ফম্ফমলাংদা লেংশিল্লিবা কেন্দ্র সরকারগী ঐগী মরুপশিং, মোবাইল অমসুং তেলিকোম ইন্দস্ত্রীগা মরী লৈনবা দিগনিতরী পুম্নমক, অথোইবা মীথুংলেনশিং, নুপী অমদি নুপাশিং।
ইন্দিয়া মোবাইল কোংগ্রেসকী তরেৎ শুবা ইদিসন অসিদা নখোয়গী নরক্তা য়াওবা ফংজবা অসি নুংঙাইবা এক্সপরিয়েন্স অমনি। 21শুবা চহিচাগী থুনা হোংলক্লিবা মালেমদা ইভেন্ত অসিনা মীওই করোর কয়াগী লাইবক্তা অহোংবা পুরকপগী মতিক ময়াই চেল্লি। মতম অমদা ঐখোয়না তুংলমচৎকী মরমদা ঙাংনবা মতমদা মদু মথংগী দিকেদ নত্ত্রগা ঙসিদগী চহি 20-30গী মতুং, নত্ত্রগা মথংগী চহিচা ওইনা লৌই। অদুবু ঙসি নুমিৎ খুদিংগী তেক্নোলোজীদা খোঙজেল য়াংনা অহোংবশিং লাকপনা মরম ওইরগা ঐখোয়না ‘ফ্যুচর ইস হিয়র এন্দ নাও’ হায়না হায়নরে, শুপ্নগী মিনিৎ খরগী মমাংদা ঐহাক্না মফম অসিগী একজিবিসন্দা স্তোল খরা উখি। একজিবিসন অসিদা ঐহাক্না তুংলমচৎকী মমি অমা উবা ফংখি। তেলিকোম, তেক্নোলোজী নত্ত্রগা কন্নেক্তিবতী ওইরবসু, 6G, AI, সাইবরসেক্যুরিতী, সেমিকন্দক্তরশিং, দ্রোনশিং নত্ত্রগা স্পেস সেক্তর, দীপ সী, গ্রীন তেক নত্ত্রগা অতোপ্পা সেক্তরশিং ওইরবসু লাক্কদৌরিবা মতমশিংদা মপুং ফানা অহোংবা পুরক্লগনি। অমসুং ঐখোয়গী হৌরক্লিবা মীরোলনা লৈবাক্কী তুমলমচৎপু লমজিংলি, ঐখোয়গী তেক রিভোল্যুসন লমজিংলিবা অসি ঐখোয় পুম্নমক্কী নুংঙাইরবা ৱাফম অমনি।
মরুপশিং,
নখোয়না নীংশিংলমগনি মমাং চহিদা ঐখোয়না মফম অসিদা 5G রোলাউৎ তৌখি। পুৱারী ওইরিবা থৌরম অদুগী মতুংদা মালেম পুম্বনা ভারতনা অঙকপগা লোয়ননা য়েংলি। মরমদি মালেমগী খ্বাইদগী খোঙজেল য়াংনা 5G রোল আউৎ ভারত্তা তৌখি। অদুবু ঐখোয়না মাইপাকপা অসিগী মতুংদা লেপ্পা তৌখিদে। ঐখোয়না ভারতকী প্রজা খুদিংমক্তা 5G য়ৌহন্নবা থবক তৌবা হৌখি। হায়বদি ঐখোয়না ‘রোল আউৎ’ স্তেজতগী ‘রীচ আউৎ’ স্তেজতা লাকখি।
মরুপশিং,
5G লোঞ্চ তৌখিবগী চহি অমগী মনুংদা ভারত্তা 5G বেজ স্তেসন লাখ 4রোম শাখি। মসিগা লোয়ননা লৈবাক্কী সহরশিংগী চাদা 97দা অমসুং মীশিংগী চাদা 80 কবর তৌখি। ভারত্তা মেদিয়ম ব্রোদবেন্দ স্পীদ অসি মমাং চহিদগী শরুক 3 রোম হেনগৎলকখি। মোবাইল ব্রোদবেন্দ স্পীদতা য়েংবদা ভারত অসি মতম অমদা 118দা লৈরমখি ঙসিদি ঐখোয়না 43শুবা পোজিসন্দা লৈরে। ঐখোয়না ভারত্তা 5G খোঙজেল য়াংনা এক্সপান্দ তৌবা খক্তা নত্তনা ঐখোয়না 6G গী লমদা লুচিংবা অমা ওইনা মাংদা চংশিল্লি। তশেংবদি অনৌবা মীরোলশিংনা 2G গী মতমদা করি থোকখি খঙলরোই। অদুবু ঐহাক্না মসি শন্দোক্না তাক্লোই। অদুবু ঐহাক্না হায়গনি মদুদি ঐখোয়গী মতমদা 4G এক্সপান্দ তৌখি মসিদা বদনাম অমত্তা লৈতে। ঐহাক্না থাজৈ মদুদি ভারতনা 6Gদা লমজিংগনি।
অমসুং মরুপশিং,
ইন্তর্নেৎ কন্নেক্তিবিতী অমসুং স্পীদতা ফগৎলকপা অসি শুপ্নগী রেঙ্কিং অমসুং নম্বরশিংগী মতাং খক্তা নত্তে। ইন্তর্নেৎ কন্নেক্তিবিতী অমসুং স্পীদতা ফগৎলকপা অসিনা ইজ ওফ লিবিং হেনগৎহনখি। ইন্তর্নেৎকী স্পীদ হেনগৎলকপা মতমদা মহৈরোয়শিংনা মখোয়গী ওজাশিংগা ওনলাইন্দা লাইনা কন্নেক্ত তৌবা ঙমহল্লি। ইন্তর্নেৎকী স্পীদ হেনগৎলকপা মতমদা অনাবশিংনা মখোয়গী দোক্তরগা তেলিমেদিসিনগীদমক অপনবা লৈতবা এক্সপরিয়েন্সকা লোয়ননা কন্নেক্ত তৌবা ঙম্মি। ইন্তর্নেৎকী স্পীদ হেনগৎলকপা মতমদা লমকোইবশিংনা লোকেসন থীনবা মেপ শিজিন্নবগী সমস্যা মায়োক্নরোই। ইন্তর্নেৎকী স্পীদ হেনগৎলকপা মতমদা লৌমীশিংনা অনৌবা ফার্মিং তেক্নিকশিং হেন্না লাইনা তম্বা অমসুং খঙবা ঙম্মি। কন্নেক্তিবিতীগী স্পীদ অমসুং এভাইলেবিলিতীনা সোসিএল্লী অমসুং ইকনোমিকেল্লী অচৌবা অহোংবা অমা লাকহল্লি।
মরুপশিং,
লম খুদিংমক্তা ঐখোয়না ‘পাৱর ওফ দেমোক্রেতাইজেসন’দা থাজবা থম্মি। ভারত্তা চাউখৎ থৌরাংগী কান্নবশিংনা ক্লাস খুদিংমক, রিজন খুদিংমক্তা য়ৌহনগদবনি, ভারত্তা লৈরিবা রিসোর্সশিংগী কান্নবা মীপুম খুদিংমক্তা ফংহনগদবনি। মীপুম খুদিংমক্না ইকাই খুম্ননীংঙাই ওইবা পুন্সি অমা হিংহনগদবনি অমসুং তেক্নোলোজীগী কান্নবশিংনা মীপুম খুদিংমক্তা য়ৌহনগদবনি, ঐখোয়না মাইকৈ অসিদা খোঙজেল য়াংনা থবক পাইখৎলি অমসুং ঐহাক্কীদমক্তদি মসিনা খ্বাইদগী চাউবা সোসিএল জস্তিস ওইরি।
প্রজাশিংগীদমক এক্সেস তু কেপিতেল, এক্সেস তু রিসোর্সেস অমসুং এক্সেস তু তেক্নোলোজী অসি ঐখোয়গী সরকারগী মরু ওইবনি। মুদ্রা য়োজনাগী মখাদা কোল্লাতরেল ফ্রী লোনশিং, নত্ত্রগা স্বচ্ছ ভারত তোইলেৎশিং, নত্ত্রগা JAM ত্রিনিতীগী খুত্থাংদা দাইরেক্ত বেনিফিৎ ত্রান্সফর ওইরবদু পুম্নমক অসিদা মান্নবা ৱাফম অমা য়াওরি। মসিনা লৈবাক্কী মীচম প্রজাশিংদা মখোয়না মমাংদা ফংবদা ৱানা থোকলম্বা হকশিং ফংহল্লি।আমসুং মসিদা তেলিকোম তেক্নোলোজীনা অচৌবা থৌদাং অমা লৌখি। ভারত নেৎ প্রোজেক্ত অসিনা হৌজিক ফাওবদা গ্রাম পঞ্চায়ৎ লাখ 2বু ব্রোদবেন্দ কন্নেক্তিবিতীনা কন্নেক্ত তৌখ্রে।
মসি ঐখোয়গী অতল তিঙ্করিং লেবকী নুংগী ৱাখল্লোন অদুনি। লেব লিশিং 10গী খুত্থাংদা ঐখোয়না অঙাং লাখ 75বু কত্তিং এদজ তেক্নোলোজীগা লোয়ননা কন্নেক্ত তৌবা ঙমখি। ঐহাক্না থাজৈ মদুদি ঙসিগী একাদেমিক ইন্সতিত্যুসনশিংদা 5G য়ুজ কেস লেব চা কয়া হৌদোকপগী কেম্পেন অসিনা মসিগা মান্নবা বিজিনেস অমা থোকহল্লগনি। মসি অনৌবা মীরোলগা কন্নেক্ত তৌনবা অচৌবা থৌশিল অমনি। ঐখোয়গী নহা কয়া কয়ানা লম অসিগা কন্নেক্ত তৌরবা মতমদা লম অদু চাউখৎপগী ওইথোকপা য়াবা চাউনা লৈগনি অমসুং মীওই অদু চাউখৎপগী ওইথোকপা য়াবসু চাউনা লৈগনি। লেবশিং অসিনা ভারতকী নহারোলদা অচৌবা মঙলান শাগৎনবা অমসুং মখোয়বু ফংনবগী থাজবা পীরি। অমসুং ঐহাক্না ঐখোয়গী নহারোলনা মখোয়গী শক্তি, মখোয়গী থৌনা অমসুং এন্তরপ্রাইসকী মখোয়গী ৱাখল্লোনগা লোয়ননা অঙকপা কয়া তৌরক্কনি হায়বগী মপুং ফানা থাজবা লৈ। অকক্নবা তেক্নোলোজীগা লোয়ননা মখোয়না অসিগুম্বা থবক কয়ারক হন্না তৌরক্কনি, তেক্নোলোজী পুথোক্লিবা অদুনা ফাওবা খনবা ঙমদবা অদু তৌরক্কনি থাজৈ। নুমিৎ খরনিগী মমাংদা ঐহাক্না ভিদিও অমা য়েংখি, ঐখোয়গী লৈবাক্কী মীয়ামগী ৱাখল্লোন অসি করিগো অমসুং দ্রোন করম্না শীজিন্নবা য়াই। রামায়ন উৎলমখি, মদুদা হনুমানজীদা জাদী পীখি মহাক্না বুতী লৌবা চৎনবা হনুমানজীদবু দ্রোন অমদা থাখি। মসিগী কেম্পেন অসি ঐখোয়গী নহারোলদা ইন্নোবেসনগী কলচর থৌগৎনবা মাইকৈদা অহৌবগী খোঙথাং অমনি।
মরুপশিং,
হৌখিবা চহি খরা অসিদা ঐখোয়গী স্তার্তঅপ ইকোসিস্তেমনা ভারতকী খ্বাইদগী মরু ওইবা সক্সেস স্তোরীশিংদা য়াম্না মরু ওইবা মফম অমা কনখি। মফম অসিদা স্তার্তঅপকী মীয়াম্না করি তৌরি? অতেনবা মতমগী মনুংদা ঐখোয়না য়ুনিকোর্ন চা শেম্বা ঙমখি অমসুং ঐখোয়না মালেমগী তোপ-3 স্তার্তঅপ ইকোসিস্তেমগী মনুং চনবা ঙমখি। 2014দা , ঐহাক্না 2014 পল্লিবা অসি মতম নত্তে অহোংবা তাক্নবনি। 2014গী মমাংদা ভারত্তা স্তার্তঅপ খরা খক্তা লৈরমখি অদুবু হৌজিক্তি মসিগী মশিং অসি লাখ 1রোম য়ৌরে। ইন্দিয়া মোবাইল কোংগ্রেসনা স্তার্তঅপশিং মখোঙ শোম্নবা অমসুং থৌগৎনবা ASPIRE প্রোগ্রাম হৌদোকখিবা অসি য়াম্না ফৈ। ঐহাক্না থাজৈ মদুদি নখোয়গী খোঙথাং অসিনা ভারতকী নহারোলদা চাউনা মতেং ওইরগনি।
অদুবু মরুপশিং,
তাঙ্কক অসিদা ঐখোয়না নীংশিংগদবা অসি ঐখোয়না কয়া য়াম্না খূমাং চাউশিল্লি অমসুং করম্বা ফীভমনা ঐখোয়না মফম অসি য়ৌরকখি হায়বা অসিনি। চহি 10-12গী মমাংদা শীজিন্নরম্বা মোবাইল ফোনশিং অদু নখোয়না নীংশিংলমগনি। মতম অদুদা মতমগা চুনদ্রবা ফোনগী স্ক্রীন অদু ঙাইহাক লৈতনা হেং তৌখি। নখোয়না স্ক্রীন অদু ফনা স্বাইপ তৌরবসু, বত্তন কয়া নমলবসু মদুগী কান্নবা লৈখিদে, চুমব্রা? অমসুং ফীভম অদু মতম অদুগী সরকারগা মান্নরমখি। মতম অদুদা ভারতকী ইকনোমী নত্ত্রগা সরকার মশামক ‘হেং অপ’ মোদতা লৈখি। অমসুং ফীভম অদু অদুক্কী মতিক শোকচিনখিবনা রিস্তার্ত তৌরবা ফাওবা কান্নবা লৈখিদে…. বেত্তরী চার্জ তৌবগী কান্নবা লৈখিদে। 2014দা মীয়াম্না মতমগা চুনদ্রবা ফোনশিং থাদোকখি অমসুং মখোয়বু শেবা তৌনবা ঐখোয়দা খুদোংচাবা পীখি। অহোংবা অসিনা করি থোকহনখি হায়বা ময়েক শেংনা উবসু ফংলি। মতম অদুদা ঐখোয়না মোবাইল ফোনশিংগী ইম্পোর্তর ওইরমখি ঙসিদি ঐখোয়না মোবাইল ফোনশিংগী এক্সপোর্তরশিং ওইরে। মতম অদুদা মোবাইল মেন্যুফেকচরিংগী প্রজেন্স য়ামলমদে। অদুবু ঙসিদি মালেমগী অনিশুবা খ্বাইদগী চাউবা মোবাইল মেন্যুফেকচর ওইবা ঙমলে। মতম অদুদা ইলেক্ত্রোনিক মেন্যুফেকচরিংগী ময়েক শেংবা বিজন অমত্তা লৈরমখিদে। ঙসি ঐখোয়না ইলেক্ত্রোনিক মেন্যুদেকচরিংদা লুপা করোর লাখ 2রোম এক্সপোর্ত তৌরি। নখোয়না খঙলে মদুদি হন্দক্তা গুগলনা মাগী পিক্সল ফোনশিং ভারত্তা শারগনি লাউথোকখি। সেমসংগী ‘ফোল্দ ফাইব’ অমসুং এপলগী আইফোন 15 অসি হান্নদগী ভারত্তা শাবা হৌখ্রে। ঙসি মালেম পুম্বনা মেদ ইন ইন্দিয়া ফোনশিং শীজিন্নবা অসি ঐখোয় পুম্নমক্কী চাউথোকচনীংঙাইনি।
মরুপশিং,
ঙসিদি মোবাইল অমসুং ইলেক্ত্রোনিক মেন্যুফেকচরিংদা ঐখোয়গী মাইপাকপা অসি মখা তানা পুখত্পা দরকার ওইরে। তেক ইকোসিস্তেমদা হারদৱেয়র অমসুং সোফৱেয়র অনিমক্কী মাইপাকপগীদমক ঐখোয়না ভারত্তা অচৌবা সেমিকন্দুক্তর মেন্যুফেকচরিং সেক্তর অমা শেমগত্পা অসি য়াম্না মরু ওই। সেমিকন্দুক্তরশিং শেমগৎনবা সরকারনা হান্ননা চাউরাক্না লুপা করোর লাখ 80গী PLI লোঞ্চ তৌখিবা লৈরে। ঙসিদি ভারতকী কম্পনীশিংগা লোয়ননা মালেমগী সেমিকন্দুক্তর কম্পনীশিংনা সেমিকন্দুক্তর এসেম্বলি অমসুং তেস্ত তৌবগী খুদোংচাবশিংদা শেল থাদবা হৌরে। ভারতকী সেমিকন্দুক্তর মিসন অসিনা মসিগী দোমেস্তিক দিমান্দ খক্তা নত্তনা মালেমগী দরকার ওইবশিংসু ফংহন্নবা মীৎয়েংগা লোয়ননা মাঙলোমদা চংসিল্লি।
মরুপশিং,
করিগুম্বা অমনা চাউখৎলক্লিবা লৈবাক অমদগী চাউখৎলবা লৈবাক অমদা চত্পদা খোঙচৎকী খোঙজেল য়াংহনবা ঙম্বা অসি তেক্নোলোজীনি, লৈবাক অসিগী চাউখত্পদা তেক্নোলোজী হেন্না শীজিন্নরকপা মতমদা ঐখোয়না চাউখত্পগী মায়কৈদা চংশিনগনি। দিজিতেল তেক্নোলোজীদা থোক্লিবা অসি ঐখোয়না উবা ফংলি, মদুদা ভারত অসি চাউখৎলবা লৈবাক অমত্তগী তুংদা লৈতে। মতৌ অসুম্না সেক্তর খুদিংমক্তা অহোংবা পুরক্নবা ঐখোয়না মসিবু তেক্নোলোজীগা শম্নহল্লি। ঐখোয়না সেক্তরগী মতুং ইন্না তোঙান তোঙানবা প্লেৎফোর্মশিং শেমগৎলি। অসিগুম্বা প্লেৎফোর্ম কয়া অমা শেমখ্রে মদুদি পি.এম. গতিশক্তি নেস্নেল মাস্তর প্লান ফোর লোজিসতিক্স, নেস্নেল হেল্থ মিসন ফোর হেল্থ কেয়র, এগ্রিকলচর সেক্তরগীদমক এগ্রি স্তেক অসিনচিংবা। সাইন্তিফিক রিসর্চ ক্বান্তম মিসন অমসুং নেস্নেল রিসর্চ ফাউন্দেসনদসু সরকারনা চাউনা শেলথাদরি। ঐখোয়না ইন্দিজিনস দিজাইন অমসুং তেক্নোলোজী দিবলপমেন্তসু লেপ্তনা প্রমোত তৌরি। ঐহাক্না মসি খঙবদা নুংঙাইবা ফাওই মদুদি ইন্তরনেস্নেল তেলিকোম য়ুনিয়ন অমসুং ইন্দিয়া মোবাইল কোংগ্রেসনা পুন্না SDGশিংগীদমক ইনোবেসন অমসুং ওন্তপ্রিনোর্শিপ থৌরম অমা পাঙথোক্লি।
মরুপশিং,
খোঙথাং পুম্নমক অসিগী মরক্তা নখোয়গী মীৎয়েং চীংশিনবা পাম্বা মরু ওইবা হীরম অমা লৈ। মদুদি সাইবর-সেক্যুরিতী অমসুং নেৎৱার্ক ইনফ্রাস্ত্রকচরগী সেক্যুরিতীগী হীরমনি। নখোয়না সাইবর সেক্যুরিতীগী কমপ্লেক্সিতী অদি করিনো অসমুং মসিগী সাইদ ইফেক্তশিং অদু করিনো খঙই। G-20 সম্মিৎতা ফাওবা চপ মান্নবা ইন্দিয়া পেবিলিয়নদা সাইবর সেক্যুরিতীগী গ্লোবেল থ্রেতশিংগী মতাংদা লুন্না খনখি। মেন্যুফেকচরিং ভেল্যু চেন পুম্বদা আত্মনির্ভর ওইবা অসি সাইবর সেক্যুরিতীগীদমক য়াম্না মরু ওই। হার্দৱায়র, সোফৱায়র নত্ত্রগা কন্নেক্তিবিতী ওইরবসু ঐখোয়গী ভেল্যু চেন পুম্বদা লৈরিবা খুদিংমক্না ঐখোয়গী নেস্নেল দোমেন ওইরবা মতমদা ঐখোয়না মদু সেক্যুর ওইনা থম্বদা লাইহল্লগনি। মরম অসিনা ঙসি মোবাইল কোংগ্রেস অসিদা ঐখোয়না মালেমগী দেমোক্রেতিক সোসাইতীশিং অসি অকাইবা পীবা মীওইশিংদগী করম্না শাফনা থমগনি খন্নবা মথৌ তাই।
মরুপশিং,
ভারতনা মতম শাংনা তেক্নোলোজীগী বস কয়া নান্থোক্তুনা চৎখ্রে। মসিগী মতুংদা হান্ননা দিবেলপ তৌখ্রবা তেক্নোলোজীশিংদা ঐখোয়গী তেলেন্ত উৎপগী মতমসু লাকখি। অদুবু হৌজিক 21শুবা চহিচা অসি ভারতকী থোত লীদরশিপকী মতম ওইরে। অমসুং মফম অসিদা লৈরিবা মীপুম খুদিংমক্তা ঐহাক্না হায়জরি অমসুং শঙ্গাখিবা লেব চা কয়াদা ফম্মিবা নহারোলদা হায়রি। অমসুং মরুপশিং ঐহাকপু থাজৌ, ঐহাক্না করিগুম্বা অমা হায়বা মতমদা মসি গরেন্তীদগী তাবা লৈতে। অমসুং মসিনা মরম ওইরদুনা ঐহাক্না থোত লীদর্সকী মরমদা ঙাংলিবনি। থোত লীদরশিংনা মালেমনা তুংইনগদবা অনৌবা দাইমেন্সন অমা শেম্বা ঙমগনি।
দোমেন খরদা ঐখোয়না থোত লীদরশিং ওইবা ঙমখি। খুদম ওইনা UPI অসি ঐখোয়গী থোত লীদরশিপকী ফলনি, মসিনা ঙসিগী দিজিতেল পেমেন্ত সিস্তেমদা মালেম পুম্ববু লমজিংলি। ঙসিসু মালেমনা ঐখোয়না কোবিদ মনুংদা পাইখৎখিবা থৌশিল CoWinগী মরমদা ঙাংনরি। মসি ঐখোয়না তেক্নোলোজীগী অফবা এদোপ্তর অমসুং ইমপ্লিমেন্তর লোয়ননা তেক্নোলোজীগী থোত লীদর ওইবগী মতমনি। ভারত্তা য়ং দেমোগ্রাফীগী পাৱর লৈ, বাইব্রেন্ত দেমোক্রেসীগী পাৱর লৈ।
ঐহাক্না ইন্দিয়া মোবাইল কোংগ্রেসকী মীয়াম, মরু ওইনা নহা ওইরিবা মেম্বরশিংবু মাইকৈ অসিদা লাক্নবা, ঐহাক্কা লোয়ননা মাংদা চংশিন্নবা বর্তন তজরি। ঙসি ঐখোয়না চাউখৎপা ভারত অমা ওইনবা মাইকৈদা চংশিল্লিবা মতম অসিদা থোত লীদর ওইনা মাংদা চংশিন্নবা অওনবা লাক্লিবা অসিনা সেক্তর পুম্বদা রিভোল্যুস্নরী চেঞ্জেজশিং পুরকপা ঙমগনি।
অমসুং ঐহাক্না থাজৈ অমসুং ঐগী থাজবা অসি নখোয়গী মতিক ময়াইনা লৈহনবনি। ঐহাক্না নখোয়গী শক্তি, নখোয়গী তৌবা ঙম্বা, নখোয়গী কত্থোকপদা থাজবা থম্মি মরম অসিনা ঐহাক্না ঐখোয়না ঙমগনি হায়বা অসি ঐখোয়না শোইদনা তৌবা ঙমগনি। অমুক হন্না ময়ামদা ঐহাক্না য়াইফ মঙ্গোল পীজরি অমসুং লৈবাক্কী, দিল্লীগী অমসুং থংনবা মফমশিংদা লৈরিবা নহারোলদা ঐহাক্না হায়জনীংই মদুদি ভারত মন্দপমদা লাকপীয়ু অমসুং একজিবিসন অসি য়েংবীয়ু। মসি পুন্সিদা অনৌবা লমশিংগী মরমদা খঙনবা অচৌবা খুদোংচাবা অমনি। ঐহাক্না মীপুম খুদিংমক্তা, সরকারগী বিভাগ পুম্নমক্তা মখোয়গী তেক্নোলোজী তীমশিংনা মফম অসিদা লাক্তুনা য়েংবীয়ু। অমুক হন্না ময়ামদা ঐহাক্না য়াইফ-মঙ্গোল পীজরি।
থাগৎচরি।
