি।

 

|

মরুপশিং,

ভারত্তা স্কিল দিবেলপমেন্ত অমসুং থবক মশীং য়াম্না পীবা হায়বসিনা ঐখোয়গীদি য়াম্না তঙাইফদবা অমা ওইরি। ঐখোয়গী লৈঙাক অসিনা লেপ্পা লৈতনা মায়কৈ অসিদা চঙশিল্লি। হৌখিবা চহি ৪-৫ অসিদা, কোরোনাগুম্বা অচৌবা লাংফম অমা থেংনজরবসু, ভারত্তা চাউনা থবক পীখি। হন্দক্তসু, আর.বি.আই.না থবক্কী মতাংদা শুগাইনা য়াওরবা রিপোর্ত অমা ফোংখি। রিপোর্ত অসিগী মতুং ইন্না, অনৌবা থবক করোর ৮ লোম লৈবাক অসিদা হৌখিবা চহি ৩-৪ রোম অসিদা শেমখ্রে। অসিগুম্বা মশীং অসিনা থবক্কী মতাংদা লান্না শন্দোক্লম্বা মীওই কয়াগী তুম্মিন্না লৈহনখ্রে। অসিগুম্বা অরানবা ৱাফম শন্দোক্লিবা মীওইশিং অসি ইনভেস্তমেন্তকী য়েক্নবনি, ইনফ্রাস্ত্রকচর অমসুং ভারতকী চাউখৎপগী য়েক্নবনি। মখোয়গী থৌশিল খুদিংমক্না নহাশিংবু লান্না লমজিংই অমসুং থবক থিংজিল্লি। অমসুং হৌজিক্তি মখোয়গী অরানবা ৱাফমশিং অদু ফোঙদোক্লে। ভারতকী অশিংবা মীওইশিংনা মখোয়গী অরানবা ৱাফম খুদিংমক লৌবীদ্রি। থোং অমা, রেলৱে ত্রেক লম্বী, লোকেল ত্রেনগী কোচ অমহেক শাবগা কনাগুম্বা অমা নৎত্রগা অতোপ্পা অমা থবক ফংলিবনি। ভারত্তা ইনফ্রাস্ত্রকচর শেমগৎপগী থবক্না হেনগৎলকপগা লোইননা, থবক পীবগী চাংসু হেনগৎলি। লাক্কদবা মতমশিং অসিদা, অনৌবা ইনভেস্তমেন্ত কয়াগা লোইননা, হায়রিবা খুদোংচাবশিং অসি হেনগৎলকখিগনি।

মরুপশিং,

এন.দি.এ. লৈঙাক্কী চাউখৎপগী মোদেল অসিনা লৈজদ্রবশিংদা অহেনবা মীৎয়েং থম্লি। ঐখোয়না চহি তরারোম অসিদা অরোইবা পরেংদা লৈরিবশিংদা অহানবা খুদোংচাবা পীরি। অনৌবা লৈঙাক অমনা ৱাশক হেক লৌবগা, ঐখোয়না লাইরবা অমসুং লৌমীশিংগী পক্কাগী য়ুমগা মরী লৈনবা ৱারেপ অচৌবা কয়া লৌরি। হৌজিক ফাওবদা, লাইরবা মীওই করোর ৪না পক্কাগী য়ুম ফংজরে। লাক্কবা চহিশিং অসিদা, লাইরবা ইমুং করোর ৩না মশাগী য়ুম ফংজরগনি। মসিদা মহারাস্ত্রগী লাইরবা, দলিত, বেকৱার্দ অমসুং ত্রাইবেল ইমুং লাখ কয়া য়াওরি। অফবা য়ুম অমা হায়বসি ইমুং খুদিংমক্কী তঙাইফদবা অমা ওইবদা নত্তনা মসি মখোয়গী ইজৎকী ৱাফম অমসুনি। মরম অসিনা, ঐখোয়না শহরদা লৈরিবা লাইরবা অমসুং মিদল ক্লাসকী ইমুংশিংগীদমক য়ুম অমগী মঙলান মঙফাওনহন্নবগীদমক হোৎনরি।

মরুপশিং,

ঐখোয়গী লম্বীদা পোৎ য়োল্লিবশিং অসিনা ইকাইখুম্নবীবা পুন্সি মহিং অমা ফংহনবা হায়বসি ঐখোয়গী ফিরেপনি। স্বানিধি স্কিম্না মসিগী হীরম অসিদা হেন্না কান্নবা পীরি। হৌজিক ফাওবদা, লোন লাখ ৯০ হেন্না থৌশিল অসিগী মখাদা পীখ্রে। মসিগী মনুংদা, লোন লাখ ১৩ হেন্না মহারাস্ত্রগী মরুপশিংদা পীখ্রে। মুম্বাইদসু, স্বানিধি থৌশিলগী মখাদা লম্বীদা পোৎ য়োল্লিবা মীওই লাখ ১.৫ না কান্নবা ফংখ্রে। স্বানিধিনা বেঙ্কশিংদগী ফংলিবা মতেং অসিনা মখোয়গী করবারদা পাঙ্গল হাপ্লি। অমসুং নৈনবা অমনা হায়রি মদুদি স্বানিধিগা মরী লৈনবা মীওইশিংগী চাগা অসি লিশিং ২ হেন্না হেনগৎপা ঙম্লে, মসিনা তাক্লিবদি, মখোয়গী চাগা অসি চহি অমদা লুপা লিশিং ২০-২৫ ফাওবা হেনগৎহনবা ঙম্লে।

 

|

মরুপশিং,

ঐহাক্না স্বানিধি থৌশিলগী অহেনবা মচাক অমগা পঞ্জরমগে। ঐহাক্কী লম্বীদা পোৎ য়োল্লিবা থৌশিল অসিগী মখাদা লোন লৌরিবা ইচীল ইনাওশিংনা অপুনবা লোনশিং পুকচেল শেংনা শিংগৎলি। অমসুং মসি ঐহাক্কী লাইরবশিংগী মশানা মশাদা ইকাইখুম্নজবা হায়বদুনি, মসিনা ঐহাক্কী লাইরবা ঈচিল ইনাওশিংগী শক্তি হায়বদুনি। অমসুং অদোম্না স্বানিধিগী খুদোংচাবা ফংলিবশিংনা হৌজিক ফাওবদা লুপা করোর লাখ ৩.২৫কী দিজিতেল ত্রাঞ্জেক্সন তৌখ্রে হায়বসি তাবদা অঙকপা ফাওরমগনি। মসিনা হায়রিবসি, মখোয়সু দিজিতেল ইন্দিয়াবু মখোয়গী থবক্কা লোইননা মপাঙ্গল কলহল্লি, ভারতপু অনৌবা মশক অমা তাক্লি।

মরুপশিং,

মহারাস্ত্রনা নাত, খুনাই অমসুং জাতি নুংশিবগী ইনোৎ কয়াসু ভারত্তা শন্দোক্লি। ছত্রপতি শিবাজি মহারাজ, বাবাসাহেব অম্বেদকর, মহাত্মা জ্যোতিবা ফুলে, সাবিত্রি ফুলে, অন্নভৌ সাথে, লোকমান্যা তিলক, ভীর সভারকর, অসিগুম্বা অফাওবা মচাশিংগী অফাওবা ৱারী কয়া লম অসিদা লৈরি। ঐখোয়না অসিগুম্বা নুংঙাই য়াইফনা হিংবা খুন্নাই অমগী মায়কৈদা চঙশিল্লি অমসুং মহারাস্ত্রগী ফাওরবা মচাশিং অদুনা মঙজরম্বা শক্তি লৈরবা লৈবাক অমগী মায়কৈদা চঙশিল্লি। ঐখোয়না নীংশিংগদবনি মদুদি খুমাং চাউশিনবগী লম্বী অসি নুংঙাই য়াইফবা অমসুং ইকাইখুম্নবগী মখা পোল্লি। অসিগুম্বা ইনোৎ অসিগা লোইননা, অমুক্কা হন্না, অসিগুম্বা চাউখৎ খোংথাংগী থবকশিং অসিগীদমক ময়াম পুম্নমক্কা লোইননা হরাও তয়াম্বা ফোংদোকচরি। থাগৎচরি!

 

ভারত মাতা কী জয়!

ভারত মাতা কী জয়!

ভারত মাতা কী জয়!

পুম্নমকপু থাগৎচরি।

 

  • कृष्ण सिंह राजपुरोहित भाजपा विधान सभा गुड़ामा लानी November 21, 2024

    जय श्री राम 🚩 वन्दे मातरम् जय भाजपा विजय भाजपा
  • Devendra Kunwar October 19, 2024

    BJP
  • रीना चौरसिया October 11, 2024

    राम
  • Deepak Kumar Mahani October 06, 2024

    Dear Modi Ji, You are the best leader of INDIA, But you missing 1 thing, we all are wants total free health and education. Please Modi Ji, This is the voice of all Indians.
  • Amrita Singh September 26, 2024

    हर हर महादेव
  • Rajesh Varma September 24, 2024

    pf jesi daketi yojna late kaha se ho
  • Rajesh Varma September 24, 2024

    jay sree ram
  • Rajesh Varma September 24, 2024

    modi ji mera pf ka paisa dilba dijiye nahi to pf ke nam pe dhoka dhari band kar dijiye garibo ki hay mat lijiye
  • Vivek Kumar Gupta September 23, 2024

    नमो ..🙏🙏🙏🙏🙏
  • Vivek Kumar Gupta September 23, 2024

    नमो .....................................🙏🙏🙏🙏🙏
Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
Economic Survey: India leads in mobile data consumption/sub, offers world’s most affordable data rates

Media Coverage

Economic Survey: India leads in mobile data consumption/sub, offers world’s most affordable data rates
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 1 ফেব্রুৱারি, 2025
February 01, 2025

Budget 2025-26 Viksit Bharat’s Foundation Stone: Inclusive, Innovative & India-First Policies under leadership of PM Modi