দ্বারকা এক্সপ্রেসৱেগী কিমি ৯ শাংবা হরিয়ানা সেক্সন শঙ্গাখ্রে
“২০২৪গী থা অহুম য়ৌদ্রিঙৈদা, মীয়ামগীদমক লুপা করোর লাখ ১০ হেনবগী প্রোজেকশিং মীয়ামদা কৎথোকখ্রে নত্ত্রগা উরেপ-উয়ুং তমখ্রে”“অৱাবশিং খুদোংচাবশিংদা ওন্থোকপা অসি মোদীগী গরেন্তিনি”“২১শুবা চহিচাগী ভারত অসি অচৌবা মঙলান অমসুং অচৌবা পান্দমশিংগী ভারতনি”“হান্নদি, থবক খুদিংমক থেংথখি, হৌজিক থবক লোইশিল্লে। মমাঙদা, থবক থেংথখি, হৌজিক চাউখৎপা লৈরে”ভারত মাতা কি জয় !
ভারত মাতা কি জয় !
ভারত মাতা কি জয় !
হরিয়ানাগী চীফ মিনিস্তর শ্রী বন্দারু দাত্তাত্রেয়া, হরিয়ানাগী চীফ মিনিস্তর শ্রী মনোহর লাল, কেন্দ্রগী মন্ত্রীমন্দলগী ঐগী মরুপশিং
য়ুনিয়ন মিনিস্তরশিং শ্রী নিতিন গাদকারি, শ্রী রাও ইন্দ্রজিৎ, শ্রী কৃষ্ণন পাল গুরজার জি, হরিয়ানাগী দিপুতি চীফ মিনিস্তর শ্রী দুসায়ান্ত চৌতালা জি, বি.জে.পি স্তেৎ প্রসিদেন্ত অমসুং সংসদতা ঐগী মরুপ কমরেদ নাইব সিংহ সাইনি জি, অতোপ্পা শক্নাইরবশিং অমসুং ঐগী নুংশিরবা ইনাওশিং অমসুং ইচলশিং।
ঐগী মাঙদা লৈরিবা স্কৃন অসিদা উরে, তেক্নোলোজিগী খুৎথাংদা লৈবাক অসিগী মফম কয়াগী মীওই মিল্লিয়ন কয়া ঐখোয়গী থৌরম অসি শরুক য়াবা উরে। মতম অমদা দিল্লিদা অসিগুম্বা থৌরমশিং পাংথোকপগী চৎনবী লৈরমখি। অদুবু হৌজিক লৈবাক অসিগী অতোপ্পা মফমশিংদা অচৌবা থৌরমশিং পাংথোকপগী অহোংবা লৈরে। ঙসি লৈবাক অসিনা অনৌবা লম্বী-থোং শেমগৎনবা অতোপ্পা অচৌবা অমসুং মরুওইবা খোঙথাং অমা থাংজিল্লে। দ্বারকা এক্সপ্রেসৱেগী হরিয়ানা সেক্সন মীয়ামদা কৎথোকপদা হরাওই। মসিনা মতম চুপ্পদা হরিয়ানা অমসুং দিল্লিগী মরক্তা চৎথোক-চৎশিনদা অহোংবা লৈরগনি। গারিশিং খক্তগী গিয়ার হোংবা খক নত্তনা লমদম অসিগী মীয়ামগী পুন্সিশু হোংলগনি। মসিগী অনৌবা এক্সপ্রেসৱে অইগীদমক দিল্লি-এন.সি.আর অমসুং হরিয়ানাগী মীয়ামদা ঐনা য়াইফ-পাউজেল পীজরি।
মরুপশিং,
মমাংগী সরকারশিংনা অপীকপা প্লান শেমখি, অপীকপা থৌরম পাংথোকখি অমসুং মদু চহি ৫ থমখি। প্রোজেকশিং পায়খৎপগী খোঙজেল হোংলে। ২০২৪গী থা অহুম য়ৌদ্রিঙৈদা, মীয়ামগীদমক লুপা করোর লাখ ১০ হেনবগী প্রোজেকশিং মীয়ামদা কৎথোকখ্রে নত্ত্রগা উরেপ-উয়ুং তমখ্রে। ঙসি লুপা করোর লাখ ১ হেনবগী প্রোজেক ১০০ হেনবা অসিদা কর্নাতকা, কেরলা, অন্ধ্র প্রদেস, উত্তর প্রদেস, হরিয়ানা, নোংচুপ বেঙ্গল, বিহার, মহারাস্ত্রা, পঞ্জাব অমসুং রাজস্থানগী চাউখৎ-থৌরাংগী প্রোজেকশিং য়াওরি। ঙসিগী প্রোজেকশিংগী মনুংদা কিমি ৫৪০গী অমৃতসর ভান্তিন্দা জামনগর কোরিদোর অমসুং বেঙ্গালুরু রিং রোদ শেমগৎপা য়াওরি।
মরুপশিং,
উদোগকী ইনফ্রাস্ত্রকচর চাউখৎলকপদগী অৱাবশিং খুদোংচাবশিংদা ওন্থোক্লে। শিংনবশিং খুদোংচাবশিংদা ওন্থোকপা অসি মোদীগী গরেন্তিনি। শিংনবশিং খুদোংচাবশিংদা ওন্থোকপা ঐখোয়গী সরকারগী থবক অসি দ্বারকা এক্সপ্রেৱেনা খুদম অমনি। হৌজিক এক্সপ্রেৱে শেমগৎলিবা মফমশিং অসি খুদোংথিনিঙাই ওই হায়না মমাঙদা খন্নরমখি অমসুং মীয়াম মসি নুমিৎ হেক তাবগা শীজিন্নখিদে। অদুবু ঙসিদি, মসি হৌজিক অচৌবা কোর্পোরেসনশিংগী মফম অমা ওইরে, নেসনেল কেপিতেল রিজন(এন সি আর) য়াংনা চাউখৎপদা মতেং পাংলে। মসিনা এন.সি.আর লমদমদা শেন-থুমগী থবকশিং চাউখৎহনগনি।
মরুপশিং,
দ্বারকা এক্সপ্রেৱে অসি দিল্লিদা ইন্দিরা গান্ধী ইন্তরনেসনেল এয়রপোর্তকা শম্নদুনা য়াম্না মরুওইবা লম্বী অমা ওইরি। অসিগুম্বা ইনফ্রাস্ত্রকচর প্রোজেকশিংনা লম্বী-থোং ফগৎহন্দুনা এন.সি.আর লমদমদা শেন-থুম তানবগী থবকশিং চাউখৎহনগনি। ইনফ্রাস্ত্রকচর প্রোজেকশিং মতম চানা লোইশিনবগীদমক হরিয়ানা সরকার অমসুং মরুওইনা চীফ মিনিস্তর মনোহর লাল খাত্তর থাগৎপা ফোঙদোকচরি। বিকসিত হরিয়ানা অমসুং বিকসিত ভারতকীদমক য়াম্না মরুওইরিবা রাজ্য অসিগী ইনফ্রাস্ত্রকচর মতমগা চুন্না শেমগৎপগীদমক মখোয়গী কৎথোকপগীদমক থাগৎপা ফোঙদোকচরি।
মরুপশিং,
২১শুবা চহিচাগী ভারত অসি অচৌবা মঙলান অমসুং অচৌবা পান্দমশিংগী ভারতনি। মসি অচৌবা পান্দমশিংগী ভারত অমনি। ঙসিগী ভারতনা চাউখৎপগী খোঙজেলদা শন্তাইনবা তৌরোই। মীয়াম ঐ নিংথিনা খঙলে। ঐনা অপীকপা মঙ মঙলম্লোই হায়বা অদোম খঙলে নত্ত্রগা ঐনা অপীকপা ৱারেপশিং লৌরম্লোই হায়বা খঙলে। ঐনা তৌবা থবক খুদিংমক, ঐনা অচৌবা থবক পাংথোকপা পাম্মী। ঐনা মসি য়াংনা পাংথোকপা পাম্মী। ঐনা ভারত অসি ২০৪৭দা চাউখৎলবা লৈবাক অমা ওইবা উবা পাম্মী। অদোমগী অঙাংশিংগীদমক অদোম থবক কন্নবা শুগদবনি।
মরুপশিং,
দিল্লি-এন.সি.আর লমদমদা মহাক্কী সরকারনা ইনফ্রাস্ত্রকচর চাউখৎনবা থবক পায়খৎলি। দ্বারকা এক্সপ্রেৱে, পেরিফেরেল এক্সপ্রেৱে অমসুং দিল্লি-মিরুত এক্সপ্রেসৱে মতম চানা লোইশিল্লে। হায়রিবা প্রোজেকশিং অসিগা লোয়ননা, মেত্রো লাইনশিং শাংদোকহন্দুনা অমসুং ইন্তরনেসনেল এয়রপোর্তশিং শাদুনা লমদম অসিদা মী চিনবা অমসুং পোল্লুসন হন্থহন্নবা থবক পায়খৎলি। ২১শুবা চহিচাগী ভারত অসি অচৌবা মঙলান অমসুং অচৌবা পান্দমশিংগী ভারতনি।
মরুপশিং,
ইনফ্রাস্ত্রকচর চাউখৎহনবা অমসুং লায়রবা কোকহনবগা মরী লৈনরি অমসুং খুঙ্গংগী লমশিংদা লম্বীশিং ফগৎহনবা অমসুং দিজিতেলগী খুদোংচাবশিং ফংহনবনা খুঞ্জাশিংদা অনৌবা খুদোংচাবা কয়া ফংহল্লি। দিজিতেল ইনফ্রাস্ত্রকচরশিংনা মরম ওইদুনা ভারতকী খুঙ্গংদা অনৌবা খুদোংচাবশিং ফংবা হেনগৎহল্লে অমসুং হকশেল অমসুং লাইরিক-লাইশুগুম্বা তঙাইফদবা থবকশিং ফংহল্লে। অসিগুম্বা থবকশিংনা হৌখিবা চহি ১০দা ভারতমচা করোর ২৫ লায়রবা কোকহনবদা মতেং পাংলে অমসুং ভারত মালেমদা ৫শুবা খ্বাইদগী চাউবা ইকোনোমি ওইরে। লৈবাক অসিদা য়াংনা ইনফ্রাস্ত্রকচর শেমগৎলকপা অসিনা ভারত মালেমদা ৩শুবা খ্বাইদগী চাউবা ইকোনোমি ওইহল্লগনি। ভারত শীনবা থুংনা ইনফ্রাস্ত্রকচর চাউখৎহনবা য়াংখৎহন্নবা সরকারনা থবক পায়খৎলে। অসিগুম্বা থবকশিংনা লৈবাক্কী শেন্মিৎলোন মপাঙ্গল কনখৎহনবতা নত্তনা নহারোলশিংগীদমক মশিং য়াম্লবা খুদোংচাবশিং শেমগৎকনি।
মরুপশিং,
মতম শাংনা পন্দুনা লাক্লবা প্রোজেক কয়া হৌজিক পাল্লিবা সরকার অসিনা লোইশিল্লে, লোইশিল্লবা প্রোজেকশিংগী মনুংদা ইস্তর্ন পেরিফেরেল এক্সপ্রেসৱে(২০০৮তা লাউথোকখিবা, ২০১৮দা লোইশিনবা) য়াওরি। দ্বারকা এক্সপ্রেসৱে চহি ২০ পন্দুনা লাকখি। ঙসি, ঐখোয়গী সরকারনা উরেপ-উয়ুং তমখিবা থবক খুদিংমক, মসি মতম চানা লোইশিল্লে। ঐখোয় মীখল লৈবা নত্ত্রগা লৈতদবা য়েংদে। খুঙ্গংশিংদা কিমি লাখ কয়াগী ওপ্তিক ফাইবরশিং তিংলে, অপীকপা সহরশিংদা এয়রপোর্তশিং শেমগৎলে, মীখলগী মতম য়েংদনা লম্বীগী প্রোজেকশিং লোইশিল্লে।
মরুপশিং,
হান্নদি, থবক খুদিংমক থেংথখি, হৌজিক থবক লোইশিল্লে। মমাঙদা, থবক থেংথখি, হৌজিক চাউখৎপা লৈরে। কিমি লিশিং ৯গী হায় স্পিৎ কোরিদোর শেমগৎনবা পান্দম থম্বদা হৌজিক কিমি লিশিং ৪ শেমগৎপা লোইরে। ২০১৪দা সহর ৫ দা মেত্রো লৈরম্বদগী হৌজিক সহর ২১দা মেত্রো য়ৌরে। চাউখৎপগী পান্দমগা লোয়ননা থবক অসি পায়খৎপনি। হায়রিবা থবকশিং অসি পুকচেল শেংলবা মতমদা পাংথোকই। মথং চহি ৫দা চাউখৎপগী খোঙজেল শরুক কয়া য়াংখৎলগনি। মসি মোদীগী গরেন্তিনি।
মরুপশিং,
মসিগী চাউখৎ-থৌরাংগী প্রোজেকশিং অসিগীদমক ঐনা অদোম হরাওবা ফোঙদোকচরি। অদোমগী, ঐগী মঙলান্দি ২০৪৭ ফাওবগী মনুংদা ঐখোয়গী লৈবাক অসি চাউখৎলবা লৈবাক অমা ওইহনবনি। অদোম য়ারে… লৈবাক অসি চাউখৎহনগদবনি… মসি ওইথোক্কদরা নত্ত্রগা ওইথোক্লোইদরা? ঐখোয়গী হরিয়ানা চাউখৎকদরা? ঐখোয়গী গুরুগ্রাম চাউখৎহনগদবনি। ঐখোয়গী মনেশার চাউখৎহনগদবনি। ভারতকী কাচিন-কোয়া খুদিংমক চাউখৎহনগদবনি। ভারতকী খুঙ্গং খুদিংমক চাউখৎহনগদবনি। মরম অদুনা চাউখৎপগী প্রোজেকশিংগী হরাওবা ফোঙদোকপা ওইনা, অদোমগী মোবাইল ফোনশিং লৌথোক্লো, অদোমগী মোবাইল ফোনশিংগী ফ্লাসলাইতশিং থারো অমসুং চাউখৎপগী কুহ্মৈ অসিদা অদোম নশামক বার্ত্তন তৌরো। মোবাইল ফোনশিং পায়বা মীওই কয়া লৈরে, ফম্বাক্তা ফাওবা লৈরে… মোবাইল ফোন পায়বা মীওই খুদিংমক মখোয়গী মোবাইল ফোন্দা ফ্লাস ঙানহলগদবনি। মসি চাউখৎ-থৌরাংগী কুহ্মৈ অমনি, মসি চাউখৎপগী ৱারেপ অমনি। অদোমগী তুংগী মীরোলশিংগীদমক য়াইফনবা থবক কন্নবা শুনবা ৱারেপ অমনি, অদোমগী থম্মোয়গা লোয়ননা থবক কন্না শুনবা ৱারেপ অমনি। ঐগা লোয়ননা হায়মিন্নসি-
ভারত মাতা কি জয় !
ভারত মাতা কি জয় !
ভারত মাতা কি জয় !
অদোম থাগৎচরি !
