“অহানবা নুমিৎ ১০০ দা, ঐখোয়না মরুওইনা লৌরিবশিং ময়েক শেংনা উরে। মসি ঐখোয়গী খোঙজেল অমসুং পাক-চাউবগী মমি অমশুনি”
“ভারতনা পুথোকপা পাম্বৈশিং মালেম্না শীজিন্নরে”“ভারত ২১শুবা চহিচাদা খ্বাইনা পাম্নবা লৈবাক ওইরে”“মৈখু থাংদবা তুংলমচৎ অমা অমসুং কার্বোন অমতা থাদোক্তবা অসি ভারতনা পীবা থাজবনি”“থানখিবা মতমদগী চহি ৯ ঙনখৎনা, পেরিসতা য়ানখিবা ক্লাইমেতগী ৱাফম থবক ওইনা পাংথোকপা অহানবা জি-২০ লৈবাক ভারতনা ওইরে”“পি.এম সুর্য়া ঘর মুফ বিজলি য়োজনানা ভারতকী য়ুমথোং খুদিং মৈ পুথোকপা অমা ওইহল্লগনি”“গ্রহ অসিগী য়াইফনবা খনবা মীয়ামগী অচুম্বা ফিদমশিংদা সরকারনা থাজবা থম্লি”ঐহাক্না গুজরাতকী রাজ্যপাল শ্রী আচার্য দেবব্রতজী, গুজরাতকী মুখ্য মন্ত্রী শ্রী ভুপেন্দ্রভাই পতেলজী, অন্ধ্র প্রদেশকী মুখ্য মন্ত্রী শ্রী চন্দ্রবাবু নাইদুজী, রাজস্থানগী মুখ্য মন্ত্রী শ্রী ভজন লাল শর্মাজী, মধ্য প্রদেশকী মুখ্য মন্ত্রী শ্রী মোহন যাদবজী, ছত্তিসগরগী মুখ্য মন্ত্রী, গোৱাগী মুখ্য মন্ত্রীশিংসু উবা ফংলি রাজ্য কয়াগী ইনর্জী মন্ত্রীশিংসু উবা ফংলি। অসিগুম্বা মওংদা, মপান্দগী লাকপা অতিথীশিং, জর্মনীগী ইকনোমিক কোওপরেসন মিনিস্তর, দেনমার্ককী ইন্দস্ত্রী অমসুং বিজিনেস মিনিস্তর, ঐহাক্কী মন্ত্রীমন্দলগী মরুপ প্রহলাদ জোশী, শ্রীপদ নায়কজী অমসুং মালেমগী লৈবাক কয়াদগী লাকপা মীহুৎশিং, নুপীশিং অমসুং নুপাশিং!
মালেমগী তোঙান তোঙানবা লৈবাকশিংদগী লাকখিবা ঐহাক্কী মরুপ পুম্নমকপু ঐহাক্না তরাম্না ওকচরি, ঐহাক্না মখোয়বু থাগৎচরি। মসি রি-ইনভেস্ত কনফরেন্সকী মরিশুবা ইদিসননি। লাক্কদৌরিবা নুমিৎ হুমনি অসিদা ইনর্জী, তেক্নোলোজী অমসুং পোলিসীশিংগী তুংলমচৎকী মতাংদা অচৌবা খন্ন-নৈনবগী থৌরমশিং পাংথোক্কনি হায়না ঐনা থাজৈ। ঐখোয়গী মকোক থোংবা মুখ্য মন্ত্রী পুম্নমকসু মফম অসিদা ঐখোয়গী মরক্তা য়াওরি। মখোয়নসু হীরম অসিগী মতাংদা এক্সপরিয়েন্স য়াম্না লৈরি, ঐখোয়না খন্ন-নৈনবদা মখোয়গী মমল য়াম্লবা লমজিং-লমতাকশিং অসিসু ফংলগনি। কনফরেন্স অসিদা ঐখোয়না অমগা অমগা তান্নদুনা তমশিনখিবা অদু মীওইবা খুন্নাইগী য়াইফনবগীদমক কান্নগনি। ঐহাক্কী য়াইফ-পাউজেলশিং পুম্নমক্কী মফমদা পীজরি।
মরুপশিং,
ভারতকী মীয়াম্না চহি 60গী মতুংদা সরকার অমদা অহুমশুবা তর্ম অমা পীখ্রে হায়বসি ঐখোয়না খংই। ঐখোয়গী সরকারদা পীরিবা অহুমশুবা তর্ম অসিগী মখাদা ভারতকী অচৌবা এস্পিরেসনশিং লৈ। ঙসি ভারত মচা করোর 140, ভারতকী নহারোল, ভারতকী নুপীশিংনা হৌখিবা চহি 10 অসিদা মখোয়গী আশাশিংদা ফংখিবা শাফু অসিনা অহুমশুবা তর্ম অসিদা অনৌবা খোঙজং অমা চংশিনগনি হায়না থাজবা থম্লি। লৈবাক অসিগী লায়রবশিং, শোত্থরবশিং, তুহৎপীরবশিং অমসুং খুদোংচাবা ফংদ্রবশিং অসি ঐখোয়গী অহুমশুবা তর্ম অসিনা মখোয়দা ইকাই খুম্নরবা পুন্সি অমা পীরগনি হায়না থাজবা থম্লি। ভারতকী মীওই করোর 140না ভারতপু অথুবা মতমদা খ্বাইদগী চাউবা ইকনোমী অহুমগী মনুংদা পুখৎনবা হোৎনরি। মরম অদুনা, ঙসিগী থৌদোক অসি অমত্তা ঙাইরবা থৌদোক নত্তে। মসি অচৌবা মিসনগী শরুক অমনি, অচৌবা মিসন অমনি। মসি 2047 ফাওবদা ভারতপু চাউখৎলবা লৈবাক অমা ওইহন্নবা ঐখোয়গী এক্সন প্লানগী শরুক অমনি। অমসুং ঐখোয়না মসি করম্না পাংথোক্কদগে হায়বগী ত্রেলর অসি অহুমশুবা তর্মগী অহানবা নুমিৎ চামানিগী ৱারেপশিং অসিদা উবা ফংই।
মরুপশিং,
অহানবা নুমিৎ 100 অসিদা, ঐখোয়গী মরুওইবশিং অসি উবা ফংই, ঐখোয়গী খোঙজেল অমসুং পাক চাউবগী মমিসু উবা ফংই। মতম অসিগী মনুংদা, ঐখোয়না সেক্তর খুদিংমক্তা অমসুং ভারতকী য়াম্না থুনা চাউখৎলকপদা তঙাইফদবা ফেক্তর খুদিংমক্তা মীৎয়েং থম্লি। নুমিৎ 100 অসিদা, ফিজিকেল অমসুং সোসিএল ইনফ্রাস্ত্রকচর পাকথোক চাউথোকহন্নবা মরু ওইবা ৱারেপ কয়া লৌখ্রে। ঐখোয়না ভারত্তা য়ুম করোর 70, হায়বদি করোর 7 শাবগী থবক পায়খৎলি, মসি মালেমগী লৈবাক কয়াগী মীশিংদগী হেনবনি হায়বা খঙবদা ঐখোয়গী মপান্দগী লাকপা মীথুংলেনশিংনা অঙকপা পোক্লগনি। সরকার অসিগী হৌখিবা তর্ম অনিদা, ঐখোয়না মসিগী মনুংদা য়ুম মিলিয়ন 40, হায়বদি করোর 4 শাখ্রে। অমসুং অহুমশুবা তর্মদা, ঐখোয়গী সরকারনা য়ুম মিলিয়ন 30, হায়বদি করোর 3গী অনৌবা য়ুমশিং শাবগী থবকসু হৌখ্রে। হৌখিবা নুমিৎ 100 অসিদা, ভারত্তা অনৌবা ইন্দস্ত্রীএল সিতি 12 শেমগৎনবা ৱারেপ লৌখ্রে। হৌখিবা নুমিৎ 100দা মেদ ইন ইন্দিয়া, সেমি হাই-স্পীদ ভন্দে ভারত ত্রেন 15 হেন্না হৌদোকখ্রে। ঐখোয়না রিসর্চ প্রমোৎ তৌনবা লুপা ত্রিল্লিয়ন অমগী রিসর্চ ফন্দসু শেম্লে। ঐখোয়না ইলেক্ত্রিক মোবিলিতী প্রমোৎ তৌনবা ইনিসিএতিব কয়া অমসু লাউথোকখ্রে। ঐখোয়গী পান্দমদি অৱাংবা পর্ফোমেন্স বাইওমেনুফেকচরিংবু শৌগৎপনি, অমসুং তুংলমচৎ অসি মসিগা মরী লৈনগনি। মসিগীদমক বাইও-E-3 পোলিসীসু অয়াবা পীখ্রে।
মরুপশিং,
হৌখিবা নুমিৎ চামা অসিদা গ্রীন ইনর্জীগীদমক অচৌবা ৱারেপ কয়া লৌখ্রে। ঐখোয়না ওফ-শোর ৱিন্দ ইনর্জী প্রোজেক্তশিংগীদমক ভাইএবলিতী গেপ ফন্দিং স্কিম হৌদোক্লে। মসিগীদমক ঐখোয়না লুপা করোর তরেৎ হেন্না চাদিং তৌরগনি। লাক্কদৌরিবা মতম অসিদা ভারতনা হায়দ্রো পাৱর মেগাৱাৎ লিশিং তরা মখায় পুথোক্নবা হোৎনরি। মসিগীদমক লুপা করোর লিশিং 12 হেন্না অয়াবা পীখ্রে।
মরুপশিং,
ভারতকী দাইভর্সিতী, ভারতকী পাক চাউবা, ভারতকী তৌবা ঙম্বশিং, ভারতকী ওইথোকপা য়াবশিং, ভারতকী পাংথোকপা ঙম্বশিং...পুম্নমক অসি অখন্নৈ। মরম অসিনা ঐনা হায়রিবসি – গ্লোবেল এপ্লিকেসনগীদমক ভারতকী সোলুসনশিং। মালেম অসিনা মসিসু য়াম্না ফজনা খঙলি। ঙসিদি, ভারতকী মীওই খক্তনা নত্তনা মালেম পুম্নমক্না ভারত অসি 21শুবা চহিচাগী খ্বাইদগী ফবা বেৎনি হায়না খল্লি। অদোম্না উবা ফংলি, গ্লোবেল ফিনতেক ফেস্ত অসি থা অসিগী অঙনবা শরুক্তা পাংথোকখি। মসিগী মতুংদা, মালেম পুম্বদগী লাকপা মীওইশিংনা অহানবা ইন্তর্নেস্নেল সোলর ফেস্তিবেলদা শরুক য়াখি। অদুদগী মালেমগী মফম কয়াদগী মীওইশিং গ্লোবেল সেমিকন্দক্তর সম্মিৎকীদমক ভারত্তা লাকখি। মতম অসিদা ভারতনা সিভিল এভিএসনগী এসিয়া-পেসিফিক মিনিস্ত্রিএল কনফরেন্স শীনবগী থৌদাং লৌখি। অমসুং হৌজিক ঙসি ঐখোয়না মফম অসিদা গ্রীন ইনর্জীগী তুংলমচৎকী মতাংদা খন্ন-নৈনবগীদমক পুল্লি।
মরুপশিং,
ঐহাক্কীদমক্তদি, মসি য়াম্না নুংঙাইবা থৌদোক অমনি মরমদি মসিগী অচৌবা থৌরম অসি গুজরাতকী লমদম অসিদা পাংথোক্লি, মফম অসিদা ৱাইত রিভোলুসন... মিল্ক রিভোলুসন থোকখি, মসিদা স্বীত রিভোলুসন, হানিগী থবক পায়খৎখি, মসিদা সন রিভোলুসন... সোলর রিভোলুসন থোকখি। গুজরাত অসি ভারত্তা অহানবা ওইনা সোলর পাৱর পোলিসী শেমখিবা ভারতকী রাজ্য অমনি। হায়রিবা পোলিসী অসি গুজরাত্তা অহানবা ওইনা শেমখি। মসিগী মতুংদা ঐখোয়না নেস্নেল লেভেলদা মাংলোমদা চংশিনখি। ভুপেন্দ্র ভাইনা হৌজিক হায়খিবা অদুগুম্না, গুজরাত অসি মালেমদা ক্লাইমেৎকীদমক তোঙানবা মন্ত্রালয় অমা শেমগৎপদসু য়াম্না মাংজিল থানা চংশিল্লি। ভারত্তা সোলর পাৱরগী মতাংদা ৱা ঙাঙনরমদবা মতম অদুদা গুজরাত্তা মেগাৱাৎ চাম্মরোমগী সোলর প্লান্ত কয়া লিংখৎখি।
মরুপশিং,
অদোম্না উবা ফংগনি... মফম অসি মহাত্মা গান্ধীগী মিংদা মমিং থোল্লি - মহাত্মা মন্দির। মালেম অসিদা ক্লাইমেৎ চেলেঞ্জগী ৱাফম অসি ফাওবা থোক্লক্ত্রিঙৈদা, মহাত্মা গান্ধীনা মালেমদা চেকশিন্নবা খঙহনখি। অমসুং করিগুম্বা অদোম্না মহাত্মা গান্ধীগী পুন্সিদা য়েংবীরবদি, মহাক্না কার্বোন ফুতপ্রিন্স মশিং য়াম্না হন্থনা পুন্সি অমা হিংখি, মহাক্না মহৌশাগীদমক নুংশিবা পুন্সি অমা হিংখি অমসুং মহাক্না হায়রম্মি মদুদি - ঐখোয়গী মথৌ তাবশিং মপুং ফাহনবগীদমক্তা পৃথিবীদা রিসোর্স মরাং কায়না লৈ, অদুবু মীহৌবদি অসি থুংহনবা ঙম্লোই। মহাত্মা গান্ধীগী ৱাখল্লোন অসি ভারতকী অচৌবা চৎনবীদগী হৌরকপনি। ঐখোয়গীদমক্তদি, গ্রীন ফ্যুচর, নেৎ জিরো, হায়রিবা অসি ফেনসি ৱাহৈশিং নত্তে। মসি ভারতকী মথৌ তাই, মসি ভারতকী অচেৎপা ৱাফমনি, মসি ভারতকী রাজ্য সরকার খুদিংমক্কী অচেৎপা ৱাফমনি। চাউখৎলক্লিবা ইকনোমী অমা ওইবনা, ঐখোয়না মসিগী অচেৎপা থৌদাংশিং অসিদগী মপান্দা লৈনবগী অচুম্বা মরম অমসু লৈরি। মালেম অসিবু মাংহনবদা ঐখোয়গী থৌদাং অমত্তা লৈতে হায়না ঐখোয়না মালেমদা হায়রম্বা য়াই অদুবু ঐখোয়না মসি হায়দুনা ঐখোয়গী খুৎ থাংখিদে। ঐখোয়না মীওইবা খুন্নাইগী মঙাল লৈবা তুংলমচৎকীদমক খনবা মীওইশিংনি, অমসুং মরম অদুনা ঐখোয়না মালেমদা লম্বী তাক্নবা পাংথোকপা য়াবা থৌদাং কয়া অমা লৌখি।
ঙসিগী ভারত অসি ঙসিগীদমক্তা নত্তনা মথংগী চহি লিশিং অমগীদমক য়ুম্ফম শেমগৎলি। ঐখোয়গী পান্দমদি তোপ য়ৌবখক্তা নত্তে। ঐখোয়গী শেম-শাবা অসি তোপ লেংদনা লৈনবনি। ভারতনা ঐখোয়গী ইনর্জীগী মথৌ তাবশিং অসি য়াম্না ফজনা খঙই। 2047 ফাওবদা চাউখৎলবা লৈবাক অমা ওইনবগীদমক ভারতনা ঐখোয়গী মথৌ তাবশিং অদু খঙই। অমসুং ঐখোয়গী মশাগী ওইল অমসুং গ্যাস রিজর্ব লৈতে হায়বসিসু ঐখোয়না খঙই। ঐখোয়না ইনর্জীগী মতাংদা আত্মনির্ভর ওইদে। অমসুং মরম অসিনা, ঐখোয়না ঐখোয়গী তুংলমচৎ অসি সোলর পাৱর, ৱিন্দ পাৱর, ন্যুক্লিয়র অমসুং হায়দ্রো পাৱরদা য়ুম্ফম ওইদুনা শেমগৎনবা ৱারেপ লৌখি।
মরুপশিং,
ভারত অসি পেরিসতা লেপখিবা ক্লাইমেৎ কম্মিতমেন্তশিং মতমগী মতুং ইন্না চহি 9গী মমাংদা ফংখিবা G20গী অহানবা লৈবাক ওইরে। অমসুং G20 কাংলুপকী লৈবাকশিংগী মরক্তগী ঐখোয়না অমখক্তমক মসি পাংথোক্লি। চাউখৎলবা লৈবাকশিংনা তৌবা ঙমখিদবা অদু, চাউখৎলক্লিবা লৈবাক অমনা মালেমগীদমক্তা তৌখি। হৌজিক, 2030 ফাওবদা রিন্যুএবল ইনর্জীগী গিগাৱাৎ 500 গী পান্দম ফংনবা ঐখোয়না থাক কয়াদা পুন্না থবক তৌমিন্নরি। ঐখোয়না গ্রীন ত্রাঞ্জিসনবু মীয়ামগী খোংজং অমা ওইহল্লসি। অদোম পুম্নমক্না ভিদিও অসি য়েংখ্রে, ঐখোয়গী পি.এম. সুর্য ঘর ফ্রী ইলেক্ত্রিসিতী স্কিম অসি নৈনগদবনি। মসি রোফতোপ সোলরগীদমক্তা অখন্নবা স্কিম অমনি। মসিগী মখাদা ঐখোয়না ইমুং খুদিংদা রুফতোপ সোলর সেত অপকীদমক্তা শেল থাদরি, ইনস্তোলেসনদা মতেং পাংলি। স্কিম অসিগী খুত্থাংদা ভারতকী য়ুমথোং খুদিংমক পাৱর প্রদ্যুসর অমা ওইরগনি। হৌজিক ফাওবদা, ইমুং মিলিয়ন 13 নৎত্রগা করোর 1 লাখ 30 হেনবনা মসিদা রেজিস্তর তৌখ্রে। হৌজিক ফাওবদা, স্কিম অসিগী মখাদা য়ুম লাখ 3.25দা ইনস্তোলেসনগী থবক লোইশিনখ্রে।
মরুপশিং,
পি.এম. সুর্য ঘর ফ্রী ইলেক্ত্রিসিতী স্কিমগী মহৈশিং অসি মশামক্না য়াম্না শিংথানীংঙাই ওই। থা অমদা ইলেক্ত্রিসিতী য়ুনিৎ 250 শীজিন্নবা, অমসুং ইলেক্ত্রিসিতী য়ুনিৎ 100 পুথোক্তুনা গ্রিদতা য়োল্লিবা অপীকপা ইমুং অমনা চহি অমদা চাউরাক্না লুপা লিশিং 25 কনবা ঙমগনি। মসিনা তাক্লিবদি মীয়াম্না ইলেক্ত্রিসিতী বিল সেভ তৌবা অমসুং মখোয়না ফংলিবা শেনফম অসিনা মখোয়দা চাউরাক্না লুপা লিশিং 25গী কান্নবা ফংলগনি। করিগুম্বা মখোয়না হায়রিবা শেনফম অসি PPFতা ইনভেস্ত তৌরবদি, অমসুং য়ুমদা মচানুপী অমা পোক্লবদি, করিগুম্বা চহি অমগী মচানুপী অমা লৈরবদি, চহি 20গী মতুংদা মখোয়দা লুপা লাখ 10-12 হেন্না লৈগনি। অদোম্না খল্লু... শেল অসি অঙাংশিংগী মহৈ-মশিং তম্বদগী হৌরগা লুহোংবা ফাওবা পুম্নমক্তা কান্নবা ফংলগনি।
মরুপশিং,
স্কিম অসিদগী অতোপ্পা অচৌবা কান্নবা অনি লৈরি। ইলেক্ত্রিসিতীগী মথক্তা, স্কিম অসিনা থবক ফংহন্নবা অমসুং অকোইবগী ফিভম ঙাক্নবা মেদিয়ম অমা ওইরক্লি। গ্রীন জোবশিং অসি য়াম্না থুনা হেনগৎলগনি, ভেন্দর লিশিং কয়া মথৌ তাগনি, মসি ইনস্তোল তৌনবা মীওই লাখ কয়া মথৌ তাগনি। স্কিম অসিগী খুত্থাংদা চাউরাক্না মিলিয়ন অনি, হায়বদি লাখ 20গী থবক্কী খুদোংচাবা পীগনি। প্রধান মন্ত্রী সুর্য ঘর স্কিমগী মখাদা নহারোল লাখ 3বু হৈ-শিংলবা মেন পাৱর ওইনা শেমগৎনবা পান্দম থম্লি। হায়রিবা নহাশিং অসিগী মনুংদা লাখ অমা সোলর PV মসিগী মথক্তা, কিলোৱাৎ 3 খুদিংগী সোলর ইলেক্ত্রিসিতী পুথোকপনা কার্বোন দাইওক্সাইদ তন 50-60 থাদোকপা থীংগনি। মসিনা তাকপদি প্রধান মন্ত্রী সুর্য গার ফ্রী ইলেক্ত্রিসিতী স্কিমদা য়াওরিবা ইমুং খুদিংমক্না ক্লাইমেৎ চেঞ্জ থেংনবদা অচৌবা থৌদাং লৌগনি।
মরুপশিং,
21শুবা চহিচাগী পুৱারী অসি ইরকপা মতমদা, ভারতকী সোলর রিভোলুসনগী চেপ্তর অসি সনাগী ময়েকশিংনা ইগনি।
মরুপশিং,
ঐনা মপান্দগী লাকপা অতিথিশিংদা হায়জনীংবদি মফম অসিদগী কিলোমিতর 100 খক্তগী লাপ্না য়াম্না অখন্নবা খুঙ্গং অমা লৈ - মোধেরা। মফম অদুদা চহি চা কয়াগী মমাংদগী লৈরক্লবা নুমিৎকী লাইশঙ অমা লৈরি। অমসুং খুঙ্গং অসিসু ভারতকী অহানবা সোলার ভিলেজনি... হায়বদি খুঙ্গং অসিগী মথৌ তাবশিং পুম্নমক সোলর পাৱরনা ফংহল্লি। ঙসিদি, অসিগুম্বা খুঙ্গং কয়া অসিবু লৈবাক শীনবা থুংনা সোলর ভিলেজ ওইহন্নবা কেম্পেন অমা চত্থরি।
মরুপশিং,
ঐহাক্না মফম অসিদা পাংথোক্লিবা একজিবিসন অসি য়েংনবা চৎখি, অমসুং ঐহাক্না পুম্নমকপু একজিবিসন অসি য়েংনবা তঙাইফদনা হায়জরি। পুম্নমক্না অয়োধ্যাগী মরমদা য়াম্না খঙই। অয়োধ্যা শহর অসি ভগবান রামগী পোক্নফম মফমনি। অমসুং ভগবান রাম অসি সুর্যবংশী অমনি। অমসুং ঐহাক্না একজিবিসন অদু য়েংবদা, ঐহাক্না মফম অদুদা উত্তর প্রদেশকী স্তোল অমা উখি। ঐহাক কাশীগী এম.পি. ওইবনা, ঐহাক উত্তর প্রদেশকী এম.পি.সু ওইরক্লি। মরম অদুনা ঐহাক্না উত্তর প্রদেশকী স্তোল অদু য়েংনবা চৎখি। অমসুং ঙসিদি মখোয়না ঐগী অপাম্বা অমা মপুং ফাহনখ্রে হায়না ঐঙোন্দা পাউদমখি। লোর্দ রামগী অচৌবা লাইশঙ অমা শঙ্গাখ্রে। অদুবু ঐহাক্না মালেমদা হায়জনীংবদি হৌজিক অয়োধ্যাদা, ভগৱান রামগী পোক্নফম ওইরিবা সুর্যবংশীদা, মখোয়না অয়োধ্যা অপুনবা অসি মোদেল সোলর সিতী অমা ওইহন্নবা পান্দম থম্লি। থবক অসি লোইশিল্লক্লে। অয়োধ্যাদা লৈরিবা য়ুম খুদিংমক, ওফিস খুদিংমক, সর্ভিস খুদিংমক সোলর পাৱরনা চলায়নবা ঐখোয়না হোৎনরি। অমসুং ঐহাক্না হরাওজৈ মদুদি হৌজিক ফাওবদা ঐখোয়না অয়োধ্যাগী য়ুম কয়া অমসুং ফেসিলিতী কয়া অমা সোলর ইনর্জীগা শম্নহল্লে। অয়োধ্যাদা সোলর স্ত্রীৎ লাইৎশিং, সোলর ইন্তর্সেক্সনশিং, সোলর বোটশিং, সোলর ৱাতর ATMশিং অমসুং সোলর বিল্দিংশিং মশিং য়াম্লবা উবা ফংই।
ঐখোয়না ভারতকী শহর 17 মশক খঙদোক্লে মদু ঐখোয়না চপ মান্নবা মওংদা সোলর সিতী ওইনা শেমগৎপা পাম্মি। ঐখোয়না ঐখোয়গী লৌউ-শিংউগী লম, ঐখোয়গী ফার্মশিং, ঐখোয়গী লৌমীশিংবু সোলর পাৱর জেনরেসনগী খুৎথাংদা মশা-মরোমদোম লেপচবা ঙমহল্লি। ঙসিদি, লৌমীশিংদা সোলর পম্পশিং অমসুং ইরিগেসনগীদমক অপীকপা সোলর প্লান্তশিং ইনস্তোল তৌবদা মতেং পাংলি। ভারতনা রিন্যুএবল ইনর্জীগা মরী লৈনবা সেক্তর খুদিংমক্তা য়াম্না থুনা অমসুং পাক চাউনা থবক পায়খৎলি। হৌখিবা চহী তরা অসিদা, ঐখোয়না ন্যুক্লিয়র ইনর্জীদগী হান্নদগী চাদা 35 হেন্না ইলেক্ত্রিসিতী পুথোক্লে। ভারতনা গ্রীন হাইদ্রোজেনগী লমদা মালেমগী লুচিংবা অমা ওইনবা হোৎনরি। মসিগীদমক ঐখোয়না লুপা করোর লিশিং 20গী গ্রীন হাইদ্রোজেন মিসন অমা হৌদোক্লে। ঙসি ভারত্তা ৱেস্ত তু এনর্জীগী অচৌবা কেম্পেন অমা চত্থরি। মরুওইবা মিনরেলশিংগা মরী লৈনবা শিংনবশিং কোকহন্নবা ঐখোয়না সর্ক্যুলার এপ্রোচ অমা প্রোমোট তৌরি। নৌনা শিজিন্নবা অমসুং রিসাইকল তৌবদা মরী লৈনবা হেন্না ফবা তেক্নোলোজী শেমগৎনবা স্তার্ত-অপশিংসু মতেং পাংলি।
মরুপশিং,
প্রো-প্লানেতকী মীওইশিংগী প্রিন্সিপল অসি ঐখোয়গী থৌদাংনি। মসিনা মরম ওইদুনা ভারতনা মালেমদা মিসন লাইফ, হায়বদি অকোয়বগী ফিভমগীদমক পুন্সি মহিংগী ৱাখল্লোন অসি পীরি। ভারতনা ইন্তর্নেস্নেল সোলর এলাইন্সকী খোঙথাং লৌখৎতুনা মালেমগী লৈবাক কয়াবু শম্নহল্লে। ভারতনা G20গী প্রসিদেন্সী পায়রিঙৈ মনুংদা, ঐখোয়না গ্রীন ত্রাঞ্জিসনদা মীৎয়েং চঙখি। গ্লোবেল বাইওফ্যুএল এলাইন্স অসি G20 সম্মিৎ মনুংদা হৌদোকখি। ভারতনা চহি চাম্মা অসিগী লোইশিল্লকপদা রেলৱেজ অসি নেৎ জিরো ওইহন্নবা পান্দমসু থম্লি। মীওই খরনা ভারত্তা নেৎ জিরো রেলৱেজ হায়বসি করিনো হায়না হংলকপা য়াই। ঐহাক্না মখোয়বু শন্দোক্না তাকপীগনি। ঐখোয়গী রেলৱেজ নেৎৱার্ক অসি য়াম্না চাউই। নোংমদা মীওই করোর অমা অমসুং করোর মখাইগী মরক্তা রেল কোচশিংদা চৎথোক চৎশিন তৌই। অসিগুম্বা অচৌবা রেল নেৎৱার্ক অমনি। অমসুং ঐখোয়না মসি নেৎ জিরো ওইহল্লগনি। ঐখোয়না 2025 ফাওবগী মনুংদা পেত্রোলদা ইথানোল চাদা 20 পুশিন্নবা পান্দম অদু ফংলগনি হায়নসু ঐখোয়না ৱারেপ লৌরে। ভারতকী মীয়াম্না খুঙ্গং খুদিংমক্তা অমৃত সরোবর লিশিং কয়াসু শাখ্রে। মখোয়শিং অসি ঈশিং কঞ্জার্বেসনগীদমক শীজিন্নরি। অদোম্না ঙসিদি উবা ফংলি... ভারতকী মীওইশিংনা মখোয়গী মমাগী মিংদা 'এক পের মা কে নাম' কৌবা পাম্বী অমা থাবা উবা ফংলি। ঐহাক্না অদোম্বু, মালেমগী নাগরিক খুদিংমকপুসু কেম্পেন অসিদা শরুক য়ানবা হায়জরি।
মরুপশিং,
ভারত্তা রিন্যুএবল ইনর্জীগী দিমান্দ হেনগৎলক্লি। গবর্নমেন্তনসু হায়রিবা দিমান্দ অসিবু মপুং ফাহনবা অনৌবা পোলিসীশিং শেমগৎলি, অমসুং মওং পুম্নমক্তা মতেং পাংলি। মরম অদুনা, অদোম্না ইনর্জী পুথোকপতা নত্তনা মেন্যুফেকচরিংদসু খুদোংচাবা কয়া ফংলি। ভারতনা হোৎনরিবশিং অসি মপুং ফানা মেদ ইন ইন্দিয়া সোলুসনগী মায়কৈদা ওইরি। মসিনা মফম অসিদা অদোমগীদমক ওইথোকপা য়াবা কয়া অমসু শেমগৎলি। ভারত অসি অদোমগীদমক্তা চাউখৎপা অমসুং হেন্না ফবা মহৈ-মশিং ফংহন্নবগী গেরেন্তী অমনি। অমসুং ঐনা থাজৈ মদুদি অদোম্না মসিদা শরুক য়াগনি। সেক্তর অসিদা ইনবেস্তমেন্ত তৌনবগীদমক্তা মসিদগী হেন্না ফবা মফম অমা লৈতে, ইনোবেসনগীদমক্তা মসিদগী হেন্না ফবা মফম অমা লৈতে। অমসুং করিগুম্বা মতমদা ঐহাক্না খল্লি, করিগুম্বা মতমদা ঐখোয়গী মীদিয়াদা গোসিপ কোলমশিং লাকই, মখোয় অসি য়াম্না স্পাইসী ওইবা, করিগুম্বা মতমদা নুংঙাইবা ওই। অদুবু মখোয়না ৱাফম অমদা মীৎয়েং চংখিদে অমসুং ঙসিদগীদি মখোয়না শোইদনা মীৎয়েং চংগনি। হৌজিক মফম অসিদা ৱা ঙাংখিবা প্রহলাদ জোশী অসি ঐখোয়গী রিন্যুএবল ইনর্জীগী মন্ত্রীনি, অদুবু ঐগী মমাংগী সরকারদা মহাক কোয়লগী মন্ত্রী ওইরম্মি। ঐগী মন্ত্রীসু কোয়লাদগী রিন্যুএবল ইনর্জীদা ওন্থোকখি।
ঐহাক্না অমুক্কা হন্না পুম্নমকপু ভারতকী গ্রীন ত্রাঞ্জিসনদা শেল থাদনবা কৌজরি। অমসুং মফম অসিদা মশিং য়াম্লবা মীওই কয়া অমা লাকপগীদমক ঐনা অমুক্কা হন্না নখোয়বু থাগৎচরি। ঐহাক অসি লমদম অসিদা পোকখি। গুজরাতনা ঐহাকপু কয়া অমা তম্বীরম্মি। অসুম্না ঐহাক্না গুজরাতকী মুখ্য মন্ত্রীগা লোয়ননা, ঐহাক্না ময়াম পুম্নমকপু তরাম্না ওকচরি, ময়াম পুম্নমকপু থাগৎপা ফোংদোকচরি অমসুং রাজ্য পুম্নমক্কী সরকার পুম্নমকপু রাজ্য পুম্নমক্কী শরুক য়াবগীদমক থাগৎপা ফোংদোকচরি। মফম অসিদা লাক্লিবা মুখ্য মন্ত্রীশিংবু ঐহাক্না অখন্ননা থাগৎপা ফোংদোকচরি। অমসুং ঐহাক্না মপুং ফানা থাজবা থম্মি মদুদি ঐখোয়গী মীফম অসিনা, মীফম অসিদা পাংথোক্কদৌরিবা ৱারী ৱাতাই অসিনা ঐখোয় পুম্নমকপু শম্নহল্লগনি অমসুং ঐখোয়গী তুংগী চারোন-শুরোনগী অফবা তুংলমচৎকীদমক ঐখোয় পুম্নমকপু শম্নহল্লগনি।
ঐহাক্না নীংশিংলি মদুদি রাস্ত্রপতি ওবামা মফম অসিদা লাকখিবা মতমদা মহাক্না লৈবাক অনিগী ওইবা খোংচৎ অমদা ভারত্তা লাকখি। ঐখোয়না দিল্লীদা প্রেস কনফরেন্স অমা পাংথোকখি। মতম অদুদা মীওই কয়ানা মখল কয়াগী ফিগরশিং লাউথোক্লম্মি। মখোয়না মসি তৌগনি, মদু তৌগনি। মহাক্না ঐঙোন্দা হংখি মদুদি মালেমগী তোঙান তোঙানবা লৈবাকশিংনা অচৌবা পান্দমশিং থম্লি। অদোমগী ৱাখলদা মসিগী প্রেসর লৈব্রা? অমসুং নুমিৎ অদুদা ঐহাক্না মীদিয়াদা মোদী মফম অদুদা লৈরে হায়না পাউখুম পীখি... কনাগুম্বা অমগী প্রেসরনা মফমসিদা মথৌ তৌদে। অদুদগী ঐনা হায়খি মদুদি ঐগী মথক্তা প্রেসর লৈ অমসুং প্রেসর অসি ঐখোয়গী তুংগী চারোন-শুরোনগী অঙাংশীংগীনি, মখোয় অসি পোকপা ফাওবা লৈখিদ্রি অদুবু ঐনা মখোয়গী মঙাল লৈবা তুংলমচৎকীদমক খনবা হৌরকখি। অমসুং মসিনা মরম ওইদুনা লাক্কদৌরিবা চারোন-শুরোনগী য়াইফনবগীদমক ঐনা থবক তৌরি। ঙসিসু সম্মিৎ অসিনা ঐখোয়গী মতুংদা লাক্কদৌরিবা অনিশুবা, অহুমশুবা, মরিশুবা চারোন-শুরোনগী মঙাল লৈবা তুংলমচৎকী গেরেন্তী ওইগনি। মহাত্মা গান্ধীগী মিংদা শাগৎলিবা মহাত্মা মন্দির অসিদা, অসিগুম্বা অচৌবা থবক অমা পাংথোক্নবা অদোম্না মফম অসিদা লাক্লি। ঐহাক্না অমুক্কা হন্না পুম্নমকপু থম্মোয় শেংনা থাগৎচরি।
খুরুমজরি।
